豪華咖啡茶廳

营业中

休息中

每次經過灣仔英皇，都逃不過碎牛的呼喚。豪華咖啡室的新翼乾淨舒適，氣氛較舊翼優閒。幾乎每次都會叫碎牛餐肉麵 (雙併麵$18，單併$16，試問呢個價錢邊度搵)，少有茶檔粉麵可併碎牛，份量大概一湯匙，配公仔麵最夾！最近發現公仔麵好像轉了福麵又可能偶一為之，二人都覺得份量少了不夠飽肚，於是追加一份蛋牛治烘底，都不過是$14，性價比極高！蛋牛治極足料，一看便知有誠意，蛋炒得滑，仲有蛋汁！小舖能維持沒加價而水準仍能保持，實在值得一讚！

印度之旅，一波三折。不知何故，未能於網上申請簽證。逼於無奈下，只好，請了半天假，親身去辦證。然後，獨個兒，去了附近的豪華咖啡茶餐，大吃一頓，化怨憤為食糧。好奇下，要了一客鮮央包$8元。一問，始知乃鮮牛油咖央多士也。咬一口，方包有點韌，稱不上特別香脆鬆化。多士上，塗了一層薄薄的牛鮮牛油咖央醬，咖央味道不太甜，椰香味是淡淡的。豬扒公仔麵$20，是小妹每次到訪必吃的。大件夾抵食不在話下，公仔麵煮得軟硬度適中，湯也不會太過鹹，且送上一兩條生菜。此外，小店的豬扒，醃得入味，煎得香口，入口肉質軟腍，混入店家秘製惹味微辣的黑椒醬汁同吃，味道更加不同凡響。熱檸水$14，相對而言豬扒麵而言，頗貴。

黎到港島唔一定要食貴野，港島亦有價錢大眾化美食，好似朋友所講，價錢唔代表食物味道一切，最重要廚師有一雙巧手令食物變得好食。我地懷舊一下，走入豪華咖啡茶廳飲下茶食個下午茶治。呢度三文治平絕港島，只係10至15蚊，而且烘底同普通底一樣唔需要加錢，非常實惠。我揀左最基本既烘底餐蛋治，餐肉厚度不薄不厚，亦唔油膩唔偏鹹，比平日一般食開既較岩女生口味。雞蛋亦煎得軟滑，唔會過老，薄片方包烘底後焦脆感更係香味逼人，難以捨棄。香港可以飲奶水蛋既茶餐廳已經少之有少，難得豪華咖啡茶廳依然保留呢種港式特色飲品，仲要只賣14蚊，我冇唔叫既理由😆香甜既煉奶，黃澄澄既蛋黃浮游煉奶之中，輕輕刺穿蛋黃後，不斷攪拌，奶水蛋瞬即變得更為滑順濃香。朋友叫左呢度最有名既蛋牛治，雖然方包烘得好脆，但感覺上蛋牛治比我既餐蛋治望落單薄，口感亦冇餐蛋治豐富，牛肉份量少，有啲失色。呢度既奶茶茶味馥郁，濃郁奶香，層次分明，口感柔順，深得朋友歡心。

食完Lunch後下午時份仍絲毫感受不到飽肚的感覺！路過「豪華」便入去食番個Tea...舊店同新店其實就在隔壁，不過我選了新淨企理的新店！區內餐廳來說價錢親民合理！而且送餐效率何其高，下單不消數分鐘已經送上！蛋牛治(烘底) - 方包烘得得宜，有香脆的味道！雞蛋雖不算厚身但卻有香濃蛋味，牛肉份量少，味道不過不失。 PS: {烘底不用加錢}凍奶茶 - 茶味濃郁質感細滑，喜歡這種小時的味道！

This morning, I started craving that moreish corned beef and egg toastie. The last time I had it was four...five? years ago. Hence this entry will be a bit too long as I record my entire experience. Please skip to the last 2 paragraphs for the comment on the food. **I happened to be around Wanchai in the afternoon so I did my due diligence and decided on this paritulcar "ice room". There are two identically named "ice rooms" adjacent to each other. I just picked one of them randomly and sat myse

