譽麵坊

营业中

休息中

{歡迎大家follow 食評ig: bigbellyhk} 遠征將軍澳工業邨後, 途經土瓜灣中途站開飯加小休。之前無緣既「譽麵坊」，今日午飯得嚐所願🕺對於呢啲地區小店, 總有情意結, 暗暗加分➕而譽麵亦無令我失望💓座落土瓜灣橫街, 公司遠離街市核心。招牌底色黃色已有少許燻黑, 門口都係落地玻璃, 無多餘修飾👀街坊店典型陳設係枱櫈迫少少, 成間舖應該坐到20零人。今日就坐番啲面壁位, 好處係私隱夠, 壞處係影相光唔夠📸 餐牌兩大陣營, 米線🍜同撈麵🍝 好彩立到下方行細字, 先知有雙併😯梗係要佢最出名既南乳雞球🐤 拼番個和風豬扒🐖 跟手要撈麵。中午黎既都係附近街坊同學生, 譽麵坊令我回憶番中學時係學校附近LUNCH既成班同學一齊LUNCH既情況🚸 先黎一碗撈麵用伴湯,然後等左5分鐘左右有得食⌚ 黎到見到大堆頭既炸物, 不停係度相機食先, 大大舊黃金色, 都分唔清係豬扒定雞球🤣後尾阿姐再拿多碟黎, 問我係咪叫左兩碟, 先知原來係比錯, 淨係雞球撈都已經咁多。補埋碟豬份比我先知啲份量大到咁😮雞球果然係皇牌👑 鮮炸起既溫度, 入面既肉汁係完美鎖緊, 外脆內嫩無欺場✔️豬扒就無雞

食完一次，只會迷下去既...撈麵昨天。同個朋友去左土瓜灣幫襯左呢間舖頭，一入門口便有店員安排我們座位環境光猛，座位舒適，衛生正常，筷子有用盒放好，冷氣足夠我們點了一個 南乳雞球撈(粗)麵，豉油王雞翼撈(粗)麵，一份炸墨魚餅。炸墨魚餅外脆內軟，上碟時油份不多，咬落香脆，有墨魚味，口感係軟棉棉，不是爽口這種，沙津醬超多，味道不錯好有驚喜。南乳雞球撈(粗)麵南乳醬汁夠香濃，甜甜的。雞球炸得十分出色，香口脆身，咬落雞肉有肉汁，皮脆得黎亦吾會介口。撈麵無鹼水味，豉油味夠，係葱花較少 ，相信叫多葱花，效果更佳。豉油王雞翼撈(粗)麵豉油王雞翼正正常常，不過不失，比起前者兩個真是比較平凡。我會推介炸墨魚餅和南乳雞球撈麵，以呢個價錢和質素，真係做得好出色特別係佢舖頭既炸物，可比得上台灣既炸物，外脆內暖，上碟少油而不會介損口。真係一間平民高質小店，只可讓人記憶沉醉下去，食完一次會係我腦海深深記得呢間舖頭。行開土瓜灣既朋友一定要黎呢間店試下啦

中午嚟咗土瓜灣，呢度出名美食多！ 口淡淡想食啲香口嘢 ，今次試下 #譽麵坊 ！我哋order左雞球撈麵、 豬扒撈麵和魷魚鬚！雞球撈麵係佢招牌菜，雞球大大塊啖啖肉，份量十足比麵條還要多！ 豬扒撈麵，豬扒大塊 炸粉不厚，沒有乾涸的感覺！麵條彈牙有口感！ 魷魚鬚味道偏鹹！今次午餐非常熱氣，但炸物沒有油膩感，尚可接受！佢係呢一區嘅出名地道小店，好多街坊都嚟呢度幫襯，食物性價比甚高，但地方淺窄，服務欠奉， 呢個就可能係香港 小店嘅特色!

