譚仔三哥米線 (荃灣廣場)

平時都成日食譚仔，今次試左三哥新岀嘅鮮檸清湯魚片雞肉雲吞米線轉蒟蒻麵。先讚嘅係個湯底唔錯，有d似魚+雞湯味，同埋加左鮮檸同檸檬葉令湯嘅味道更有層次。雞肉，魚片同雲吞份量都唔少，食哂麵都仲有餸未食完。讚完都有啲嘢彈下首先係如果想食呢個湯係要跟佢個set，冇得自選餸。第二係魚片仲有小碎骨，食嘅時候要小心啲。第三係雲吞係急涷雲吞，個皮有啲厚。最後一點係個湯都幾油下，唔好俾鮮檸個fresh味扼到🤣🤣因為個湯飲落真係好好飲，油膩感唔重，但其實睇到d油係多過其他湯底好多…查看更多

譚仔三哥米線 (荃灣)荃灣大壩街4-30號荃灣廣場L4樓410號舖之前喺調景嶺食過嗰間，蒜泥白肉好似俾人食咗啲先拎出嚟咁，嚟到荃灣廣場呢一間終於回復正常。麻辣10小嘅麻辣味好香，下次可以試吓再食辣啲。蒜泥白肉多蒜泥真係好正，啖啖都係蒜頭嘅味道，不過第二朝都唔想問返自己浸味。…查看更多

原本見到就好像食👀因為本人一直都好鍾意食酸菜 而佢出左呢個湯底就更加知道要食 今日放工去左幾間分店 終於去到呢間搵到無缺貨 試完第一啖 開始覺得有D奇怪 食多幾啖就黎料 事先聲明本人平時都食得幾重口味下 但呢一碗真係鹹到懷疑人生😵‍💫 佢係鹹到好似飲緊海水 😰 我估係個鴨胸肉搞到成碗嘢鹹哂 🫨 我加左杯水溝淡碗湯都仲係鹹到嗌救命 🙏🏻但D餸係幾足料 唔知係廚師問題定呢碗嘢真係咁伏 希望三哥會改善問題😔…查看更多

每個星期起碼去食三哥2-3次，今次食下午茶，order左腩肉豆卜米線麻辣5小，小食係麻辣豬耳+蒜泥白肉，冰檸茶(凍飲狗加$3)$46，米線份量雖然少但係仲有2個小食，所以都夠飽…查看更多

1.員工安排坐位不當：其他客人1個人坐6人枱 我地7個人坐4人枱 並且要求我哋分枱坐 2.落單及出餐速度慢：向店員要求落單但被拒 聲稱轉個頭先 但等咗好耐都未有人落單 並且出餐速度極其慢 3.員工態度惡劣：我地7個人坐4人枱 諗住拍埋張二人抬組成六人枱 但員工反白眼並搖頭，幾個人一齊叫囂話唔可以咁做 咁冇人幫我地處理件事 明明隔離三張大檯都只坐一個人😮‍💨我明白打工的不易 但同樣都係打工嘅 你地食飯就大圓檯 我地就要分檯坐至於仲要俾你地冷言冷語？？試問這是一個員工應該做的？以後六個以上黎食都自動分檯坐？ btw 啲新湯底優化下 鹽唔洗錢？ 咁鹹俾邊個食？ 定係新型套路逼我地叫杯淡水阿華田野飲解渴？🥹…查看更多

試吓新出三哥下午茶，星期日下午仍不多人。叫4餸豬皮，雞肉，腩肉和魚片頭加凍檸茶。QR code 落單要用app，吾想裝app找阿姐用專用機落，但仍落錯單。湯底只有麻香冇乜辣味，不夠熱，可能下午茶，豬皮腩肉薄而細塊。連埋優惠卷付$31，叫做okay。…查看更多

總是有鋪三哥癮的我, 由好多年前麻辣10小食起, 到而家開始食麻辣4小🤞😆今日lunch黎到, 等左大約15mins有位, 用手機app落order, 用埋佢個會員$60-$6, 都幾抵食😁黎到三哥雞肉係必叫的, 再加木耳, 平時食開麻辣4小嘅我, 今日膽粗粗嘗試挑戰一下食麻辣2小辣, 米線一到, 即呷一口湯底, 麻辣嘅辣勁慣時湧上後腦😆湯底睇得出辣嘅顏色多左好多😂😂雞肉都平時一樣嫩滑, 發揮出色👍木耳爽口, 據說木耳都係健康食物, 有助降低壞膽固醇, 偽健康嘅我都係會必叫😆…查看更多

終於等到譚仔三哥米線進駐荃灣廣場，在附近的上班族不用走到荃新天地分店了。雖然分店已很多但在荃灣廣場有新店開幕當然要試試，新開幕當然有優惠給予大家⋯就係購買自選2餸送1個餸優惠，外買自取還可追加$12-$23有個小食+飲品！每逢星期三都有一個素食推廣，大家可以用優惠價$40惠顧素過小橋米線配菇菌湯⋯菇菌湯很濃郁/餸菜都幾多！我吃過後都滿飽口福，低食👍若想不到食什麼就可以試試這個！味道方面我覺得不太難食但可以接受，還可以因應自己口味選擇辣度增加刺激感～而且價格方面都相當大眾化/合理⋯…查看更多

新開張無耐 緊係要試食下🫢由於每間譚仔既味道 都會有出入 第一次食 唔敢叫太辣🍴魚腐米線 🍜 麻辣小辣🌶️ 多麻米線正正常常啦 唔會太淋今次叫左多麻 終於食到少少以前既譚仔味但始終都係食唔到 成個口都麻痹嘅感覺而且湯底偏咸 味精好重 愈食愈口渴🥵🥵🍴土匪雞翼 （大）正常水準🍴蒜泥白肉蒜蓉泥一次比一次少....以前日日食譚仔 都覺得無問題依家真係搞唔掂....價錢⬆️ 份量⬇️ 味道⬇️ 每食完一餐 就再減少啲興趣...👎🏿👎🏿👎🏿…查看更多

叫咗酸辣湯底完全唔係平時食開既味道唔係譚仔三哥味道都算，仲係超級之咁難食成碗食咗一半都無就放棄！走既時間，成個口仲係嗰陣好難食既味道即刻去買咗杯咖啡沖翻走佢完全唔明，唔係應該有standard材料包出架咩點解可以相差得咁勵害？…查看更多

譚仔三哥越開越多分店 終於喺荃灣西附近再開多一間 荃灣廣場新分店非常之就腳 所以唔使再去Citywalk嗰間～新店裝修風格比起city walk 更靚更有style 🤟🏻個日4點試業 成功做左第001個客🤣🔹豬肉竹笙麻二小多麻走九牙$45可能岩岩開業 質素仲未係好穩定 ，整體上碗米線都okay既 除左湯底味道偏淡小小 同豬肉overcook左 煮到老身左 無左平時爽口 變左煲湯瘦肉咁🤣🫢🔹外賣優惠🥡 口水汁皮蛋 +凍檸茶🍋$17平時食開尖椒皮蛋 但落order既時候話未有🥲所以叫左口水汁 皮蛋無平時咁靚 完全唔溏心🥲仲有一陣好重既鹼味 不過呢陣味鐘唔鐘意就見人見智 我就唔ok🥲…查看更多