許留山 (已結業)

今日去荷里活廣場整嘢，見有啲口渴所以就幫襯下好耐都無幫襯過既許留山，見到餐牌有個套餐幾抵食，指定飲品跟迷你咖喱什錦拼薯角都只係 $25 蚊炸，但可惜剛剛過左六點鐘 🥴 所以就叫咗杯粒粒芒蘆薈爽就算。想當年許留山都 Hit 過一排，相信大家都曾經留過唔少腳毛係果度，但依家生意真係差咗好多，畢竟依家特式飲品店同新式糖水店既競爭好大，令到顧客流失咗好多 ; 講返杯嘢飲先。粒粒芒蘆薈爽 ($30) : 陰公成杯都好似得少少既甜味而且芒果味欠奉，芒果肉又唔係好多 🥴 質素真係退步咗好多，成 $30 蚊杯真係可以有更好既選擇。

好耐冇食過許留山，早排見到手機app做優惠只係需要$8杯就可以買到超多芒西米或者芒椰蘆薈爽，唔買真係對唔住自己呀，變肥妹仔都抵啦🐷✨芒椰蘆薈爽椰味好重👍🏻叫左走糖都有啲甜🥭

呢日約左朋友係鑽石山食飯，食飽飯之後，要去食甜品 其實選擇唔多，又唔熟路，我就話不如許留山，朋友又冇反對，幾好，幾好，多芒小丸子不止遊客中意食，其實本地人都好中意食，不過就唔敢係遊客區食，因為間間價錢都有上落，但味道就一樣好味既，，，有大量既芒果料，煙韌煙韌既小丸子，低下甜度十足既沙冰底。朋友叫左杯芒果蘆薈乜乜，見到d啫喱咁既，幾特別，朋友話係蘆薈爽，話好味道wo，叫我下次試下wo。。。我下次都想試多d其他。

今日大概8點左右既時候點左一杯蘆薈芒果爽，每次都會吐出一d白色線狀，類似塑膠既異物，最後向店員說明情況，但佢地堅稱是芒果絲，對唔住囉，我無見過芒果絲係甘筆直同甘雪白，佢地仲大大聲話，我沖左廿幾年啦一定係芒果絲喎。仲要以嘲笑同不屑既眼神甘望向我。當我仲等待緊佢地點處理既時候，竟然3位店員都四散，繼續做手頭上既工作，當我透明。真係一肚氣。其實我純粹想提醒佢地，怕有其他食客食到，估唔到唔領情不得子，仲要態度甘差，好似我誣捏佢地甘。下次絕對唔會再幫襯，亦希望其他食客可以食得平安。

今日同男朋友出左黎鑽石山廣場行街～～～經過許留山發現佢都跟風推出奶蓋產品喎！咁就緊係要試試佢！呢杯芒果咩咩咩呢....真係好飽 好凍奶蓋黎講... 好heavy 啊 🤦🏾‍♀️🤦🏾‍♀️佢個芒底係平時食甜品果種芒底（但又開希左）就好似個加左水既甜品咁....雖然係熟悉既味道但真係吃不消 🤦🏾‍♀️個奶蓋...就儘量唔好當佢奶蓋咁expect 啦..唔係會破壞左對邪惡奶蓋美好既幻想 😭去許留山都係飲蘆薈爽唔好試奶蓋啦🤦🏾‍♀️🤦🏾‍♀️

芒菓甜品款式多，又有小丸子。睇見樣樣好吸引。點了 呂宋特級丸子神兵， 阿芳素丸子芒芒， 芒果糯米糍 和 XO、醬蘿蔔糕。呂宋芒的芒果味道特別濃，芒果肉又多， 連粒粒小丸子內都係芒果汁。芒果糯米糍，皮煙煙靭靭亦有陣陣芒果香。

食完飯想食啲甜品，揾間許留山食吓先，因為許留山比較穩陣而且唔太貴，叫咗燕窩雪蛤蛋白及草莓凍餅，都係$44，比起其他甜品舖實際啲。我先食草莓凍餅，味道好，夠清新，但食完之後食蛋白就變得無晒味，所以下次都係食咗無咁甜的蛋白後先食凍餅好啲。

睇戲食飯荷里活廣場絕對可以滿足到你百老匯場黎講荷里活可以話系抵睇嘅場之一缺點系場太細無咩街行唔系因為睇戲都好少黎🙈同埋無咩食甜品嘅地方尋尋覓覓最後都係揀返許留山例牌必食芒果同榴槤芒果小丸子系賣飛佛識食一定要嗌King Size簡直冇得彈另外脆脆榴槤芝士有驚喜平時食開榴槤布甸已經又平又正加埋脆脆係另外一種口感嘅享受宵夜當然唔少得咖哩拼盆雖然系叮叮但偏偏就系為食可惜哩間無薄餅有埋就正啦薯角就堅失望 難食到一個點呀朋友影得太靚啦⋯⋯我諗許留山會多謝我哈哈哈

