譚仔雲南米線

营业中

休息中

有時放工反屋企，都會打去譚仔叫定外賣自取，夠哂方便嘛。今日我仲考慮緊食咩嘅時候，都已經行到譚仔門口😹最後都系決定食譚仔其實我平時叫譚仔都係前10分鐘打去叫外賣但今日等左成25分鐘，有少少耐🤭今日只係叫咗個炸醬米線🍜(小米) ，酸辣。冇分湯佢都系會俾上下層分隔米線。唔錯。外賣自取 - 拎到返屋企一打開勁多炸醬，超滿足。米線唔會太硬，又唔會太林但芽菜個d就比較少。味道依然冇變，酸辣適中，都系我至愛既譚仔。

本身唔係住係邊區,早上10點幾需要做過去做野,就見到譚仔已經開左門，原來分店姐姐話唔係間間都有早餐架坐位都幾舒服,大部分都係有梳化位一睇個餐牌又真係好抵食，蕃茄湯平時另外都要加2蚊早餐 $31 蚊仲有杯野飲由$22-$33蚊凍飲+$2蚊汽水+$7蚊熱飲不用加錢A-F餐時間見到8:15AM -11:00 份量都一定冇中午禁大碗,但都已經足夠食叫了另一個通粉早餐仲有脆卜卜既牛油多士加雙蛋又得,炒蛋都得即磨咖啡就是多左少少奶阿華田店員亞姐仲有傾有講服務幾好第一次去食不用加一既早餐

今晚自己一個吃飯，最方便就是吃一碗熱騰騰的米線，最方便的就是去譚仔。晚上，已經要排隊輪候，吃米線的人真的很多，到我買單離開的時候，熱門排隊的人更多呢！今次點了蕃茄湯底，加了炸醬、芽菜和酸菜。想不到點餐之後，等候了至少15分鐘，坐在我身邊的客人都吃完了，我還在等等等。米線終於到了！嚐一口湯底，有番茄味，還有新鮮蕃茄粒，湯底很甜。米線配炸醬更是一絕，炸醬味道很惹味，碎末配米線，剛剛中和了碎末的濃味，酸菜酸酸甜甜，十分開胃，芽菜更是清爽。米線終於到了！嚐一口湯底，有番茄味，還有新鮮蕃茄粒，湯底很甜。米線配炸醬更是一絕，

以前食譚仔覺得幾好味，今次覺得味道比較淡，麻麻之餘，服務態度比我感覺唔好，正確啲講只係其中一位落單嘅職員。我哋坐低後即刻問職員拎餐牌落單，第一個落單嘅朋友喺最後改第二樣嘢食，其實係我哋輪住叫完嘢食後即刻改同埋有講唔好意思，個職員即刻黑面，再將眼向上反，好盡力咁唔比眼珠我哋睇。不過譚仔真係趕時間嘅一個唔錯嘅選擇，而且呢間分店都幾大，坐得都舒適，味道方面普通，配料無咩特別好食。過橋米線套餐(清湯底)，湯底有啲淡。墨丸魚蛋米線(鮮蕃茄湯底)，蕃茄味唔夠。過橋米線套餐(湖南酸辣湯底)，呢個應該係最夠味，但我唔食得辣。湖南土匪雞翼，雞翼都比較淡，唔重孜然味。新疆香草雞翼，感覺兩種雞翼嘅味分別唔大。

朋友好耐冇番香港，番到黎就梗係要去代表本土特色嘅譚仔食番碗米線同土匪雞翼啦～我個人黎講，唔太食到辣，於是都係食清湯。清湯竹笙牛肉米線：）不過不失～好朋友嗜辣，叫左大辣炸醬墨丸米線。因為佢係外國少食呢類食物，所以食得幾滋味！大辣都仲話唔夠辣！最後就梗係飯招牌雞翼啦～

食譚仔其實好開心，但係點解話佢係唔滿足呢，原因就係佢炸醬份量太少，好孤寒朋友叫咗個魚腐炸醬米線，明明炸醬同魚腐都係分別一個餸，但係魚腐份量正常，炸醬就得少少，基本上同嗌過橋個碟仔嘅份量一樣，好嬲相反廚房嘅姐姐就較爲大方，竹笙十小辣米線，竹笙都比得好多，條條好好完整冇散到不過十小辣就真係冇咩料到另外一個朋友叫咗三個餸生菜，竹笙，墨丸，份量都滿滿嘅豬耳都係，辣油同辣椒醬太少，唔夠浸住啲豬耳，會影響入唔入味

譚仔我時常食開嘅就係墨丸米線，貪佢墨丸夠多，有六粒。我食開嘅係中辣，今次叫大辣試吓佢嘅辛辣程度。我從來冇懷疑過譚仔嘅辣，不過估唔到我都接受到。大辣唔算好辣，不過多咗份麻。下次我會挑戰特辣試吓。

今次叫左呢個蕃茄湯底，好好味，加上十小辣，好開胃！裏面嘅餸都有好多好抵食，兩個人食岩岩好。麻辣豬耳不過不失啦! 呢間譚仔環境都不錯，裝修都ok 但係姐姐態度好麻麻！

將軍澳廣場間譚仔越做越唔好食服務態度又唔OK，就連個炸醬都有天與地嘅分別下午時段食嘢係人多但無理由你食到一半仲要調你去第二枱坐，服務員工作時都好懶散給我的感覺工作不認真工作態度差今時今日係香港呢種服務手法完全無晒心機係呢間食嘢。。。。。。令我感到好失望真係要俾個差評！可以講係我食過最差嘅一間譚仔。

