豪園麵家 (已結業)

喜歡來到黃大仙區豪園麵家用膳，因為現崇山商場地點是靜中帶旺，而且價錢合理。越南有火車頭，豪園麵家有桃園王牌湯麵.....雲吞、水餃、墨魚丸、魚蛋、牛丸、我加$8要埋牛腩，口感十分豐富，視覺也滿足，大大顆足料雲吞、水餃有鮮味，墨魚丸、魚蛋、牛丸爽口彈牙，加$的牛腩有三件，還有兩條腍甜菜心，好食又抵食。最愛包裹鮮蝦的黃金醬，大廚的黃金蝦做得很甘香美味，下酒送飯都一流，咖哩雞肉煎米，煎得兩面金黃香脆內軟的米粉，配合微微帶辣的咖哩汁，十分啱食！無骨嫩滑雞肉吃起來份外愜意呵！很久沒有吃過炸雲吞.......首先咬落鬆脆的雲吞，再嘗啖啖爽脆的蝦肉和豬肉鮮饀，感覺很爽！

準備搭車去蒲崗村踩板前食個晚飯，所以就黎左呢間豪園麵家入到去店面非常整潔，呢間店除左食雲吞麵之外仲有好多款式既野食，似麵店+潮式+西式，呢個配搭幾特別🤣講下叫左咩先焗咖喱牛根腩飯-咖喱味好香,牛腩亦都好淋好入味，但食落似牛腩飯多d😂西式整法中式食法😂招牌炸一字雞翼(鹹蛋黃味)-一碟大約有16隻，鹹蛋將好多鹹蛋粒，亦唔會影響到炸雞既脆口感！應該係炸完先淋上去👍🏻超好食！雲吞麵-雲吞好好食，好新鮮，印象最深刻係啲麵完全冇鹼水味👍🏻👍🏻晚餐2個人食埋單200$左右，算抵食

收工後去探一個很久沒見的朋友，所以很隨意地選擇在他家附近的餐廳用飯。 我們選擇了一間港式麵家， 試一試它的小菜。支竹豆腐班腩煲 支竹很爽口， 豆腐嫩滑，班腩很肥美，沒有多餘的炸粉，真材實料。蜜椒牛柳粒 整碟都很惹味，送飯食一流，牛柳粒很重牛味，每一口牛都軟棉棉的，也沒有很韌，不會有攝牙縫的情況。配上西蘭花和腰果，真的很不錯，可以用色香味俱全來形容。炸一字雞翼 鹹蛋黃味這一味是廚師推介，每一隻都沾滿了鹹蛋黃，炸得金黃色的，賣相已經很吸引，最喜歡的是廚師把雞翼斬半，吃起來很方便，不用弄髒手指。味道當然也很出色，鹹蛋黃味和雞肉味不會搶對方的味道，也沒有吃得滿口炸粉的感覺， 我和朋友都讚不絕口。意想不到的是豪園麵家的份量很多，我們兩個人點了兩道小菜，一碟炸雞翼，加上兩碗白飯和兩碗老火湯，真的很飽， 這頓飯非常經濟實惠。

今日朋友突然話要出黎食😳，由於我已經番左屋企了，😂所以我就約佢係屋企附近嘅餐廳食。🧐之前黎過豪園麵家食下午茶同早餐，就係未食過晚飯，🤩原來佢呢到除左小菜、碟頭飯、茶餐個d之外，仲有潮州野食！🥳我呢d懶人廢事揀，再加上我又有嚴重選擇困難症，😛dinner set 就最岩我。佢呢到有兩個dinner 2人set，一個係潮州打冷style，另一個係小菜晚餐style。😊因為好少食打冷，所以我地揀左dinner set A。⭐️蠔仔肉碎粥❤️一人一碗，好大碗，超多蠔同埋蠔仔粒偏大。⭐️煎蠔餅❤️又食好大份，我覺得三個人都食得落啊。⭐️蠔油菜🥦個菜好新鮮！⭐️未點菜已經先黎一碗湯！

去左黄大仙探朋友，行經呢間餐廳就入去食下野叫左個炸一字雞翼，係呢度既特色小食黎，表面淋滿好多咸蛋黃醬，好香濃，而且一條骨好方便食用😝個餐配左菠蘿冰，有粒粒菠蘿食，好清新之後叫左個咖哩牛腩公仔麵餐，呢度既咖哩好濃郁，牛腩都有好多舊，好足料配左個檸茶BB，唔會澀，朋友飲到讚口不絕😂最後叫多個咖哩雞球煎米，呢樣好似好少地方有得食，所以見到呢度有就試下，佢個煎米煎得好脆，個咖哩最好係要食先點，如果唔係可能會整淋左煎米食咁多野埋單都係每人$7x,真係好抵食丫🤗

