譚仔三哥米線 (置富第一城)

营业中

休息中

今晚去左譚仔三哥食dinner我地2個人，叫左個過橋米線套餐。今日另一半想食酸辣湯底，因為就佢，所以無叫平時食開嘅蕃茄湯底。我覺得食譚仔的話，最好係2-3人去食，因為可以叫過橋米線套餐😆個餐1個人食又太多、食唔晒，同人share就啱晒。而且呢個餐咩餸都有少少，啱晒花心、貪心、唔想諗食咩又或者有選擇因難嘅人😂今日我除左叫左個套餐外，仲叫左碟大嘅蒜泥白肉。白肉切得好薄、好口感，但精髓係個醬汁，醬油夾埋白肉，簡直正呀👍🏻👍🏻👍🏻

好多時諗唔到食咩就會去三哥，多嘢揀之餘又抵食，而且唔同分店食物水準都穩定，所以基本上唔會有伏👍🏽我例牌都係叫木耳絲十小少米😂😂 木耳絲依舊爽脆，分量夠多👍🏽 米線同湯底都係一如既往嘅味道，我鍾意👍🏽

🍅湯麵系列 🤓🤓❗️蕃茄湯底全日供應▫️餐廳：譚仔三哥米線▫️地點：全港有60間分店（總有一間在你左右🥰）▫️營業時間：Mon - sun （時間有地域差異）▫️價錢：～$30+—美味：🍅🍅🍅🍅環境：🍅🍅🍅+0.5🍅（繁忙時段較多人）價錢：💰💰💰—大部分人都食過譚仔三哥🤤佢地既米線係幾好食🤪依家蕃茄湯🍅變咗全日供應🤭唔駛等下午茶時段🥰佢地既🍅唔酸係幾開胃🤫蕃茄湯底都可以選擇辣度🌶🌶而配料都有唔同選擇🤪🤪唔夠食既話可以叫小食🙈👧🏻👧🏻最鐘意土匪雞翼同麻辣豬耳👅$50內有主食加小食🙈好抵—

譚仔三哥可以話我地既飯堂。一個人又食想食，兩個人又會想食～自從佢有個煳辣湯底，好似愈食愈上隱，點解既呢？呢個湯底有d似胡椒豬肚湯，聽見都好味呢～唔太食辣既都食到。我中意食腐皮，次次都必點，份量又多，又香又滑。另外一樣正野係土匪雞翼，但兩個人食先會點，即叫即制，口味係一流！屋企都整唔到佢咁好食。唔知有咩秘訣呢？！

都食咗呢間譚仔幾十次呢度啲阿姐態度不嬲都唔多好不過去得譚仔都唔會太有要求但求 互相尊重！但原來都唔係咁容易某阿姐態度惡劣 我媽媽好聲好氣問阿姐唔該俾隻碗我～阿姐不為所動 隔咗幾秒 冇啦啦勁大聲 要幾多隻呀！我呆咗 呢個阿姐老闆嚟㗎？冇啦啦咁嘅態度係因為唔想拎碗俾我地？無奈我地所有食物已到齊 所以諗住食埋就算點知食到碟粉皮最後幾舊 推開啲蒜泥（本身係蒜泥蓋過 睇唔到嘅）我發現佢啲白肉嘅皮上面好多黑點我都知譚仔一定係用大陸豬 但唔係恐怖到咁呀？已經食到尾都 我連同佢地講都覺得哂氣有相為證 如果連open rice 都 唔俾登 我會直接1823 再擺上網 等多啲人睇到

叫得特特多麻唔食辣，第一篇食評梗係食譚仔啦！今日晏就去左沙田第一城嘅譚仔，叫左兩碗清湯米線，兩杯凍奶茶，同一碟大土匪雞翼。個人覺得港九新界嘅譚仔味道都差唔多，都係熟悉嘅味道，清湯味道夠濃，豬肉唔會好林亦唔會好韌，係每次去譚仔都會叫嘅餸。沙田第一城分店最好就係唔使等位，地方亦相對其他分店乾淨，落地玻璃光線夠充足，位子亦寬敞，入座唔需要左閃右避其他客人，食物上枱時夠熱，呢點要大讚！要挑剔的話，就係今次無幫我走配菜，或者係我落單講得唔清楚啦，總體而言係滿意！

中午時段, 感覺口淡淡的, 似乎今天不宜吃飯. 來來回回多間粉麫店, 都不為所動, 最後來到譚仔三哥就被征服了. 一坐下來, 就想起當年跟還是女朋友的太太,長期食米線以儲錢為將來做好準備. 現今社會環境是否還可以食米線準備將來呢? 似乎應該不可行, 所以請大家不要效法.先來說說過穚米線, 很大碗, 料多. 不用煩惱點什麼餸, 什麼也有少許. 胡辣三小辣都挺辣的, 感覺刺激. 胡椒味濃且香. 米線爽口彈牙.土匪雞翼方面, 醎味黑芝麻味濃, 雞肉嫩滑多汁.

