譚仔雲南米線 (已結業)

我好耐無食譚仔．．．諗住試中辣湯底．．真係幾差．．．１ｄ都唔辣．．．同埋ｄ粉唔好食．．．其他分店好ｄ喎．．．

今日同朋友經過，見到深水埗食開的譚仔呢度都有，就捧下場啦。唉…叫左雞肉墨丸米線，湯底一樣，但敗筆之處係呢間d 米線的質地同深水埗間真係差好遠好遠喎。食落"鞋"之餘又好"立"，煮的時間可能太耐，d 粉"一堆堆"咁…極之難食。水準比一般米線舖仲差。本來地區問題價錢收貴一截亦好合理，但佢的米線品質咁差，就真係冇下次。

２００６年８月１５日是晚去健身房後找東西吃看到這家新開幕的譚仔，在土瓜灣吃過覺得不錯，就進去吃咯點了雞肉米線，少麻辣米線來了覺得不太對勁，湯紅紅的．．．喝了幾口，還好吃幾了幾口米線，開始受不了，咀巴覺得熱熱的馬上叫服務生幫我加清湯但還是無減巳經麻掉的舌頭的＞＜雞肉很嫩，應該是新鮮雞肉米線很大一碗，HKD19真的超划算！最欣賞米線上幾塊腐皮，好好吃唷~~~~~~下次來記得要麻辣汁另上！另外要一提的是，坐下來等很久都沒有人來幫我點菜是晚全場爆滿，服務生不夠，生意好，老闆多請幾個吧~

土匪雞翼真係好正!!我第一次去係朋友介紹,佢成日去食我食左過橋米線,好大碗好多料,和朋友share食都好飽.第二次就食土匪雞翼,嘩......超正!!!外層的香草和黑芝麻配合得天衣無縫,內層好入味.香味和肉汁剛剛散發出來,趁熱食正d,一試難忘!!雞翼時間會比米線耐一些,要早d叫.我和兩個朋友也上癮.每次要食一碟(五隻),講起都流口水依家每星期起碼食一兩次,阿姐都認得我地,哈哈~

有次同男友經過,再加上在食評見過;便特登去試下。我叫了酸辣腩肉米線,男友要炸醬米線,另加土匪雞翼。在我試過的芸芸的雲南米線中,唯一是它做到是真正湯底的味道是酸辣。其他地方的酸是酸菜的酸,辣是辣油的辣。只有它,是真正做到湯底的辣同酸。白雪雪的腩肉,都幾肥同一般。而眾人所叫好的土匪雞翼亦不是想像中的好味。有點點黑色芝麻是特別,但雞肉不夠味;有點失望。總括而言,譚仔雲南米線的湯底是可取之處,其他則屬一般之作。

今日lunch聽朋友所講特別去到呢間譚仔食米線,朋友話好好食, 成日會特登坐車去佐敦食,特別約左個食野好有要求gei朋友同行,三個人叫左一個清湯生菜米線,一個酸辣牛肉米線,一個少辣牛肉、墨魚丸米線一碟土匪雞翼清湯味道普通、但食得出無咩放味精, 整體是能夠接受朋友們一向食慣的牛肉、墨魚丸保持水準,最欣賞的是雞翼,雖然賣相不太好,但勝在即叫即整,個人不喜歡食雞翼,但朋友們都認為味道不俗!去到時候,好多tst工作的朋友係呢度解決lunch,要等一陣先有位, 侍應(阿姐)好快手,服務唔錯,地方算乾淨, 但多人o個時覺得好細間同好難出入,無需要特別去到食的一間米線店,但如果行開尖東又唔想食得貴同肥膩, 呢度係唔錯gei選擇。

食過幾次不同程度0既小辣米線，味道都唔夠大角咀個間甘辣，相比之下，個間0既湯濃D。平時叫開個個辣度，係呢間到食可以叫辣一級。不過米線上得好快。

第１次去食，俾入面咁多人嚇親，好好市縱使已經１點幾。叫左碗豬腩肉米線，酸辣湯底要加錢，再黎１杯免費凍檸茶開頭以為豬腩肉會好肥，點知唔係，入口好爽，１ｄ都唔肥，放心哂！酸辣唔算辣，想食辣ｄ既朋友，可以揀麻辣但麻辣都有分好多種...唯１唔好就係等位方面好亂傾傾下計唔留神都俾人搶先，小心。

