譚仔雲南米線 (京瑞廣場2期)

营业中

休息中

今日來到石門譚仔，樓底高地方大，坐得好舒服，避開午市人多，剛剛開始下午茶時間，阿女喜歡吃蕃茄湯底，我自己就是麻辣愛好者，由最初嘅十小辣可以吃到而家嘅三小辣，越吃越和味，越吃越想吃，魚腐加炸醬是我嘅例牌，加杯凍奶茶，賞心樂事又一餐。如果肚餓仲可以添點小吃，有新上場辣辣豬小腸，土匪雞翼翼是年輕人小朋友必點 菜色；過橋米線也是二人同行之選，當然，大胃王一個人都應該食得曬，樣樣餸樣樣有，可以試齊，湯底任選。細食嘅或者唔係好肚餓，環保一點可以叫少米線，仲可以慳一蚊。

成日食飯，間唔中都要食下米線嘅， 譚仔 當然係不二之選~ 石門呢一間仲要幾大間下，可以放得入bb車 ，嚟到譚仔梗係唔可以錯過佢嘅 墨魚春捲 土匪雞翼 最近仲出咗隻 麻辣豬腸 一如以往譚仔嘅生小辣 墨魚春捲 腩肉酸菜米線 係冇得頂嘅

今日下午我們想吃清淡一點，決定來譚仔吃碗米線(不是譚仔三哥)。我點了清湯腐皮米線，吃了這麼多次依然保持水準，腐皮做得很滑很滑，清湯很有味道。另一碗點了墨魚丸10小辣米線，墨魚丸很有雪藏味，口感太淋。這家分店十分寬躺，但是冷氣有點不足。值得讚的地方是轉了紙飲筒。後記：吃完墨魚丸米線肚屙🤭

黎到石門站，本來想食陳根記，點知勁多人等位 又好肚餓咁，所以見到側邊有間譚仔就走左入黎。天氣實在太熱一坐低即刻要叫杯雙檸樂飲 原來連譚仔都跟環保風，飲筒都轉左紙飲筒之後叫咗個最新小食烤香辣豬大腸味道同其他嗰啲皮蛋，青瓜唔同味，幾特別不過得幾舊，略嫌份量太少！之後兩個人叫咗一個雙人套餐，三小辣！呢一間唔知係咪因為人少嘅關係，好似嗰碗粉好大碗咁兩個人食到捧住個肚走埋單92蚊， 所以話譚仔真係好抵食！重點係夠飽又好味

今日番工見到石門間譚仔終於開左，拿拿聲去做第一批食客。同個同事一齊落去食，2個人一人一碗米線，加多個細蒜泥白肉就岩岩好！同事明明食唔到三小辣, 係都要叫, 佢話越係食唔到就越想食...所以問姐姐拎杯水飲, 姐姐都好nice, 好快就拎左俾我, 讚! 好采我地早左小小落黎食, 因為食完離開果陣出面已經開始排長龍啦聽日再黎食過