譽 鐵板燒

营业中

休息中

一直都有拖延症終於捨得寫返食評元朗出名多野食 睇到好多人都介紹呢間鐵板燒見到午餐價錢相宜等埋朋友得閒就book咗個午餐試吓（因為平時夜晚食鐵板燒真係好貴😂）本身成日都覺得鐵板燒食唔飽～所以都好少去食😂今次成個午餐set最出色係個鮑魚同埋鵝肝👍🏻自己本身都好鍾意食鮑魚唔會太硬都好新鮮 睇住師傅整特別覺得好味🤣鵝肝啲油分出晒嚟 好香好食👍🏻👍🏻👍🏻啲嘢都幾精緻 久唔久想有高少少享受可以試下❣️

放假黎搵呢間鐵板燒試試，位置我覺得都有少少難搵，比較入 我地揀左和二人餐，個set好豐富我最喜歡嘅係北海道帆立貝、鵝肝同埋砂糖多士帆立貝好肥美，搭配埋三文魚籽同蟹肉好好食鵝肝同啲米通一齊食好正，新鮮嘅搭配！尤其要讚嘅係服務，服務真係好好！！

性價比超高的鐵板燒午餐。兩大一小去幫襯，幫我將二人餐改成三人餐，加$200升級到A4和牛。由前菜到甜品都令人好享往，師傅仔將啲食材處理到恰到好處，色香味全。樓面兩位 姐姐殷勤有禮，成餐飯食得好開心，絕對會encore

食咗一間性價比好高嘅鐵板燒午市套餐最平三百元左右都有二人餐就大約五百元一位頭盤係parma ham配蘆筍哈密瓜Parma ham比較鹹如果無咁鹹會更好南非鮑魚伴鮑魚肝醬鮑魚首先用鹽同昆布焗煮連同鮑魚肝醬一齊食鹹香得來又有超濃嘅鮑魚味非常好吃😋至於帆立貝就可以連埋三文魚子同黑松露一齊食味道鮮甜黑松露味亦非常突出魚係立鱗燒魚鱗炸到好脆魚肉好滑溜大蝦用左蝦膏醬一齊煮味道超濃郁蝦亦非常彈牙爽口鵝肝多士就不過不失今次食咗封門柳牛肉同加錢試左日本A4和牛個人覺得封門柳更出色牛肉味比較濃亦唔會咁油膩套餐仲有櫻花蝦雞柳炒飯炒飯粒粒分明好乾身蛋香十足仲有陣陣櫻花蝦香味甜品揀左柚子雪芭仲配埋焦糖多士多士超脆牛油味超香濃係一樣食到停唔到口嘅甜品

入元朗食好西😋晚市無得堂食，好多高質餐廳都有午市優惠。依間係元朗新店即刻試下午市鐵板燒，超抵食🤤坐位：位置寛闊、店舖只設有吧位、位置唔多健議訂位。前菜Parma ham 配露荀、小蕃茄、青提開胃小菜主菜北海道帆立貝配自製海膽忌廉汁碟邊有海台碎可以配以食用帆立貝本身已經好鮮甜，配黑松露味覺提升👍🏻小編更喜歡配三文魚籽，更有層次更鮮甜🤤時令馬友魚配辣椒籽醬馬友魚肉質細嫩鮮美好適合乾煎，主廚另外用火槍炙燒魚皮表面勁香脆。鵝肝配水晶梨又係小編最愛🤤，入口即溶既鵝肝配多士加黑醋汁👍🏻最後清爽梨清油膩感。封門牛柳配黑昆布、芥未封門牛柳每隻牛得一條所以好少有，肉味香濃👍🏻黑昆布帶咸味，好似海鹽咁，小編推介配芥末更帶出牛味🤤味增湯、炒飯炒飯另外用左大量雞肉粒，小編食到依度已經好飽🙈甜品多士、雪糕個多士不得了👍🏻🤤好好食，雖然飽但係多士做到香脆甘甜。小編雪糕要左芝士口味，超濃郁👍🏻超滿足