在鑽石山荷里活看完電影，回到廣場遠眺窗外雨景，嘩！無止境的暴雨！這樣的情況下，就算有雨傘在手也不能保證你能全身而退，安然回家。反正回家也不知道晚上食什麼東西，索性留在廣場吃完晚飯才回家吧！不過時間才五點而已！距離晚飯時間還有一段距離，找地方喝杯飲品稍等一下。結果我選擇去許留山，很久未試過許留山的西米撈和飲品，想試試味道有沒有變。現在的許留山不再單純賣甜品，現在小食也在賣，是他們在變還是我們一成不變？我本來想點杯芒椰奶西，但不知是我搞錯（是否芒椰奶西已經沒有供應），還是他們聽不清楚，結果來了一杯超多芒西米。算了，反正我的性格有着一股喜歡逆來順受的怪脾氣，只要不太離譜就算數好了。其實超多芒西米一樣有很多芒果和西米，有什麼不好？飲時大量西米沿食道湧入肚內，飲品依然很甜，對我來說，我在乎價錢多過味道一點。

許留山既飲品好多都做緊圓一杯第二杯半價，的確幾吸引~楊枝甘露($27)餡料幾多，底層有芒果布甸，再加入了西柚粒、西米、雪葩，入口口感豐富!但味道只屬一般，飲唔到芒果既清甜，加得太多糖，飲完好甜膩~另外+$9既芒果軍艦更加係名不副實，SIZE非常小，大口一點既話一啖已經KO，已經味道麻麻，芒果味不濃~

詩詩一向愛吃有芒果果肉甜品，特別愛每天都吃一盒芒果糯米糍！大大粒好味道今日我又食，芒果特別清甜好吃，要記低！！煙韌糯米糍加大大粒芒果肉，食到唔停口，一人食6粒無有怕，而且好新鮮！正！一啖咬下，芒果肉好新鮮熟透又多汁，好想又食一盒！

鑽石山真係冇咩甜品店，見到有許留山，即刻好興奮，同朋友唔洗講已經決定要食，齊齊睇manu。朋友叫左芒果爽。有好濃芒果味，d芒果一粒一粒，有少少絲，好有芒果質感。芒果數量又真係好多，飲完成杯都仲有好多粒芒果淨低，就咁倒哂落口，爽呀 !我叫左雪蛤爽。我覺得係jelly多過係雪蛤，呢個有少少失望，不過如果唔理佢係唔係雪蛤，我覺得係好味既 !! 

感謝Open Rice送上《誣網》的優先場換票證，令我出現在久違了的荷里活廣場。原來戲院已不是嘉禾，而是屬於百老匯，但在戲院外的甜品店仍然是許留山，雪櫃內依舊放了令人垂涎三尺的甜品。可是為了方便一邊看戲一邊嘆，我選擇了買飲品。本來我想喝超多芒小丸子，可惜收銀員說小丸子已賣光了，嗚～負責沖製飲品的姨姨見我左思右想、難以選擇，便主動建議，服務態度積極。我喝了金粉水晶晶。除了芒果，又有士多啤梨，又黃又紅，賣相不錯。味道方面不是單單只有甜味，士多啤梨有少許酸，酸酸甜甜好味道，加上有啫喱，增加質感，好！看到大大的宣傳字眼「期間限定－－第二杯半價」，加上收銀員說加$3可以由12oz的中杯裝升級至16oz的大杯裝，我當然被打動。多買了一杯粒粒芒果西米，其實就是一杯香甜的芒果汁，味道也不錯。

依稀記起有年台灣朋友來港旅遊, 經過旺角西洋菜街的許留山, 說: " 嘩, 外面的芒果是怎麼回事呀? 賣芒果的嗎?? 台灣的許留山不到一年就倒了, 沒人買."許留山是一間以甜品做主打的連鎖式糖水店, 經過多年洗禮, 有埋小吃套餐. 即使變完又變, 最好吃都是以芒果招徠的各款甜品, 我從沒在此店吃到酸芒果呢~ 椰汁紫糯米落粉太重, 整個糕汲有椰汁味, 硬身.零碎的紫糯米點綴, 樣貌不討好, 味道也不討好. 芒果布甸有買開一磅裝, 覺得小盒不夠芒果肉, 布甸內已混入花奶, 個人不再另加花奶吃. 芒果糯米滋6件裝不便宜, 外皮是用芒果搓粉而成, 非常柔軟. 灑上椰絲.芒果皮咬下是完整一粒的芒果粒, 比起吃開是芒果溶的口咬更豐富.雪了一晚只要擺放15分鐘, 外皮又再次變軟, 好味~

$42一份甜點, 縮水到爆 !!@ 許留山許留山已很久沒光顧因店很少很迫, 坐得不舒服而且味道創新都沒進步, 反有退步正好想食甜+冷東西降溫, 在沒選擇情況下去叫了個 芒果盛宴份量少得可憐呀!!!!膠容器比一包tempo tissue 更少!!!!!真是3-4口已食完 =__=d 燸米丸一點彈性也沒有個河粉又粗又唔滑, 乾死個名叫芒果小盛宴, 真是沒改錯名!!!!!!!!!!