豐受居酒屋

营业中

休息中

自己比較喜歡食烏冬，今次就黎左呢間試。日式叉燒烏冬烏冬口感好彈牙，好好食，湯好鮮味，好濃郁，好日式，大大舊叉燒，唔柴，肥瘦比例合適，好咬口。牛油雞翼，外皮炸到非常脆，又多肉汁，好香牛油味食物好高質，整餐食得好愉快 🥰

下班後約同事一同晚飯，走進觀塘小巷，發現有這餐廳，看看餐牌後決定進去試試！午餐時還只提供烏冬，晚上竟然有串燒同燒物，價錢相宜，食物質素高！環境清靜時與朋友相聚的好地方，可惜下班後太攰，不能留得太久，如有機會，下之會安排假日再去季節限定的茶碗蒸配蘭王蛋，最啱鍾意試新野嘅我！好酒燴牛舌夠晒厚切，食到停唔到口紅鹽燒三文魚頭是超珍貴，因剛廚師開了一條三文魚才可以提供！花膠雞湯夠晒濃，午餐可以再試刺身五品厚切，抵食！

分別兩個時段去過兩次同點外賣，質素都對得起價格有餘，份量都多，日本餐廳來說，$100以內有烏冬有飲品有小食是非常便宜，又坐得舒服，好好打卡，員工服務都好好，會再翻桌。

尋日去咗一間日本餐廳食，位於觀塘鴻圖道附近，呢間係一間好好味嘅一食餐廳，而且價錢唔貴，平均每個人都係七十零蚊就可以食到一個午餐。而且周圍環境很舒適，充滿着日本的風味，有不同的日本掛畫，我們就坐在榻榻米上享受日式風情。今次我同朋友一齊食，食咗一個腐皮烏冬麵，湯非常之甜，是用了味醂，烏冬非常煙靭，很好吃。烏冬除了腐皮之外，還有一些海帶，感覺很健康。另外叫了一味關於雞的不同部位弄成串燒，今次食咗雞軟骨，雞翼，雞腎，等等⋯⋯做得很精細，雞串燒的調味剛剛好，而且賣相非常精細，每一件都切得一小口一小口，讓人吃得很方便！食完一啲健康嘅嘢，當然要食一啲邪惡嘅嘢，呢一個係牛油雞翼，非常脆皮，又有肉汁流出來，調味剛剛好，鹹甜適中， 推介！而飲品方面就飲咗一杯凍嘅柚子蜜，這個就沒有什麼驚喜。由於最近日本核水事件，令人覺得不想吃日本的海鮮，但是我也前幾天在這間餐廳也吃了海鮮，因為他在門口貼了他們的海鮮不是來自日本受影響的地區。他們的三文魚來自西班牙，飯啦背來自北海道，赤蝦來自新西蘭等等，之後又忍不住吃了魚生😳🐷⋯⋯但上次吃完之後沒有寫食評，留返下次再寫吧！

觀塘讚岐手打烏冬公司附迎有間開業冇耐，裝修靚靚嘅居酒屋，見佢午市蕃茄牛肉烏冬只係$78,即刻約埋一班同事去食!不過今次烏冬等得有啲耐，職員解釋因為烏冬岩岩打緊另一批，所以要啲時間，希望下次唔會係咁啦.碗烏冬終於到，果然係濃郁嘅蕃茄湯，最重要係入面有鮮茄,唔會齋茄醬果種，飲埋啲湯都冇口渴感！加分~不過份量唔多，加上頭先等到餓，所以感覺都係爭少少，輕食我覺得還可以，太餓就要諗諗或者另外搭配其他小食喇~不過環境舒服，職員有態度唔錯，整個用餐體驗不錯👍

朋友帶路下推介附近的點心 但要等加上落緊雨轉左黎依間一入去到話要塌塌米 我地話ok問左個待應可以陣間有位轉番到我地轉左去卡位 朋友開始落單就有另一個經理的人物話唔轉得要我地坐番塌塌米同佢講話問同事話轉位ok👌🏻佢直接拎個同事出黎照肺話唔比轉言語之間就係食住你落左單 串到極點其實本身坐塌塌米係ok的 純粹係個態度真係頂唔順想直接走但無奈朋友個鳥冬黎埋就算數食物質素？是但啦串到咁真係唔洗預我永不幫襯除非想試下比人鬧😂😂

