譚仔雲南米線 (業寧大廈)

周日超高温，入谭仔食个$19蚊下午茶叹下冷气先。鱼蛋弹牙，猪皮吸尽咖哩汁，辣得够喉又惹味。热辣辣一碗落肚，超过瘾，街头味十足！尖椒够镬气，带少少辣劲醒胃。皮蛋够「溏心」，滑溜溜咁。两样捞埋，咸香夹住微辣，可惜冇少少饭，有就真系一流！咖哩鱼蛋+冻柠茶$22星期日特价尖椒皮蛋$15…查看更多

呢排keep fit外出用餐，想揾健康啲，卡路里低啲既午餐食。喺FB见到宣传所以放lunch时试一次。咁岩见到下载apps有迎生优惠更推动我去。蒟蒻面似粉丝，幼身既，弹牙既。鸡肉牛肉嫩滑。鸡肉份量本身系双倍既。食完饱肚感强。低糖绿茶可以既，唔算甜，又唔会太淡。汤除清汤底，原来仲可以拣spicy，或加钱转汤底。小食系迎新优惠送既。蒜泥白肉，唔错。肉好簿身，蒜泥磨到就系好细似泥，以为咁多油会系spicy，入口完全唔spicy。到差唔多食晒先送上。如果小食可以先上会更好，咁可以边食边送面。…查看更多

19/11 18:38叫外卖，要重庆3小，猪润、腩肉、春卷当我返到屋企开返既时候等一嚿猪润，打落去阿姐话比返我，我话系厨师咩事？佢话佢都唔知！我话再送我都食晒啦，系送一个钟都送唔到呀！叫佢唔驶，蚀比佢！头先等外卖既时候，已有位客人投诉鸡肉比一嚿，真系食其他都唔借再食依间，垃圾！…查看更多

早上打完风，中午又冇乜胃口，谂住食碗谭仔刺激一吓味蕾。公司附近有呢间谭仔，直接行去点餐，见到门口期间限定推介「浓汁猪软骨宽面」，迷头迷脑就去点呢个，阿姐问我要几辣，我话十小，点知佢话最少都有三小，建议我转汤底，就听佢讲转咗个湖南酸辣汤底，就中咗伏。外卖攞返公司食，汤少，𩠌少，果两件豆卜硬到呢，送咗一条蟹柳，完全冇味兼口感差，三小件猪软骨，还可以，起码够软身同软骨部位唔太硬，但果碗宽面 ... 完全唔好食，望落似河粉，咬落徧硬，但最主要系口感好差，糊口的😖😖。汤底酸还酸辣还辣，好似夹唔埋咁。我不嬲都好环保，好少食剩嘢，但呢碗面最后掉咗半碗，真心食唔落。…查看更多

平日好少食谭仔，因为觉得谭仔=好辣，对于唔系好食得辣既我真心怕怕，不过每当经过门口见到promotion 米线张相几靓仔又会想去食下。上次食过蜡笔小新个米线辣到死无下次，今次见到呢个芝士泡菜既捞米线又心思思想试，始终芝士同泡菜我都好中意食。大热天时真系唔会食谭热，因为谂到碗汤米线热辣辣就无晒胃口。不过呢个捞既而且又有芝士又有泡菜，就试下佢啦。叫左呢个烤猪柳芝士泡菜捞米线唔辣，加$3有冻热饮。个样真心几靓仔，芝士酱好够，捞埋一齐真心好味，芝士捞就系应该呢个味，可以再食😆同场加𩠌猪肚辣到喊不过都几惹味既。…查看更多