豚豚食堂

营业中

休息中

午飯時間點了咖喱雞旦包飯，從未吃過這麼難吃的炸雞🍗！一咬之下沒有味道亦不像是雞的物體.完全感覺中伏，咖喱汁很普通像是日式咖喱塊加大量水煮成.不知為何咁多人排隊？🤮

經過北角匯，試一間裝修光亮的拉麵店，整體店內整潔，餐牌上亦有較多選擇，有定食、拉麵及小食，同時亦會顧及小食量的食客需要，居然有輕量麵食選擇，不過湯底味不夠，帶有一點味精！在普通飲方面凍飲加$8，覺得有點貴，但係亦睇得出師傳都算用心，在一片片少少檸檬上已經睇到，最後就要留意調味樽的整潔，今日用麻油時，樽外已沾上麻油，作為食客的我，一攞上手就中招，同時麻油開口較細，雖然明白依個開口，亦請採購留意，同埋依隻麻油完全無麻油香味，亦係最敗北的配搭！總結嚟講未達水準，算是不過不失

Cheer up and Eat something good話說北角其實有好多隱世食堂同埋開埋新商場 北角匯 令到成個北角變得好熱鬧咁岩今日同朋友又經開北角 所以我地決定去新開既豚豚食堂到食飯主食方面 分別點左海老拉麵 豚肉丼係小食個方面 分別點左 餃子 雞軟骨 明太子雞翼…等推介:豚肉丼: 果然係食豚肉專門店 啲豚肉煮得岩岩好 唔會話好老 同埋配埋醬油食 將成個豚肉香味帶左出黎豚豚食堂Location: North PointPrice (10 is expensive): 5.5/10Yummy (10 is delicious): 7/10

自從北角開左新商場-北角滙之後，又多左個好地方行街了🛍👗👖🥿👠今日同老公去完樓下一田掃貨後，經過這間豚豚食堂試下先😚😚店內環境乾淨企理，坐位舒適。午餐選擇彼多，價錢介乎$6x~8x不等，都算抵食。🥳🥳我點左炸雞咖哩烏冬 $66🐔🍜熱辣辣嘅炸雞，咬落肉質好滑，有少少七味粉香氣🧂，加上沙律醬真係好正😋😋咖哩湯唔算太濃，烏冬軟硬適宜，仲好彈牙，好比讚岐烏冬😄😄😄老公點左吉列豬扒蛋包飯 $62🐷🍳🍛豬扒炸得好鬆軟，配上日式甜甜咖哩汁好香蛋包飯入面只係白飯，不是炒飯底總括CP值算高，大家可以試下。😽😽

港島商場北角匯開左幾年都未行過，今晚約左住港島既朋友一齊晚餐，揀左呢間豚豚食堂，主打日式輕食。餐牌圖文並茂，有定食、拉麵、鍋物咖哩飯、意粉、甜品等，好多選擇!最後揀左自選二人套餐HK$228主食有炸雞塊奄列咖哩飯(加HK$5)、白豚拉麵，3 款小食有燒雞翼及燒雞軟骨各2串、自家製餃子、芝士年糕，超豐富，性價比高!炸雞塊奄列咖哩飯即叫即炸熱辣辣，外皮酥脆肉質軟嫩，奄列香滑口感柔軟，咖哩微辣帶甜，味道濃郁。白豚拉麵奶白色豚骨湯頭香濃醇厚，木耳絲爽脆，叉燒肉質鬆軟。燒雞翼2串及燒雞軟骨2串雞翼醃得入味，外皮香脆，肉質嫩滑多汁。雞軟骨酥脆口感好惹味。自家製餃子內餡豬肉彈牙，蔬菜爽脆多汁。芝士年糕外脆內軟又煙韌，勁惹味!

這間新開喺北角嘅日式餐廳, 性價比都幾高好光猛嘅環境, 十分之衛生, 空間闊落, 坐得好舒服佢嗰一人餐真係性價比超高, 98蚊可以配一個飯或者麵, 另外仲配埋個小食㖭, 好抵飯方面選擇都好多, 除咗親子丼, 仲有滑蛋豬扒飯, 拉麵就有豬骨湯底, 同埋札幌味噌湯底選擇, 都幾豐富先食個小食, 就有多春魚, 多春魚燒到非常之香, 咬落去由香脆魚子外, 肉質亦好juicy 另外拉麵就叫咗牛油嘅湯底, 非常之邪惡, 招牌牛油拉麵, 牛油嘅香味貫穿咗湯底同埋面條, 面條非常之掛湯, 每一口都感受到味噌同埋牛油嘅香味, 正