住黃大仙夜晚想食個晚飯，豪園麵家好抵食，人多更加好，可以多選幾款。一坐下侍應先倒了茶結我們，有點陳皮味，飲後胃感到很舒服。藕餅好出色，外層炸得好鬆脆，味道帶咸香，可以餸飯，肉質很軟，又有炸紫蘇葉可以解膩，份量好多。福建炒飯好好好大碟，我們四個人都食到好飽，醬汁有鮮味，蝦仁大隻又彈牙，很多菇菌配搭一起很健康，飯是蛋炒飯，蛋味幾香，是用心之作，建議人多一起吃。魚香茄子煲上桌時還是熱辣辣，茄子呈鮮紫色，肉很軟，是飯小偷喔！

這晚到彩虹道體育館做運動，先吃點東西才有力氣。沿途經過>>>豪園麵家<<<，也就入座了。 看似是粉麵店，但原來也有供應中西飯類等美食。 侍應誠意拳拳地推介豪園皇牌麵，那就一試。配料有雲吞、水餃、墨丸、魚蛋及牛丸各一粒，若想更豐富的話，可以加配豬手或牛腩或京都炸醬。肉丸、雲吞和水餃均是誠意之作，雖然只有一粒，但大大粒的哩。牛腩軟稔，而且入味，值得一試。配菜也不馬虎，菜心份量不少喲。 麵底可揀粗麵或幼麵，然後再選湯麵或撈麵。這個幼撈麵帶點嚼勁，沒鹼水味，是好符合個人口味的麵底。 侍應不忘提醒一試其辣椒油。本身不嗜辣的我輕嚐一點，特別香哦，加入麵底實在一流。 加個油菜，椒絲腐乳通菜。腐乳分開上碟，方便食客按個人口味調節份量。雖說有椒絲，但幾乎沒有辣味；腐乳和通菜本來是絕配，配在一起吃時，這麼一大碟的通菜會不經不覺的被通通吃掉。不喜歡通菜的話，可以選生菜，價錢相同。 飲品是檸茶BB，特點是不用篤檸檬。選了少冰少甜，減少吸收糖分，也更能享受當中的澀－－是種有過經歷才願意一嚐的滋味。 餐廳也有免費茶水供應，不想點飲品的話，可以喝熱茶喲。

黃大仙有好多嘢食，有連鎖食肆，亦都有唔少小店，今日揀咗呢間老字號嘅豪園麵家，唔好以為得麵食啊， 仲有中式小菜，潮州菜，西式焗飯，同埋茶餐廳嘅小食餐廳位於現崇山嘅商場地下，分室內及室外，適合唔同色黑嘅需要。地方雅致，環境舒適甘筍唐排煲大白菜菜湯足料，冇味精，有啖啖肉的唐排，夠清甜炸雲吞炸雲吞水準高，外皮炸得夠鬆脆，沒有很油膩的感覺，餡料包含鮮肉及鮮蝦，鮮蝦仍然能夠保持結實同肉質彈牙蠔仔粥蠔仔粥分大和小兩個份量，叫咗一碗細嘅，但絕對足夠兩個人食，一啲都唔細碗最令人印象深刻嘅，係呢碗蠔仔粥嘅蠔仔，特別鮮甜同肥美，隻隻都肥嘟嘟同脹卜卜大量嘅肉碎，令到這鍋粥更加鮮甜，香芹則散發出香氣白汁海鮮焗飯材料包括了魷魚，鮮蝦，魚柳，香濃而幼滑嘅白汁，配上以蛋漿炒香嘅炒飯底，每一口都好滋味辣椒絲腐乳灼通菜通菜白灼得很清翠鮮綠，咬入口爽脆，配合腐乳醬，最佳配搭紅豆冰紅豆煮得好棉，有種起晒沙嘅感覺，紅豆同奶嘅比例適中，凍冰冰好好味呢間餐廳比較清靜，坐得舒服，食物款式多

同好姊妹拜黃大仙，附近現崇山好姊妹介紹下就試試，晚上人流有，但我相信係近排令到不小食市都人小。但呢間之前朋友都推介過，所以見都人。算不錯。店內同店外都有位置。今次選擇了黃金蝦，第一被相片吸引，第二又比咸蛋吸引好大碟，大大隻，同姊妹講笑應該啤一啤，咸蛋滿佈，蝦頭膏多，彈身好新鮮，同相片一樣，果然無叫錯。不太咸，所以令外再點了方魚肉碎粥簡直配合到，2人份量，大幾有6碗左右，好多。方魚燒香再放湯，份外好食，肉碎不算多，但有其他配材。好味最後點了椒鹽九肚食。外脆，魚滑。加上有炸蒜頭份外好味，好滿足的一餐。