《櫻》 一人前套餐    $360 沙律🍽前菜~時令水果配上沾了芝麻醬的風乾火腿，十分開胃😋 季節燒魚🍽主食~季節燒魚為排行第一好吃的馬友魚，馬友魚油脂多，魚味濃郁，魚肉十分嫩滑，魚皮經火槍炙燒過，因此十分香脆可口，配上酸酸甜甜 有少許辣的明太子汁，簡直令人食指大動 😋 北海道帆立貝(缺貨，轉鵝肝) 鵝肝🍽主食~原本餐單上已有鵝肝，但因北海道帆立貝缺貨，因此可轉鮑魚或鵝肝，而小妹沒有特別喜歡鮑魚，所以決定多叫一塊鵝肝 🙈鵝肝肥美厚切，一塊鵝肝是原味的，另一塊是有焦糖面的，兩塊鵝肝都配上了黑醋和煎得香脆的多士🥰 甜甜的焦糖，配上油脂滿溢，咸咸的鵝肝 ，再配上酸酸的黑醋，感覺挺特別的🙊但個人認為焦糖太甜，蓋過了鵝肝本來的油脂香，所以比較愛吃原味的🙈另外餐廳亦有附上清甜爽口的日本水晶梨解膩~~ 特定牛肉/黑豚🍽主食~小妹選了特定牛肉，美國封門柳🥩封門柳是橫隔膜中間的肌肉，小妹選了五成熟，肉味十分濃郁， 肉質非常軟腍，附上新鮮山葵醬和鹽昆布，新鮮山葵醬有顆粒感，口感刺激 ，配搭新奇🤗而鹽昆布則更能帶出封門柳的肉味🤤 麵豉湯🍽飲料~普通，沒有甚麼特別~~ 炒飯🍽主食~以豬肉，洋蔥，蛋為主，不會過

先講總結，呢間係值得encore既鐵板燒。今次試左lunch，以食物質素同服務來講，係非常抵食。小店開左半年左右，店內只有十餘個座位。坦白講係疫情期間開店，係需要有一定嘅勇氣。最近仲禁埋晚市。一路食嘢，睇得出店主對細節位都好重視，除咗食物嘅美味，亦都食得出店主店員既用心。提提大家，要預多少少時間黎品嚐呢餐鐵板燒，兩個鐘走唔甩。言歸正傳，講最重要既食物。今次係食午市既一人套餐。前菜係由Parma ham包住露荀，配上香印提子、哈密瓜同車厘茄。店員提醒先食生果，再食味道重一點既Parma ham。配搭好好，係名副其實嘅開胃菜。接住落嚟開始食海鮮。首先有白甘鯛伴明太子醬。超喜歡脆身既鱗片，為軟嫩既魚肉加多一層口感。醬汁好味之餘又唔會蓋過魚既鮮味。然後有配上瑤柱醬既南非鮑魚。好特別的配搭。未煮之前睇住新鮮嘅鮑魚係碟上「跳舞」已經好期待。結果食落口完全不會失望，鮑魚鮮味十足之餘亦唔會太實。鵝肝配焦糖多士加上黑醋，可以平衡味道，不會太油膩。而鵝肝係入口即溶嘅質素。呢碟菜再配上一片水晶梨，食完鵝肝再食可以清一清口內既味道。然後肉類選了美國封門柳，牛的肉質比較嫩滑。配上山葵醬同昆布一齊吃，都幾有新鮮感

依間隱世小店絕對係好高質！今次黎食lunch真係好滿足。揀咗Sakura set （$360/per person )，師傅好細心會問清楚我哋有冇咩唔食！首先沙律係Parma ham露荀，仲有香印提子、哈密瓜同蕃茄仔，成個組合鹹香同清甜帶出平衡口感。第一道菜係北海道帆立貝，要讚一讚依到嘅擺盤，每道菜都好靚！ 依個帆立貝分別配左三文魚子同松露，另外仲有海膽醬同紫菜碎，帆立貝鮮甜配個creamy ge sauce好夾。之後食咗馬友，果然係出名嘅海魚，夠新鮮，連我平時唔食魚嘅朋友都覺得一啲都唔腥，好食！配左龍珠果，味道似芒果，但就比較清甜，食完感覺好refresh 然後就到鵝肝多士，鵝肝好食但成日好驚太油膩，依間個配搭好好因為多士係微甜嘅蜜糖多士同個sauce係黑醋加左少少糖，所以整個味道係酸酸甜甜咁，好好食到炒牛肉粒，好juicy而且好香牛肉味，配左醃好嘅紫菜同自家製日式wasabi sauce，特別又入味！最後當然唔少得有麵豉湯、炒飯同甜品！同樣出色，而且呢度仲有開心果味雪糕！好難搵而且開心果味都好濃又夠滑。今餐真係太滿足，絕對想再去食！

