豪城茶餐廳 (已結業)

今日行深水埗，以前經開這裡附近，總是被香噴噴的蛋香味吸引住，但是一直沒有買，因為總是要排隊等候。今日見只有兩個人排隊買格仔餅，不用等很久，所以決定停下來，買個雞蛋仔試一試。現時雖然很多不同味道的雞蛋仔，但我還是喜歡傳統的原味，簡單但美味。$12一底，算便宜了。架上只有一底，店員將那一底給了我，是暖暖的，不是熱乎乎的，但外脆內軟，咬下去不是空氣，而是軟綿綿的，很不錯。吃完午餐，可以吃個小食，很滿足。

已經食過好多次啦😂😋😋😋，而家就＄12一塊，都係好抵食架😋😋啲格仔餅真係整到脆脆，又熱辣辣，加埋啲醬，真係超好味！有時放工時候，假日就比較多人排隊，不過唔會排好耐，😋😋😋😋😋.......

深水埗有好多好嘢食，但經常都有人排隊嘅就唔多，好奇怪，成日搭車經過呢間豪城都見一大堆人排隊買嘢食，今日下晝行經呢度，又見到佢有好多人排緊隊，原來係買鷄蛋仔食，見$12一底，唔算貴，咪試下先，排左十五分鐘左右就到我，冇得楝味道，只有原味，要左一底，攞上手已經感受到佢外皮脆卜卜嘅感覺，食入口𥚃面仲係軟綿綿㗎，超香口呀，即刻想買多一底帶番屋企同大家分享，但又要重新排隊，咁唯有留番啲帶回家，點知相隔半小時仲係脆皮㗎，真係要比個讚佢。

舊老闆退休 俾左伙計頂左黎做師傅水吧全部轉曬落樓下叫外賣 佢話炒飯要等咁都好正常咁我等啦二十分鐘之後（等二十分鐘都好正常）我見冇乜動靜咁問下有無落單 咁個老闆娘走去check先發現已經炒好我返到上去個飯又凍 杯熱奶茶又唔熱甩曬轆失敗

呢間茶餐廳門口擺左檔雞蛋仔，成日都排長龍，點解？因為又平又出色囉！$10 雞蛋仔坊間咁多新款雞蛋仔，又雪糕又咸味乜款都有，賣到廿幾三十蚊，本人始終覺得都係原味最好食。呢到既雞蛋仔全部即叫即極，熱辣辣，皮脆內軟，裡面係實心軟綿綿既就算擺左十分鐘，個皮依然咁脆身。甜度適中，好香既牛油味，用十蚊就食到咁高質既雞蛋仔，排長龍都抵啦！

今晚行到去元州街嗦到一陣雞蛋仔味,馬上叫咗一底試吓,😋(可以一試,不過, 本人覺得上海街同碧街交界個檔好D), 入到去叫咗個牛肉炒米粉加杯凍飲($39+$2)！見到碟熱辣辣嘅米粉👍🏻👍🏻👍🏻,D牛肉有煎到有小小焦👍🏻👍🏻👍🏻,夾埋辣椒油食一流呀😋😋😋😋,雖然係炒嘢食,當我食到見底, 一D都唔會油冧冧👍🏻👍🏻👍🏻💯, 服務親切,感覺到非常街坊味！10蚊雞蛋仔牛肉炒米粉舖頭門口

外國人鐘意食窩夫, 香港代表有格仔餅, 小時候家人已經經常帶我去食, 格仔餅同雞蛋仔一定係孖住, 但始終我係鍾情於格仔餅位於深水埗一轉角位, 富城茶餐廳外面, 每次都是飯後途經都無機會嘗試, 今次專程拜訪, 遠遠已經見到有小小人龍, 由於是兩揀一, 職員都一邊製作一邊問客人要邊一樣, 格仔餅一整好, 兩三下搽牛油/煉奶/花生醬, 落砂糖入袋咁就搞掂 十蚊一底, 格仔餅好鬆軟, 各種醬料絕不吝嗇, 快要流出黎, 記住要將個格仔餅打平拎, 如果唔係流晒啲醬係底就浪費晒喇

