影片
更多
2021-01-27
139 浏览
呢晚放工同朋友去咗尖沙咀買嘢，之後再買嘢食返去做晚餐。由於好想食肉🍖，我好快就諗起寶勒巷轉角嘅「豪華小食」。因為之前仲有晚市堂食時，我訂枱太晏食飯，搞到自己喺飢寒交迫下要搵嘢食🙈，好順手就食咗串好正嘅豪華沙爹，從此令我念念不忘。夜晚八點幾，小店喺云云食店中最高人氣，買嘢食甚至要排隊🙀。小店面積以同業嚟講，算超大。賣嘅小食種類亦都好多，出奇地佢喺呢個地段都無吊高嚟賣，加上望入廚房算幾乾淨，食得安心。由於我哋都咁大食，所以買咗OK多嘢做晚餐，人均消費$100左右，一次過食哂咁多，好滿足😍。可能買咁多嘅關係，有位女店員(定老闆娘?)好記得我哋張單，仲叫我哋去左邊個位等。期間有機會同佢傾計，我哋先至知原來小店唔係新開，而係進行咗全新裝修，將店舖升級，由「華記」改咗名做「豪華」，但其他方面照舊。我認為可算係「舊酒新瓶」，即係指用新嘅形式展現舊嘅內容。我朋友隨即仲話，佢以前飲酒唱K經開一定買，發現新大陸🤣。沙嗲串燒方面🍢，有十四款選擇，當中有啲得呢個系列獨有。沙嗲有得揀辣度🌶，由小辣至大辣。我哋要咗小辣，但對於食開BB辣嘅我嚟講，都有啲過火🔥，因為有唔少辣椒碎。我仲留意到串燒落咗唔少黑椒去醃。題外
呢晚放工同朋友去咗尖沙咀買嘢，之後再買嘢食返去做晚餐。由於好想食肉🍖，我好快就諗起寶勒巷轉角嘅「豪華小食」。因為之前仲有晚市堂食時，我訂枱太晏食飯，搞到自己喺飢寒交迫下要搵嘢食🙈，好順手就食咗串好正嘅豪華沙爹，從此令我念念不忘。
夜晚八點幾，小店喺云云食店中最高人氣，買嘢食甚至要排隊🙀。小店面積以同業嚟講，算超大。賣嘅小食種類亦都好多，出奇地佢喺呢個地段都無吊高嚟賣，加上望入廚房算幾乾淨，食得安心。
由於我哋都咁大食，所以買咗OK多嘢做晚餐，人均消費$100左右，一次過食哂咁多，好滿足😍。可能買咁多嘅關係，有位女店員(定老闆娘?)好記得我哋張單，仲叫我哋去左邊個位等。
期間有機會同佢傾計，我哋先至知原來小店唔係新開，而係進行咗全新裝修，將店舖升級，由「華記」改咗名做「豪華」，但其他方面照舊。我認為可算係「舊酒新瓶」，即係指用新嘅形式展現舊嘅內容。我朋友隨即仲話，佢以前飲酒唱K經開一定買，發現新大陸🤣。
燒牛柳肉
$15
10 浏览
0 赞好
0 留言
．🐷燒豬梅肉($15)，豬肉夠厚切，而且邊皮帶少少肥膏燒，更為香口；．🥩燒牛柳肉($15)，牛柳燒完表面都帶有光澤，食落亦唔乾身；
．🐔燒雞柳肉($15)，雞肉燒完，難得肉質都無變柴，保持嫩滑；
．🥓燒煙肉腸($15)，組合幾夾，但如果中間嘅雞肉腸轉脆皮腸更佳。
炸黑椒牛丸
$18
4 浏览
0 赞好
0 留言
．🦑椒鹽魷魚鬚($22)，魷魚鬚有精心拮得靚靚，頭尾都係腳，略嫌個別魷魚質感有少少硬；．🐮炸黑椒牛丸($18)，牛丸有四大粒，入嘅貨係靚料，肉質彈牙，而且帶有黑椒同香花菜嘅香氣；
．🦴炸雞軟骨($12)，雞軟骨非常爽脆，又無多餘嘅肉，一串真係唔夠喉囉；
．🍗炸雞髀($25)，呢隻雞髀就唔係好稱得上係炸，所以脆皮爭啲啲，不過都幾厚肉、好味嘅。
咖哩牛脷
$18
0 浏览
0 赞好
0 留言
．👅咖哩牛脷($18)，牛脷勁正，肉質超淋，又夠厚身，配咖哩汁食不得了。我相信拎去炸就冇咁好食。．💦咖哩水魷魚($10)，水魷魚比起魷魚鬚軟身兼爽口，食落一啲都唔韌。
魚肉碗仔翅
$25
12 浏览
0 赞好
0 留言
蘿蔔牛雜($32/細碗)，我本人就唔食牛雜，但朋友就被好香嘅柱侯汁吸引住，所以追加咗一碗。🐂牛雜包括牛肚、牛膀、牛腸同牛肺，返到去打開蓋仲係好香。佢話每嚿食落都係色香味俱全，蘿蔔亦好淋、好入味。
總括嚟講，豪華嘅出品相當有質素😋，小店用心經營，客人係會感受到的。店員亦重視同客人嘅溝通，樂於接受意見。除咗上述小食外，佢仲有其他類別，包括煎釀五寶同滷味凍食；日間更加有車仔麵賣添，三餸一麵，只售$36。豪華已經成為我去尖沙咀必食嘅掃街小店，推介🌟！
张贴
