譚仔雲南米線 (惠安苑)

营业中

休息中

上星期到店光顧已是這樣，想給多次機會，誰知一點都沒改變，無下次！不能接受的出餐時間，由12:29落單至13:15才上主食，飲品都要等35分鐘，以1小時的lunch hour 來說，絕對趕客，絕對不是單一事件，幾枱客差唔多時間坐低落單都同我差唔多時間先有得食，仲有D早過我坐低都係不停追單，有D等唔切要放棄離開，現場仍有很多堂食客及外賣客在等食物。上星期到店光顧已是這樣，想給多次機會，誰知一點都沒改變，無下次！

每個月總有幾日想食下譚仔。尤其今日凍凍地，想飲碗湯。鰂魚涌分店分為2層，座位比較多，星期一至五下午茶時段，都有啲人，但多數唔洗搭枱，而且地方都乾淨。下午茶有好多唔同既選擇，但我多數食雙餸+2個小食🧡🍜魚腐腩肉麻辣米線（小辣）個米粉份量幾好，對於平時嗌開小米線嘅我嚟講啱啱好。個魚腐好似轉左貨，細粒左同粉左，共有2粒腩肉都夠多，正常🐔麻辣雞翼+土匪雞翼雖然小食不可以重複選擇，但而家雞翼款式多咗，可以揀兩款雞翼，同埋呢一間分店係即整嘅，所以相對較多汁，試過之前食其他分店係整定又細隻。☕️凍檸茶係正常呢，叫左小冰，都夠凍，茶味足夠，起碼唔係煲燶或者隔夜茶，檸檬味都夠。埋單都係46蚊，完全滿足我想食少少米線，但又想加小食嘅願望，仲有4隻雞翼🧡

A very disappointing experience at the Quarry Bay branch, ordered a bowl of rice noodles. For the first time, after the rice noodles were cooked, I took a few bites and found that the noodles were either soaked or cooked for too long, extremely mushy, and broke apart with a single chopstick pinch. After eating a piece of tofu and a fish ball, I approached the staff to give feedback. On the second attempt, they cooked another bowl of noodles, but it was evident that the ingredients were reduced.

好耐冇食譚仔，今日見到有個新餐單叫譚譚情，大約出左一個月，主要食火鍋的，有三個系列可以選擇，1、鮮蕃茹雞件鍋2、番莤皮蛋魚肚鍋、3、重慶酸辣豬四寶鍋，晚市的，照顧鍾意食辣同埋唔食辣嘅人，仲非常之抵食！$98蚊有二人用火煱套餐，包括其中一款特色熱鍋+3款自選食材加兩款特色小食加兩份煮食+2杯熱飲！抵到離晒大譜！小食可以揀我最鐘意既四川青椒皮蛋！我哋揀咗先蕃茄雞件鍋，雞件不太多，大約五塊，但非常嫩滑，好似係肶位，配菜有蕃茄、雞件、還有白菜、豆卜、青瓜、木耳，不辣！還自選了魚肚鮮淮山、豬四寶！仲有炸魚皮！真心不錯！抵！抵！抵！

有晚去完鰂魚涌圖書館，落毛毛雨好陰寒，就好想食熱辣辣嘅米線。想起附近間三哥冇咁好坐，又醒起呢頭有間譚仔，我就黎左食。呢間有兩層，我見下層大檯多數食火鍋，不過兩層都有自閉位，比我呢啲毒毒的人坐。QR落單嘅另一好處係，無啦啦會發現自己原來有優惠券可以用！又發現重慶酸辣可以叫二小辣，一直都唔知。今次叫左重慶小辣雞肉芫茜米線，熱辣辣超好味！留意到呢間譚仔姐姐同食客講野都係音量小，坐得幾舒服，而且自助拎水個位都好方便。

甚少比劣評，明明同集團，但實在同三哥 差太遠。Lunch hour 心血來朝想食米線，又見未係好多人，就坐低食。基本上 啲樓面係預你手機落單，唔係好會理你 專心做外賣單。fine, 手機落單三餸米線 送小食，當Bonus。又有個新出嘅大腸小食，一於叫嚟試吓。小食嚟得快嘅，個米線 見隔離枱嗰啲 都未嚟 就廢事催啦。點知 隔離位 遲過我坐低嘅 佢碗米線到左 都未有我份。……舉手追… 左搞右搞又過左5分鐘 先問我「依家煮比你，好無 ？」😂 望吓鐘，我飯鐘所剩無幾 重要行番公司，咁就叫取消… 送餐阿姐問轉外賣比我好無？當然我拒絕左😂… 我明白個小食我食左，你唔想蝕比我😂 咁我同收銀妹妹（實習生妹妹，但態度幾好）提議取消個米線 ，小食收番我單價。極品嚟喇😂送餐姐姐走埋嚟 搭咀，見我哋處理左，爆左句「哎 好呀 啱吖 咁樣佢哋唔洗寫報告」。 Er… 我明你唔想你經理 出動，為佢著想 唔想佢寫報告，但你其實唔洗 喺我面前 大聲講我知 …？ 我成個lunch 剩係食左個木耳同大腸… 其實比個「唔好意思」我 我會好過少少？我本身 唔算譚仔忠粉，一星期最少一餐… 但呢間… 實在 … 我都係行遠少少食三哥好了

