譚仔雲南米線 (已結業)

譚仔米缐和三哥米線兩者之間食物質數差五多。但我偏向譚仔既招牌重慶四川酸辣湯底。係會愈食愈上瘾的。本身5食得辣的我。因為試左。才冒著流汗同嘴唇發红都要享受它的惹味。带有微酸小辣的湯底掛上米缐。再配上墨丸。爽口弾牙。真係冇得彈。

幾乎去親都唔需要睇餐牌嘅一間餐廳三小辣 已經係我嘅極限haha 因爲真係唔太食得辣😭非常欣賞土匪雞翼所以去親都會叫自己又跟住食譜試過係屋企整結果都係整唔到譚仔既味道🙈🙈🙈

唉~又到lunch時間，又要霖食咩呢個問題！真係每日必煩嘅問題啊😪當我煩惱緊嘅時候，男友打電話比我，話要同我一齊食lunch，於是就揀左食米線啦。好多時都食譚仔，基本上都知自己要乜🤔於是就叫左個麻辣米線小辣加豆卜雞肉同冬菇，平時會叫豬潤，不過呢排豬潤都冇貨，之後再加多個豬耳同皮蛋。皮蛋每次都會食，米線加皮蛋同辣汁簡直係一流啊🤤之後再摞個豆卜吸麻辣汁，吸滿辣汁嘅豆卜一次過擺入口，呢個食法簡直係絕配啊👍🏻而且價錢方面亦都親民，一間唔錯的米線

得閒冇野做又諗唔到食咩嘅情況下相信大部分香港人都會二話不說地揀左譚仔啦譚仔個湯底真係有種魔力令人食過番尋味我最愛嘅就係魚腐蕃茄湯底 再加個口水雞口水雞嘅紅油再撈埋蕃茄湯真係令人欲罷不能

我好鍾意食魚蛋生菜酸辣米線+土匪雞翼。土匪雞翼夠juicy，又夠香。魚蛋幾彈牙，生菜就頗為健康。湯底酸酸辣辣夠滋味。配上一杯凍檸茶，簡直係prefer match。

好耐冇食過譚仔啦次次食譚仔，幾乎都唔洗睇餐牌，就可以叫，haha...次次都係食雞肉米線。今次好好彩，唔洗好等位，姐姐上米線都好快。果然間間分店都保持到水準，好味！

好耐冇食過譚仔啦🥳🥳😋今次叫咗個炸醬三小辣度好像不太辣 沒什麼感覺炸醬好像 譚仔三哥好吃點米線太淋了服務比其他分店更差很久也沒人收拾枱面希望譚仔服務能有待改進

米線套餐加蕃茄湯底小辣。今次兩個人食大大碗米線非常足料，牛丸，魚蛋，竹笙，雞肉，牛肉，肉醬，酸菜，豬膶，腐足，芽菜，火腿，豆粕，蕃茄等等。上食物速度快 熱騰騰，好食好食好有蕃茄味。

間唔時都會想黎食譚仔，真係覺得總有一間在左近。旺角都有好幾間，任你選擇，睇你近唔間就去邊間。今次我地又黎番鼓油街尼間分店，點左過橋米線套餐2小麻辣，大部份配料都有，又可以兩個人食，份量岩岩好。仲叫左個土匪雞翼（5隻）。講真，係香港人都食過譚仔無數甘多次。因為佢既味道好味，仲有佢既價錢平民化。又可以早午晚餐都食得。食物上台時間又快，各方面都岩晒香港人的需要。唔怪得個個都食過，仲要係間唔中黎食。譚仔真係做得好出色。

好耐無食係會好掛住佢, 我觩覺吾少人都同我一樣, 食「譚仔」食上癮!以前放工放學, 都好中意買個外賣番屋企食! 今次食譚仔叫左好多餸, 因為果個MOMENT吾想食米線。大既蒜泥白肉呢個都幾好味, 因為我最中意既就係佢地既蒜泥。但係原來齋食會有少少過鹹...不過都係好味既。生腸好似係推出左無幾耐, 原來都好好味! 好爽脆, 下次真係可以再ENCORE!!!朋友叫既豬潤雞肉三小佢係每一次都叫同樣既餸, 無一次例外。豬潤都係薄身, 不過份量都還可以。雞肉比較碎, 我自己就覺得麻麻地啦。

土匪雞翼是我最愛每次想吃雞翼的時候，我都會想起譚仔雲南米線，因為譚仔雲南米線的土匪雞翼，我個人應為很好吃。所以剛好下午茶肚子有點餓，便去了附近的譚仔雲南米線吃下午茶。我叫了一碟土匪雞翼，和一杯凍檸水。土匪雞翼呢外皮煎到很香脆。而且，上面還灑了黑芝麻。令到口感更香口。土匪雞翼的肉質，很嫩，真心覺得很嫩。我自己試過在家裡煮土匪雞翼 ，有看上網的食譜，但都煮不出譚仔雲南米線的土匪雞翼的味道。所以當我肚子餓，又想吃雞翼的時候，我便來到譚仔雲南米線吃土匪雞翼了 。吃完土匪雞翼，再加多一杯凍檸水。這個下午茶真是很滿足了。

都好耐冇同老公食米線突然間老公話想食米線就去搵不是三哥食啦老公最鍾意食大碗米線其實老公一個人都食得晒，不過我就係鍾意share少少，然後嗌個土匪雞翼同埋尖椒皮蛋😋😋大碗米線都有好多餸蕃茄湯底真心推介好好味，成日都幾乎飲晒啲湯，雖然我覺得佢同三哥冇乜大分別可能係個湯底分別🤔不過老公就比較鍾意食呢間老公話呢間嘅土匪雞翼好食啲對於我來講，都係個皮夠脆，D肉夠嫩又有味道吖👍🏻👍🏻👍🏻👍🏻

好厲害的一個服務員。我入來未夠1分鐘就問我吃乜，我話等等，睇下先，好啦，點完野吃，個女想飲水，我話不如飲凍擰水，我女話想飲白滾水，我就叫，叫左2個人點都無來，叫第三次，個服務員問我有無落過單，我話叫左2次了，距同我講叫左2次無用的，要落單，甘我問距我同你講左2次唔係落單咩？難道要自已落？隔離台的客人都嚇左一跳(哇，甘同趕客有咩分別啊）唉，譚仔D服務差其實一路都係，只係覺得點解可以越來越差，單我都影埋出來

身為譚仔愛好者嘅我每次食親譚仔除左叫麻辣米線之外，一定會叫埋土匪雞翼。土匪雞翼表面煎到好香脆，加上面頭嘅黑芝麻，食落十分香口。雞翼嘅肉嫩滑得嚟又juicy，真係好好食。

譚仔，其實可以話系香港既代表作。米線都可以開到成街成巷，又吸引到外資公司收購。做到咁成功，味道唔使講啦，基本上身邊無朋友唔中意食譚仔。自從我介紹左俾媽媽食，佢宜家間唔中同朋友出街就食譚仔佢既重慶酸辣真系好出色！我次次去都系揀竹笙豬潤，好專一！唔知點解，譚仔既凍檸茶我真心覺得系好好飲，比起其他餐廳。