象茶 (已結業)

立左秋日頭都仲係好熱，一出地鐵又成身汗，見到呢間象茶手搖，就即刻買左兩杯野飲，佢地點都好方便，一出地鐵就見到，大杯又唔貴，好抵飲！除左手搖飲品之外，仲有台式甜品同埋炸雞等滋味小食，嫌淨係飲野唔夠喉既可以叫埋小食，好方便。今次叫左杯鳳梨綠同埋芝士奶蓋烏龍茶，飲完即刻消暑解渴，大杯到爭啲飲唔晒！鳳梨綠茶走冰走甜-綠茶味都濃，有粒粒鳳梨果肉，另外仲有爽脆蜜糖味珠珠喺入面。芝士奶蓋烏龍茶微甜-芝士味濃，奶蓋厚滑，烏龍茶香濃。

呢間象茶 小店飲完真令我印象深刻！親民價錢$2x 一杯大大杯奶蓋系列，真係值得一試！店舖位於油麻地文明里，同大街彌敦道只有數步之隔。飲品款式都幾多款，價錢真心不貴！本周推介都係$26，就試試呢個！每人揀左唔同嘅系列～芝士奶蓋抹茶 $28 芝士味濃郁夠濃稠，抹茶味都好香,就算飲剩半杯拌勻味道一樣濃稠，中意飲抹茶嘅唔會失望！金桔檸檬綠茶$28比以上兩杯可能會覺得定價偏貴，但飲左就知值，金桔檸檬甜度恰到好處，亦飲到茶味，加入話梅帶少少咸，味道更豐富！蜂蜜白桃烏龍奶茶 +芋圓 $26屬本周推介，白桃奶茶+埋芋圓先$26，真心抵！

我地三個又要黎油麻地上堂，飯到未食，好肚餓想搵食之際，就見到呢間新開台式飲品，個個流晒口水，一人一杯啦。好，睇下有咩好飲先。黑糖珍奶明治鮮奶，好驚喜，上面仲有個cream，見到好興奮，飲落好夠黑糖味，奶味多濃厚，珍珠好多，呢個就係我個晚餐。香芋珍珠奶茶，好香香芋味，濃郁得黎唔太甜，加上鮮奶，口感柔滑，仲有粒粒小珍珠。寒天冬瓜，我朋友仔話，唔想太肥，就揀左呢個，佢話好清爽，個塞天粒粒又爽口，夠解渴。

琴日同friend喺油麻地打完泰拳之後好頸渴，就喺附近搵一間飲品店買啲嘢飲，咁啱見到呢間茶飲店，好似幾吸引，我哋幾個就黎幫襯下～手工芋頭鮮奶雪沙$32一大杯冰沙，叫咗無糖，所以唔會甜，但係依然好好飲，芋頭味唔錯，仲有淡淡嘅鮮奶蜂蜜白桃烏龍奶茶加芋圓$26因為佢嘅甜度係由蜂蜜調教嘅，蜂蜜幾香甜，仲有淡淡嘅白桃味，烏龍茶嘅清香將成杯飲品昇華，仲有粒粒芋圓，食落煙煙韌韌Oreo奶茶$24好香甜嘅Oreo，配上奶茶嘅清甜，飲落覺得好邪惡，不過幾好飲芝士奶蓋白桃烏龍$26有一層厚厚嘅芝士奶蓋喺面，飲落鹹鹹地，幾滑而且creamy，仲有白桃嘅清甜同埋烏龍茶淡淡嘅味道，幾正鮮奶仙草$28有好濃郁嘅奶香味，仲有好多大大嚿嘅仙草食，成個配搭都好夾

出街行到熱緊係去買返杯凍飲啦！唔知你地會鍾意飲咩呢？謙謙和我就離唔開珍珠的🤣🤣因為口感煙韌，我地好喜歡。今次去左新開的象茶到買左3杯飲品涼快一下。🧋 黑糖珍珠明治鮮奶 ~ 謙謙指明要的，好多黑糖珍珠係底中間加了明治鮮奶，最上層加了cream 見佢仲會用火槍燒一燒， 入口香滑奶香， 黑糖珍珠軟硬適中。🧋 鮮桔檸檬綠茶+珍珠 ～ 由於唔可以飲太多甜野，所以呢杯我叫左小甜， 見佢一個鮮桔榨汁出來， 再加檸檬和話梅入冰凍的綠茶到， 入口清新得來帶點酸味幾醒胃。🧋 紅棗桂圓茶 ～ 呢杯婆婆飲完甜絲絲，因為女人飲紅棗桂圓茶可以補氣血，又可以安神。

