豪隍點心工房 (已搬遷) 新店位置

從未寫過食評，第一次寫就是彈，早上十時許一人去飲早茶，填好落單紙叫人下單，只有兩位服務員，一個坐收銀處，一個企近出食物處玩手機，舉手示意，完全冇反應，開始大聲叫，連續叫了幾次都冇反應，最後放棄，等了一段時間見有食客幫我叫人才過來，已令我非常反感，臨走前打算叫個點心給家人，叫了服務員，佢在遠處應我問我什麼事，完全冇打算行過來，我們二人大聲對話下單，又話叫我大聲點，最後忍不住駡她叫她行過來下單，她才叫另一人過來，這次的感受，令我不會再來，食物又不是特別標青，奉勸各位有心做好食肆負責人，食物質量和服務同樣重要

今日午餐時間同同事去左豪隍食午餐可以揀蒸飯，一係米線，仲可以跟一個點心同事都叫鳳爪排骨飯，反易我想食麵多d所以叫左排骨米線，點心就每人揀一款排骨飯因爲可能佢係蒸飯既原因，飯食落去好有口感咬口，不錯排骨米線雖然冇話好好食但都不錯始終主打點心所以點心大部分都好食，所以推薦點心唯獨有件事唔太好就係食完豪隍次次身都會好大陣油煙味

日前從同事口中得知已完成裝修工程，今日去食點心下午茶～兩點入座，唔洗等位～下午茶時間，餐紙同裝修前個張唔同咗，希望質素一樣就好～而家價錢統一$38: 可選一個主食加一個點心，另加每位茶錢$5。張餐紙內容係同午餐一樣的，但價錢平$6㗎！京式义燒包上枱時出晒煙，熱辣辣，個包軟熟，义燒餡調味適中，食完唔會覺得滯，好食喎！山竹牛肉球無諗過下午茶餐都有三粒，大大粒，又多腐竹！平時個啲得一片，要搶先有得食，哈哈～牛肉球好好食，出面好多都係粉球，呢粒咬落去好實在鳳爪排骨飯份量唔小，好多餸。但排骨就一般般，雪藏？入面粉紅色，但個質地係熟既，無咩肉味咁囉，鳳爪正常。但個飯底就唔錯喎，有咬口，軟硬適中仲有油香～上飯時跟咗碟菜甫，開胃，小酸帶微辣，有陣乳酸味上湯浸時菜食食下，老闆（應該係）走嚟問我地加唔加$1要碟菜，諗咗陣都係要咗，係好抵，只怕食唔晒，浪費食物。老闆話幾條唔係太多，但嚟到條條都好大條囉跟著平時唔食菜既同事幫手食咗一條！佢話好食！跟著我清咗碟菜～好食，煮得適中，外爽內軟，好清新～個上湯都好味，但個樣係淥菜水咁既色呢張就係推廣單張嘞～一至五日日唔同～不過唔知到幾時呢～$1真係好抵！埋單$43，飽

我只去過觀塘店，由六月初到現在已光顧了半年有多，最初很開心在觀塘區有一間高質素吃點心的店開張，開始由每天去酒樓的習慣改去豪隍，當時無論環境，服務，食物質素均屬高水平。 可惜自從12月人事大變動後，食物質素差了許多，反映過仍沒改善，可能客人多了，夠生意也不用理會客人意見，講講食物:1.食物以前熱辣辣的，現在是暖暖的，特別係义燒腸，义燒包，不够熱的感覺很不好; 2.煎鯪魚餅以前係好有質感，味道很好的，現在改了在普通酒樓常用的行貨，薄薄冇味道的，這個轉變太過分了！3.燒賣以前大大粒，現在細了一點，不過上面隻蝦細了許多，4.义燒包因唔够熱，沒有以前一口咬時多汁流出的感覺，5.墨西哥义燒包內的餡少了！很懷念12月前高質素的豪隍，但總體來說，現在的豪隍仍算中上，12月後去才開始去的客人會覺得它是在觀塘區一間很不錯的店。但希望豪隍高層想想，是否有了客人，就不用食物質素？特別是一間用點心來做招徠的食店！這些退步是你們能接受？

是日星期六 陰天蝦子餅突然又想飲茶、食包由於昨天去過屋企樓下商場嘅酒樓…要搭枱，所以放棄了 這店不是第一次來，之前也試過… 只收現金，連八達通付款也沒有，出品不過一般般吧！ 由於不想搭枱又再回到這。11:00 到達，人不算多。這兒開茶不用選，喝的不是香片、普洱、鐵觀音， 只有玄米綠茶。 有點肚餓…急急下單點了京式叉燒包、蝦餃、燒賣、牛肉、羅漢齋腸粉這兒叫點心也有好處，2個人嚟…蝦餃、燒賣 可每款 order 兩粒當我們結帳埋單時,客人已經坐得滿滿蝦餃比從前好吃…之前蝦餃皮是爽硬的，蝦肉完全零味道！ 現在改善了…蝦餃皮帶點煙韌，而蝦肉爽口帶點蝦味但又不算鮮。燒賣跟從前差不多，大大粒…咬落不鬆不實。頂上的蝦也改善了… 不會麻麻木木！叉燒包是蝦子餅最愛吃，外皮鬆鬆軟軟不黐牙，內裏餡料醬汁飽滿。牛肉挺不過不失，不會鬆泡泡又帶點彈牙。如果可以多些果皮味道更好！羅漢齋腸粉，這次吃粉皮改善了不少，從前見爽爽口的，這次吃是軟骨帶點煙韌… 雖然還是零米香！ 在這一提…這店的腸粉要趁熱吃…當點心來多兩款，選擇多，吃吃這吃吃哪…到最後一件腸粉皮確實變爽了，真離奇！服務員們其實蠻算有禮，只是有幾位員工喜歡放

