貓啡 (已搬遷) 新店位置

第一次上黎， 唔知要book。 但係ig make booking 即場walk in 都好容易。 Reception 姐姐好nice 咁warm up 啲小貓咪。 食物， 好食同埋都幾大份。 價錢係有小小貴，但想到部分收入都用係貓咪度， 愛貓之人會覺得超值。 地方夠大同埋企理。 貓咪都好舒服咁 休息嘅休息， 玩嘅都好活躍。 可借貓棒玩吓小貓咪。 有隻貓咪仲主動坐係我男友大脾瞓覺覺豬。（後尾先知可買貓條， 下次必買） 男友同我都玩得 同食得好開心。 平日晚餐去食，沒催人走。 Reception 姐姐 都好錫啲貓咪， 有時唔忙都 warm up 吓啲貓， 餵食照顧。

網上寫既價錢同去到唔同唔知係有訂位先有discount一場去到唔通走咩，貴小小都入去網上寫非繁忙任玩由坐低既時候得一兩個唔太旺點知到走都仲係一兩個人但員工非常準時地一夠90分鐘就趕我地走但網上預約寫明唔非繁忙係任坐無時限的唔知又係咪無預約又無啦谷氣，玩得唔愉快唔知自己玩左d乜一陣風又話夠鐘真係寧願去逐個鐘計個d cafe都仲抵過佢低消想去幫襯一定要問洗楚先，費時玩得掃興環境唔係特別好勁野食叫可以，但d貓會走黎想食

🐱貓貓主子CAFE🐱依間貓cafe簡直係貓奴天堂，入到cafe已經覺得環境好舒適，地方明亮同整潔，枱櫈唔會有明顯貓毛，同埋成間cafe都無異味。cafe 內可揀坐枱櫈或者直接坐地下，坐地下就可以同d貓貓有更多接觸，另外仲有張千秋櫈，但已經俾主們佔據左。場內大約有20隻貓貓，有唐貓，布偶，英短，隻隻都好得意。😂😂 有最低消費$138 明太子蟹肉闊條麵$128忌廉味，意粉汁同闊條麵既味道都唔錯巴馬火腿辣茄闊條麵$118闊條麵配左少少Tabasco 辣辣地幾開胃巨峰提子梳打$58泡沫咖啡$58

店員只係知道要吹客人交枱但叫左野食又好耐先出咁樣叫D客食完好走啦的態度第一次係香港遇到 沒想到小cafe 小本生意都可以咁既services 其實當日吾多人 所以都唔係好明店員服務態度好差差過澳牛 出餐出得好慢.... 等到人都痴線最衰係you set the time limit but not including our waiting time for ur kitchen at least finish one dish 🙃Around $120 for one main dish 但哀過叮叮....真心不愉快同希望大家唔使幫襯佢哋 🙏🏻如果老闆你係用心做生意就炒咗你D staff 先

第一次去貓cafe 位置方便，環境舒適地方整潔 。星期日每人最低消費$138食物選擇不多 有意粉、薯角 、炸物、 雞翼 飲品、甜品等等 Carbonara 及黑松露意粉，味道唔錯巴馬火腿茄汁意粉就咸左d炸物正正常常 大人小朋友都啱食入面有大約十幾隻貓小朋友與貓貓玩得好開心還可以買小食餵貓貓 有罐頭及零食職員態度友善， 會教點同貓貓玩本身限時90分鐘但星期日夜晚人流不多所以我地坐左接近3個小時可以同貓貓瘋狂打卡值得再光顧的cafe

喺旺角行街行到攰，又諗唔到有咩節目，結果就嚟到呢度。本身期望唔高，結果喜出望外。與其講係食評，不如講係一樣活動。因為嚟嘅人都志不在食嘢。不過公道啲講，啲嘢食一啲都唔差，係細份咗少少。兩個人，叫咗兩份pasta同兩杯飲品，pasta分別係卡邦尼意粉同明太子意粉。最後同啲貓貓玩咗兩個鐘左右。正！貓貓方面，眼見大約15隻。當中有兩隻貓仔最為得意，任玩唔嬲。同佢哋玩成兩個鐘都未放曬佢哋啲電。貓奴絕對可以來。

cat jungle 既分店 💕佔地1600呎好鐘意佢採光度咁高環境整潔不知不覺坐左3個鐘😹十分推介🥰意粉都唔錯💕每人最低消費$100我係大概12點嘅時候就到餐廳未開始多人1點之後就人比較多大家注意喔❤️

一行五人，有大人有小孩，慶祝考完試，去玩貓貓活動。店裏有許多貓貓，裝修亦10分雅致，只可惜部份位置需要坐地下食飯，有點不方便。食物質素算是不錯，價錢亦可以接受。除了有得玩貓貓係呀咩外，部份貓貓可供收養。

來貓貓cafe 當然是為了玩貓，當然貓貓要多，而且食物又不能太差才吸引，貓啡就做到兩樣都不錯。不過來貓cafe都不會預期食物質素很好。卡邦尼溫泉蛋意粉/意粉軟硬適中，蛋做到流心，滲入意粉一齊食特別滋味。食到中段開始有點咸。抹茶牛奶（熱）：剩係賣相已經很可愛，灑上抹茶粉造成貓爪形狀；泡沫豐富幼細，抹茶味濃郁而不會苦。貓貓😍:種類多，貓貓可以自由活動，到處走。Cafe 有提供貓玩具給客人撩貓😙，另外有貓零食可以買來餵貓貓。

