譚仔三哥米線 (健威坊)

营业中

休息中

各位米線關注組嘅朋友仔！平時食開譚仔三哥，唔係麻辣就係煳辣，再唔係就三哥酸辣 😎 但今日經過三哥門口，俾我發現到一樣顛覆宇宙嘅嘢——竟然出咗個「鮮檸清湯米線」？！仲要係期間限定！🤯所以決定試一試。究竟係天使嘅禮物👼，定係魔鬼嘅陷阱！一上枱，係同平時啲紅噹噹嘅湯底好唔同，呢碗米線個湯底係奶黃色嘅，面頭鋪咗幾塊切得薄薄嘅新鮮檸檬片🍋，仲有紅辣椒圈同翠綠嘅菜心做點綴，成件事好有夏日嘅清新feel！😍飲咗一啖湯係有驚喜既，清湯帶住鮮檸檬嘅微酸令人覺得好Fresh好開胃。唔係好泰式但係成件事都幾夾。「鮮檸清湯米線」嘅餸配搭係預設嘅，有雲吞、雞肉同魚片，份量都可以！（女仔剛剛好，但男仔應該唔夠食）至於啲餸：我特登+8蚊加個“鮮蝦餅”，但好失望的係，蝦餅好重粉味，完全食唔到蝦味，又細又薄。魚片有些腥，個人唔係太中意。雲吞雞肉正正常常。總括嚟講，今次呢個「鮮檸清湯米線」對我黎講，比較吸引的只係個湯底，未試過可以一試，試過就無須再試。🌟

1點尾入去，繁忙時間過咗，可能有職員去咗廁所，鋪面得兩個人，入座同我講咗聲就行開咗，等咗陣冇人俾手機單，揮手舉手冇人理，執野行過扮睇唔到，俾曬機會我同唔同嘅職員揮過手。等咗10幾分鐘，對間分店完全失望。雖然今次我食唔到，但過往食物都係好參差，時好時壞，睇彩數。啲職員成日嘈交，好似一直都不和，啲工作左推右推。我明白中午忙完要休息，所以我俾足時間佢地慢慢執野，慢慢出餐，唯一接受唔到係態度，叫客人等陣都費事，前後等咗10幾分鐘，直至有個啊叔捉住個職員叫佢落單。 我feel到唔對路就直接去咗，在此留下劣評。

譚仔三哥下午茶最近換左新menu，野飲連野食都係19蚊起，性價比高，慢慢嘆茶坐低享受下啦！譚仔迷你雙餸米線連飲品都係30蚊，雖然話係迷你，但係份量其實跟平時差唔多，同樣按個人喜好選擇湯底（麻辣/酸辣/清湯湯底）同指定食材。加配左 #蜜糖燒雞翼 2隻+$16 及 #香烤芝腿雞蛋卷 +$18。蜜糖雞翼燒到表皮香脆，濃郁蜜糖充滿整隻雞翼；香烤芝腿雞蛋卷打開充滿邪惡芝士、醬汁，厚蛋咬落去口感同樣好正！三哥轉左全新凍檸茶，茶底用左9款錫蘭紅茶茶葉而成，茶香味更加散發出來，值得一試！

其實我都係身一次食評，但係眼見譚仔啲雞翼越嚟越差，所以都試吓寫下食評！以前啲雞翼又大隻，又夠熱又夠香而家啲雞翼縮細咗一半咁冇咗以前嗰種厚度差！有陣時仲唔係好夠熱，就好似微波爐叮30秒出嚟咁！價錢就一路係咁加，但係質素不斷下降完全唔抵食以前譚仔嘅雞翼，一路都係必買嘅項目而家質素每況愈下，我都唔想再叫咁嘅雞翼質素，同香港政府搞嘢繽紛一樣，注定失敗因為呢間北角分店喺屋企樓下，越嚟越差希望其他分店唔係咁樣！

Lunch外賣，米線轉左生菜底，不過生菜份量是非常少，大約只有5-6片生菜，不明白比選生菜餸的份量更為少，感覺是偷工減料，餐廳備餐的標準很粗疏，十分失望，無下次。

和家人去食屋企附近的譚仔三哥堂食，貪佢近，大家又喜歡食米線。這間鋪座位多，但一定要坐滿近門口位置，才會開裏面的座位，有時因為人手不足，都唔開裏面的位置。上菜的速度正常，番茄湯底味道濃郁，米線的軟硬度適中。