今天到灣仔見客後，又到三點三下午茶，想買杯野飲。可是又不想飲連鎖店的咖啡。剛好遇到這家餐廳，二個店名都是同一名字呢！外表上，一個門面咁靚，一個是懷舊的白色光管。原來二家價格都是一樣！所以到了靚果間。點了熱奶茶，十四元，對熱奶茶十分期待。一杯熱奶茶來到，感到杯子很溫暖，放近鼻子，感到微微的茶香，入口味道卻有失所望。奶味雖足，但茶味很淡，不夠香醇。不能給我深刻的記憶，相信不會再有到此飲奶茶的願景了。幸好選擇在較靚的豪華消費十四元，有紙巾供應嫁。心裡都GUR 返DD。

今日lunch time不太餓，於是去了豪華新店食蛋牛治(烘底)滿心期待一嘗熱辣辣的蛋牛治，可惜一入口是凍的，可能因為午飯時間所以預先整定左？雖然溫度不似預期，扣了分，但其實味道不錯：內層的炒蛋混著充滿咸香的牛肉，味道剛剛好，不會過咸，但份量不多，只有薄薄的一層。外層的多士，雖然放涼了，但咬下去仍是脆脆的，配著餡料一起吃口感豐富，但不飽肚。

又是一個下兩天，由中環坐過叮叮在莊士敦道下車，走來不用幾分鐘。簡樸老舊的門面和裝修不在話下，伙記都是上了年紀的長輩，不多話，多做事，不催促，由得客人慢慢睇餐牌，今人很自在。點了三文治烘底（烘底/轉麥包都不另收費）和一杯熱奶茶。不到五分鐘，食物送到。麵包雖較薄，但烘得均勻，午餐肉和蛋頗厚，味道不錯。奶茶普普通通，喝後喉嚨有點茶澀味。店內環境很乾淨，座位也闊落，坐著也舒服。簡簡單單一餐，Hk$26，很好了。

行art basel行到攰攰地，出黎抖一抖氣返轉頭再睇過，行過好多食下午茶既地方都唔係咁吸引，終於行到電車站附近呢間豪華，入面好多人，都係飲野同埋食個飽，一於唔執輸入去湊個熱鬧我去既呢間係分店，新裝修既，不過都保留返舊式茶餐廳既牆身（紅磚頭）同格局，舖頭入面有3張4人圓枱，其他就係2人枱，有6張左右餐牌好簡單，兩面，一面係茶餐廳飲品，另一面係麵包同燴意粉飯，保留簡單既野食蛋牛多，茶走小甜蛋牛多係呢度既招牌野食，當然要點啦，麵包皮係薄既，蛋牛熱辣辣，煎得好薄身，雖然無好full既感覺，但食下午茶既話反而更好，唔使食太多野嘛，蛋既比例比碎牛多，無咩咸味，食得健康，食完有種refresh既感覺，正茶走少甜，茶味香濃又夠厚，茶膽明顯用唔同茶葉溝埋，少少喼既味道，加埋少少煉奶，份量準確唔會令到杯茶太甜而又保留濃香茶味，的確很有水準。不過茶既熱度有啲失望，只係暖的，食左多士兩啖再飲已經凍啦總括黎講，份量以下午茶黎講算ok, 蛋牛多熱辣辣，味道唔差，茶走既茶膽好濃，不過如果熱啲既話會更好

係雜誌見到呢間野啲單價都幾便，茶餐厅好少見有10蚊以下既野食。拜完姻缘石就順便試下啦~ 一入去就見到樓頂好高；整体講 都可以，我食个3样味道中規中矩，如圖 可以想像味道。老細好耐性~ 個個服務都好客氣芝士肉醬包：哈哈，真係似食芝士肉醬意粉味咁戈