提前book咗坐榻榻米，結果準時入去但冇晒位，店員帶咗我哋坐一般枱，好彩我哋堅持，等咗陣都有得坐返榻榻米。開頭好多貓貓都瞓緊，後尾多咗啲貓走嚟走去，要摸到貓都唔難嘅。網上講到間店好大咁，實際佢放多啲人入嚟，加埋啲貓都唔係好寬落。仲有好多人帶埋小朋友嚟，啲小朋友一度多過清醒嘅貓，見住佢哋跑嚟跑去追貓，仲拎住逗貓棒督啲貓籠，真係心都離一離。明太子蟹肉闊條麵 🌟3.5/5啲醬係夠的，甚至太多蓋過啲意粉（因為真係冇乜意粉），食完會覺得膩，但唔飽脆薯角 $58 & 泰式炸蝦餅 $68 🌟4/5炸嘢就正常，冇咩好講菠蘿冰沙 $58 & 巨峰提子冰沙 $58 🌟2/5飲料就都係果精味，冰沙超大粒，要等佢溶咗先飲到可能覺得大家上嚟都係撚貓，唔旨在食嘢，所以食物分量都幾少，質素好一般。總括嚟講今次體驗麻麻，應該唔會再嚟。

知道最近開左好多貓cafe, 開心星期五就同朋友揀左呢間新開既cafe 主食既選擇唔算多, 價錢就相約一般cafe既價錢温泉蛋卡邦尼扁意粉@$108泥既時賣相幾好, 但味道就一般, 比明太子麵淡好多本身以為温泉旦撈埋d麵會融合d, 但味道係越溝越淡(*´ー｀*) 不過麵都幾有口感, 同埋都好多碎菇做伴菜明太子蟹肉闊條麵@128相比卡邦尼扁意粉, 明太子闊條麵比較有味道, 平時食既明太子野食好鹹, 但呢個食落口味道岩岩好(*´ω`*)~份量唔算多一個人算係岩岩好~ 闊條麵幾彈牙, 加埋蟹肉絲同四季豆帶出左唔同口感(*´ω`*)店既貓都算多, 不過就唔算親人, 好多都係bb貓, 而cafe 都幾乾淨(๑╹ω╹๑ )而且店舖無入場費, 係直接count 落用餐錢無太大限時, 所以算抵食~

可愛小貓們任摸人均消費$100個人覺得好合理出面閒閒地食個意粉都要呢度仲要有貓玩環境舒適無限時唔錯蟹肉意粉好好食仲有2隻小貓腳仔圖案既明太子汁黑松露帶子意粉唔少菇帶子，松露味適中多汁蕃茄意粉瓜菜為主茄味濃所有意粉係偏硬如要淋請先揚聲

沒有性價比可言，食物同服務質素欠佳，大部份主子身形瘦削，骨瘦如柴，無精打采，疲態盡現，意粉和暖🥺上食物無餐具，有餐具無碟，下單4份意粉加小食，來3個意粉食完後，職員就問你叫咗幾多個意粉，表示4個。及後再追餘下一個意粉，另一名職員態度冷淡，表示食材要處理，要時間😤，最終一個所謂虎蝦意粉，其實係一個平平無奇的中蝦意粉😒。但收費與質素卻差天共地，如其他同類型餐廳相比，不論環境，服務，食物，主子可愛度，沒有一項可令再次光顧☹️

記得著襪 記得著襪 記得著襪一早提左朋友著襪先 都係穿了涼鞋冇著襪不過呢間貓Cafe 冇規定要著可以赤腳 又可以即場付$6/一對襪最低消費 閒日$100/人 假日$120/人嗌了温泉蛋卡邦尼扁意粉 $108味道不錯明太子蟹肉闊條麵 $128味道一流 略嫌份量小飲品叫了士多啤梨藍莓梳打比較普通呢度的貓貓周圍走 對比之前去過另一間貓cafe 呢度可以更近距離接觸因為有全草地坐上網預訂可以有千秋位/草地榻榻米好多貓貓會爬上大脾坐又唔怕人 任摸唔嬲值得推介

本身係IG follow 開佢地「貓島」個間户外貓Cafe，見佢地開左間新既就去試下。個日去閒日黎，冇咩人就只係同朋友叫左個三文魚加2杯野飲，因為佢地呢到好似係不限時就坐左好耐，吸貓🐱吸到夠曬先捨得走😂。個日飲左凍朱古力同熱嘅latte，味道正常。個三文魚有小小over cook左，不過個日本南瓜真心好食😋。食物野飲質素正常，不過醉翁之意不在酒，都係玩貓先係重點。呢到對成日去貓cafe既我地真心幾抵，有埋野食野飲埋單先300蚊左右，仲要冇限時。 Btw,個日去仲見到有5隻新既貓BB,佢地話係待領養貓貓黎😍 如果日後有機會領養就好👶🏻