差別待遇omakase 😪第一次食omakase食到一肚氣譽 鐵板燒 (元朗)元朗屏會街9號同發大廈地下M號舖🤨注意：似文不是負評，其實整體係好食，服務不錯，只係唔好好似我咁傻豬叫omakase （建議叫普通set)🥺差別待遇我哋點左最貴嘅omakase餐，但係全場都有1隻半帶子，有啲仲有兩隻，我哋得一隻…🤨鮑魚換茶碗蒸見到人哋食晒原隻鮑魚，廚師突然同我哋講話要轉茶碗蒸…茶碗蒸入面得幾片鮑片，望住廚師一邊燒鮑魚，一邊將幾片鮑片放入蛋漿度…唔知係咪預唔夠材料😀 我哋嗰餐貴人哋一倍…仲要係提早預訂，真係無言 重點係，鮑魚已經熟咗，仲要攞去蒸，只會變得又淡又硬，侍應不斷強調個茶碗蒸有幾好味，我只可以話冇晒鮮味🙂sushiro茶碗蒸好食一百倍🥲等到想死成餐飯食咗三粒鐘，每個菜之間等15-20分鐘，等到好冇mood🥺甜品見住其他人食焦糖多士+雪糕，侍應個個都問要咩雪糕。我哋嚟咗個多士都冇人問過我哋要咩雪糕…我哋主動問先話有…完全係被遺忘嘅小朋友😵‍💫我地個餐$800+1 /1人 人地個餐$980/2人，貴一倍嘅價錢，但係性價比變得低咗😵‍💫 我哋只係將蝦變咗龍蝦（味道一般，個人覺得普通蝦仲好)，

><停咗晚市唯有book午市今次有得坐bar枱睇住師傅炮製沙律係巴馬火腿包住露筍搭配清甜水果同胡麻醬白甘鯛伴明太子醬酥香脆身鱗片 軟嫩juicy魚肉旁邊係日本紅花芽菜aka四季紅或紅蓼帶點微辣 而龍珠果嘅酸甜可清味蕾南非鮑魚伴自家製瑤柱醬醬汁味道鮮美有海鮮鹹香鮑魚柔軟帶點嚼勁𠝹花除咗係靚之餘亦係方便跟住𠝹紋易d切焦糖鵝肝多士伴黑醋煎香完之後 師傅再用火槍燒咗層焦糖脆脆鵝肝入口即溶 多士充滿油香焦糖層香甜同清爽水泡梨 可以中和油膩美國封門柳伴即磨山葵沙律醬 hanger steak 肉味較醇厚每咀嚼一下 都有肉汁滲出山葵同鹽昆布亦係亮點炒飯用上黑毛豬肉 好有誠意 麵豉湯飲落好清甜 唔知係咪加咗海鮮最後有開心果雪糕 /芝麻雪糕午餐抵食又豐富><><><><><><><><><><譽 鐵板燒元朗屏會街9號同發大廈地下M號舖

今日媽媽放假就同咗佢去食午餐啦 經過元朗水邊圍邨附近嘅呢間譽鐵板燒就去試下啦餐廳座位唔多 都係鐵板燒吧檯 好有情調前菜parma ham包住露筍 蓮芋係芋頭嘅莖部 百香果汁 口感特别北海道元貝配白松露蟹膏忌廉汁上面加咗三文魚籽黑松露醬 生熟度控制得啱啱好 外面有咬口入面仲係刺身嘅感覺 鮮味十足炸白金雕 魚鱗都食得 口感脆卜卜魚肉非常嫩滑鮮甜 下面配咗明太子醬 四季紅係辣椒仔 黃菊花 夾埋一齊食味道清新焦糖鵝肝 超級邪惡呀油份十足 配埋黑醋汁同雪梨 一啲都唔油膩美國封門柳 肉質軟淋得黎 牛肉味濃郁 加左黑昆布配即磨山葵油醋汁 仲有黃金炒飯炒得粒粒分明 夠乾身雪糕揀咗芝士口味 芝士蛋糕嘅味道

超高質 元朗人氣鐵板燒今次唔係經過，真係特登入元朗食，知道呢間開業半年左右嘅鐵板燒口碑好好，而且價錢好合理，難怪差唔多晚晚都full，食足3個鐘，龍蝦、鮑魚，鵝肝樣樣都有，而且服務親切有禮，恰到好處，食完馬上約咗聖誕節後再食過前菜：Parma Ham 蘆筍 頭盤以鹹香嘅火腿包住蘆筍，配合埋冰菜同埋哈蜜瓜，為接着打開味蕾做好準備北海道帆立貝海膽汁、黑松露絕對沒有喧賓奪主，反而為帆立貝嘅鮮味進入一個新嘅層次，牛油香味四溢，伴碟嘅紫菜碎同埋小花都可以一齊食，師傅笑說乜都食得除咗隻碟西澳龍蝦龍蝦真係好生猛仲識郁，一定新鮮好食，重點配合特製嘅醬汁，利用龍蝦蝦膏及牛油，更能夠吃出龍蝦的鮮味係成餐最難忘嘅菜式之一南非鮑魚師傅造詣非常好，控制火候剛剛好，會利用溫度計頻頻探測食物嘅溫度，更精準計算，鮑魚肉質嫩，加埋肝醬，味道鮮而濃郁鵝肝吐司每一道菜都係焦點，鵝肝用焦糖烘烤，薄薄一層焦糖裹着，造成少少脆皮感覺，一口咬下入口即溶，配上特製黑醋汁，食落去真係好滿足成餐飯計埋湯、甜品有11樣菜式，由頭食到尾都咁開心，好多細節位都做得好好，好重視客人，睇得出餐廳放咗好多心機、時間去經營，高質推薦！————————

