譚仔三哥米線 (已結業)

谭仔呢类型快餐款式日日相同，实在无咩特别要打食评。但原来人大左要揾到人一齐食谭仔都唔系易事，首先对方要系爱好米线之人，第二比较食得辣，第三饭脚人数一个起两个止，因为人一多就唔会食谭仔，会揾d易揾到位餐厅本人最爱谭仔三哥炸酱鸡肉三小辣！麻辣香麻过瘾，炸酱一如以往美味，鸡肉份量偏少。再叫左一客口水汁皮蛋，唔知系咪太耐无食，皮蛋size变成迷你版口水汁系有花生味的辣汁，但辣度比麻辣低。跟餐+7配冻柠蜜，好难得同咖啡奶茶同价，好抵饮！…查看更多

一去到第一层见到好多人,比人叫左上第二层,其实都冇咩问题既。上到去二楼要同人搭枱都好正常,但系啱啱坐左10分钟都唔够就比人叫话换枱。之后想落单又系烦,成层好似得一个职员,仲要做埋收银其实都好惨。但真系想落单都要系咁等。。。咁都算啦。落左单之后等左都唔算耐就有。我本来系叫酸辣既,咁我见碗野红红地食就霖会唔会系落错左三哥酸辣啦,咁系我冇讲清楚姐,我问题啦咁。点知食左2啖觉得唔对路再睇下张单,发现佢帮我落左三辛(虽然唔知系咩,但一定唔系酸辣)。其实我想讲,我已经讲左2次点解都可以听到错晒==ok,算。讲番食物质素,鱼蛋真系冇谭仔咁好食咁弹牙,我一开始以为自己食紧墨鱼丸。。而且d腐竹明显系煮太耐,林到可以煲糖水。不过唯一好过谭仔既系佢系大碗d既。但系我下次都系食番谭仔算==…查看更多

豆卜米线10小辣。前一段时间去了旅行 ，回来最想吃的却是三哥谭仔， 来一个豆卜米线 健康一点味道亦很不错， 豆卜很多，面线香滑。 十小辣带一点的香辣 让人越吃越起劲，再配一杯冻柠檬茶中和一下那点辛辣。…查看更多

一个平时唔多食三哥o既人连续三个星期六去食三哥探讨食三哥o既点𩠌策略......呢次点左猪膶竹苼酸菜酸辣汤底米线.猪膶唔系第一次食, 但第一次食系外卖拎返屋企, 𠮶次非常差, 苦味好重, 但基于𠮶次系外卖, 拎返屋企都要半个钟, 当系受外卖影响畀多次机会佢. 呢次去返外卖𠮶次同一间分店, 堂食个猪膶又真系好左㖞, 无乜苦味, 整体唔差, 若然口感再爽啲, 肉地厚啲就好喇, 而家个质素未能打入Top 3, 但都系有兴趣再点o既𩠌.竹笙本身无乜味, 我谂佢o既存在系为左食佢个爽爽地吸哂汤o既口感, 佢又真系做到爽爽地吸哂汤, 不过唔系好打动到我, 觉得平平无奇, 纯粹觉得有啲野系个口"杀杀"声, 仲要比其他𩠌贵$2, 以后唔打算再点.酸菜正啊喂！一食就要入Top 1！佢正在系够酸得黎又有种好似经过发酵先会有o既辣味, 味道系先酸后辣符合我其实唔多钟意酸辣同制o既喜好, 仲有啲酸菜好爽口♡(ˉ﹃ˉ)经过连续三星期深入"虎穴", 加埋以前食过三四次o既经验, 唔计𠮶啲一睇就唔会点o既𩠌, 已经将我打算试o既𩠌食过哂, 我o既Top 3系酸菜>腩肉>墨丸, 如果呢三样食闷左会叫下猪膶、炸酱、腐皮. 虽然上星期点腐皮未如理想, 但系明明附送𠮶啲系OK𠮶㖞, 而且我本身都钟意食腐皮, 所以未舍得放弃佢. 仲有小食未研究完, 不过连续食左三个星期系时候要停一下, 小食策略要留待下回分解了. …查看更多

晏昼过旺中买嘢，买完嘢就同FD去左附近嘅三哥揾嘢食。其实食亲谭仔都唔洗谂存啦，都系叫猪润鸡肉清汤薯粉，唔知系咪错觉，硬系觉得三哥D配料系比得松手D多D，而且猪润煮到啱啱好熟，鸡肉亦都好淋，汤底黎讲其实两间都差唔多。另外叫左个皮蛋食，我认为皮蛋真系好睇个酱汁，三哥个汁辣系够，虽然都好食，但系香就唔太够，始终都冇谭仔个D好味。…查看更多