譚仔三哥米線 (萬事達廣場)

营业中

休息中

每次要一個人食飯，都會選擇譚仔。一你係方便快捷，二來都多人一個人食冇咁尷尬。每次食都係會叫麻辣五少竹笙豬膶竹笙豬膶，其實不嬲都食開。不過唔知點解近排好似辣左咁，咁唔知係咪轉左師傅。

三哥又出新小食喇！😻雖然上次個燒茄子🍆同蘋果醋🍎我都覺得麻麻，但見到有新野出都忍唔住想試下😝。-煙燻溏心蛋 $10餐牌話用普洱茶葉同赤砂糖去煙燻🤔，好坦白講，煙燻味係有既，但就食唔出有普洱味🤣；五小辣🌶既汁配溏心蛋又幾夾，整體都算唔錯既😋，不過始終我最鍾意嘅都係日式醬油溏心蛋🥚✨！

我喜歡到譚仔三哥吃米線，愛他食材選擇多，連湯底也有四個選擇，還有不同的辣度可選，夠個人化，而且價錢大眾化，性價比高。這個晚上，我點的是豬膶炸醬米線，湯底選了酸辣。這兒的豬膶一向好吃，切得薄薄的，不會煮得過火。至於炸醬是用小碗另上的，我最愛就是把米線放在匙羹內，加點炸醬在上面，連少許湯一起吃，真是十分美味的。食量少女生不妨叫少米線，可以減$1 ，其實也不是減$1的問題，最重要的是不要浪費食物。順便一提，這店環境不錯，阿姐又有禮貌，這是我喜愛去的其中一家店。

次次黎都係食麻辣或者酸辣，但今次第一次食蕃茄味！🍅話說最近要少食辛辣，想止「米線」癮，突然想起蕃茄米線。本來想去附近另一間Ben 哥，但嗰邊排長龍，正有少少失望嘅時候，醒起「譚仔」都有，就行左黎。哩個湯要15:00後先有，所以平時lunch黎係食唔到。點左蕃茄湯米線+黑木耳+腐皮上枱時紅卜卜，視覺上已經好吸引！飲啖湯試下，蕃茄鮮甜少少酸，拍得住茶餐廳啲蕃茄湯，實在係有驚喜。哩個蕃茄湯絶對係唔食辣嘅朋友，但又想喺湯底上多個選擇嘅好發明。黑木耳其實我都成日揀，因為爽口。腐皮又比想像中多，整體上感覺良好！🗣對面點「十小辣」嘅夫婦，見到我個湯都討論緊下次要試。好可惜lunch時未有，如果唔係就可以多啲人食到😂

今朝早餐無食野，中午就早d行去揾食。同事想食米線，咁就去美孚萬事達的譚仔三哥。叫野食加配柑桔香梅，只需+$10腩肉墨魚丸走韭菜面重慶酸辣湯，所謂的三小辣... 真心唔覺辣，墨魚丸好香，腩肉夠林，keep到水準。同事叫牛肉豆卜酸辣麵，個色唔係紅，但佢就食到要不斷飲野減辣

2019年2月13日（星期三）香港人鍾意食米線街知巷聞，在外地最掛住嘅美食，米線想必穩入三甲無疑。速食一般唔多過15分鐘， 店舖內10小辣之聲不絕於耳，此起彼落；三哥早已經將10小辣賦予實質內涵，濃淡標準不可逾越。叫咗招牌，貪佢樣樣有：過橋米線再加口水汁豬耳。阿姐好交帶，講明冇豬膶，會用火腿代替退。風頭火勢，避免食豬內臟，為顧客健康着想，三哥抵讚！豬耳好爽，伴碟花生脆卜卜，口水汁有水準但係牛肉有啲啲靱！話時話，過橋米線預咗係二人共享，上枱會送埋兩隻碗仔；飲品優惠只限一杯，再加就要比原價！姐姐帶位、落單、執枱 、送餐跟外買，一腳踢做到冇停手依然有講有笑，老闆一定對佢哋好好！三哥又有諗頭，响情人節送10小辣朱古力氹有情有義情侶開心!如果二人餐飲品都同享優惠就更好🥂

黎到三哥總係要試吓糊辣口味，今次嗌咗墨丸，雞肉糊辣，同以往一樣上菜都好快，由於個人有點舒服決定唔飲嘢，叫譚仔姐姐比左杯水我，佢地都無任歡迎，服務態度唔錯，反而米線今次有少少偏硬，但浸浸下時間剛好，米線軟番少少，雞肉嫩口入味，墨魚丸今次實在有點硬了，扣了少少分，呢個咁嘅組合實在係我嘅至愛，食完成個人熱曬，精神一震，確實係醫肚充電好選擇。

這家譚仔三哥的味道，好像跟其他譚仔三哥分別不大，因此，結論就是，沒有三哥的譚仔，好像味道比較好，比較濃郁，比較有米線的風味🤔。只是美孚選擇不多，非連鎖的又據說不佳，只好迫著要吃連鎖由於晚黑還有工程，因此叫了三個餸，墨丸米線加腩肉加炸醬。早吃晚餐，往往好處多，有時可以吃到下午茶；否則就是現場人流不太多，座位比較鬆動。店內座位有梳化位，方便舒適。坐在最裏面，空氣可能有點悶熱，但是如果不吃麻辣的話，還可以接受。米線完全沒彈牙感覺，非常之軟綿綿，米線口感比較差；墨丸亦都沒有墨魚粒粒，口感亦都比較林；炸醬的好處就是夠大碗，即使米線不夠味，也可以用炸醬來撈；腩肉不算太肥，肥瘦相間剛剛好。以這凍檸茶來看，就可以發現，沒有三哥的譚仔，比起譚仔三哥明顯出色得多。