一個星期六有時間想試一試新食店，土瓜灣快建築好地鐵站，但在這之前還是不太容易到。大熱天試試看這好評滿滿的麵店，理所當然的點這個炸雞球。幸好沒有讓人失望，雞球炸得非常酥脆，連雞皮部分也炸得不錯，是新鮮熱辣辣炸起的。雞肉就好像沒太腌過，但配上奇咸的南乳醬味道還不錯。南乳味比預期中淡，咸度就真的太誇張，沾的時候要小心點。河粉配上榨菜不過不失，份量很多，女生食的話建議叫少麵。十個有九個客人都來這家店都是叫這款南乳雞球不無原因。

南乳雞球米線|$34一提到譽麵芳呢個名，應該所有土瓜灣的街坊都唔會陌生。細個嘅時候係土瓜灣長大，呢間就係我其中一間成日都幫襯嘅食店。搬離咗土瓜灣一段時間，間唔中都會突然掛住佢地嘅招牌南乳雞球米線，今日路過緊係要黎懷念吓。叫咗個雞球米線，聞到香味已經覺得啲兒時回憶返曬黎，米線彈牙爽口，雞球一樣係咁酥脆嫩滑，配埋南脆醬真係冇得輸。係就係邪惡咗啲，不過好日都唔黎土瓜灣，加上咁好食，我覺得就算食完喉嚨痛肥幾磅都係值得嘅😂。

一個人唔知食咩，就諗住食碗粉，簡簡單單。。。個個人都話呢度知南乳雞球正，一於試下～晏就去既，唔算好多人，唔駛等位就有得入叫左個南乳雞球撈粗＄34啲雞球熱辣辣～即叫即炸～顏色金黃，唔會感覺包住成層油！南脆醬on side~~點住食夠哂味！好好食下次再幫襯！

一直奇怪點解呢間唔起眼嘅舖頭仔會咁人讚好味今晚放工就特登黎試下餐牌有d雜亂但我都係為左南乳雞球而黎我揀左南乳雞球幼麵旁邊附有南乳醬一放落黎就已經聞到好香咬落去超級熱真係啱啱炸起咁但完全冇油膩嘅感覺裡面好juicy!!! 至於配角幼麵就有dd鹼水味不過都可以接受撈麵配嘅呢個湯 都係普通啦冇咩特別另外叫左豬頸肉米線望到都知道佢幾清😂😂豬頸肉就...係豬頸肉咁囉完全冇特別調味亦唔多咁爽同滑佢都做到嘅符合商品說明條例但下次唔會叫嚕

南乳雞球撈米線🍜$34南乳雞球撈粗麵🤩$34定期點都要過嚟食😛不過今次試下撈米線😏可惜撈米線真係一般般😂都係撈粗麵比較好D👍當然即叫即炸炸雞先係主角🤩好好食，好滿足😚譽麵坊 (土瓜灣)土瓜灣新山道6號地舖

同嘴刁仔上完堂，同埋佢個佬一齊食個飯佢話呢間墨魚餅超級好食我識佢咁耐，佢話好食嘅野真係十隻手指就數完所以我都急不及待想試去到發現個墨魚餅係炸嘅即刻扣左2分唔想食熱氣野喎，仲要炸嘅，咁咪好肥囉但係佢堅持都係叫咗兩份我仲發現原來$42咁貴之後咬咗第一啖之後.......我真係忍唔住食多幾塊佢入邊超級鬆軟，完全唔知點樣形容咬落去嘅口感有啲啲啲似棉花糖配埋個沙律醬簡直係一流另外呢個只係小食，我哋叫咗米線share嗰個滷水雞翼又係好得😱我仲忍唔住嗌咗個墨魚餅外賣俾老公添😆

今日要去土瓜灣睇drama, 朋友介紹呢間食雞球撈粗。本來我都唔食南乳呢啲唔知咩黎同感覺咁麻甩既野😂但食左一啖之後發現佢絕對唔係一般茶記野！！重點係價錢超平🤩-🐥南乳雞球撈粗 $34雞球份量超多超大舊！新鮮炸起好香脆又唔乾身，真係好難得炸雞球整到咁好食。南乳汁好鹹，食完都係唔知南乳姐係咩😂但點少少撈下個麵又撈下湯又幾夾。-🐖椒鹽肉排米線 $34強烈建議除左雞球唔好食其他肉😂😂肉排好乾好鞋，不過個米線清清地配啲炸菜又幾好食