位於油麻地新開的飲品外帶小店，離廟街很近，飲品居多，基本的台式飲品都有，還有奶蓋、雪沙、果茶、奶茶、咖啡等。除了飲品外，還有滋味小食及台灣的剉冰。芋圓盛：仙草冰內有芋圓、地瓜圓、仙草、紅豆、珍珠、芋頭等。拿回家吃冰已經溶掉一半了。那些仙草糖水依然解渴，消暑。地瓜圓較硬。如果軟及煙韌一點，口感較佳。芋圓盛：冬瓜冰內有芋圓、地瓜圓、仙草、寒天、珍珠、芋頭等。切成小粒的芋頭，彈牙珍珠，豐富口感。冬瓜冰味道微甜，清新。鮮奶：手工芋頭鮮奶淺紫的芋頭蓉本身已加了糖，芋蓉幼滑綿綿。喝的時候攪拌一下，讓鮮奶跟芋頭蓉拌勻，日本牛奶的奶脂高，奶香濃醇，兩者很配。

呢幾日天氣真係超熱🌞🔥，一出地鐵站個太陽又偷晒到落腳，真係好需要飲番杯🧊🧋降溫消暑❄️‼️今次去咗象茶🐘，我諗算係全港最好飲的手搖🧋，好夠味，芝士奶蓋極濃🧀‼️📌芝士奶蓋白桃烏龍🧀🍑🍵大推‼️好飲到痴線，芝士奶蓋超級濃郁🧀，好似淡淡都係食緊芝士蛋糕咁🧀，係我飲過最最最最高質的奶蓋❣️❣️配搭清爽白桃烏龍茶，好正❣️📌黑糖珍珠鮮奶🧋🧋🧋必點‼️又係超級濃郁，黑糖唔會死甜，感覺清香，珍珠唔會Q彈，軟硬適中，奶香濃郁！！喜歡黑糖珍珠鮮奶的，一定要試呢杯🧋！📌台灣水果茶🍊🍋🍉呢杯係比較清爽的選擇，水果茶口味多層次，飲到百香果，香橙等水果，酸酸甜甜，相當開胃，消滯解膩🧊❄️

象茶🐘｜油麻地 高CP值飲品店｜🌟夏日炎炎，最岩就係飲返杯野飲🙈 尼排發覺油麻地附近都開左幾間新既飲品小店，今日試左象茶，附近有個公園仔可以坐低飲，一面行街飲又得。😋其實佢d價錢相對都唔算貴，同埋都有好多選擇。有水果茶，鮮奶系列，奶蓋，雪沙，仲有好多唔同既茶飲。🍠手工芋頭鮮奶 $32 額外加小芋圓原本靜係想飲芋頭鮮奶，因為我係芋頭既愛好者。後尾店員推薦我加埋芋圓試下。甜度方面，我揀左正常甜度，如果大家平時已經好鍾意甜野，都可以揀正常甜度，但如果唔可以飲太甜就可以揀返少甜。對我黎講，今次有d偏甜，或者我下次會揀少甜。芋頭偏向芋頭粒，本身已經有甜度，佢係比較偏向軟但仍然有咬口既芋頭。我覺得小芋圓就十分出色，口感岩岩好，有芋頭既味道。🥭芝士奶蓋芒果雪沙 $32羊先生好鍾意尼杯。首先講下芝士奶蓋，奶味比芝士味更重，有少少似細細個食既牛奶片味，配上芝士的淡淡鹹香味，很不錯～芒果雪沙味道香甜，味道唔會太假，羊先生表示佢好鍾意，因為好夠冰凍好夠甜。當芒果雪沙撈埋芝士奶蓋一齊飲，就變左好似飲芒果乳酪咁。