好耐冇食譚仔三哥， 就去門市外賣自取， 有注意到門口話留意，外賣時間可能要10至20分鐘， 覺得20分鐘都接受到， 但我估唔到居然要去超過40分鐘， 雙倍時間。 我成日中午時間冇哂， 仲要號碼後過我都有得攞外賣， 現場都有客人投訴， 我過左25分鐘已經通知店員跟進， 到35分鐘我話退錢我唔要， 店員才話我再幫你睇睇， 我估係我投訴完先煮。 最後43分鐘後才取到外賣。 我話味道都係正常。 大家要有心理準備先好去。

🌶️三哥酸菜鯛魚米線配魚片頭$52(加配$17尖椒皮蛋+凍檸茶）鍾意食酸菜魚既我終於試到三哥酸菜魚米線，叫左四小辣🌶️，配料有小量蘿蔔乾，湯底失望..味道同譚仔酸辣相若只係多幾粒鮮辣椒粒同酸菜，唔鍾意蘿蔔既我真係好失望叫左走蘿蔔乾都仲見到佢，而且湯底有好多蘿蔔乾渣😟鯛魚片無骨有三片係好食既不過份量太少，魚片頭都有三舊無咩特別😅米線軟硬適中加配優惠$17連飲品尖椒皮蛋份量好多抵食👍🏻必點

I haven't been to Sam Gor for months since they changed the stuffing of vegan dumplings to celery😥🤮 which I hate😂.Finally, chinese chives vegan dumplings are back!! O!M!G! I couldn't wait and tried it tonight😍We ordered Potato starch noodle mixed in San Suan sauce topped with pork&mushroom balls and pork belly (1/10 spice) and Omnipork & Chives Dumplings with Blaze mushrooms in mushroom soup noodle (Mild). We also ordered roasted eggplant with garlic.Potato starch noodle was spiced. Love the che

又係懷念譚仔既時候基本上每次去譚仔三哥，都係叫依個例牌過橋米線，糊辣中/小辣細土匪，凍檸茶點解叫過橋米線，因為抵因為你散叫3個餸以上，同過橋米線都係差幾蚊，但係過橋米米線咩都有仲幫你加底，所以佢係抵叫既而且佢仲有我最鐘意既竹笙，佢吸哂湯既味，直頭係精華，點解佢係高級食材，係有原因既湯底方面，三哥獨有既糊辣就最出眾，佢用左多種香料炒完，再加落個湯到淆製，香濃辛辣，多種層次，食完仲有暖胃既感覺未試過就要試下啦

有時食譚仔三哥食一大碗米線之後個人總會飽飽滯滯但係個湯底真係好吸引又會搞到我成日都買來食依家加$3可以轉菜底覺得真係好好嘅策略等我呢啲唔太鍾意食碳水嘅人都可以食到譚仔熟悉嘅味道。但依排去三哥經常都冇腩肉期待快啲返貨～～～平時最鍾意食麻辣三小再加個尖椒皮蛋飲杯凍檸茶簡直係完美lunch平時依間舖頭好多人排隊所以要叫外賣嘅話最好就打電話先～有時鍾意食蕃茄湯底辣得來又有濃郁嘅茄湯味茄湯麻辣小辣絕對係超好食

餐廳：譚仔三哥米線 (北角)地址：北角英皇道560號健威坊地下低層L5及L32號舖最近成日聽Tyson Yoshi @tysonyoshi 首新歌《I Don't Smoke & I Don't Drink》🎶，跟風緊喺要跟到佢去譚仔三哥米線 @tamjai_samgor 食全新嘅米線、小食同飲品啦😎，今次三哥除咗 #還你鴨血 ，仲同你一齊慶祝日本譚仔三哥東京分店開幕🇯🇵，期間限定同步推出多款日式食材同小食😋✝️三哥水煮湯老油條鴨血米線 $42三哥水煮湯由5小辣起跳，用咗15種香料同醬料提味，加入咗花椒、八角、辣椒🌶️，令水煮湯底香濃得嚟仲夠晒辛辣，配上台灣直送嘅鴨血同老油條，老油條浸落湯底2-3秒即刻食，香脆之中完美咁吸收晒水煮香辣嘅濃湯精華；鴨血爽口唔腥仲入口即溶，愈食愈上癮🤤✝️蒜香/蒜辣雞翼尖 $15雞翼尖用咗涼拌方式去整，配合埋譚仔三哥秘製嘅醬汁同雙重香蒜：蒜泥同炸蒜，無論味道同口感都大大提升👍，食落惹味仲食唔停口🤪。蒜香雞翼尖有香濃嘅芝麻油；而蒜辣雞翼尖就加咗三哥嘅秘製紅油，各有千秋🤩✝️香醋芝士鮮原茄 $16由經典嘅日式涼伴小食炮製成呢個香醋芝士鮮原茄，用原個去皮嘅番茄🍅，一開四