今日一個人嚟到美孚食lunch，一個人嘅話，譚仔會係一個幾好嘅選擇， 因為食麻辣食到流曬鼻水都唔會畀friend笑 ！我第一次喺美孚呢間分店食，之前去開將軍澳嘅譚仔。今日叫咗魚腐米線，麻辣湯底 ，32蚊，加咗杯凍檸檬茶，7蚊， 一共39蚊。 今時今日香港地，40蚊以下可以食到個lunch，仲包埋嘢飲，真係好難...講番食物質素，其實都有好幾個月冇食過譚仔，都好掛住食麻辣好過癮嘅感覺，可惜今日有少少失望，覺得個湯底 ，冇乜層次 ，係有麻辣嘅，但係唔識形容，覺得個湯底好單調， 失望魚腐分量都幾多，有大概5舊， 不過諗得滯冇咬口。米線係最好食㗎喇 ，軟硬適中。

其實譚仔三哥嘅蒜泥白肉真係好正，雖然每一次都同自己講，一個人食嘅話食唔晒，但每一次都寧願叫小米線，都要嗌返碟蒜泥白肉！再加埋個三哥酸辣，仲有竹笙，絕對係冇得輸嘅晚餐！

平時食開無三哥既譚仔，好少食譚仔三哥，因為食過幾次都係米線太淋，d 湯唔夠味，d送又偏少，小食又唔岩口味。搬左新office，係附近搵嘢食lunch，決定比多次機會三哥😂😂估唔到有好感上升。叫左雞肉米線，三哥酸辣三小辣。上食物速度好快，一兩分鐘就到眼前。幾驚趕唔切翻公司！食落呢間煮既米線好彈牙，唔知係咪轉左貨源雞肉都好大塊。個酸辣湯底都好開胃，不過三小辣都重口味，我覺得有d辣🙈🙈我地叫左兩款一人小食。木耳同蓮藕都係口水汁，好入味，爽口。個汁唔太辣，香口花生味而且份量都好足，唔記得影蓮藕😂呢間既姐姐好好禮貌，而且快靚到。加分！只係個價錢越來越高，兩個人都104😂

我其實都係譚仔既忠實fans，但黎到呢間真是有少少失望。雖然食得出食材係差唔多，但食落口真係明顯有差別！溝個湯底，沖個凍飲，熟度各樣都差少少，走左樣，連我都食唔晒，如果食譚仔都係出遠少少算了！

d人成日問譚仔雲南米線同譚仔三哥米線有乜分別？我只係知譚仔三哥有既野譚仔雲南米線係俾唔到你，同埋個人覺得譚仔三哥好食d，湯底，辣味，小食都多款式d。叫左三哥酸辣三小辣雞肉米線，因為自己接受辣既程度都可以，三哥酸辣呢個湯底同普通酸辣唔同，呢款無咁酸，但又會有麻辣味道，最喜歡❤️湯底本身已包括腐竹，芽菜，苟菜，呢d配料入晒湯底味，正尖椒皮蛋，必食佳品，佢味個重慶口水重口味，麻辣得黎又唔會得個辣字，難以用筆墨黎形容，一碟都有好多舊皮蛋，同人分享就最好，自己食又太多了。士匪雞翼，去到譚仔你唔叫黎食唔好同人講過你食過譚仔，唯一一間做得最好味既士匪雞翼，即整熱辣辣，所以都要等一陣，因為製作需時，但值得等。最後呢個加錢跟餐既麻辣蓮藕，味道不錯。

下午茶諗唔到食咩好，經過譚仔聞到好香麻辣味，就俾陣香味吸引左入去。我選擇左10小麻辣，因為清湯唔夠惹味呀。碗米線一放低就聞到陣超香既麻辣味道，飲一飲碗湯，麻辣味道隨口腔流入胃部，刺激起食慾。魚片頭依舊係我至愛，細細舊易入口又有口感，夠爽口又有油香，因為經過高溫油炸。魚蛋係潮式白魚蛋，魚味雖然欠奉，但係真係幾夠彈牙喎，彈牙度比魚片頭更強。至於生菜就無咩特別。米線係幾爽同埋滑，最喜歡滑身既米線，因為可以一撮撮索晒入口，感覺唔錯。

譚仔三哥一向唔差，呢間米線開業幾個月第一次幫襯。麻辣米線配豬潤，麻辣湯底唔算好辣，麻辣味在舌頭翻滾，食開麻辣就明白我講咩啦，但呢個湯底好重鹹味，基本上將配料味道完全蓋過。豬潤算滑唔鞋口但係味道完全只有湯底味道。土匪雞翼，麻辣味鹹味重，外皮係脆但唔香，雞肉味食唔出，俾麻辣鹹味蓋過晒。問題同米線一樣，妹仔大過主人婆，麻辣香料味太重。