豚王 (香檳大廈) (已結業)

聽同事講The one開咗間豚王，咁近公司就去咗試。上到去啱啱好唔洗排隊！坐低咗之後侍應同我地介紹咗限定王，但最後因爲我地太耐無食豬骨湯嘅拉麵，所以點咗兩個豚王，嘢食等左幾分鐘左右就到！隔咗年幾兩年再食仍然未退步，難得難得。湯濃濃嘅豬骨味，加小小辣醬仲好食，不過湯好似唔夠熱。。。腩肉唔算好肥，正常比例。溏心蛋必食甜甜地，又有小小流心嘅感覺餐廳環境亦唔錯，本身想座bar枱對街，但係無灑位，得返啲二人枱，但都好寬落！下次再食一定會試下個蟹嘅限定！

之前食過其他分店嘅豚王，但覺得座位同服務態度都麻麻地，但女朋友係中意食拉麵，所以無計啦。前日同女朋友行過The One見到豚王係霸嗎對面開咗分店，仲因為當日開張所以有可樂送，女朋友即刻話要排隊食豚王。流轉都算快，我排第四張枱，五分鐘都唔洗就入得，入到店裏面發現全新感覺，座位好鬆動，唔似其他分店咁咁逼，枱可以移嚟移去，可以跟返幾多位客而去靈活變通。可惜係都係無籃俾人放袋，但店員都好細心即刻攞張枱俾女朋友放袋，服務態度亦改善咗好多！今次店員同我地介紹限定王-蟹味噌王，雞湯 底 有蟹膏 蟹鉗 肉，呢排興蟹膏就試下呢個加多份燒叉燒大約等咗五分鐘左右就上餐啦，上餐速度以滿灑座嘅情況嚟講都算快蟹膏拉麵真係好正，蟹鉗略有小小細，但口感都算唔錯，唔會好個嗰種掂湯就散灑啲肉出嚟好似假咁嘅蟹鉗。蟹膏混入雞湯度，鮮上加鮮，仲有小小洋蔥帶返小小甜嘅感覺，總之就係好鮮甜燒叉燒個汁問店員係咪汁，佢話佢柚子醬油，好清新，唔會話好咸，亦唔會遮蓋灑叉燒本身嗰味，啱啱好，下次嚟一定會再食！但唯一要改善嘅係嚟咗咁多次咁多間豚王先終於食到燒叉燒，次次去邊間豚王都話無，應該全日供應嫁嘛，一係就應該寫返咩時間供應，咁想食燒叉燒嘅

豚王 - 黑王星期六行過The one, 見到Bari-Uma對面開左間豚王、打對台、睇黎新戰場！上次食過尖沙咀Bama, 遲黎先上餐、感覺唔太好！所以試下新對手豚王新店水準！黑王保持一向的水準、層次感十足、重口味人士必食，細麵選擇了超硬、很有口感！而且上菜時間10-15分鐘、整體上感覺很好！可惜溏心蛋不如以往般滋味、蛋白位置也呈現水狀、而且很微冷！平時食開豚王都必叫蛋、可以話香港拉麵界頭幾名好食、試業期間唔會要求太苛刻、希望正式開個陣保持一向水準。食豚王必須加辣芽菜、提升整體用餐感受！必食！！那霸睇黎遇上勁敵啦！哈哈

很少很少在香港食拉麵，因為中伏太多。今次係第一次食豚王。點了白丸拉麵，各方面都合格，肉軟得黎有彈性，麵條軟硬度剛剛好，湯的調味也不錯，很濃郁！蔥亦夠多！但是又湯真的不太夠熱，希望店家可以改善一下。會再光顧的喔！

新店設計環境優美，可能因為新開，唔洗點排隊，今次我自己就試左今期限定王，蟹味噌王，用上雞湯，鮮甜之餘又唔會覆蓋左蟹膏，蟹鉗略為細左d，不過個蟹膏直接食真係好正，然後再攪拌落雞湯都唔錯👍🏻👍🏻，價錢$118，一般般，因為個蟹膏應該都高成本。服務方面，不過不失，都有一般既禮貌。間中都有細心既表現，會主動比紙巾客人擋一擋衣物。美中不足就係無洗手間，要行幾步去美麗華商場，不過都係兩三分鐘，個人還可以接受。整體黎講，值得一試，由其係下午茶時段，唔洗等位，客人比較少，可以慢慢坐😆

二月二十日     冷再次光顧豚王，是因為在某媒體的專頁看到她推出新的限定王 -  蟹味噌王。對於蟹痴來說當然不能錯過！剛巧看到她的新店座落於The One 傍的香檳大廈，當然不能放過機會試試！內裡也是豚王一貫的小店格調，吧枱位置可欣賞到拉麵師傅專心製作拉麵。點了限定的蟹味噌王，和必吃的溏心蛋，還有椰菜。跟過往的豚骨湯不一樣，蟹味噌王用的是清雞湯，配上一個雪糕球般大的蟹膏，2個蟹鉗，還附送了肩肉叉燒。雞湯清甜不已，蟹膏則味濃，成了強烈對比。如果兩者混在一起的話，卻變成另一個獨特的味道，甚至可以把湯喝盡。非常不錯！溏心蛋也一如以往保持水準，微甜的金黃色蛋黃盡得我心。