影片
谭仔最近新出咗一款米线，仲揾埋七师傅宣传，身为七粉嘅我梗系要试吓啦。因为见到app做紧优惠，所以都系外卖送上门。讲吓有咩𩠌先，长蟹棒有一条，带子就有三片，鱼片头有一片定唔知两片，再有埋啲紫菜。汤底系泡椒酸菜鱼汤，不过就唔系好浓郁，辣度ok。觉得失望嘅系因为带子薄到好似个$5银咁，食落仲有雪味，不了。不过$40左右，谭仔都唔可以太高要求。试过一次就算啦，下次都系会叫返其他米线。包装方面，米线同汤分开，送到黎都唔会好淋，但始终冇堂食米线咁好味。如果因为方便叫都冇乜所谓嘅，最好就梗系去返门市食啦。
继续阅读
米线精又出场！前排去左个长旅行，有成个日期无得食中餐，返到尼紧系整返碗墨丸鸡肉米线啦间间谭仔系煮得有少少唔同，个汤式同d面既软硬度系唔一样！而天水围天泽商场呢间呢，系煮得比较好，软硬度适中，汤底辣度合理，点解我咁讲？有d 谭仔师傅既十小辣系无辣，有d小辣整到中辣咁，几肯定佢地无standard比班厨师跟。仲有我个人喜爱谭仔云南米线多d，因为装潢靓d，d姐姐服务态度好少少！食野要食埋个气氛架嘛！！！！另外呢间既芽菜几fresh
继续阅读
寻晚好地地谂住去天水围谭仔简单食完就走，点知等咗十分钟叫人落单，都冇人理，连续嗌咗四个人，都敷衍说等等就行开， 跟住有个所谓嘅店长就过嚟招呼我，我就有礼貌同佢讲话我叫咗四次都冇人嚟落单，点知佢个反应大到我真系估唔到，竟然当住咁多人面前大大声声凶我，话你都见到我哋客人多喇，等多一阵唔系咁大问题嘛，我话我见到前边迟嚟𠮶两个客都落咗单，问点解落单咁简单嘅事都搞咁耐，早啲处理到就唔使我等咁耐，啲客早啲吃早啲走咪仲好，我问佢姓乜嘢，佢话私隐唔讲得，吓！所有连锁快餐店例如大家乐大快活的店长个名字都写喺铺头里边，呢间连锁店特别奇怪。好似日本公司已经收购左谭仔，日本人管理的公司员工服务态度不嬲都好好，我真谂唔明呢间公司嘅管理层，到底知唔知员工嘅服务态度如何。老板请员工去帮佢公司赚钱，唔系请员工帮手赶走d客，咁样做法真好似捉咗只老鼠入米缸食晒佢啲米咁样。请个咁恶劣嘅员工同佢赶啲客我都第一次见。寻晚同埋今日打咗两个电话，去反映一下，竟然到而家都仲未有回复。所以有一句说话系好真嘅，有乜员工就有乜嘢嘅管理层，我一家大细同埋叫埋啲亲朋戚友以后一定唔会再去谭仔食嘢。我一向好少写食评，今次是例外，可想而知寻日个店长嘅态度系有几恶劣。
继续阅读
都有一段几长时间冇食谭仔，今日去到见到佢个餐牌有少少唔同左😵😵小食𠮶边多左几款菜可以拣，而米线配料𠮶度就冇左猪膶😧😧😧咁我惟有嗌酸菜豆卜啦，佢个酸菜分开上嘅，一食，咸到呢......除左咸，都仲系得番咸，有啲失望呀
继续阅读
通常谂唔到食咩就一定会拣谭仔， 可以简简单单食一餐又唔容易中伏~ 所以就算去到好少去嘅天水围，都系选择返食谭仔 ，系我长期嘅饭堂吖🙂~今次叫咗鸡肉豆卜米线， 谭仔嘅鸡肉系好多人哋必选， 我都唔例外~ 份量够多，又淋又入味。汤底都系钟情于三小辣， 够辣够刺激之余接受到~ 再辣我惊连味觉都冇埋😂 食唔出配料嘅味道。食麻辣就梗系要叫嘢饮啦。叫咗杯咸柠七， 咸柠檬笃到一半就可以啦，如果笃太多会好咸，盖过7-up嘅甜道， 都系半咸半甜最好~
继续阅读