在物價通脹得厲害的香港，還有幾多東西可以維持像舊日般價廉物美?連十仔飯都變左二十仔，一串魚蛋燒賣都是雙位數的價錢，我越珍惜那些又平又好味的食市。不一定是米芝蓮三星才有好吃的，正如現在連米芝蓮都有小吃項目，所以有時平平地也可以買到叫你吃得快樂的選擇。就正如長沙灣的這個豪城茶餐廳，你以為佢出名食沙爹牛麵菠蘿包嗎？對不起，佢最有名的是那個夾餅和雞蛋仔。現在吃到的雞蛋仔和夾蛋就是吃不了小時候的那個味道，除了這裡，這裡的價錢是維持著幾年前的價格外，就連味道也是從前最好的美味。在你面前塗上牛油，砂糖，花生醬，在即叫即整的薄餅中塗呀塗，然後夾著那塊厚度剛好的薄餅，就是完美的夾仔餅比例。 從他放中袋裡再拿出來吃就是不用一分鐘的時間，那些沾上薄餅的各種醬汁混合成一個味道，滲進那個薄餅的核心裡面，合成再幻化成最佳的美味，而最重要的是就是兩分鐘後，那個薄餅都是脆脆而又熱辣辣的 ，我告訴你 ，最美味是那些脆得很的邊。 就是這樣簡單的叫你快樂一個下午，十元可以做一些什麼，來到長沙灣，放低十元，你應該會快樂得多。 豪城茶餐廳 深水埗元州街 131-133 號地舖

早兩個月去佢度買個外賣小菜，"蕃茄蛋肉片"就冇肉片！諗住師傅唔小心，一次半次算啦，今晚再去買外賣，離晒譜，今次係"通菜炒牛肉"就冇牛肉！！！！佢門口啲鷄蛋仔／夾餅就好，如果你諗住試佢啲後鑊傅啲嘢⋯你諗你，都唔知落啲咩入去俾你食⋯！！

港式小食 開始比生意人不斷推廣謀取利潤 少左份地道人情味出到油尖旺 食串魚蛋燒賣好似米芝蓮食店食籠即制點心咁貴有時唔係社會要物價貴 而係"有"心商人要個巿場咁樣咁又難怪既 香港係自由巿場 你叫人點樣去管制佢?? 起碼 我細細個讀書係咁講長沙灣 平民區中既平民區 民風純樸 無添加連雞蛋仔小店都別樹一格 真係得一格架咋茶餐廳開出一個角落 比左呢一小格黎做雞蛋仔 格仔餅區內居民真係由細食到大 由8蚊食到10蚊 都只不過係10蚊永遠既港人小食 而家仲要搵到個地方係淨賣呢2款最基本最簡單既我諗真係小之又小喇 因為你唔加返啲京都抹茶 韓式柚子 和式紫薯 法式芝士 可能真係會無人睇得起你之不過 呢到仍然只賣呢2款 就實有佢既原因我比較小食雞蛋仔 但都有食過貴價版 值唔值見仁見智喇呢底10蚊 我覺得無得輸 當然你用米芝蓮條脷加埋尖沙咀既地段去品評既話似乎就唔係咁公平喇熱辣辣即叫即做 絕不早到或者遲到 用晒timer 計晒時 品質監控做埋比你睇 你急佢唔急 無他既 為左維持水準 呢個係一份堅持黎拎上手熱辣辣不在話下 佢用風機吹到脆晒硬晒先比你 要保証你咬落脆卜卜核心既外圍夠硬夠脆 咁核心既內圍又係咩一回

平時每次行過呢條街，見到呢間茶餐廳有雞蛋仔賣都覺得好特別，但係因為每次都食飽先經過，所以一直都冇試過。今日放工見肚餓，又突然諗起呢間茶餐廳既雞蛋仔，就即刻走咗去買黎食。去到嗰陣佢已經有一底整好喺到，冇叫佢另外整過，所以就買咗嗰底。食落唔凍，仲有少少暖，應該唔係放咗好耐。咬落口外脆內軟，中間唔係空心，都幾足料，最驚食到啲得個殼既雞蛋仔。但係佢外殼都變軟得幾快，可能因為佢係用冇孔嗰啲紙袋裝，所以記住食快啲。$9一底，咁既質素，超值啦!!