終於可以一嘗鐵板燒啦 價錢中等 唔算貴 就BOOK 左呢間同老公一齊食坐底打開餐牌 原來要食2-2.5個鐘 心諗唔係呀 要食咁耐架咩但當我叫左個SET之後 由廚師拎新鮮食材開始煮到上碟介紹 都好細緻而且食品既質素係好好 由食材到醬汁都好有心思 絕對係會慢慢地享受整個食野既過程 我地叫左個Set Lunch HK$360 🥗沙律 好欣賞個冰菜配搭 沙律口感有冰菜脆口, 有生果甜, 有巴馬火腿咸🐟燒魚不得不講既係佢燒左既魚鱗 係估唔到咁好食 魚肉既魚質係好嫩口 魚鱗無諗過可以咁樣食係驚喜 GOOD ^^🥠北海道帆立貝有新鮮食材 同時都加上配有自制醬汁既魚子 再配上黑松露醬口感有層次 魚子一D都唔腥🐤鵝肝係想再食 一D都唔膩🐗特定牛肉廚師話3成就足夠 以為3成好生?? 其實係剛剛好放入口食既程度 原來3成都可以係唔生 因為肉質唔同 🍚炒飯好多材料既飯 正🍧甜品食完咸野 整返個甜多士 中和一下 + 雪糕食下食下 唔覺兩個鐘 絕對係可以享受 暫時可以放底外界既事享受一個中午 係一件樂事好有興趣下次叫其實SET / SET DINNER

鐵板燒向來就是為你帶來一場精彩的視覺藝術表現油滋油滋 不僅令耳朵懷孕由沙津以至最後的甜品 更是滿足肚皮精選了「櫻」午市套餐價錢貼地 食物新鮮 質素卓越不得不讚服務態度 職員殷勤有禮為我們烹調的師傅既細心又貼心每道菜式也會先作介紹吃不吃蔥 要不要黑醋 飽不飽之類整體真的性價比高💓▪️沙律Parma Ham包裹著蘆筍，鹹香度點到即止，配以超甜蜜瓜及清爽冰菜🥰簡單拌勻胡麻醬，的確是不錯的前菜！▪️北海道帆立貝😍香煎帆立貝足已令人心動，師傅把火候控制得剛好，帆立貝微暖，保持到肉質鮮嫩彈牙，每口也可沾上特製海膽汁，大大強化提鮮力。面頭分別加上黑松露醬及三文魚子，確實齒頰留香，鹹香鮮味更為出眾，誰也安守本分，沒有喧賓奪主之概念。▪️季節燒魚不時不食😌今次師傅帶來新鮮白金鯛，油泡後略煎，故意保留魚鱗，煎得香脆不在話下，反之魚肉鮮嫩滑溜至極，形成強烈對比的口感，伴以秘製明太子忌廉汁及四季花，微辣中又能提鮮，刺激過後品嘗旁邊的龍珠果，立即清清口腔，準備下一道菜式☺️▪️鵝肝多士烘脆後放上鵝肝，適量地灑上砂糖，表面焦糖化，鵝油滲透於香脆多士上，濕潤卻沒有影響口感，我最欣賞面頭黑醋，酸酸甜甜絕對令鵝肝加分不少！！！平

臨近聖誕，年年我都鍾意提早食聖誕大餐，以免同人逼😌😌上網搵到間新開無耐嘅鐵板燒，價錢合理，仲食到唔少海鮮！！前菜：Parma Ham露荀加上了芝麻醬，清新開胃鮟康魚肝茶碗蒸比起一般茶碗蒸更有心思，面上放了鮟康魚肝及三文魚子，鮮味更突出南非鮑魚 大大隻南非鮑魚，主要食佢彈牙嘅口感，可以先食舊原味，再沾上旁邊的鮑魚肝醬，味道更濃郁帶子有兩種口味：黑松露和三文魚子帶一點鹹鮮味，底下的是海膽忌廉汁喜知次配明太子忌廉汁鐵板燒可以令成塊魚皮平均受熱，慢煎至香脆，仲可以保持到魚肉鮮味👍🏻沙巴海老超大隻蝦，仲用埋本身嘅蝦膏同牛油一齊煮成，就咁食原味就夠晒入味☺️☺️係我成晚最愛嘅一道菜式牛肉跟師傅推介叫咗5成熟，肉味濃郁🤪仲有鵝肝多士，面上加了砂糖再燒焦，中和鵝肝嘅油膩感。最後仲有個炒飯做結尾，成餐食得好飽，又有多款新鮮海鮮，推介大時大節/紀念日子時去食👍🏻