晚餐同同事出左去土瓜灣食晚飯，同事介紹左呢間譽面坊，話由學生時代食到而加都仲係咁抵食咁話。同事介紹左呢個南乳雞球米線，價值36蚊，其實都真係好抵，成個餐有6舊大大舊既雞球，雖然睇落好似好熱氣，但係外面脆卜卜，入面鮮嫩多汁，再配上自制南乳醬，真係別有一番風味！最緊要係夠平啲雞球多到我差啲食唔晒個米線就無乜特別，正常既清湯米線，所以就無特別再影相。餐牌仲有其他野咖哩牛腩米線，又有得叫撈面，下次再試埋其他餐先

✨中女獨食難肥日誌 ✨譽麵坊 土瓜灣美食土瓜灣屹立多年，街坊推介美食No.1譽麵坊！忽然想吃炸雞一定想起這裡❤️街坊美食街坊價錢，親民又貼地！不過既然貼地，座位就不太舒適，夏天好熱🔥是追求美食的熱情啊！南乳雞球米線 $34大大一碟雞球，根本吃不完啊🙈🙈🙈炸得脆口，但中間不會乾身，配上咸咸的南乳，香口美味😋米線就沒有特別，來這裡還是主要吃大大雞球吧😆茉香珍珠奶茶 $15港式茉香珍珠，好久沒喝了，有茶味不過都有奶精味，要了少甜，不過不失😌

🍜久仰大名的米線成日都聽到士瓜灣有好食嘅南乳雞球米線不過由於交通不便 所以一直冇去.南乳雞球米線🍗嘩雞球份量好多 炸得好香脆之餘肉質嫩滑勁多汁 即刻炸所以小心燙口南乳汁唔會過咸 反而食得出甜味(放耐左個雞球依然勁脆 高質👍🏻).排骨撈粗😍個人覺得仲好食首先個麵好重蛋香 口感係滑嘅同平時啲撈粗好唔同 食得出係新鮮另外排骨有炸蒜 一齊撈麵 口感更佳

見證住譽麵坊由$22 去到今時$34； 見證住佢由一條街，搬到側邊既一條街；見證住我由中三到宜家已經大學畢業仲出黎做左一年野；但唯一冇變既就係個度既食物水準，同埋餐廳入面既姐姐。-1️⃣南乳雞球米線 $34 好味指數：8.5/10 或者你可以話我太鐘情於呢度但我真係好中意佢地整既雞球 即炸出黎既雞球 熱辣辣好脆口 而且皮薄香脆 入面既肉亦都鮮嫩仲有肉汁 精髓在於佢地既秘製醬汁，拎雞球錦上添花 米線方面，佢上面會放d酸菜,味道係酸中帶點甘甜，配米線同雞球食真係一流。-👅味道: 8.5/10🍽賣相: 7/10🏰環境：7/10🙇🏻‍♂️服務: 7/10💎CP值: 8.5/10⚖️人均：$35↩️回頭值：100%

譽麵坊，係行學生飯堂嘅路線（當然都有做其他客），出名賣大碗嘅煎炸類米線。呢間鋪頭聞說由大約2003年左右開業，搬過幾次鋪，米線亦由當年$14一碗做到而家$36一碗，但學生客依然絡繹不絕。今日係假期，見唔到有學生，只有少量街坊客。叫左兩碗出名嘅煎炸類米線：椒鹽肉排米線：肉排剛剛炸起，仲要有滋滋聲嘅新鮮炸起嘅聲音，食落自然香脆！南乳雞球米線拼雞柳：南乳雞球應該係呢度嘅皇牌，亦都有剛剛炸起滋滋聲嘅雞球，食落香脆，加上南乳醬嘅配合，令雞球嘅味道多左一層咸香味！