譚仔雲南米線 (何文田廣場)

营业中

休息中

譚仔-新出咖喱牛腩/雞肉/紅腸$51（任揀3揀2樣）港式咖喱汁 x 譚仔配方咖喱湯帶有少許辣牛腩偏腍身又入味又唔差🤓紅腸釀魚肉咬落反而一般🙈🙈雞肉豬膶蒟蒻麵+低糖綠茶$47健康人之選雙份雞肉+豬潤份量OK食落都唔錯😎😎

何廣呢間譚仔係採用開放式設計，所以當有人喺外面輪候，坐喺個位度係一定會感到壓力而食快啲，不過我心血來潮大約11:30左右就去咗食，所以可以直接入座。雖然冇輪候時間，但係上菜都等咗差唔多20分鐘🥲雞肉重慶酸辣小辣（$37）勝在呢間嘅單餸米線，餸嘅份量都幾多非正式計算，雞肉大約有12嚿，個人認為食譚仔食單餸通常份量都多啲。其他都正常啦～芒果布甸🍮（$8）第一次留意到有賣芒果布甸，就想睇吓有冇驚喜，結果係。。。冇驚喜😂 超級普通，同惠康賣嗰啲差唔多😂😂

✨雞肉鮮淮山黑蒜清雞湯米線（2小辣）養生配料好豐富，以黑蒜、淮山、雞湯為主要口味，補氣益胃。每一種食材都新鮮可口而唔膩，米線麵質適中，湯頭用各種天然食材慢火熬煮，味道清甜而辣。.✨海帶牛蒡白切肉呢個正🤤🤤凍凍地 辣辣地 好開胃❤️

8:00pm 已經坐低即刻落單，搞到8:30都仲未有得食，同個職員講，佢就話嚟緊㗎喇出緊㗎喇，每個客都係咁樣催佢哋，我唔明煮米線或者菜點解可以咁慢囉😅😅如果你好多時間浪費嘅話，可以食呢間分店嘅。否則嘅話就真係完全唔建議啦其實上網都見到有好多人講呢個問題㗎啦，不過以為會有改善啦，點知原來都係咁鬼慢。仲有啲職員同我講煮米線呢其實唔係咁快嘅，咁係你地慢姐講真，我就真係唔知道呢啲用湯煮嘅嘢要幾耐啊，理論上就唔係好困難嘅啫

譚仔食物質素都係一貫方程式，不過唯獨呢間譚仔既人手嚴重不足，一到晚餐時段就長期要等職員，就算埋單、買外賣都要等好耐先得。希望能正視問題吧！我一早打電話落定外賣order, 但要比錢拎外賣時等左五分鐘先有譚仔姐姐有空間入黎收銀….唉呀

基本上食物質素沒大問題，保持到正常水準，沒甚麼意見。不過正如其他評語所說：何文田分店人手長期極其短缺，晚餐時間只有一至兩個樓面職員，要同時處理埋單、落單、傳菜，人手不足絕對是極大弊病。先不說客人要落單起碼要等十至十五分鐘，職員連落單撳機都會出情況，不懂得如何下單，要客人教返轉頭，簡直匪夷所思。請正視劣評如潮的人手安排，管理層責無旁貸！如在何文田區食飯，無必要在此譚仔分店浪費時間，食到一肚氣，留返啖氣暖肚好過

（長文）何文田間譚仔雲南米線，啲嘢係就係好食，不過佢哋啲人手工作安排真係差到呢…首先講安排入座，我覺得專人搞會清楚啲知道等候人嘅情況，易於安排及公平入座囉。但係佢哋啲店員就係邊個得閒就走出嚟㩒下，叫號入座，唔係專門一個人搞。而佢地叫人入座嘅方法係點呢，首選一定叫4個人嘅籌，好喇叫咗兩張籌都冇人應，繼續叫，再叫多2個籌都冇人應，當時我已經等咗25分鐘，我忍唔住問：「點解唔叫1個人嘅籌號？」個女侍應A大大聲講：「跟時間叫架嘛！」講完，唔理我，繼續叫4個人嘅籌…叫多4個號碼…跟時間叫？佢咁樣連續前後都叫咗8個號碼，咁樣叫跟時間叫？難道當時連續有8組都係4人嘅攞咗籌？搵鬼信呀？！佢叫完8個籌都冇人應，於是，佢走開咗，去做其他嘢…冇錯，佢冇繼續叫其他人數嘅號碼，仲有3人，2人，1人籌…外面仲有成村人等緊，特別係1人嘅籌，當時叫到23號，我見又有1人嘅攞籌，已經係排到36號。隔咗大約3分鐘後，又有另外一個女侍應B出嚟叫籌號，又係叫4個人籌，叫咗兩個冇人應，於是叫3個人籌，有人應了，入座，然後女侍應B繼續叫3人籌，叫多兩個號，但冇人應，我又忍唔住問：「點解唔叫1個人嘅籌？」佢話：「你1個攞籌先」我話

