豪大大雞排 (已結業)

久未食過炸雞塊，回到銅鑼灣決心要找出豪大大這個夾在兩間港式小食店的雞排過得好嗎？在旁兩店是否常吵架😂 (聽說因減價戰而上電視)味道普通，可能沒加太多辣味粉而且隔了一段時間才歸家，導致一邊不脆了，還焗至濕濕的

一放工就趕過來銅鑼灣做facial,都無時間食野。做完facial 已經成九點半喇！餓死。於是乎做完即刻狗衝過來睇下有咩小食岩食。結果就選中豪大大雞扒！我將我既第一次就咁俾左老銅呢間分店！無錯！我係從來無食過豪大大雞扒架！無論係台灣定香港！佢既名氣就吹左好耐，炸雞攞上手個下，哇熱辣辣,摸都摸到佢係十分之脆架！而我係嗌左有辣架。以本人食譚仔二小辣既程度來講，豪大大雞扒既辣真係其實我食唔出有辣。（各位為食家自己measure 下啦）😂塊雞扒，一咬落去，係脆既，但開頭第一啖，覺得咦好似唔係好夠咸喎。但肉好淋，亦有肉汁，口感唔錯！但食到後尾，我覺得店家將啲肉唔整得咁咸係岩架，因為咸味會疊加，當食到最後一啖時，個味道係岩岩好。但你話呢間野既味好驚為天人咩，又唔係喎，好難食咩又唔係喎。四個字形容佢「正正常常」或者「不過不失」。

收工去左掃街，食完台灣熱狗腸，見到隔離豪大大雞扒好香，好奇睇下有咩食～ 呢間好大大雞扒好特別，連燒賣都有得食，仲要$10有10粒！好搞笑！可能真係附近競爭太大！🙈🙈我叫咗輕量級炸雞扒同雞粒～佢冇乜人等✌🏻所以即叫即整俾我，2分鐘左右就拎得了！ 雞扒份量唔大，啱哂食少少既我，熱辣辣好正，外皮好脆，好香口！肉就乾左少少🙈🙈 至於雞粒，就冇雞扒咁好食，肉冇咁嫩～ 差不多價錢，我會鍾意食雞扒多啲😊😋

之前食過佢嘅雞扒覺得味道唔錯炸得來但係唔會太多粉今次行過梗係又要買番啲小食今次就買咗炸花枝丸同埋雞軟骨花枝丸爽口彈牙仲有墨魚肉外邊d粉不會過厚啲調味亦都剛剛好至於雞軟骨熱辣辣外脆內軟又唔會炸過龍好正呢家分店其他分店好食