天氣轉冷，想食一些熱辣辣湯粉面，諗起三哥就決定食米線，香港人喜歡食麻辣米線已經有一段日子，久不久就要吃一頓， 已經成為習慣。星期六黄昏，趁早早地不用排隊，店內部份是圓枱，最多可以坐七個人，也有靠牆方枱坐四人。我們一家三口坐方枱，每人叫了一碗米線，另外叫多個重慶口水汁豬耳及一個細土匪雞翼。店員介紹呢個汁嘅豬耳冇咁辣，當然食落都有啲辣，勁爽口，軟骨脆卜卜，豐富鈣質，好好味。土匪雞翼正常水準，熱辣辣香口。老公叫咗個鮮茄湯墨丸冬菇，冬菇新鮮，墨丸彈牙。阿女要咗個蕃茄十小辣腐皮腩肉，堅多腐皮，腩肉也不少，少少辣帶出茄湯鮮味。我自己叫咗個麻辣三小辣炸醬，一大碗炸醬，可以同阿女分享。慳慳地加配一杯凍檸茶少冰。

今日放假，中午的時候同媽媽去左我家附近的譚仔三哥到食米線，他在沙田第一城，又近馬鐵站，都十分方便，但另一方面覺得，就是店舖不太大，去到門口已經排曬隊，等左好耐先有位，坐到迫迫夾，一了張枱原本坐4個人，但係要坐到6至7個，我哋食飽就很快要走，有樣好就是可以叫少D餸同多D餸，從而計價錢，都幾抵食，無辦法啦！香港人嗎，特式就是快快快。午餐及晚餐的時段就是特別多人，所以我比較喜歡外賣回家吃。都有好多款式的餸菜及小食提供，方便快捷。

每次去完外地工作或旅遊之後，第一時間都是想食譚仔大概係上了癮吧今日去到第一次黎來第一城這間分店下午3點環境比想像中人少清靜還以為人會比較多坐下來後就即時下單點了一碗 「雞肉豬潤麻辣中辣」+ 凍檸茶雞肉和豬潤份量算多加上吸收左湯汁既腐皮令在歐洲挨左一星期麵包的我食指大動!每間譚仔的分店 (無論譚仔還是三哥) 對辣度控制都不太一致就算同樣是叫小辣, 可能會辣過或許只有二小辣級數而這碗中辣辣度算是適中豬潤較粉米線是我個人偏愛較軟身的口感在熱熱的湯汁之中保溫到最後一口實在係大滿足！

從開業至今從沒改善的問題，就是“食快D啦”。今天中午三人同行食完碗冇糊辣味的米線，質數欠佳，或許自己味覺問題，但太太和兒子也有同感，算數，偶爾未能保持水準。但飲品還有半杯，侍應問你還要唔要是什麼意思呢？已經用正常速度進食完畢，給予小許時間客人飲杯飲品可以嗎？，這是什麼種類餐飲業？前線員工應以禮相待任何一位客人。在其他分店幫襯從沒這種經驗，還是第一城分店的特式？這樣請在門外張貼告示，使客人有心理準備，否側下次只好過門而不入，有點害怕。

唔知點解久唔久就會掛住三哥，由其係食得西餐多嗰排，會突然想食啲濕濕地嘅野😅。所以今日下午做完野就拉左姨甥同媽咪去食屋企樓下間三哥😁。每次嚟到三哥我都有選擇困難症，事關我樣樣餸都想食， 要我揀幾款真係唔知點揀好。所以我通常都會點佢地個過橋米線，加三哥酸辣，同媽咪兩個人share剛剛好， 唔夠可以加小食吖嘛！小食我地點左兩個最basic嘅：尖椒皮蛋同土匪雞翼，兩個都仲係好好味😋個過橋米線真係好大碗好多餸：豆卜、豬潤、腩肉、雞肉、墨丸.... 食極都未食到米線😅，不過佢嘅辣度就成日都唔同，有啲玩野，好似今日我點三哥酸辣少辣，佢係完全唔辣嘅， 但姨甥點左碗麻辣少辣就辣到噴火🤣🤣🤣。三哥米線嘅味道一直都好穩定，所以我久唔久想食米線都會嚟幫趁架。

今日同成班同事抽籤午餐食咩好，今日我實在太好彩啦！俾人抽倒我最鍾意食嘅譚仔！去到譚仔門口因為午飯時間所以好多人排隊，但係為咗食我最愛嘅譚仔我諗係幾耐我都依然會食！入到去我實在太興奮喇！叫咗我嘅例牌，魚腐墨魚丸，酸辣，2小辣。當然唔少得一杯凍檸茶少甜！40幾蚊可以食到個午餐係沙田來講真係好抵食！

今次大約晚上8點半先到 都不是太多人 坐得都幾舒服下 嘿嘿😁😁平時食開 墨丸 炸醬 三小辣 不過次次都係點哩幾款 所以今次小妹都想食下其他野嘅 今次點了雞肉 魚腐 🍅湯底 加12蚊仲🈶️一款小食 我加了 意川醋香雲耳 講下味道先 湯底都幾清淡 🍅蓉唔算多 🍅肉好似都無咩 米線很多 質感彈牙 係幾唔錯嘅 雞肉正常 不過不失 真係唔肥喎哈哈 都幾多雞肉架 嘿嘿😁😁魚腐有三粒 好食喎 我好鐘意食魚腐🤣😝另外 雲耳好爽 個汁係輕口味 酸酸地幾開胃丫🙂☺️

今日係沙田第一城工作，做到攰梗係又要搵野食醫肚啦。不過行左個商場好耐，由於太多食店，花多眼亂，都唔知食邊間好，唔係太多人等位就或者價錢唔啱。 行下行下，就去到譚仔三哥。唔係講笑，我之前真係未試過食譚仔，所以都充滿左好奇心，加上之前睇過網上平台介紹過譚仔話，覺得好好笑，而且午飯時間都過左差唔多一半，唸住快快手食完繼續開工。我入到去睇完menu就叫左腩肉墨魚丸河配清湯，店員就用佢純熟既譚仔話答番我ok。好快個河粉就黎左，分量俾我想像中要大。墨魚丸好大粒，都幾彈牙爽口。腩肉就半肥瘦，味道還可以，另外仲有芽菜。整體感覺良好。