譚仔三哥米線 (九龍貿易中心)

营业中

休息中

今日行到葵興，想食啲熱辣辣又有味嘅，就即刻諗起三哥。點咗自己經常返單嘅基本組合：米線配腩肉＋豆卜，再加杯熱檸水，還有額外加單嘅蜜糖燒雞翼，性價比爆燈！米線揀咗清湯，順口唔會太油，湯底白滑但唔重味精味。腩肉係我長期心水，肥瘦分布啱啱好，炆得夠腍冇渣，食落有啖啖膠質感。豆卜吸晒湯底精華，一啖爆汁超滿足，成碗米線簡簡單單但非常穩陣。雞翼係今次亮點之一，蜜糖燒得幾香，皮薄微脆、內裡仍然多汁，甜味唔會搶晒主角，配清湯米線好夾。加埋杯熱檸水，一套食完暖胃又有味。店內環境乾淨明亮，午市後段嚟唔使排隊，落單到上菜都算快。以$46有交易（見單），CP值好高，快閃一餐絕對唔錯。總結：唔駛花巧，返嚟食自己熟悉嘅 comfort food，一樣開心。

🌶️🍜 今日放工路經葵興工廈區，立即被譚仔三哥的椒麻香勾住，決定獨食一碗安慰胃口。落單點「迷你雙送米線」配肥豚肉與豆腐泡，辣度 3 級，再加蜜糖燒雞翼和熱檸檬水，埋單 HK$46。湯底以豬筒骨熬至奶白，入口先是骨香與蒜味，隨後花椒麻感慢慢浮現——3 級屬開胃小辣，重辣友可再升級。米線質感幼滑，彈性十足；肥豚肉薄身卻帶油脂，滲進湯底令口感更圓潤；豆腐泡吸湯力強，一咬爆湯辣香充斥整個口腔，非常過癮。蜜糖燒雞翼為人氣小食，外皮掃上蜂蜜再烤，焦糖色澤吸睛；甜中帶煙燻香，肉質保持嫩滑。熱檸檬水用兩大片新鮮檸檬沖泡，酸香清爽，完美中和雞翼油香及湯底辣勁。環境方面，葵興分店位於港鐵站旁，設吧枱及兩人檯；工廈區下午三點後客量不算多，落單至取餐約五分鐘。店員會主動提供紙巾及手套，服務在快餐店中算是貼心。以不足五十元便享有湯米線＋小食＋飲品，CP 值依舊是三哥強項；若你在葵興工作或經過工廈區，不妨進店醫一醫辣癮。下次會挑戰 4 級特辣并嘗試酸辣香麻湯，再與大家分享！👍

呢間午市好多人，通常外賣就會打電話落咗單先，跟住再差唔多時間過嚟拎，咁就唔嗮等好耐堂食都會選擇早啲過嚟拎籌，不過有時入座落單後，等就有排等，12:00或者13:00人流冇咁多，就唔需要等好耐

喺呢頭返工，一直好鍾意去呢間，𥦬邊卡位太舒服。今日試咗過橋米線，但走米線轉旺菜底，以為會唔夠飽，點知都頂到喎。過橋足料唔駛講啦，最鍾意啲腩肉片，我個人更喜歡碟肉碎同甜酸菜。甜酸菜甜道好好，有時會想要多一碟。另外配咗普通酸辣湯底都好夾好開胃。

來譚仔試吓佢新口味米線- 胡椒肉骨湯米線。初初以為佢似肉骨茶口味，點知食落去似土匪雞翼味。食落土匪雞翼味米線有幾特別。 今次叫咗10小辣，所以唔多覺辣，但個湯底唔係好香嗰隻。佢雖然又大大粒蒜頭喺個湯入邊，但真係冇乜蒜頭味。邊有啲類似白木耳嘅東西，脆博博好爽口咁。講真，譚仔好多時出特別味都有啲伏，不過之前出嗰個鴨血米線係幾唔錯，不過好快又消失咗，希望譚仔可以考慮吓將佢長期加入個menu, 因為鴨血家樂米線加埋真係幾好食

光顧此店不只一次，此分店上菜速度明顯較其他分店慢，員工態度也比其他分店差位於辦公室大樓及工廠區，上菜速度之慢極須改善不論店內及等外賣人數多與少，落單後等候時間一樣需要至少40分鐘才送餐今日於中午到達用餐，店內人數不多並無全滿，但等候多時依然未有餐點其後附近較遲入坐點餐的客人餐點已送到，唯獨我們一直未有，便向店員查詢店員以不耐煩的態度回應：再等下啦其後也有要求另一名店員向廚房詢問，但該店員回答可以之後一直站在門口位置，完全沒有打算跟進再等到附近食客餐點上齊，我們一樣都未有時，便再次向店員詢問，該時店員才發現我們枱上單據錯誤，並非我們的單據，我們立即問店員到底有沒有落單，其店員以極差的態度把落單用的手機打開給我們看有落單，當我再問單據去向時店員才到門口收銀重印收到正確收據後再過一陣餐點才送到，但凍飲冰塊大部分已溶化，令人懷疑餐點根本一直在出餐處希望集團做好此分店的員工訓練及改善此分店的上菜速度。

