譚仔雲南米線 (小西灣廣場)

营业中

休息中

經過譚仔又係時候過過口癮, 一口氣點左雞肉米線, 麻辣木耳, 凍檸茶結果係食唔哂, 麻辣木耳唔夠肚絲生腸咁好味一共要63蚊, 譚仔有時都唔平呀譚仔如果可以收八達通或信用卡就好喇

天氣真係好熱。。於是好想搵個有冷氣既地方坐。。去到譚仔。。下午茶份量細好多。。叫左雞肉拼雞肉。。 重3小。。凍檸茶。。我覺得幾好味。。食完有d太飽。。。 又頂住頂住。。。希望快d落雨舒服d喇。。服務都係咁喇。。唔會對你好好笑容又唔會趕你走囉。。。

譚仔一由收購後就已經街知巷聞，再加上一幅譚仔阿姐鄉音圖同馬明嘅神級演繹， 另譚仔更出名不過因時間關係，每次都擦門而過，我今天因為加班終於試到啦！見價錢合理，又已經晚上8點9, 人唔多，預備自己找位，阿姐一見到就問幾位， 我話一位之後，隨便坐，點知我一坐卡位，阿姐就話多人要坐埋一邊，不過她立即講“不過夜啦！應該你錯(坐)哂"餐牌選擇款式多為增加同點菜阿姐嘅親切度，同本身我都咬唔正音，所以我點左“勿演要多膠牙、麻喇寶小喇、凍鏈勿”唔該!阿姐一聽，係到笑，跟住說“收到”我都覺得好開心呀！因為我每次講餐名都要俾侍應生問幾次，難得今次一次就ok, 不過係等嘅時候，我不敢想會唔會個音唔夠，落錯野,好左上枱時，正是我要的墨魚丸，多韮芽同埋一杯凍檸蜜墨魚丸彈牙都唔行貨，湯真的好麻辣，好彩有杯凍檬解辣，整體口感一流，怪唔得咁多人食同收購啦！

離開香港一段時間, 其中最想食既就係譚仔每次諗起果陣辣味都流哂口水, 以前讀書年代個老師話大型連鎖店都放左特別既成分, 令你上癮, 一食再食。 唔理佢放左d麥, 總之間中食一兩次冇事既今日同老公遠行前黎呢度一人一碗米線清湯墨丸米線重3小 竹笙雞肉米線兩個人食唔哂仲有凍檸茶要飲過d唔正常既凍檸茶先識珍惜呢度叫少冰少甜 係真係有做俾你

譚仔米線香港無人不曉，全因為它的湯底可提供超多程度的辣和湯底選擇。今晚同囝囝兩個人叫了一碗雜錦米缐套餐，蒜泥白肉和凍檸茶。因為囝囝怕辣，所以叫了十小辣。對我來說真是太小兒科，完全沒有辣可言，但湯底也算是鮮甜。雜錦套餐勝在料足，樣樣都有，對我這種有選擇困難的人絶對是好事蒜泥白肉是囝囝最愛的小吃，平常不吃蒜的他，不知道為什麼喜歡上吃這東西。還叫我在家做給他吃，但自問真的沒有本事可以調到它的醬汁，還是來譚仔吃方便。

嚟到譚仔，我一向只食開雞肉酸辣。因為我第一次黎食譚仔就係佢喇！好鐘意啲雞肉細細舊咁，好過癮今次就唔同啲喇，新嘗試下譚仔嘅腩肉！我本身就唔太鐘意食肥野，不過呢日靈感一到想叫黎試下，點知衰鬼都唔錯喎，陣陣嘅腩肉香令我流晒口水，不過美中不足嘅係腩肉厚左小小扣小小分。

突然想起好久無食過，便走左去食。發現原來多左蕃茄湯底，我朋友便叫了來食，個湯底又唔錯喎，魚腐都可以啦麻辣湯底和以前都差唔多，沒什麼特別驚喜，魚蛋夠大粒，米線都夠多，諗唔到食咩，都可以既無理由嚟到唔食小食，叫左個口水雞，可能係雞亦，所以肉質麻麻地，個汁就可以，不過感覺好似差左啲跟住叫左個蒜泥白肉，這個都可以，不過汁唔夠多，多點蒜泥可能更正叫左兩杯野飲，基本上如果諗唔到食咩都可以考慮，不過有點厭倦，無咩新產品，所以久不久食下都可以，反正價錢都唔算貴，但柴灣分店就麻麻，太小服務員，完全好似忙到無時間落單，所以真是要改善一下