非常懶惰，都食咗一排，不過豐受值得寫返個食評。夜晚食，唔算話好多人，加上之前book咗，所以直入就OK lu .環境：4/5觀塘有好多嘢食，但大部份都係喺工廠大廈，地舖堂食嘅唔係話特別好多，豐受喺觀塘餐廳嚟講坐得幾舒服，唔會逼夾。食物：4/5佢主打烏冬，燒物。烏冬係真係幾好食嘅，你唔會覺得係嗰啲港式粗製濫造嘅感覺。燒物都唔錯，唔會燒到乾晒柴晒，配清酒，好味，原本淨係諗住試吓個牛舌，之後嗌咗個雞串盛，唔覺唔覺都叫多咗😂。其他嘢食 魷魚好味，厚身嘅炸物都ok,唔係嗰啲食到成口油嘅。玉子燒，厚身，靚蛋，好香蛋味。有少少不足嘅，反而係個生蠔，唔夠肥美，可以在新鮮少少服務：5/5服務真係要讚一讚，尤其是係經理，熱心推介，亦都會同人交流，對於日本清酒唔係太熟悉，但係佢都會好耐心咁樣了解你嘅口味，食到差唔多嘅時候都會問你啲嘢好唔好食，同埋都好細心，得閒幫你斟下酒。其他侍應嘅反應都好快，服務態度唔錯。

ᯅ̈.ᐟ 豐受居酒屋 * ✿ 蕃茄牛肉烏冬 $ ⁶⁶✿ 和風蜆肉烏冬 $ ⁶⁶✿ 原隻燒魷魚筒 $ ⁸⁸ *另收加一服務費‎ ◡̎ ꕀ蕃茄湯底味道不錯 肥牛亦煮得很淋蜆肉烏冬的蜆肉份量給很多！店員也很貼心另外給一個碗給我們用來放蜆殼( 'ω' و(و "可惜烏冬偏硬 並不Q彈和風蜆肉烏冬的醬油湯底很鹹再加上送上來的時候湯都已經不熱了( ･-･̥ )燒魷魚筒帶點辣味 還算不錯吃* 整體 / 🥨🥨 /ꕀ⌫ 豐受居酒屋 (觀塘)觀塘鴻圖道83號東瀛遊廣場地下A號舖

觀塘豐受居酒屋.味道：8.5/10🌟抵食：7/10🌟環境：7/10🌟.超好味現場整烏冬😍叫咗番茄牛肉烏冬🍅飲咗一啖湯就已經有驚喜😋鍾意番茄嘅朋友應該都知道，出面嘅番茄湯真係好易中伏🤣但呢度嘅番茄湯好好味😆似係真番茄而唔係落茄膏調出黎嘅🥰即叫即整嘅烏冬當然冇得輸，睇倒部烏冬製作機真係好正🫣洋蔥牛肉份量都唔少！調味都同番茄出奇得夾🧅唔夠食仲可以➕$18一份牛肉🐮小食小食茶碗蒸同三文魚都正正常常，可以叫🤭柚子蜜超大杯！唔會太甜又好夠飲🍹推薦大家黎🥢.#香港 #食評 #foodie #食好西 #instagram #discoverhongkong #香港好去處 #香港美食 #打卡 #觀塘 #觀塘好去處 #觀塘美食 #烏冬 #觀塘烏冬 #番茄

觀塘收工太肚餓約了同事食埋晚餐先返屋企，想坐得舒服，今次試吓公司斜對面地下有間新開的居酒屋，平時中午見到都幾多人食明太子芝士玉子燒$68玉子燒我最怕太甜，呢個味道剛剛好，玉子唔會煮到鞋口，配上木魚絲同明太子醬，味道加分炸芝士年糕$38芝士年糕幫我剪開一半，一份一啖剛剛好，幾體貼燒鯖魚$58鯖魚有好香濃的魚味，魚皮燒到少少焦燶，入面的魚肉依然有肉汁蕃茄牛肉烏冬$66蕃茄烏冬真心推薦，蕃茄湯底足料，好多蕃茄碎，香濃蕃茄味又唔會太酸，份量十足，感覺有平時烏冬的1.5倍，烏冬有口感唔會浸到淋晒，肥牛質素都ok,唔會太肥或太靭，整體性價比高，下次可以中午去食lunch set鹽燒雞翼串$38雞翼燒到好香脆，雞皮係靈魂，油脂燒完已經少了大半，雞皮連嫩肉食，有雞油香但不肥膩，正！鹽燒牛舌$48食燒物又點可以唔叫牛舌呀, 我最喜歡食牛舌有口感 ~時令生蠔6隻$198一共有三款蠔，分別是太平洋、法國及澳洲的蠔，職員仲介紹埋食蠔要由淡到濃咁食，生蠔完成唔腥，食蠔又點可以無酒，見到餐廳裝飾咁多酒樽，就知佢哋識飲，所以搵餐廳推介一枝容易入口的清酒，酒樽都咁啱晒打卡燒菠蘿$38我最怕菠蘿酸，燒完的菠蘿好甜，唔係