啱啱黎開附近做嘢，求其搵間店食午餐平時都有食開三哥，但第一次係一間有咁多卡位嘅～ 坐得好舒服食咗最愛嘅蕃茄湯底10小辣. 真係好好味，又多蕃茄肉，連埋米線食一流！取代咗以前麻辣喺我心目中嘅位置～

去附近買嘢，見到譚仔三哥有位 唔駛等，就入去食碗米線，不過冇晒卡位坐🙃叫咗碗鮮冬菇清湯米線。可能多人叫外賣，堂食都要等一陣，份量正常。湯底ok, 但係食開淡口味嘅人，會覺得有少少鹹。今日的冬菇就偏細粒，得一粒巨大啲😂芽菜，好似米線咁粗，大大條好爽，是我最愛的配菜之一👍🏼，米線OK正常，唔太硬，有軟滑口感。呢間鋪面比較大，有好多位，環境清靜，清潔企理，同其他譚仔好唔同，唔使要趕住食，或食完要趕住走嘅感覺🙃

嗌咗好多次呢間譚仔，比我既感覺只有趕工，每次一樣既點餐，餸，米線，湯既分量都唔一樣，唯一相同既係湯底永遠都咁咸，每次我都會比足時間去等我個外賣，但每次我付出既時間同收穫都不成正比，以後除非減肥，否則絕無下次。

炸醬、竹笙蕃茄米線，鮮蕃茄既酸味入晒竹笙到，冬天食好開胃，炸醬當堂食落都唔覺有酸味，米線🍜浸係熱湯仲煙韌。另一碗清湯墨丸紅薯粉配炸醬，透明薯紛配白白既魚湯，薯紛粗身更有彈性，非常有𡁻口，更有飽肚感。口寡就餸啖炸醬，過癮堂食限二人既原故，店家想做多d午市生意，快手收拾餐檯，明既。加油💪

譚仔食得多，算係半個粉絲，近期賣恆廣告新出左隻撈酸辣薯粉。終於試左，依個價錢就一般啦，勝在唔洗加錢加送都有基本的材料：豬耳、木耳、薄脆⋯同埋都有青瓜絲、蔥碎，莞茜，撈完係香味好足！賣相唔錯！不過原來係撈熱辣辣的薯粉，最初以為係涼拌，點知愈食愈辣！個酸辣味就好一般，陳醋酸味搶哂，辣味就得個辣字！加上譚仔的薯粉真係唔係重慶酸辣果種，所以口感係差少少。不過都算係新野，可以再改良下！改良成功應該都令人會間中轉口味！

見到三哥最近出左新野，忍唔住要去試試！尤其最近天氣咁熱，lunch time 真係唔想又食d熱騰騰既食物！🔥🔥🔥-酸辣撈薯粉（$39）辣度係三哥獨製酸辣汁，由5小辣為開始，作為每次都叫10小辣既我，初頭都猶豫左一陣。但實在對薯粉不能抗拒下，發覺一開頭都食到，係到後期就比較辣🤪🤣-另外配料方面，都算多料，有雲耳，薄脆，青瓜，同好彈牙既豬耳😍 薯粉當然超級爽滑！同埋好煙靭！-如果薯粉既份量多少少，我諗會更好！！-加分位，有海底撈既細心：深怕d汁彈到件衫，譚仔姐姐俾左條圍巾😂好貼心啊！鬼叫條薯粉真係好彈，😂會彈到d醬汁周圍都係！

呢間三哥地方特別大，樓底又高，坐得特別舒服!  中午去到，坐位都坐滿九成，但好好彩等10分鐘就有位。而家4人枱會用一張透明膠片分格開成為2人枱，雖然都係見度對方無乜私隱，但有塊膠片格一格，食得安心亦覺衛生!!  點了碗豬潤乍醬酸辣米線加杯凍奶茶，湯底酸辣味道比例岩岩好，豬潤熟成度恰到好處，很嫩而不覺柴，乍醬係另外用碗上，帶少許辣味，可以一羹羹食!配菜仲有芽菜及腐皮，其實一碗米線份量都相當大，如果係細食既朋友們，記得跟店員講叫小米線，平$1之餘又要唔浪費~~

从该店开业至今持续有三年多几乎无间断光顾，服务员姐姐们都跟我稔熟，但亦因此被她们看穿我的性格。而且这种过分热情的服务态度，让我觉得她们是爱讲食客闲话、喜欢捉弄食客的「是非精」。比如有一次午餐时段到该店用膳，一位姐姐觉得我好像小孩子一样听教听话，很单纯，她说不如戏弄一下我吧！又有一次我在进食时，一条钥匙从我的口袋里掉在地上，我及时离开座位捡回，另外一位姐姐对我出言不逊，並意图收回桌上那碗未吃完的米线。如此经历使我由2018年11月至今都未再踏入该店半步。即使曾多番向谭仔三哥的客服反映，我依然对于到再次到该店用膳存有戒心。

如果有人share一齊食一定要食過橋米線一碗米線入面有齊所有配料先50幾蚊蕃茄湯 小小甜 小小酸 食落唔太假唔想食辣 又唔想食清湯蕃茄湯底亦都係個唔錯選擇不過依間分店勁多人排隊趕時間就唔好等呀