去完旅行番黎心思思想食酸酸辣辣既晚餐，立即諗起譚食，咁岩將軍澳廣場有一間，當然要去啦！店舒面積好大，大約分左三部分，6:30pm過到去只係開左兩部分都未坐滿人，而且好闊落，自己一個坐都唔會有壓迫感！食多啲都唔怕俾人望下望下揀湯底時問姐姐邊款係酸辣得黎唔會太搶喉，佢話湖南酸辣好啲！岩哂食唔得辣又口痕既我！腩肉墨丸酸菜係我既必叫三寶，腩肉好香又唔乾，酸菜開胃而且好多，但係墨丸有啲遜色，口感好化，好似煮左好多日咁樣已經冇哂彈性同味道😱皮蛋好正！流心架！如果中間既醬料再多d就正喇！可以夾埋上黎撈米線一齊食好剔透又流心！讚！明明叫左小食，但又覺得冇理由唔叫細土匪，哈哈！雖然要等，但熱辣辣咁上真心正！温馨提示：食完記得照下鏡檢查有冇芝麻攝左係牙啊

是日晚上要急急腳，係屋企附近買個譚仔食，食完返屋企溫書，七點鍾左右見無咩人，就決定入座食，一入到去果陣，姐姐語氣好親切，好nice，叫我自己揀個位，咁我坐底左之後就叫左個米線同小食。自從譚仔出左蕃茄湯之後，幾乎每次食譚都會叫蕃茄湯底，但食多左發現原來間間譚既蕃茄質素都唔同。先黎既係皮蛋，基本上每次食譚我都會叫皮蛋，因為皮蛋價錢抵食$19，無論同fd食定係自己食我都會叫一份，份量又多，情願米線叫小一個餸加個皮蛋。今次將軍澳呢間不過不失，味道ok，只係有一兩舊陣味唔知點解有小小怪。之後就係個雞肉蕃茄湯小米走芽，呢間第一次食有小小失望，雞肉份量極少，我食過另一間蕃茄好足料，有比較之下呢間雞肉又小蕃茄又小，唔知關唔關蕃茄小既事，整體而言，食物質素有小失望，不過姐姐服務態度係真心好。

失業左2個月，一個人想食平嘢又要好味同夠飽…好彩屋企附近有間譚仔我差唔多日日都食一樣嘅嘢，但係又keep住想食，因為幾好味而且天氣凍食左會好暖，可以飽好耐，唔怕一陣又肚餓我最鐘意食魚腐腐皮米線，山小辣，加凍lin茶話說魚腐係好肥嘅，但好好味湯底夠麻同比較香，油唔算多，飲落鹹鹹地魚腐唔會太鹹同唔腥，腐皮會俾好多又好滑，兩者吸哂d湯味又軟滑。係度多謝li間分店嘅師傅，真係俾好多配料同腐皮，唔係得嗰少少，食得好爽另外我都有試過食健康d嘅雞肉韮菜米線，轉下口味 d韮菜多到我食唔哂 有雞肉會令個湯甜左，都好好味，但我都係喜愛魚腐同腐皮li間分店有個自閉位，可以自己一個坐，對住塊鏡。鐘意自己一個人嘅可以好舒服咁慢慢食。廢青報告完畢

同屋企人去咗雲南米線食lunch，一去到已經好多人等緊位，我哋就叫咗個大土匪雞翼，跟住再要咗個過橋米線，土匪雞翼表面炸得好香口配買黑色一點點芝麻好好味，等左一陣間就到個過橋米線上枱，米線入面有好多配料，例如墨魚丸、火腿、雞肉、豬肉、豬膶、竹笙等等......我自己好鍾意食呢個米線主要覺得裏面有好多餸，但一個人食唔晒，多數會同屋企人一齊share，米線個湯底我係鍾意清湯，因為食到好多配料原汁原味，有時我都會食微辣，總括都係好食！

食咗個過橋米線，好大碗，啲餸都好多，所以都要呢個價錢無所謂啦。啲麻辣唔錯，真係做到舌頭有麻痹嘅感覺。最差係個土匪雞翼，外面燶，裏面生，生到有血，唔知係咪佢出名嘅特色呢。

平日我超過兩個朋友聚會就多數會選擇一些有特色的餐廳，因為一個人都可以食的餐廳，自己一個去食都可以。但今次我和朋友三人選擇了這個，點解？因為大家都唔係太肚餓和將軍澳在星期天真係很難等位，四周都充滿人龍，那簡簡單單就算數啦！三人在譚仔，可以有咩選擇？原來都可以好滿足：這個米線，一個人又太大，三個人分就剛剛好。咩都有，你喜歡什麼和朋友夾一夾，大家各自滿足。這個皮蛋很有賣相，其實味道就唔係太出。很難令人有一試再試的感覺，不過譚仔選擇少，朋友對皮蛋又情有獨鍾，所以好唔好食，其實都會點選。最後還點了一個香草雞翼，那款雞翼唔太入味，都係土匪雞翼最好。這餐三個人食剛剛好，清曬桌上所有東西，其實朋友聚會可以好簡單。P.S這間餐廳服務方面，其實可以更好，姐姐落單時已經出錯，公司的最新資訊，又好似唔知，雖然我都明白，忙中有錯在所難免。