自選二人套餐 Flexi Set for 2 2款拉麵或飯 + 3款小食 $228 +10%2 Ramen / Rice + 3 side dishes黑豚拉麵 +$5Black Garlic Sauce Tonkotsu Ramen 豚骨湯底濃，加埋黑蒜油丶木耳丶筍同蔥花，豚肉入味夠腍，拉麵質感硬度適中，如果多半粒糖心蛋就更完美喇～吉列豬扒奄列咖哩飯 +$5Pork Cutler Omelet Curry日式咖喱汁口感香滑微稠、味道帶甜，吉列豬扒外脆肉厚，份量比預期多，好飽炒魷魚鬚Fried Arm of Squid 魷魚鬚口感彈牙，微微蒜味燒鷄翼2串 + 燒雞軟骨2串Chicken Wing x2 & Chicken Gristle x2鷄翼皮脆肉嫩，燒雞軟骨加幾滴檸檬汁，好味北海道南瓜炸薯餅Fried Pumpkin Croquette 呢個炸薯餅好邪惡！吉列脆面，夾心係甜甜嘅南瓜蓉，一定要趁熱食！

經過呢度幾次已經好想試下呢間豚豚食堂！星期六既lunchtime終於試左💕 環境不錯，空間感夠，座位之間算闊落，坐得舒服。我地3個人，叫左3個午食套餐。. 🍛吉列豬扒奄列咖喱飯$62 賣相好吸引, 但個人認為奄列煮得太熟，變左煎蛋！如果可以生小小就perfect😍 日本珍珠米煮得剛好👍🏾。日式咖喱微辣，夠傑身多汁，撈飯好正🤤。吉列豬扒嘅炸粉薄, 豬扒夠厚身夠脆，好食! 份量偏多，食剩小小！.跟餐有個麵鼔湯同蛋，仲有小小胡麻醬粟米🌽 三樣食物都係正常發揮，唯一蛋可以整生小小，做半熟蛋就更好😌.另外兩款拉麵我就無試到了！但賣相都唔錯總結呢間餐廳都算中上，有機會可以再試下晚市

嗰日咁岩去左北角做野，人生路不熟就既我就決定係商場解決我嘅午餐。入到去依個豚豚食堂，雖然已經3點幾，但驟眼睇人都唔少，一坐低侍應就比左搓手液同抺手紙比我，係依個時勢下，抵讚！望望個餐牌，就叫左佢地既招牌 牛油拉麵 同 炸豆腐 食下。拉麵先上，就即刻試下個湯頭，鹹度適中，加上牛油同配料，味道唔錯。特別想講海帶，比較起其他拉麵舖用d冧巴巴既，依度既更加有口感彈牙。炸豆腐炸得岩岩好，熱辣辣，唔係整定比你嗌就即上嗰個種。$76蚊，普通一個簡易午餐黎講都算ok，下次會再黎食。

行過見到呢間餐廳竟然接近九成滿，加上又有少少想食日式炸雞，所以就決定試下佢! 一坐底店員已經俾每人一個保鮮袋裝住口罩，都幾細心既。漢堡奄列咖哩飯漢堡好juicy而且肉味濃，真係有種食緊漢堡包既個種口感，而且咖哩味亦都好香又唔會太淡，加上日本蛋煮成既奄列食落一流! 3樣野配埋飯一齊食好夾而且份量都好多，朋友一個人都食唔哂!炸雞燒牛肉便當炸雞有3件仲要超級大件，係日式炸雞既整法，食落有肉汁而雞味濃郁!牛肉亦都好有驚喜，肉汁好香同埋可以帶出牛味，咸味適中再帶少少甜味，送飯真係一流!串燒雞肉丸呢個都係典型日式料理經常出現的串燒，雞肉既香再加少少雞軟骨，有咬口而且唔會太實同太乾，加埋店舖既醬汁食味道岩岩好!

北角匯開咗之後，開餐多咗好多新選擇。今晚同囡囡2個人冇煮飯，去咗食豚豚食堂。因為囡囡好鍾意食日本菜，佢食得好開心。餐廳都幾受歡迎，晚市六點開始，未夠鐘已經有好多人喺門口等，好快就滿曬座，要等位㖭，好彩我哋早咗食飯。餐廳餐牌好豐富，有好多唔同嘅和食，就連洋食即係意粉都有，好多選擇。我哋叫咗一個豚肉壽喜燒鍋物，升級做烏冬，仲叫咗蟹籽沙律，串燒雞肉丸，炸豆腐同埋流心蛋豬肉餅，好豐富，當然仲有囡囡最愛嘅波子汽水。好鍾意個鍋物，入面好多蔬菜，豚肉有4、5片，最正都係啲烏冬，夠曬彈牙，食到唔停。

