影片
食家推介
话说系咁嘅当你见到佢咁写你会有咩联想？追加一客，正常人都会谂追加一客面又或者取巧d 咪食完追加一客面底？！断估都谂唔到佢系追加一只蛋或者一串鸡软骨点解要咁 “神秘”？？？唔可以光明正大咁讲唔好话俾我听想d客自己谂？？？如果Marketing 手段咁低装，不如炒左佢啦又或者系连marketing 都冇嘅 🤔之前都试过帮衬你光明正大明码实价咪会帮衬而家咁样我本人以后都唔会再食！仲要荃湾果间一个人虽然有带手套有口罩但得一条友收钱又系佢抹枱执垃圾又系佢然后再用呢只手套去攞你碗面即系咁我见到就唔敢再食
继续阅读
作为日式超市内嘅一间快餐日式拉面店，味道OK合格，价钱偏贵，选择少，只有罐装汽水，没有热水热茶选择。人均消费都要$80 ，偏贵。主要猪骨，酱油，辣汤底，半只蛋与一只蛋嘅选择，薄薄两片叉烧。
继续阅读
本来想去对面百芳食便当，但话要等半个钟，见呢间新新地又冇乜人就入去试下，点知中左伏。7点几想叫沾面已经冇，叫左碗赤豚拉面，等左十几分钟先有得食。碗面好麻麻，个卖相正常但面质偏硬，啲𩠌普普通通，汤底好喊，食完要狂饮水。
继续阅读
碗拉面一摆到面前，完全冇香味，失败。一试个汤，唔热，失败。汤完全冇味，失败。面硬到似未熟，失败。去到呢到你可能会话，碗面清汤架ma好正常姐。系！系好正常，但我嗌既系白味噌拉面呀，味？睇过？边到味噌呀？！再黎紫菜，未浸湿部份都淋，失败。2块叉烧，份量少，失败。唔紧要啦唉，好食就可以啦。一咬，弹牙既？！橡筋黎架？仲要系冇味既橡筋。究竟呢碗野有咩系有味，系冇呀！再黎，正常坐低tick纸或者落单，一入去冇人理人执上一枱既碗，我直头冇位坐呀！去counter嗌野食，嗌完特登同佢讲我坐边佢先识收碗，条友收完碗就返入厨房。。。枱呢？你唔抹架？😦仲有上一手既汤㖞，污糟到咁你唔抹架？算啦算啦。。。食完我就俾钱啦，俾张大纸$500佢找钱。店员：冇钱找㖞我：(未打开收银机就知？)下？冇钱？唔会呀？$500㖞店员：唔够100呀(然后打开拎咗6张100出黎数)我：下？店员：(拎起埋唯一既$10)冇呀得$410我(指住隔离张50)：我俾8蚊你你俾$450我啦。个店员找咗钱俾我，我望一望自己银包，张$500仲系我到。。。唉当帮下你费事俾人话呃钱，提佢未收钱俾返佢，我就走咗啦，以后唔会再黎。。。
继续阅读
呢个算系荃湾新开嘅拉面店之一，但系我去食嘅时候一个人都冇，坐左5分钟左右，唔知系咪D人见到我食，佢地先敢过黎食。(笑)睇完餐牌，再食埋，只会觉得lunch先好黎食。叫左一个白豚骨，一个黑豚骨拉面。汤底唔算浓郁，偏清，汤嘅份量比一般拉面少，如果你好钟意饮汤，你会唔开心。唔知系咪冇人排队/食，煮得比较求其。个面明显食得出机制，食落口一条条面粉嘅感觉。整体唔算难食，但唔应该呢个价钱，个质素系一般food court D拉面咁，如果佢平D就好好多啦个感觉。不过我唔会再食嘅，继续努力啦！btw 佢有lunch set四五十蚊，真系抵，反而可以一试！用餐日期:11/4/2019味道:6.5/10环境:7/10性价比:5/10
继续阅读