假日經過北角健威坊，見到譚仔三哥，於是我哋就入去食米線，睇完餐牌，都係覺得過橋米線咩都有，唔使諗咁多，價錢就$56，另外叫咗豬膶米線$34＋$2蕃茄湯底，仲有個魚腐米線$34＋$2蕃茄湯底，最快到嘅竟然係麻辣湯底過橋米線，有魚蛋、豆卜、豬膶、牛肉、豬肉、雞肉、牛丸、墨丸...等等，乍醬及酸菜分開上，真係好足料，份量都幾多，兩個人食都得。而等得最耐嘅係魚腐米線。總結：三碗米線嘅份量都好多，麻辣湯底揀咗5小辣，都已經好辣，至於蕃茄湯底都好濃，好好味，都幾開胃，亦有蕃茄係度，豬膶都都煮得啱啱好，唔會太實，魚腐都好味。職員服務態度都唔錯，見到廚房嘅職員都有戴好個口罩，亦有網套套住頭髮，職員都有戴手套，感覺都幾乾淨。

最近每星期都要抽一日黎到北角上堂公司附近冇三哥 難得上堂附近有 就過黎食晏三哥喺7月份推出左個期間限定請有Mirror成員做marketing所以諗都唔諗 就叫左個麵黎食1. 胡麻湯魚爽肚米線呢個麵材料有：胡辣麻辣湯底、魚爽肚、魚滑豆卜 同 米線湯底唔算辣 連我呢個唔太食得辣嘅人都食到魚爽肚有魚鮮味 亦好爽同彈牙魚滑豆卜就普普通通 有魚滑喺豆卜入面2. 香烤芝脆豆腐餅食以上個期間限定麵 可以以優惠價加呢個餅呢個豆腐餅就比較麻麻個底煎到燶晒 芝士味唔多

一向都有鋪米線引【譚仔三哥】就係我嘅熱門蒲點之一貪佢食物質素有保證 夠曬🌟快🌟靚🌟正今次我嘅一人浪漫🌹包括：❣️香辣回鍋肉蝦仁炆米線❣️麻辣醬銀耳鹿茸菇❣️露絲瑪莉蘋果梳打❣️香辣回鍋肉蝦仁炆米線 ：有別於傳統湯米線，今次嘅米線🍜 以全新「炆煮」方式製作，估唔到味道好有驚喜🎉。熱辣辣嘅米線口感同往常一樣煙韌彈牙，夠曬滑溜。吸收咗秘製醬汁後嘅米線沾滿香辣🌶醒胃嘅醬料，香味更為濃郁，令人食指大動🤤以腩肉炮製嘅回鍋肉，吸收🧽咗秘製回鍋肉汁後，味道香濃，啖啖惹味醒胃，口感清爽，唔會有油膩感覺。再配上爽滑彈牙蝦仁及紹菜一同進食，香辣之中不失爽甜嘅味道，令口感更為豐富，真係越食越過癮！另外炆米線還可額外加配其他配料❗❣️麻辣醬銀耳鹿茸菇：全「辛」小食既爽又辣😋銀耳口感爽脆，鹿茸菇味道鮮甜獨特，沾滿三哥秘製、辛香麻辣嘅麻辣汁及帶有粒粒肉碎嘅乍醬之後，香濃惹味，令我食到無停口😋❣️露絲瑪莉蘋果梳打：擁有淡淡玫瑰🌹清香、微微薄荷味道，青檸蘋果梳打味道出奇地夾，酸酸甜甜、夠晒清新，用佢嚟解辣🌶️就最適合不過👍【譚仔三哥】呢個全新香辣回鍋肉蝦仁炆米線絕對屬於米線控必食之選