豬朋雞友 (已結業)

又係我的外賣時候，今次有營養又高質， 而價錢十分平靚正之選！這間小店名字十分之可愛，叫「豬朋雞友」， 以外賣🥡為主，用心煮而且健康又足料！我自己特別喜歡其中之一有厚切豬扒算和雞扒餐，再配喜歡的醬料，我自己大愛黑菌蘑菇醬，而飯還可以選椰菜花飯啊！而且天氣凍了有限定慢煮羊腩煲飯，估唔到都十分有水準，腍身又入味，好味😋我在店等外賣時仲見到，現時佢地做緊到會，啱晒公司訂啦！豬朋雞友尖沙咀柯士甸路15A號柯士甸大廈地下B號舖

早兩日公司叫嘢食，經朋友介紹嗌咗豬朋雞友，食物份量好足夠，同埋送上嚟嘅時候依然非常熱，最驚喜的是所有食物不會太鹹而且有足夠的蔬菜，啱晒我剩返重視健康嘅同事！有幾樣食物特別想點名讚下。蒜片炒意粉 - 唔會太鹹，配合埋其他肉一齊食味道剛好。泡菜腩片 - 腩片嘅口感剛剛適中，彈牙又唔會覺得好肥膩。蘑菇醬薯蓉 - 一般薯蓉都會覺得好乾身，佢加埋個蘑菇醬味道出奇的配搭。板燒雞扒 - 佢唔係油炸嘅，食落去唔會覺得好肥膩。想選擇健康嘅外賣到會一定要選擇豬朋雞油，食完唔會口乾喉嚨痛，下次一定會再幫襯！

經朋友介紹叫訂咗「豬朋雞友」聖誕到會套餐A，是全個menu 最齊全嘅十四度菜， 為咗搭謝一班同事冇所謂啦！大家23號中午就係office內聚餐，結果喜出望外，個個食到舐舐脷，14個大人完全版飽到盡仲有剩！ 真係食過有史以來性價比最高嘅到會！1. 美式燒排骨 2條(12支骨)2. 德國🇩🇪脆鹹豬手 2隻數3. 雞朋豬友聖誕樹🎄配芝士醬 1盤(炸雞球，吉列豬扒)4. 日式燒汁雞搥 1盤約30隻5. 原隻田園燒雞 1隻2至3斤6. 派對春卷、咖喱角 1盤7. 煙肉碎香煎原隻薯餅 1盤8. 英式薯蓉 1盤9. 拔絲蕃薯🍠角 1盤10. 芝士蕃茄湯 11. 香甜南瓜湯。12人份量 12. 蘋果羽衣甘藍麻將沙律 1盤 13. 日式柚子汁甘荀蓉雜菜沙律 1盤14. 水果拼盤 1盤特別推薦燒肋排、德國豬手同田園燒雞。果然係豬朋雞友，整豬同雞菜色嘅專家。有機會一定會再叫到會！

今日遲左收工，但都想食餐好嘅，剛巧經過一間名為「豬朋雞友」嘅外賣專門店，當然要入內查看一下。店中有不少精選：雞汁雞丼、炆豬軟骨等…還有天使魔鬼套餐，自由任選1+2+3+4。日式炆豬軟骨飯豬軟骨炆至透明膠質狀，見到軟骨煮至軟腍鬆口，入口即化，輕輕一咬就好易開，而且更是非常入味，送飯一流。蒜香雞柳意粉看到份量超多，滿滿的雞柳蓋滿在意粉，一拉起意粉，即時聞到香噴噴的蒜香味，配上啖啖雞柳，倍感幸福飽滿。南瓜湯南瓜湯味道鮮甜，口感絲滑，重點是：買套餐只需+$2，便可嚐到這熱燙燙的南瓜湯。

天使魔鬼任選套餐分開4部分，由醬汁、主食、飯/意粉/薯蓉，到湯/飲品都由自己話事，按個人喜好隨意配搭。所有餸菜係即叫即整，絕對唔係整定晒喺度，就咁𢳂落去個盒度，誠意十足，值得一讚！寸厚-露絲瑪莉牛油檸檬雞扒 + 意式茄醬 + 蒜片香草意粉雞扒份量十足，厚身又嫩滑，茄醬酸酸甜甜，好開胃。意粉蒜香十足，入味又唔會好油。慢煮-百里香豬扒 + 黑菌蘑菇醬 + 英式薯蓉豬扒軟腍鬆化，一啲都唔嚡口。薯蓉綿密香滑又鬆軟，淋上香濃嘅黑菌蘑菇醬，夠晒滋味！+$2就有一杯湯，真係抵到爛！薑汁南瓜湯 - 先將南瓜焗完再打爛，入口薑味香濃而不辣，口感綿密順滑。

-天使魔鬼任選套餐 $58@🔸寸厚露絲瑪莉牛油檸檬雞扒🔸慢煮百里香豬扒-今日咁啱出尖沙咀做嘢，收工去買咗兩個飯返屋企食，見依間新開好似好有心機嘅外賣小店，就試試佢。套餐可以自己配搭主食、醬汁、飯麵同飲品，都只係$58，好佛心嘅價錢啊！問咗老闆介紹之後，我就揀咗厚切嘅雞扒配星洲香辣咖喱，聽佢講個咖喱醬汁超受歡迎呢！另一份就揀咗慢煮豬扒配自家熬煮嘅洋蔥大蒜汁，果然好濃好入味啊！另一樣特色就係，飯麵係有椰菜菜飯揀，啱晒想健康啲嘅朋友，我今次都揀咗椰菜花飯，一樣好飽肚呢！