作為米線愛嗜者，每星期緊會幫襯一次，是日到訪了譚仔雲南米線，其價錢親民，而且份量大大碗，夠經濟。魚腐蕃茄湯米線 $39魚腐大概4至5塊蕃茄湯濃郁，湯裡面有蕃茄粒多芽菜、韭菜大大碗熱騰騰滿足豐富

天氣轉涼之時好想黎一碗熱辣辣嘅過橋米線，我二話不說即刻衝落街買碗譚仔外賣，真係好足料，飽到個肚圓淥淥，等我草定脂肪過冬。姨姨嘅服務態度都好好，得閒仲會同我吹下水。好評，下次會再食。

今日晏晝去中環做嘢，正當唔知食乜嘢好，抬頭一望見到譚仔個招牌，決定一於喺嗰度解決今日午餐。望勻個餐牌，都諗唔到食乜嘢，突然見到有個脆肉鯇皮蛋米線嘅poster，立即就落order。首先講吓啲配菜先，由於係清湯底嘅關係，所以腐竹同埋芽菜都冇乜味。好彩有芫荽喺度調一調味，整體來講都還可以。跟住講吓主角，脆肉鯇非常之唔錯，但係啲份量就少到可憐，加加埋埋都唔知有冇五片。然後米線來講，軟硬適中，口感唔錯。皮蛋方面，都係份量非常之少，味道就一般般，都係普通貨色，冇乜嘢特別。嘢飲方面，噬咗杯凍檸茶，冇乜嘢特別，為一個缺點就係我有叫少甜但係都係太甜。

星期六日外賣經常要等30分鐘經常幫襯 都經常比錯野， 至少比錯至少3次 其中一次好離譜 吖姐pack緊時同廚房話比錯湯底，但係都照出比我，打開先知道普通酸辣變泡椒酸菜湯底

好耐無食譚仔了，今日係鰂魚涌心血來潮想去，發現好多人等位。等咗大概十幾分鐘，就有位入座。叫咗個湖南酸辣湯底嘅米線，而餸方面就叫咗雙餸—魚蛋同雞肉。上到檯之後，發現雞肉偏紅，好似未熟似的，但實際上，應該係本身雞肉嘅質素就算熟了都係比較紅紅的。就算放落個熱辣辣嘅湯入面浸，雞肉嘅顏色都好似無變過，唔係雪白色果種雞肉。不過味道正常，不過不失。魚蛋有四粒，係爽口兼有少少彈牙，算大大粒。而湯底辣中帶酸，辣度無得揀，個人覺得有少些辣。

好意外的，在臺灣時，常常會思念香港的味道之一，是譚仔的酸菜，原來這種日常家常的味道，是離別後，最讓人想念的，其實每回回臺灣時，都會到二航嚐這一味後，才搭機，但現在二航整修，加上疫情的關係，來往香港的次數都少了許多，所以這會回來，當然要來把思念的味道追回，一定要點的就是酸菜與番茄湯，酸菜的口感多汁，微酸帶甜，非常開胃，番茄🍅湯底，番茄煮的透爛，番茄的精華煮進湯頭裡，呈現的湯是濃稠的，且帶切丁塊的番茄，這樣的好味，總讓人思思念念。

勁近太古坊新開左幾個月既譚仔，平日中午多人到排成個鐘都拎唔到袋外賣，今次下午茶時段走咗去食，叫左個兩餸米線配熱飲，都只係$35！ 好過食茶記😂😂😂仲有只係等左10分鐘就拎到，上班族下午茶首選！但今次譚仔個二小辣好似比平時唔辣，口味比較清淡。譚仔例牌個奶茶都好好飲😛見到譚仔最近攪咗個promotion係外賣加$2有野飲（凍飲/熱飲），$3有小食（雖然選擇係無土匪雞翼或者口水雞， 但都有4樣揀，下次可以試下加紅油木耳，正正正！），加$4仲有個迷你蟹蓋） 但可惜既係下午餐唔包，可惜可惜！

呢間店新開，之前都一路有幫襯，之前外賣都ok。但今次外賣極差， 叫左雞肉腩肉酸辣，雞肉極碎超細粒， 腩肉超級薄而且細塊過之前好多倍， 湯底比平時酸辣黎講過辣，要加多好多水。打電話比店舖反應意見， 第一位應答同事良好，話可以重新煮比我。但2分鐘後，另一位女士打黎，聲稱佢地d雞係咁細粒，另外佢要我帶埋碗野落去比佢地睇下先，要講比佢地廚房師傅聽， 我聽完後同佢講唔洗啦， 咁樣攪法，重唔驚被人落重料。 雖然知道疫情下生意受損， 但係呢位可能主管的應對方法 同埋 呢碗雞碎米線， 令我永遠唔會再光顧！

分店越開越多嘅譚仔，對於米線控嘅人士絕對係好事。今日一行三人黎到食午餐，位於鰂魚涌惠安苑嘅譚仔雲南米線，印象中應該新開店不久。對於幫襯開嘅人，餐牌基本上唔使睇都落到單，今日唔係太肚餓，所以無叫小食。1. 墨丸竹笙鮮蕃茄湯米線($47)，蕃茄味尙可，有蕃茄肉，竹笙夠爽口，所以每次都會叫這款餸。2. 魚腐冬菇雞肉鮮蕃茄湯米線($49)，餸菜無特別，都係個人喜好。3. 金茹牛丸竹笙10小辣米線($51)，辣味保持一貫水準。