遊走灣仔玩樂後又是三點三時間,想來杯奶茶第一時間就想到華星,只是一街之隔也有這家更有歷史的豪華咖啡茶廳,喜嚐新的月巴人即時改變原來路線向左走向豪華。兩家豪華其實較喜歡帶點殘舊地道古早味的老店,只是太多食客像我一樣想法,反而數步之遙的新店人客較疏落也坐得舒適一點,再次改變念頭走向新店。同是有歷史的古建築物裡的豪華新店樓底真的夠高,土法磚牆粗糙中帶特別,有點像在祠堂裡吃東西的感覺;雖然新店裡也有一個開放式水吧,不過飲品或食物也由本店送來,店員總是忙碌地穿梭兩邊,在下雨天可能會麻煩一點了。看過豪華的食評已知道這裡並沒有什麼早餐、下午茶套餐,全部食物也需單點,沒有抵食感覺不過選擇更具彈性。不用多想先來杯凍奶茶降降溫,凍飲份量算得大杯,沒有點少甜情況下是有點稍甜,只是自己近來習慣無糖飲品,所以才覺得稍甜而已。加了冰塊的紅茶味實在一般,加了花奶後只增加香滑,相信熱奶茶質素應當較好,只是那天有點熱真的不想飲熱奶茶了。身體仍然欠缺鐵質,想吃沙爹牛肉包的念頭又來了,沙牛包不如其他茶記用上軟/硬豬仔包或打橫切開的麵包,用上開口朝上的西式熱狗包,看到那滿滿的牛肉更能引起食慾。麵包烘得熱脆,大大片沙牛塞滿麵包

動漫基地內除了有皇后飯店外，另一邊廂原來別有洞天，沿茂羅街開了一系列懷舊風格一致的小店，其中一間是豪華咖啡餐廳的分店﹐比舊店新淨和人流較少。雖然店子很小，但樓底十分高，加上深色木營造出來的沉實風格，令人感覺一新。食物方面以茶記大路食品為主，豪華欠奉，而且大部份只需28元，簡直是懷舊價，款式也跟童年時光顧的茶記很相似，例如茄汁會意粉、火腿蛋飯，各式多士等。飯款可自選茄汁、蒜蓉汁或黑椒汁，唯獨這次選的沙嗲牛肉飯不可轉其他醬汁。想不到牛肉份量又多又大片，肉質少筋位而腍，沙嗲汁不辣而香口開胃，是十分"送飯"的款式；28元可說是超值價。但不連飲品，看來餐廳的策略是以平價飯吸客，再以飲品賺錢取得合理利潤，果然夠精明。我也叫了一杯12元的熱檸賓讓店子賺點錢。這杯飲品不單檸檬片多，利賓納的味道也十分濃，肯定沒有加進水稀釋。看到其他食客在吃多士，忍不住叫了一客試試，果然是懷舊的好味道，半厚的多士烘得脆口，花生醬十分滑，配煉奶頂呱呱。小時候好像什麼食物都好吃，只有阿媽做的菜不夠好。長大後恰好相反，總覺街上吃到的珍饈百味不及媽媽做的對胃口；只因現在已不再有機會吃母親大人做的家常小菜，取而代之的是吃工人姐姐做

大前日(27-7-2013 Sat)晏晝同男友行完由二級歷史建築物”藍屋”活化成o既動漫基地後,按行程到呢間食個”下午茶”,時間都只係1:50pm,但由於座位唔多,所以係full晒,不過o岩o岩有人走,我o地就有位喇.我o地要$14.00o既紅豆冰,$13.00o既谷古,同樣係$15.00o既扒芝牛多士同沙爹牛肉包各一.好快,兩杯o野飲到o黎,先飲一啖谷古,唔係好甜,濃度都適中,我覺得可以再甜啲.而好期待o既紅豆冰呢,大大粒紅豆幾多,但點解啲紅豆唔甜o既?雖然夠腍,但冇乜’沙’,奶水夠甜,但始終都係唔好飲.呢間o野其實都好耐個喎,點解會咁差o架? 等多一陣,兩樣o野食都到o黎,影好想即食.我先食扒芝牛多士,拎上手,件多士軟腍腍,我好驚啲鹹牛肉會跌晒出o黎,唔太多o既半熔芝士味道好似唔夠,整體覺得OK.之後到沙爹牛肉包,牛肉大件,好彩汁都畀得夠多,令我不致於要乾哽熱狗包,沙爹牛肉係凍o既,亦唔辣,由於熱狗包冇烘過,所以覺得口感’爭’啲.好一般.食完後我o地都覺得飽喇,而我就輪流飲兩杯o野,男友話不如倒埋一齊飲,甜度咪o岩o岩好囉.好,我將佢倒成一杯谷古紅豆冰,咁就好飲啲喇,不過啲紅豆真