同同事叫左天使魔鬼任選套餐😈最近試咗呢間新開的外賣店，豬朋雞友，主打雞扒豬扒🐷🐥套餐先選主食，然後選擇想配的醬汁，再選擇每日能量，即係白飯、蒜片香草意粉又或者有好特別嘅椰菜花飯同英式薯蓉🥔🔸露絲瑪莉牛油檸檬雞扒配黑菌蘑菇醬🍄雞扒真係好厚身，成吋厚，而且夠肉汁，唔會乾柴，好味😋另外，個蘑菇醬真材實料真係將蘑菇打爛整出黎，用黎送飯實好正！我今次試左椰菜花飯，比白飯更加健康，加入左黑椒調味，唔驚淡茂茂😛🔸蔥油雞友🐥呢個店員就建議唔使配醬汁，因為蔥油真係已經好香！呢個餐同事就揀左配蒜片香草意粉，都炒得好香好夠鑊氣！兩個餐都仲有啲配菜，炒翠玉瓜、菇同紅蘿蔔🥕好健康又夠晒飽！跟餐配左兩個例湯，係蕃茄薯仔打碎左既湯，無味精，夠晒健康😎

見啱啱開無耐，入去睇下有咩食，點知見到有薯蓉就想買黎試下，試左個豬扒磨菇汁薯蓉，薯蓉好有驚喜，有兩種口感，入面有薯仔粒同洋蔥，堅正，豬扒入味又唔鞋，賣相仲煎得幾靚仔，絕對值得再幫襯👍👍見到佢有咖啡，下次可以試下，如果有埋堂食坐位就好，但地方所限都明白嘅！買野食果時同老闆吹左陣水，好好傾，不過好似話唔會開到太夜，8點左右收舖？唔太記得係味，所以想試既要早dd去買定好d，等果時有回頭客話個意粉食過幾好味，搞到都有d心郁想買埋黎試，但一個人食唔晒咁多，下次再買！

今天訙了他們的雞扒，厚度很厚和大塊、味道也十分真的很好。意粉的煙韌度剛剛好、不會輸給高級餐廳、沒有想想到小店也做得這麼好的意大利粉！還有蘑菇汁也是真的頂呱呱。薯蓉大家一定要試，他的薯蓉做得10分好。

雞扒份量大塊鮮嫩，温度啱啱好，煎後嘅皮非常脆口，配汁選了蘑菇汁，層次豐富，配汁用料十足，薯蓉大份又有口感超美味，另外有不同顏色的蔬菜，達到平衡健康效果，非常值得推介

喜歡他的中湯，是日有兩款湯選擇，一款是椰子煲雞湯，另一款是五指毛桃豬手瘦肉湯，兩款都好好味，個椰子煲雞椰子味不是太搶，個人不喜歡太重椰子味的，也覺得佢好味恰到好處。五指毛桃豬手湯個豬手好滑，兩款湯水都睇得出用靚料，不是一般嘅搵食餐廳，大大碗足料、冇味精、好好味平時屋企都煲唔到的湯水，值得推介椰菜花飯也很出色，小見有餐廳供應這餐飯每碟餸都大大份唔會食得晒，要打包返去外賣老闆勁好人，有heart的小店，開心愉快嘅晚餐

呢間小店開張唔係好耐，因為近公司，慢慢就變左做飯堂。佢既餐牌其實好簡單，只有鷄扒同豬扒，可配搭4 款醬汁，再配飯、意粉，椰菜花飯及薯蓉。基本上4 款醬汁都好味，食得出係廚師自己調配，唔係開罐頭的，個人推介係磨菇汁。作為一個鷄精，私心推介牛油檸檬鷄扒，煎得香口又唔油至於主食，當然我都配過晒，意粉係廚師係入飯盒時先炒，唔係平時快餐頹意粉。薯蓉係超正既邪惡牛油薯蓉，我只敢跑完步先食🤪🤪 。我自己平時多數會配椰菜花飯，師傅係用黑椒炒香入飯盒，並不是就咁蒸就算。呢間係附近少有可配合我走飯習慣而又飽肚，重要好味既小店，係附近返工既朋友真係可試試

放Lunch想試下新野，就去咗間新開無耐外賣餐廳，叫咗客蘑菇雞扒飯，等候時間快，職員態度非常好，返到office食竟然有驚喜，雞扒大塊多汁，個汁係用新鮮蘑菇磨成有成意，整體非常滿意，下次會介紹同事再幫襯！

有驚喜外賣，意粉唔會發脹，又吸卡邦尼既汁，個扁扁地既意粉，質地有咬口🤤😋 佢個雞肉煮得好Juicy ，少有既高質素外賣店🍴勝價比高👍🏻 推介 😋😋😋😋

係附近落堂後見到新開咪試下，試左個咖哩雞扒飯好食，雞扒煎得岩岩好，好 Juicy。下次試埋豬扒先得配菜一滴油都無配合翻個煎扒抵讚加埋個咁特別既咖啡真係第二度都搵唔到，正