我是旁邊公開大學的學生，因為離得近所以來這家店吃的次數很多。 今年4、5月份來的時候味道和份量都是可以的，我一般會點麻辣小辣，上米線的速度不會說很慢，能接受。 時間往後推移，慢慢的這家店做的米線吃起來味道會有些不一樣，小辣的辣度沒有以前那麼辣，而且上米線的速度是越來越慢。 這次我是11點05左右進的譚仔，11點20落的單，現在11點51還沒有見到米線。 頭疼，我只能說對這家店很失望，人員安排的效率太低，對顧客的態度又很惡劣，唯一有些安慰的或許是米線還是譚仔米線。 希望這家店以後能有些改善吧，也不枉我們顧客對譚仔米線的認可。

一向有幫襯不同的譚仔和三哥米線，但何文田廣場那一間由開始至現在外賣速度非常非常的慢。同一分店銅鑼灣分舖，客人比佢多，但一般10-15分鐘一定可以。相反何文田分店店內人唔多，又講到自己有幾忙有幾多外賣但係一睇號碼就知，一定唔夠人哋旺區的繁忙但外賣時間就double。同一區嘅三哥譚仔一樣都係10到15分鐘內幾本可以完成，所以應該唔係設施問題而係人嘅質素同訓練問題。打電話去問阿姐可唔可以快啲永遠都係聽到廢話。全店應該換人。

譚仔雲南米線 (何文田)何文田佛光街80號何文田邨何文田廣場1樓102A 及102B號舖腩肉清湯米線湖南土匪雞翼何文田廣場呢間開咗唔係好耐。原來全部米線都可以加$3有芫荽山🤣咁又真係唔錯喎，本身諗住淨係食過清湯腩肉，加$3嘅芫荽其實都算係多咗一樣餸，份量都真係唔少，夠鋪滿整碗米線嘅份量😎而且清湯嘅味道夠清淡，食落更加突顯到芫荽嘅味道🙏另外散叫咗一份土匪雞翼，三隻都要廿四蚊，個人感覺好似貴咗少少🤏不過整體來講味道都算唔錯，而且上菜速度夠快，譚仔姐姐亦介紹得幾好

次次叫外賣都要等成半個鍾！！！！！！！！！！不論舖頭繁唔繁忙，多人又好少人都好，都要等咁耐！工作效率極低，做嘢又手腳慢！！！！！！！真係唔明點解可以間舖頭冇人都可以得成半個鍾先拎得個外賣，所以之後想食譚仔我會打電話叫定外賣，等4個字先出門口。上次打電話叫外賣一直都唔通，起碼打咗15分鐘都唔通，咁算啦，我認為多人叫外賣所以打唔通，點知我落到現場，見到佢地員工將個電話拎起，專登唔聽電話！！！！！！！！！！今日咁嘅服務態度絕對唔得！！！！！！！！！！！！！！！！！

一向食開酸辣湯底米線，其他分店水準好穩定，今次經外賣apps auto揀左何文田分店，賴野！因為外賣關係，我已經唔care啲食物飲品有幾凍有幾熱，多湯少湯都唔緊要，但係...1）湯底好淡，唔夠酸，唔夠辣2）米線好鞋衰過我自己煮😑

難怪譚仔米線在香港多年屹立不倒。終於明白當中原因。今天點了番茄雞肉墨魚卷魚片頭米線。番茄湯底帶點小辣實在非常惹味。米線有咬勁感覺很好，鷄肉墨魚卷和魚片頭的份量很多。49元實在非常划算。唯一是米線拿出來的時候厨房忘記放雞肉擺了一個烏龍，但最後雞肉都有補上。

本身都冇諗過食譚仔 但見佢出面唔係咁多人排隊 買外賣嘅話應該唔會等好耐 點知你望到佢拎啲外賣出嚟 啲阿姐呢都係手腳好鬼慢 施施然咁又整下個餐單 行行企企唔做嘢 跟住原來係有好多張單佢根本都接唔切 搞到本身叫個外賣 我諗你起碼要預大半個鐘或者45分鐘到 先會拎到外賣 打工仔食飯時間得壹個鐘頭多少少 等佢一個外賣等九個字 攞到都唔使食 香港人咁講求效率 但譚仔效率咁低 知道好多香港人都鍾意食 但真係要諗清楚 因為係憐惜嘅時間都唔會有 唔會再有下次