因為「便宜的野心」我又來到了深水埗，不過可惜果日食唔到弄花妹。好彩見到豪城的格仔餅。我唔算食得好多格仔餅，但都食過唔少。食甘多次格仔餅，我覺得最好食的格仔餅是灣仔地鐵站出口, M記隔離果間小食店。言而，如果要用味道+服務+食物質素，豪城的格仔餅一定是我的首選，因為它的格仔餅和雞蛋仔都是只售9元，果真用物有所值來形容。多數去到都是即叫即做，熱辣辣的格仔餅，先被吹一會風機，冷卻一會，之後會被加上牛油、砂糖、花生醬及練奶，最後把那件新鮮弄好的格仔餅放入雞皮紙袋中，交給我。少許金黃色的格仔餅不但新鮮+即叫即做，而且它真的有質素，外脆內軟，加上醬料的甜味，真的有水準。每次我到長沙灣，我都會心絲絲去見佢。

陪婆婆食飯。隨意走到對面的茶餐廳，小店有的是人情味，幾十年街坊，老闆除了跟婆婆閒話家常，也與其他食客聊天。內裡的裝修正是典型的茶餐廳格局，沒有華麗的裝飾，只有一份老街坊的人情味。清蒸盲曹魚套餐連合掌瓜例湯白飯($50)茶餐廳的門口有一個發泡箱，箱內放了冰，並擺放了每天精選的魚佳麗，讓食客可以睇到實物，當晚有倉魚、盲曹、紅三魚……等。價錢由$40-60不等，此價錢已是套餐價呢。是晚點了一條魚約 8兩，非常新鮮，魚面灑上薑絲及蔥段，灒上熟油及豉油，魚也蒸得剛剛好，很有家的味道。當晚婆婆也吃得津津有味。順帶一提，老火湯也是每天新鮮煲好的，沒有添加味精呢，而且份量也頗大碗呢。街坊生意的茶記總有保留的理由。

其實我一直都有食開佢既格仔餅呢間野既格仔餅我認為同普通既街邊店都差唔多而且店入面既衛生又麻麻所以我多數都只係會過嚟買左拎上樓食格仔餅裡面既花生醬好甜剛剛出爐既放上我手好香(不過要小心張雞皮紙透油整污濁隻手,如果同佢要多個膠袋就好d喇)有d食完成個之後溜溜地,成左之後兩個鐘唔駛食野好滿足啊!

這天到了石硤尾的賽馬會創意藝術中心走了一趟，離開後慢步行到深水埗找點小食吃，想起豪城這裡有這區比較好吃的雞蛋仔，於是便來要了一底吃。平時這裡多數有一兩底已經做好的格仔餅，在有客人要的時候再加熱一會便加上各式醬料送上。不過這天剛好格仔餅的存貨售完，所以我吃的這一底是新鮮弄好的。熱辣辣弄好的格仔餅先吹一會風機，再加上牛油、砂糖、花生醬及練奶，放入雞皮紙袋便送到我手上。這個即製的格仔餅咬下去外脆內軟，外皮的顏色不太金黃，不過吃來也脆的，內裡則軟熟但偏濕了一點。吃起來內裡的醬料香甜，但格仔餅本身就沒有什麼麵粉的香氣，但想到這個價錢能吃到這個水準的格仔餅，也不能要求太多，這個格仔餅收貨有餘。這裡的格仔餅和雞蛋仔都是只售8元，真是又便宜又好吃。