影片
营业时间
今日营业
07:45 - 22:00
星期一至日
07:45 - 22:00
以上资料只供参考，请与餐厅确认详情
优惠
95折
[谭仔三哥米线] 港币$50电子现金券（即买即用）
$47.5
$50
平时我最钟意黎谭仔三哥食饭， 今次就试左佢嘅下午茶餐，每样都好吸引人，而且价钱真系好抵食，物美价廉，份量足够😋<下午茶餐: 2𩠌米线 + 2小食 🥢>我拣左鱼腐和鸡肉同加左$1去麻辣汤底，汤汁麻辣开胃，鱼腐鸡肉两款𩠌都鲜美可口。辣度适中，味道香浓，一碗小米线对于女仔黎讲岩岩好。除左一碗2𩠌米线之外，仲可以拣多两款小食，我今次拣左土匪鸡翼（2只）同口水汁猪耳。土匪鸡翼外脆内嫩，炸得恰到好处，咸香多汁，啖啖都系鸡翼嘅美味，食极都唔会厌。最后一个小食系口水汁猪耳，鲜香爽脆，滋味独特。配料恰到好处，酸甜开胃，猪耳爽脆可口。每一口都充满满足感，令人回味无穷🐷个下午茶套餐仲要包一个热饮，就普普通通， 不过$43真系太抵了🥰
继续阅读
🍜米线 🚹1-8人 🐻❄️#新奇控——————三哥又出捞薯粉啦！🐻❄️当然要抽时间去试吓😋三酸捞薯粉$49薯粉依旧有咬口，食开3小辣以下嘅，辣汁最好控制吓落嘅份量😝个set指定配搭燕饺同单骨鸡翼，可以再加钱加𩠌，但唔系每一样米线嘅𩠌都有得加，好似生菜🥬就无得直接加啦～燕饺食落有啲似鱼皮饺，肉馅好满，钟意鱼皮饺嘅应该几钟意❤️❓其实燕饺同鱼皮饺有咩分别？🐻🐻❄️：燕饺源自福州菜「扁肉燕」，因皮薄如轻盈飞燕而得名，其实皮同馅都系猪肉制成😛至于4只单骨鸡翼呢…换言之=2只鸡翼🤣🤣有啲偷工减料之嫌😛不过都好好食👍🏽结论：水准稳定，但记得以前嘅捞薯粉好似唔使$49，性价比普通啦～
继续阅读
又到星期二溜冰，每一次溜完冰都要谂食啲乜嘢。今日都系简单食算啦，去food court 行一圈。拣个最多人排队嘅😂谭仔三哥老公就叫咗三个酸辣三小辣，我就叫咗三个酸辣中辣。有时我去其他三哥，个中辣系完全唔啱，又一城呢间个辣度合适。
继续阅读
晚餐时间，我去咗又一城Food Court嘅谭仔三哥，点咗碗猪肉麻辣米线，另加$12加配云耳，仲有杯冻柠茶，整个用餐体验真系令人满意。首先，谭仔三哥嘅猪肉麻辣米线真系劲！汤底辣而不燥，麻香味足，啖啖辣椒油带出嘅香气令人一试难忘。米线自己本身滑嫩，吸满咗汤底嘅精华，每一啖都系满满嘅满足感。至于猪肉，煮得刚刚好，肉质鲜嫩，完美融入麻辣汤底之中。云耳口感爽脆，同麻辣汤底嘅结合出奇地好，为整碗米线带来咗额外嘅层次同清新感。呢个小小嘅加配选择，令整碗米线嘅口感同风味都丰富咗好多。当然，辣中带有清新嘅冻柠茶，就系完美嘅饮品选择。喺享受麻辣嘅同时，一杯清凉嘅冻柠茶能够有效解腻，令整个用餐体验更加圆满。谭仔三哥喺又一城Food Court嘅位置方便易揾，员工服务快捷，即使系繁忙嘅晚餐时间，都能够保持嘅效率同亲切。餐厅嘅环境简洁舒适，无论系同朋友定系家人一齐，都系食个快捷又美味嘅晚餐嘅好地方。
继续阅读
放学一谂唔到食咩就会去食三哥，都算系穷人恩物🤣🤣我每次都系叫鸡肉+生菜，然后要酸辣汤底，唔要饮品的话只需$45👍🏻酸辣汤底就冇得拣辣度既，不过我就觉得呢个辣度岩岩好，同埋酸酸地好开胃👍🏻鸡肉每一旧都好嫩口，份量都唔少，生菜就清甜好味，每一碗配料都好多，有腐皮芽菜韭菜👍🏻
继续阅读