今次要了菜, 雞肉米線, 麻辣湯底(本來要加錢的, 但說新開張, 免費...但都免了很久了...)麻辣是最低程度的, 雖不太香, 但辣味剛好, 亦有少許"麻感"。雞肉切成小塊, 買相雖不佳, 但入味。兩款餸連同隨米線上的芽菜, 腐皮, 等配菜, 很大碗, 每次也不能全部吃掉。米線打從端上來至吃完離座時, 還是熱騰騰的, 所以每次都要慢慢吃。多數是週未黃昏才到這裏吃米線, 人不多, 每次到來都見待應很清閒, 可以聚在一起傾談. 服務態度不錯, 反應快。

據未正式統計，香港人係極鐘意食米線，由其是女仔，所以我都唔例外‧譚仔就成日食，因為地點方便分店多，我多數去尖沙咀呢間因為放工行完街就會食返碗，睇concert前要食返d野又黎食返碗‧我次次食親都係叫竹笙雞肉豬潤酸辣米線，因為唔係好食到個麻辣，麻辣太麻喇令到個咀，麻到食所有野都無哂味我唔係咁鐘意‧另外就一定會食香草雞亦，真係好好食，就算一個人去我都會叫，不過一碟5隻如果一個人去當然就食唔哂啦，但係都照叫囉，如果去左無食過好似唔知點咁‧如果佢可以有細份d例如一碟3隻就好喇!

放學後二人到此吃米線每人一碗小辣米線, 跟其他分店的也差不多~再來一客土匪雞翼, 十分喜歡呢價錢好像比其他分店貴些許但沒所謂吧, 地方比較大, 環境跟服務也像比較好嘛~

同深水埗店比較, 一個餸已經$19, 加餸一樣係加$3, 加凍飲加$5. 應該係加左凍飲加酸辣就唔駛加錢, 如果唔係又要加$3. 三個人share 土匪雞翼黎食, 即係黑芝麻雞翼, 有芝麻香且好入味. 米線同深水埗店水準一樣, 夠煙靭且份量多. 豬潤同豬腩肉, 豬潤爽口, 豬腩肉就真係肥既, 要不然就不是豬腩肉了. 麻辣湯底, 因為唔係太食得辣, 所以要5 小辣, 少湯, 唔駛咁熱同埋食落會冇咁辣. 辣度接受到, 下次應該可試3 小辣.

提早15mins去lunch, 為左都係去譚仔排隊, 呢度排隊真係好混亂, 個個都企係枱邊等位, 好有酒樓feel~~$16一個麵加一個餸另$4加一個餸, 加$5有飲品, 都算平, 叫左個墨丸雲吞酸辣米線, 個墨丸都係一般水準, 有3粒, 雲吞唔好食, 雖然都係菜肉, 但係佢用的係水餃皮, 好厚, 菜肉個d肉又好唔碎, 又多肥, no good, 個米線都多架, 但個湯唔太酸,麻味都ok, 個湯係白色的, 睇佢唔似辣, 但食落都有d料到, 附送的腐竹同芽菜好少同埋唔入味, 唔好食如果有得選, 都係去番厚福間雲南米線好d啦

岩岩o係尖東火車站出黎,未食lunch,好肚餓,見到有乜就食乜,所以黎左呢間。因為一直食開"雲南桂林過橋米線".佢d 腩肉係辣o既,諗住應該差唔多款o既,所以我叫左個豬腩肉酸辣米線。點知d 腩肉真係五花肺咁o既款,白色,仲要好肥。見到已經唔係咁想食...佢個湯好清,係有d 酸,不過唔辣,點都要落辣椒油。d 麵係好多,不過d 腩肉太多..真係食唔哂...廿幾蚊一大碗米線同野飲,係抵..不過味道就真係麻麻我以後都唔會再去囉~!

我是吃得辣的，但它們的大辣級亦可使我邊吃邊流汗，何况特字級？最記得湯底不是預期中的紅油滿滿，令你錯覺以為不外如是，誰知辣味慢慢地跟味蕾打招呼，吃到一半己吃不出其他食物的味道了，就似是頭一次吃指天椒一樣。不吃辣的人們請注意：生命無take two！