今天收工前要把兩箱貨送到北角，所以我就和同事兩個一齊送過去，由於送貨地址對面就是北角滙，我們就決定走過對面吃個晚飯才回家，過馬路從地面看到這間《豚豚食堂》，加上我們兩個都喜歡吃日本菜，於是就選了這家，上到一樓我們就取票等位，約五分鐘左右就到我們入座，這裡的餐牌，可選擇都幾多，有咖喱飯又有拉麵及串燒小食，最後我們選了二人餐，每人可選一個主食外，還可選三份小食，我就選了咖喱吉列豬扒飯，豬扒香脆好味，我同事就選了赤豚拉麵，他說湯底也夠濃拉麵好味，至於其他的小吃是炸雞、串燒雞翼、串燒雞軟骨及炒魷魚鬚，也是相當不錯，埋單才兩百多，這麼飽也不算貴，下次經過可再來！

成日都會經過北角匯，入去呢個商場就真係第一次，最後決定去試吓呢間豚豚食堂，望落去都幾吸引，一入門口已經有消毒洗手啫喱俾我哋用。我哋一坐低，店員即刻問我地要唔要個膠袋放住個口罩，好貼心🥰我哋叫咗個自選二人套餐，包括兩碗拉麵同埋三個小食，價錢唔係十分貴。我就食咗一個豚軟骨拉麵，因為我自己本身比較鍾意食軟骨，哩度嘅豬軟骨整得好林好林，仲有一隻糖心蛋，糖心蛋煮得啱啱好，好正！湯底就更加唔使講啦，我識得有個日本朋友，佢話俾我聽，點解日本拉麵賣得咁貴，原因係因為個湯底，佢哋用好多豬骨去煮一個湯底出嚟，所以真係真材實料，食唔晒碗麵，都要飲埋個湯佢啊！哈哈！另外三個小食當中我哋叫咗炒魷魚鬚，炒得好惹味，魷魚鬚都好爽，仲有叫咗個自家製餃子，有六隻，每人可以有三隻，佢哋整嘅餃子個皮好薄，啲肉好多，好抵食👍。另外都叫咗個炸雞肉非常非常好食，佢炸到啱啱好，外面脆卜卜，入面啲肉好鬆軟！真係食過返尋味！值得推介！！！

今晚係平日，但係拎要等位先入得😂😂😂不過依間真係性價比高，啱晒鍾意食日本嘢嘅香港人👍🏼👍🏼👍🏼♥️♥️♥️♥️有一大堆醬料調味，正👍🏼👍🏼👍🏼😊滑蛋豬扒井套餐，大大塊豬扒，食咗一半拎覺得飽啦😂😂😂😂😂😂炸雞塊燒牛肉便當，牛肉好入味，配埋洋蔥食，好chur飯呢😍😍😍😍😍😍😍😍蟹肉棒沙律，好fresh👍🏼👍🏼👍🏼凍奶茶、凍柚子蜜燒雞翼及燒雞軟骨，我的最愛，燒得好香，又入味👍🏼👍🏼👍🏼👍🏼

近排雖然少左出街，但間中都會過去鰂魚涌公園跑下步，然後行落去北角搵食。上次去左「北角匯」食韓國魚糕串，今日竟然有人主動提出話要帶我去試新嘢，我當然樂意奉陪。原來有人 睇中左一樓呢以淺木色為主調嘅「豚豚食堂」。餐廳門面非常搶眼，離遠已經見到門口頂頭掛了一列日式大燈籠， 顯得特別 Sharp 醒。踏進店，內裡地方雖然不算很大，但勝在燈光火猛，而且座位之間亦算闊落，讓人坐得舒服。餐牌印刷得非常精美，圖文並茂，選擇頗多。其實剛才進店前已經喺門外細心研究過餐牌，所以入座後便可以立即點餐。我哋揀左個自選二人套餐 ($228)，套餐可以任選 2 款拉麵或飯及 3 款指定小食。小食點左燒雞翼 2 串及燒雞軟骨 2 串、炒魷魚鬚、炸豆腐；而主食就揀左牛肉咖哩飯同黑豚拉麵 (+$5)。燒雞翼 2 串及燒雞軟骨 2 串：雞翼好大隻，而且全部都已經𠝹開左，非常方便享用。雞皮燒至微焦，入口超級香脆，雞肉很嫰滑，有肉汁，一點也不乾。至於雞軟骨味道亦唔錯，不但油份充足，而且軟骨位亦夠曬咬口，唧上少許檸檬汁吃，鮮嫩味美。炒魷魚鬚：魷魚鬚很粗身，非常彈牙， 最鍾意就係個汁，調教得啱啱好，配魷魚鬚吃，入味又有嚼勁。炸豆腐