大佬請飲茶 有人提議工廠區樓上舖 於是去咗豪隍 一坐低上咗壺茶類似玄米茶都幾好飲我哋4個人叫咗都幾多點心 彩色餐紙上面印住都差不多叫斉老實講 整體點心質素好難形容 我自己就覚得麻麻地蒜蓉芝士鮮蝦長春卷 香脆 爆芝  墨西哥义焼包 熱喇喇 爆醬 蝦仁燒賣 蝦冇味 肉死實實 蝦餃皇 蝦帶腥 皮又硬又厚义燒腸 皮薄 但皮居然爽口 未食過咁怪質地鳯爪 唔夠淋鮮竹卷 蒸到黃哂嘅西芹 同一般水平有距離 唐記仲好食過佢XO醬蘿蔔糕 味精唔少甜奶炸饅頭 正常 已經好好梅菜肉餅飯 豬肉實得得 食咗一半冇食潮州粉果 皮太淋 未夾已經爛哂 係亍邊食好過桂花糕 居然酸 質地似大菜糕試過一次就夠好彩有人請 專業人仕都係食番啲專業嘅嘢好啲

又一觀塘工廈好介紹！今次唔再係cafe或西式餐廳，係食傳統點心的好地方！星期日中午時間黎到，都唔使等位直入！周末想唔等位飲茶真係可以黎呢度，相信平日反而會多人。一入去個環境裝飾都好摩登，坐法亦唔係傳統酒樓圓抬，而係西化的方抬形式，有啲座位係一排bar抬。碗碟都比較西式，有少少雲石pattern。環境亦唔覺得迫，亦冇一般酒樓咁嘈。食物真係好出色，全部上抬都熱辣辣，明顯真係即叫即做，唔係預先整定。呢度唔似其他新式點心餐廳，冇gimmick冇可愛點心冇特別動物形狀，只做好最傳統的點心。馬拉糕超新鮮，熱辣辣蒸出，好鬆軟味道微甜，啱啱好！墨西哥叉燒包都好正！皮鬆脆，裡面充滿左叉燒，好多汁，仲好熱，完全冇偷工減料！個包有啲似生煎包，個底有煎過，好香好脆。腸粉都好好味，一上抬就知腸粉拉得好，薄薄一層亦有透明感，裡面好多叉燒好足料。XO醬蘿蔔糕好夠惹味，辣味夠，蝦米好香好脆，食上癮！蘿蔔糕略嫌有啲削，好易散，但食到粒粒蘿蔔，都係好足料！流沙奶皇包係從來都係我至愛，但唔係間間做得出色。呢度相信係我數一數二喜愛。裡面夠哂流沙，真係有好重好香蛋黃味，但亦有帶甜味，食到蛋黃沙，咁先係真正的流沙包嘛！小籠包相對

觀塘工業區的食肆實在太多了，而且來得快去得快，這店前身是fusion cafe，是我第一天在現在公司上班去的餐廳，今日則變了間吃點心的餐廳。不過餐廳的裝修是非常西式，而且有些向牆的高桌，一個人來吃也不會突兀。這天兩個人，吃了點心也大同小異，有新派點心但其實不難在其他地方找到的款式。不過一讚的是它價錢算是便宜，也有些蒸飯套餐（只是我們叫得太多，很飽）。味道方面我最愛的是它的蝦餃，超級大粒，但價格不貴，叫了一個點心拼盤，也比散叫抵食。另外幾樣味道也不過不失啦，而且雖是位於工廈，但內裡也乾淨企理。

見到敬業街工廈開左間新既點心鋪, 做緊食夠$40送野飲優惠即刻唔洗講野上去試左先算雖然豪隍係工廈, 但裝修得幾好, 經過廚房偷望左下算乾淨整潔即刻放心去食餐具唔係一般貨式, 有D特別, 食都食得開心D菜單睇落D野都算幾抵喎鳳爪排骨飯上台已經聞到好香, 排骨入味, 少少骨多多肉, 個飯軟硬適中, 又夠熱XO醬蘿蔔糕香煎蘿蔔糕$16, 多左XO醬要多$10, 初初覺得唔係好值, 但D碟野上左台就知係值, XO醬味好香, 少少辣令蘿蔔糕更惹味, 平時唔鐘意食蘿蔔糕既我都食左好多件鮮肉韭菜餃個皮比較厚, 而且菜比較多, 肉比較少, 個比例唔夠好, 但都接受到既荷葉珍珠雞珍珠雞都幾大隻, 有d蛋黃味都幾香, 夠飽肚總結黎講豪隍算抵食夾大件, 一定會再幫襯!!!

今時今日嘅茶樓已經靜靜地起革命等位 NOway搭枱 NOway位於工廈嘅豪隍點心工房，論裝修，服務都比一D舊式酒樓好一行4人被安排坐近廚房的4人卡位點心嘅選擇同一般酒樓差唔多，但價位比酒樓平食滿$40仲送飲品一杯 (total送左4杯)推介食物：鳳爪排骨飯香脆炸雞翼 (帶少少南乳味, 外皮夠脆, 唔錯)需要改善：茶味較淡 (得一款茶, 玄米茶)温泉蛋牛肉飯 (牛肉就係生竹牛肉果d牛肉，用碎牛應該會好食D)突然事件 食食下突然間停電, 大概3分鐘就搶修返, 應該係跳fuse