豆腐巴克

营业中

休息中

味道一流，食完會不知不覺想食多碗，想不到街頭小吃在石門商場裡也有，招牌韮菜雲吞薯粉、西米露芋圓、花奶豆奶花、一口炸豆腐、香脆炸雲吞...等等。都係值得去試一試的小吃

再黎石門搵返呢間小食店再食一次 同老細傾左一陣計先知道 豆腐巴克有三，四間分店。 今次食左好幾款炸物，包括炸豆腐、炸燒賣、炸花枝丸。 炸豆腐真係無得輸，22蚊一份有12舊。粒粒都炸到外脆內軟，加上孜然粉好惹味。 宜家仲多左隻蜜糖芥末醬，味道酸酸甜甜，更加刺激味蕾。炸花枝丸同炸燒賣都係受歡迎嘅炸物之一，見到好多人都會外賣一份走人，一路行一路吉住食，真係幾過癮。最後叫左一個招牌三色芋圓。 芋圓好Q好彈，食得出紫薯同番薯嘅味道，加上有豆腐花，紅豆同涼粉襯托，成個口感好豐富。值得推介！

好少去京瑞廣場，近期發現左一間糖水鋪，成為左我hea時間，等小朋友放學嘅地方。試左幾個較為出色既甜品：芋圓仙草，豆腐花，芋圓西米露。芋圓好有煙韌，熱豆腐花好滑，呢d old school 甜品都好啱我口味，重點係佢價錢合理，每日食完再外賣一碗俾仔仔食！值得推介！

第一次去呢間糖水小食店，叫左一碗熱嘅芋圓豆花。講真，本來係諗住純粹揾個地方坐下，同朋友食完飯繼續傾計，對呢一間小店並沒有抱有好大期望。但原來佢既豆花都幾出乎預料之外！！！豆花夠滑！芋圓又有蕃薯味，又夠煙韌，份量又足夠！下次都會繼續幫襯，想試下佢既炸燒賣同舊式糖水！希望香港呢一類既小店繼續努力！！

lunch想清淡點。點了雲吞套餐。 價錢親民，$38 已經有大碗麵、雲吞6隻及豆腐花或豆漿。雲吞有三種口味：韮菜、菜肉及粟米。雲吞大大隻，皮很薄，撰了菜肉，菜肉比例9:1。味道還可。麵有三種，撰了日式拉麵但麵煮過了火，淋了。怕辣湯底點了蟲草豬骨湯，味道清清地，蟲草豬骨味不出。套餐中的豆腐花作甜品自結。豆腐花要自行 調味，隨個人口味放紅糖，值得一讚！豆花十分滑但欠豆味。整體來說：味道還可，份量不少，價錢親民。

星期一打完風 去左石門飲茶 食唔飽 落左2樓 見到有間小食鋪就心思思入去試下 估唔到D 燒賣同炸花枝丸都好好食 最後叫左招牌芋圓 賣相唔錯 下次可以encore 可以叫埋朋友一齊去 佢D野食都幾大份。

食材不足夠沒可能夾硬上枱，水汪汪的差到極點，這樣只會破壞自己招牌。還是此店巳改為只做熟人生意，各位去前要三思。又或是趕著收工？ 其實唔想再煮的可以告知巳售罄，重來沒吃過這樣質數的糖水，印象心刻。

在石門晚飯後，經過過這間小店，我這個芋圓控被門口圖片吸引！三色芋圓: 芋頭、紫薯、番薯三種味道非常凸出。芋圓夠煙韌，配以紅豆沙糖水，陣陣果皮香，實在配搭完美。價錢又大眾化，值得推介！