今天早了回家，一個人在屋企附近周圍遊蕩，遊蕩了很久，但由於時間尷尬不到18:00，沒有心水想吃什麼，只想吃完早點回家休息，因尚有工作要回家處理，在現崇山找到合心意餐廳，選擇有湯粉麵/蒸餸/小菜/炒粉麵飯，適合現在沒有頭緒吃什麼的我粉葛甘筍豬骨湯小菜套餐附送的，沒有半點味精，清熱降火，合時湯水味道清甜，碗內湯料不少金牌炸子雞皮薄非常多肉，就係得恰到好處沒有過火，雞肉鮮嫩幼滑，就算沒有加上准鹽都足夠味道，伴碟是炸珍珠葉，這種植物是我第一次吃，感覺就似吃韓式紫菜，點點爽脆送飯一流凍檸茶我是凍檸茶控，不能有一天不喝，紅茶調配比例非常好，沒有茶澀味，檸檬有鮮味，這裏另外有一款檸檬茶BB，不需要「篤」檸檬，下次會試一家之煮的爸爸在我童年時，有段時間比較懶惰，常買炸子雞加餸，所以我對此有點情意結，這些工序繁複的功夫菜越來越少地方可以吃到，沒想到在酒樓以外的地方都可以吃到這樣有水準的炸子雞，我以後知道哪兒可以吃到童年回憶。

以前經過都唔覺得依間餐廳有什麼特別，但最近發現佢周圍啲餐廳都冇左，而佢仍然生存到，而且OpenRice啲食評都好似OK咁，所以即管嚟試吓。🎈環境🎈餐廳有outdoor 同 indoor, 室內位置唔係太大，午餐時間都交不多坐滿人了。🍑食物🍑點了一個撈麵餐，上菜速度都幾快，份量都不少，湯有點咸及不夠熱，豬手及牛腩都夠腍，味道不錯豬手牛腩撈粗💁🏻‍♀️服務💁🏻‍♀️服務員都幾親切有禮。💰價錢💰食物好似有平有貴，午餐比一般茶餐廳價錢差不多或多幾蚊。整體來說，不過不失，由於有不少選擇，再來的機會都幾高。

早放去搵朋友食晚餐大家都突然醒起之前食過既依一間 — 豪園麵家於是就再黎試下其他菜式睇睇食咩好先點完餐後上左一人一碗例湯今日湯水係梅菜蘿蔔豬骨湯湯水好足料 甜甜地帶梅菜香 好正呀乾炒牛河牛肉肉味香濃 河粉剔透彈牙加入芽菜等以洋蔥炒 炒得好香 好夠火喉 而且仲好大碟呀金銀蛋時菜揀左配莧菜 同金銀蛋就最夾鹹蛋皮蛋香濃 配上新鮮莧菜 仲落大我肉碎一齊煮 好味道豉汁蒸倉魚倉魚大大條 配上豉汁香蔥一齊蒸蒸既時間岩岩好 魚肉新鮮嫩滑同男朋友都大讚 好滿足呀

好耐冇黎黃大仙，知道呢度有間中菜唔錯，諗住帶朋友黎食個晚飯。晚市幾旺，食物選擇都多，好難揀。黑椒牛柳絲炒麵 $85炒麵口感脆脆的，好香口又唔太油膩，牛柳絲因為黑椒汁的緣故味道微辣，相當惹味。啫啫通菜煲 $68熱辣辣火喉十足，通菜新鮮爽口。唔夠喉叫左個小食，炸雲吞 $32外皮香脆，餡料有啖啖蝦肉，口感彈牙。檸茶BB個名都得意，原來真係有別一般既檸檬茶。佢將檸檬打碎，令香味更加突出，粒粒口感都非常正。。。。

唔好低估依間野！以為係普通茶餐廳，點知食物質素有驚喜！下午茶時段有個至like港式套餐menu Order左個：蕃茄豬軟骨湯通粉餐豬軟骨size細細舊 方便食，而且好入味，唔錯！另外佢哋加咗香料：八角令到蕃茄湯非常香！有好多不同既配菜，好似甘筍、西芹同薯仔，飲落就同羅宋湯一樣～ 正呀佢哋嘅通粉係滑滑嘅外表冇坑紋肥嘟嘟咁，食落真係滑d 😚😚值得一讚既係佢地既奶茶！ 同埋多士！杯熱奶茶 非常香滑！而且一d苦澀味都冇！唔使落糖，成杯飲晒🤫而多士整塊都非常香脆✨平時啲茶餐廳啲多士有時會濕咗或者軟奶奶，佢哋依塊真係好正🤗🤗🤗朋友點了炸雞髀沙律雞髀非常大！見到已經流晒口水外皮好脆，內裏充滿肉汁👍🏼我覺得佢哋都幾用心～一坐低會比杯熱茶原來係菊花茶！可以清清熱氣～ 啱晒夏天～

如果唔係約咗朋友，都未必會經過呢間隱世茶餐廳！佢系開喺黃大仙住宅入面，咁啱朋友住喺嗰頭，見佢裝修都幾好又乾淨明亮簡潔，所以就揀咗呢間餐廳嚟食。原來都幾多明星幫襯，叫左杯檸茶BB, 同出面真系好唔同，佢連茶底都溝左檸檬，勁濃又有茶味！小菜一流，夠獲氣，椒鹽鮮魷，香脆食唔停口，魷魚入味，粉漿夠薄！黑椒薯仔牛柳粒，薯仔炸過下好香口，再滲入淡淡牛肉味，牛柳又嫰口加上廚師調味夠水準，兩者合而為一！通菜入口爽脆，食得出系快炒同剛剛好熟！性價比不錯，又美味的隱世茶餐廳！