貓喵堡 (已搬遷) 新店位置

全間cafe都好有愛，仲可以收養貓貓。就算齋泥食野，都可以同貓貓玩~~6點去到， 幾隻貓貓都訓緊覺，真係好可愛，等到差唔多6:30,佢地都陸續訓醒，3隻得3個月大嘅Do Re Mi好活躍，四圍走又唔怕生保，超得意！其他就比較shyshy, 怕人，但我相信終有一日佢地會俾愛心溶化~~野食方面，全部野都係即叫即整，質素都唔錯，鹽酥雞有驚喜，蟹捧芝士玉子燒都真係自己整，yummy yummy~仲有個慢煮牛，都feel到好有心機整！！下次都要再泥同貓貓玩

某一晚，突然心血來潮想去貓Cafe，臨時預約了新開不久的「貓喵堡」。「貓喵堡」的感覺和其他去過的貓cafe不太一樣，沒那麼商業化之餘，能感受到是真的愛貓之人開設的餐廳，特別有位姨姨會簡單介紹貓咪的名字，又會推介下店裡有什麼好食，非常友善！除此之外，雖然是貓Cafe，但貓咪的生活空間也很足夠，基本上整層也是「貓喵堡」的店鋪，店內只有不到二十個座位，變相貓咪和人的活動空間也比較多，店內沒有異味，非常乾淨整潔，客人亦需要脱鞋才能進場。因為店裡都是年紀很小的貓咪，所以非常活潑好動，店裡有幾根逗貓棒可以和它們互動，但似乎對它們來說，和同伴玩耍比起無聊的人類有趣多了。食物方面，餐牌以飲料和小食為主，選擇了姨姨推介的蘑菇醬雞柳意粉$78，加一杯凍抹茶鮮奶$41（免加一）。蘑菇雞肉意粉是想像中的味道，蘑菇醬濃稠，味道偏鹹，雞肉入味，整體味道可圈可點，下次應該會試別的餐點。抹茶鮮奶味道有驚喜，飲料更用上了環保的紙飲管，值得一讚。來「貓喵堡」就有一種，去朋友家吃飯順便擼貓的感覺，很舒服，下次會約朋友一起再來。

尖沙咀人多車多全部都係大型商場🌝行到累既時候好想搵個地方坐下relax下.今日係寶勒巷度發現左一間上樓既貓cafe🐈《貓喵堡 Meowcastle》入到去環境好舒服周圍都擺放左好多關於貓的裝飾❤️自己本身養左6隻貓身為貓奴既我立刻心心眼影係我坐低既隔離已經有隻好細粒既貓bb訓緊覺😴而另外兩張檯既客人都同其他貓bb玩緊😸呢度同其他貓cafe唔同既地方係唔會全部都係名種貓反而好多都係待領養貓貓🐈了解之下原來呢間cafe店主同果園社企合作支持領養不購買！希望可以盡能力幫助流浪貓/貓bb找個家🏠原來之前已經有好好心既客人黎到cafe之後一次過收養左貓bb三兄弟❤️咁cafe又可以再帶其他需要尋家既貓貓番黎喇👍🏻.除左係一間咁有意義的店之外食物同飲品都好有質素😋今次試左Earl Grey Tea同纖體茶☕️好香又好飲👍🏻小食就點左蝦多士同慢煮牛蝦多士🦐係一隻原隻大蝦多士即整又熱又脆而慢煮牛牛肉又嫩又有牛味以價錢同食物質素黎睇非常之值得去試下嫁😎.店員都好好禮貌又有愛心好快就過左一個好開心既下午希望多d人可以去支持這些良心小店❤️#支持領養不購買

第一次寫食評不得不推薦呢間貓cafe比大家cafe應該係由兩夫婦經營嘅樓上鋪，地方寬敞，坐得好舒服（可以透過wts咗個booking先老闆娘好細心熱情，見到我著短裙就即刻比張毛毯我cum住對腳，費事我比貓貓嘅爪整傷，亦都好詳細咁同我介紹d貓貓大部分嘅貓貓都係領養返黎嘅，見到中意好似可以領養翻屋企（有一隻係寄養係度嘅貓貓），全部幾個月大，超級活潑，亦都好癡人老闆負責煮野食，每個禮拜嘅lunch menu都唔同，可以係佢嘅fb到睇到。我今次食三文魚茶漬飯，飲纖體茶。三文魚茶漬飯分量睇攞唔多，但其實都好足料，食到好飽。纖體茶飲落好清新。整體黎講食物同嘅分量都幾多下，睇得出老闆好用心去煮，同埋老闆比我試咗個慢煮豬扒配蘋果醬，真心推薦，唔柴亦唔肥膩，如果我唔係飽咗真係想叫一份黎食可能係平日嘅關係，所以唔多人，可以慢慢坐，老闆娘都有話如果唔多人，基本係唔會限你坐幾耐（多人就1.5-2hr），所以得閒可以約下班friend一齊去坐下食下野。小店一間，多多支持下，都當係幫下d貓貓搵個屋企啦

首先要讚嘅係店主同果園社企合作，支持領養不購買，店內嘅貓都唔係咩名種貓，但就全都係待領養貓貓，咁有良心已經好值得支持啦～好開心但又好失落三隻貓bb福祿壽已被領養無得再見到佢地啦～但之後有三隻do re me加入，又引我去啦～另外不得不讚係服務態度及食物水準，有禮到我以為去咗日本，昨日著短褲去，店主媽媽仲馬上攞毛毯俾我，驚我受傷，鍾意貓嘅，我先唔驚呀，所以無用。其實去過唔少貓cafe，好多出名嘅都只不過係店內多靚貓，主打係啲貓，啲嘢食真係好一般，入口ok就算，但哩間去過兩次，兩次都好有水準，唔係去玩貓去食下好西都好呀～而且價錢算係平，以嗰啲食材同份量，地鋪貴一倍都唔奇。以下會放晒兩次去食嘢嘅相出嚟

地方清潔整齊,有足夠貓貓活動的空間. 店主親切有禮. 飲品選擇多,有果粒茶, soda,咖啡. 小食種類很也多,如小丸子,雞翼,多士,紫薯仔,日式蛋卷.....但主食的意粉/飯就比較少選擇. 總括,很適合愛貓之人去同🐱🐈玩及hea下的好地方.

環境舒適, 有可愛貓貓做伴陪你玩, 食物用心制作, 老闆娘會陸續增加不同期間限定的菜式。服務殷勤, 老闆娘會介紹店舖內的貓喵名字, 貓喵活潑可愛, 就算一個人坐着享受也不覺悶, 貓喵們會來跟你玩及要求抱抱。

昨天約了朋友在尖沙咀食晚飯。去到附近時早咗少少，就四處走走，消磨時間。在寶勒巷看到一張宣傳單張，介紹一間貓咪茶室。好奇之下，又有少許時間，就走去看看。茶室在大廈七樓，有獨立升降機直達。推門進去，見到裝修很清雅。還有兩隻小貓在玩耍。餐單內有花果茶，咖啡和其他多種飲品。也有少吃，意粉和飯等等。因為要去吃晚飯，所以只叫了一杯水果茶。覺得果香都很濃郁。與員工閒談時，知道可以帶自己的貓咪來、與其他人客交流。今次沒有機會試這裏的食物。下次可以午飯時間來品嚐一下。