[ 豐受居酒屋 ]上網見到觀塘東瀛遊廣場附近新開咗間日式居酒屋，門口裝修得唔錯，約埋班朋友去Happy Hour先🕺。小食✿ 新鮮日本蕃茄🍅🍅原個新鮮日本蕃茄配上柚子醋，酸酸甜甜，好開胃。另外仲配咗日本料理中常用嘅雞冠草，類似海藻，爽口彈牙。生鮮✿ 鹿兒島油甘魚刺身(4片) $88✿ 赤蝦刺身 (4隻) $58油甘魚肥美厚肉，滿滿油脂感，唔會有腥味；赤蝦新鮮，蝦頭部分味道鮮甜🦐。✿ 天婦羅拼盤 $78拼盤有南瓜、蕃薯、秋葵、冬菇、金菇、大蝦🍤，每件新鮮炸起，熱辣辣，炸粉夠薄脆，裡面嘅食材保持到原來嘅質地，唔乾身👍🏻燒物✿ 燒生蠔🦪🦪 (2隻) $88日本蠔隻屬刺生級別，可生食/可熟食，加入牛油🧈燒烤而成，夠哂juicy。✿ 雞泡魚干🐡 $58佐酒小吃點少得雞泡魚干，烤得恰到好處，唔會乾柴。✿ 炸雞軟骨 $48雞軟骨炸得香口，可以沾蛋黃醬食，食不停口😋✿ 鹽燒三文魚腩 $58三文魚腩燒得外皮香脆，原條食啖啖肉呀。✿ 鹽燒雞皮串（2串）$38✿ 鹽燒雞心串（2串）$38✿ 鹽燒牛舌串（2串）$48用上牛舌芯，厚實得來唔韌，一啖一口非常滿足。✿ 原隻燒魷魚筒🦑🦑 $88店員推介必點嘅魷魚筒，

觀塘飲食日誌 day1778$食一個茄牛烏冬做lunch抵唔抵其實好視乎配套而定烏冬用讚岐，粗身結實有咬口也做到掛湯動作份量看似不多但食得好飽湯底用鮮茄茸唔馬虎跟餐還有一個小食選了茶碗蒸雖只有一小粒蝦仁及一片鮮菌但蛋味非常濃郁蒸得嫩滑唔老連跟餐的柚子茶也很大杯相對之下牛肉失色可能是蕃茄湯底太濃把牛肉味掩蓋而且不是一片片而是碎上於是連肉質也沒法評論另外是新開張不久所以地方乾淨也坐得舒服服務員也快手殷勤整個用餐體驗不錯

有心機裝修，有自成一國既空間感，又同時感受到附近食客既氣氛，好自然舒服。平時去襯日式食店都硬係用石英燈，筒燈，黃光燈再配搭深沉木製品等等，感覺忽明忽暗好唔舒服，今次有驚喜。食物種類都算足夠多，有心機煮，今次試左個牛蒡冷烏冬，撞正又焗又熱又濕既天氣，食完連個丹田都清涼晒，呢個雞軟骨，唔明老闆點解唔推薦做主打，好食，又係心機菜，有咬口，有爽脆，乾身不肥膩。至於呢個軟殼蟹，份量都唔細，只係對我嚟講食開濃味既人稍為淡左小小。期待老闆同主廚再有新推出。

觀塘新開日式餐廳，睇得出裝修好抌本，QR落單，不過冇相得字。野食上得都快。杯富士山特飲，一d單味都冇，而且飲左兩啖就起哂泡泡 睇到都唔開胃，大家千祈唔好試。烏冬好似係自家製，本身都幾期待，不過最後都係失左望，超市買既'真打’都食過佢好多。另外仲點左三個小食，牛舌其實都算OK，係鹹咗少少。椰菜魷魚串，個質地好奇怪，好似咬緊擦子膠咁。芝士年糕咬落去一口粉，真係一言難盡。最後埋單二百幾蚊，真係去食茶記好過。

下午時間搵咗呢間坐得舒服又乾淨嘅餐廳傾偈食嘢點咗蕃茄牛肉烏冬、原隻魷魚筒、燒三文魚腩、串燒拼盆同埋野菜大蝦天婦羅拼盤蕃茄湯底好正牛肉食得出係優質肥牛烏冬口感Q彈一向好鍾意食魷魚筒，今次點嘅魷魚筒好啱我口味串燒拼盆同埋燒三文魚腩一齊上，串燒有雞皮、雞肉同雞翼，配埋啤酒食好夾。燒三文魚腩燒得恰到好處，魚皮香脆，魚肉美味多汁最驚喜係野菜大蝦天婦羅拼盤平時唔係點食天婦羅嘅我都覺得好好食。天婦羅係啱啱炸好即上檯，表面重有一層熱氣。其中大蝦天婦羅必食！！食物整體上都好高質，一定會再再再幫襯