以往譚仔清湯真係一般，而且我又食得唔多辣。但宜家明顯進步左好多，尤其是番茄湯底，酸甜度適中，份量仲好足添大大碗，每一樣料都起碼有四五塊以上。番茄湯中有一舊舊鮮番茄，係無溶到，口感好好。但蔥太多，有少少草青同搶味。另外一樣抵讚既係冬菇大大隻非常鮮味！！！冬菇彈牙而且無臭味，為碗米粉加分不少！！！！當晚餐廳入面有一枱學生妹妹生日，店員都好好禮貌，主動問佢地洗唔洗要碟，人情味濃。希望以後每個店員都可以咁好禮貌，值得加許

親戚帶外國親戚去吃下午茶，我們也跟着去。下午茶餐的一碗兩餸米線連飲品售$30，選擇要墨魚丸加$2，凍飲不用加錢。結果我要了腩肉墨丸米線（三小辣），上枱時我們個個都驚嘆，竟然下午茶的份量可以好大碗， 個人以為是正常的份量但店員說這已經比正常的份量少了一些。譚仔的米線我相信很多人也吃過，所以味道是如何也不用太特別的介紹，不過個人不難怪墨魚丸要加錢，因為它是非常的好吃，彈牙爽口，墨魚味鮮，肥豬肉不多覺，總之加錢加得抵！ 時常聽別人說來譚仔就一定要吃它的土匪雞翼，點了份大的雞翼有五隻 $30雞翼脆口，有雞油流出來而且雞肉尚算嫩，它的孜然香味吸引而且雞皮面的黑芝麻有增加雞翼香氣的效用，總之是很好吃。味道 3.5環境 3服務 3衛生 4抵食 4

譚仔經常都食，因為快捷方便又平。係柴灣做嘢發現柴灣有一間譚仔，一個普普通通嘅餸加一個米線已經要＄30，未計其他。為咗慳錢我今次淨係食咗雞肉+酸辣湯，已經要$31。譚仔嘅酸辣湯不嬲都係比較偏辣，反而酸味冇咁濃。今次都係一樣，不過啲雞肉真係勁細粒，每一粒都係切都好細。又細粒而且冇雞味，我都唔知自己食緊乜嘢。米線好多，所以好夠食，不過啲雞肉真係唔係太掂囉。

叫同事幫我買碗外賣，返到黎見到湯同麵分開裝，好有誠意。叫左墨丸同雞肉兩餸，竟然墨丸有4粒咁多，口感都算唔錯，但爽d會更好！另外雞肉潛晒底，份糧都唔少，又唔"鞋"。

下午唔知食咩好....結果去左譚仔選擇困難症的我 過橋米線套餐 係我最好選擇因為餸多又不用諗不吃辣的我點了清湯咁多樣餸我至愛炸醬肉沬甜甜酸酸的味道令食慾大增撈米線一起吃 每條米線都沾著炸醬別有一番風味

家附近商場的餐廳陸續結業，然後又有一些新的店子開張。不過現在大部份的都是連鎖店~今次新開的是吃米線  第一天開張就決定去吃吃看! 因為很早就下去拿籌，所以基本上不用等位就可直接入座。被安排在卡位~這邊的位置會比較舒服可能今天才開張的關係，所以大概只開放了半間店的座位。點餐時已經看到有不少人在出面排隊了呢~麻辣豬耳 ($25)豬耳切到超薄身~不過口感還算脆爽而且麻辣的程度也不算辣得入不了口~反倒很惹味！豬潤+魚腐+清湯米線 ($34)雖然也是薄切的豬潤~但份量也還算多吧魚腐浸了清湯更惹味，不過魚肉的份量則有點少。米線煮得偏硬身一點 .___.！而且清湯也偏鹹 ... 媽媽和妹妹各自點了一碗～分別的酸辣湯或和三小辣的麻辣湯底。雖然是三小辣但妹卻說完全吃不到辣的感覺 >__< ! 最後是自行加了麻辣豬耳的辣汁自行調味~爸爸點的則是 - 雲南過橋米線($48)這碗真的什麼材料也有~很豐富！而且是超大一碗的份量！點米線的話，可用優惠價點飲品。凍奶茶(+$7) 看顏色好像奶偏多~但茶味其實偏濃點，但夠滑。另外咸檸七(+$10)。