譚仔三哥米線 (恒隆大廈)

营业中

休息中

好耐無食三哥，咁啱路過，忍唔住入去食返碗麵。呢間三哥算係三哥米線中環境相當唔錯嘅一間，座位闊落，裝條新淨，又有多靠牆位置，相比起其他圓檯嘅譚仔，坐得更舒適、更有私人空間今次點咗牛肉、酸菜、魚腐中辣米線，加涷檸茶，味道和質素都算唔錯，保持一貫水準三哥譚仔米線個人覺得水準比較穩定，湯底和辣道維持得唔錯同埋唔知係咪市道麻麻，$44三餸竟然送飲品，真係食咁多年三哥都未試過，好抵呢間三哥嘅阿姐服務算唔錯，快手快腳，有時有啲譚仔阿姐攪好耐都落唔到單，你懂的⋯所以藉得再嚟叫一碗

譚仔出名大家都知道，個人認為環境最乾淨舒服😌應該係旺角登打士街樓上既依一間鋪頭了👍🏻今日一試佢既過橋米線$54🍜糊辣湯底（加一蚊）基本上豬雞牛肉都有，仲有豆卜啊火腿啊生菜啊🥬腐竹啊炸醬啊，所以都幾好，唔洗有選擇困難症，同朋友食不仿加多個小食，今次我地叫左（豬耳）都只係加$19！80幾蚊有甘多款野食，又加左杯港式凍檸茶，都真係幾抵！其實成日唔知點解覺得譚仔既湯底真係好出色，入味又同米線Match!

無食一排三哥，有少少心掛掛🤪，本身諗住照舊食返雞肉三小，但見到有新野推出🤨，點都要試下～．煳辣豬肚米線估唔到依家豬肚都做埋餸！豬肚軟腍爽口😋，食落同煳辣湯好夾，就好似胡椒豬肚湯既濃味版咁，好惹味🥰。份量都算多，都有成六、七舊！煳辣湯底焦香味十足，飲落仲有少少辣辣地🤤，碗米線仲要煮到入哂味，忍唔住係咁飲🍜。-西柚醋 +$10除左出新餸之外，三哥仲出埋西柚醋同荔枝特飲🍹。西柚醋酸酸甜甜💦，好開胃，仲食到有少少西柚蓉添，唔夠酸仲有一小片檸檬比你拮🍋！

小編平時好少食米線，因為小編唔食得辣，淨係會叫清湯好dry🤧不過三哥最近推出左兩款新小食好吸引，所以特登去左試☝🏻〰️👉🏻煙燻溏心蛋$10🍳👉🏻香烤素菜卷$18🌯👉🏻清湯雞肉米線$33🍜而家三哥都有溏心蛋同素食😋兩款新小食除左價錢好抵食，味道都唔錯👍🏻隻溏心蛋上面有啲辣油但唔會太辣👌🏻而且真係有陣煙燻味😋不過最有驚喜嘅係個素菜卷，佢個味好似鮮竹卷咁🤫可以自己揀重慶口水汁/麻辣涼拌汁，小編揀左口水汁，覺得同米線味道好夾🤤

講開譚仔，必然會講起譚仔阿姐，帶著濃重鄉音的腔調，加上帳單上如同密碼的品名，為一碗數十元的米線，平添不少樂趣，網友更戲稱譚仔話。帳單密碼鳥是雞肉勿是墨魚丸付是腐皮走九是走韮菜講起米線，大有學問，時下普遍制作方法就有酸漿和乾漿兩種。酸漿米線以稻米發酵後，磨粉制成，爽滑又能保留米香味，但貯存不易，大概只能以竹筐盛載蓋以濕布，既要通風又要保濕，都只可存不足一天，過時剛發硬、斷砰。乾漿米線以稻米磨粉，用機器直接擠壓而成，乾漿米線乾燥後易於保架和運送，線長又有咬口，但缺乏米香味。時下吃到絕大部份都是這種乾漿米線。如果上網爬文，往往見到米線以大米制成，大家可能都不知大米即是我們日日吃的白飯。稻、黍、稷、麥、菽合稱五穀，稷即北方人稱小米，稻即稻米，顆粒相對小米大，故北方人稱大米，。稻米，有粳、秈、糯三種。粳米圓而短；秈米細而長；糯亦有分粳糯、秈糯，外型與粳米、秈米一般，但色白而不似粳米、秈米般通透。相對北方小米較大粒，所以俗稱大米。稷即粟米，此粟米不同於源自墨西的粟米Corn，稷耐旱，所以自遠古已廣泛於北方種植，作為主要糧食。每次來譚仔都會點一碗麻辣米線，一份土匪雞翼，一杯凍檸樂。今次點了牛丸併雞肉

久不久就要吃吃譚仔三哥，我是喜歡他的湯，因為很久以前吃第一次的時候，是覺得比起其他店的湯底更有獨特的風味。可是很多次，湯的水準不太穩定。不過基於相信我會再嚐得到當初的味道，還是會隔一段時間就來。譚仔三哥的配菜選擇其實真的很普通，墨丸是可以。炸醬也不是我的菜，點是因為想要多點肉。點了竹笙，又不用功夫煮的。所以重點真的還是湯。今天的湯，三哥酸辣，有酸香刺激，有三小辣的微辣配合。可是那種獨特的味道真的沒有了，可以我說不出是什麼。

閒日lunch黎食，估唔到都坐滿人。我叫咗碗雞肉十小辣同埋凍檸茶，嘢飲就好快到，但係嘢食都等咗大概20分鐘先上。佢嘅雞肉份量唔算多，不過米線就好多，好似食極都食唔曬咁。另外嗌咗碗腩肉魚片頭三小辣，腩肉幾香，魚片好彈牙。店員都幾有禮貌，環境舒適，總括來講，呢一間分店都唔錯。

這天星期六，大概1點左右到這家譚仔三哥吃米線。因為跟另外一個朋友都喜歡吃譚仔米線，而這家三哥又有我挺喜歡的胡辣湯底，就毫不猶豫的上去了。可能星期六，人不多，直接入座。 當時全場大概也剛剛好一半滿。 我叫的是 雞肉胡辣小辣 少米線（餐單上好像沒寫可以少米線，不過是可以的，還可以減一塊的）朋友叫了 雞肉清湯米線。加了一份大土匪雞翼。胡辣很香，不過一開始的時候有點嗆喉，要吃小口一點。 雞肉也挺多的，不過有部分連在一起了，吃起來有點不方便。土匪雞翼外皮不算脆，不過勝在夠味，肉夠嫩

譚仔三哥 @ 旺角見到IG好多post三哥有新菜『燒茄子』…我又去試下先😛😛點左炸醬墨丸三哥酸辣…土匪雞翼…燒茄子同凍蘋果醋…三哥既米線質感係比譚仔煙韌…墨丸就麻麻地(譚仔都係)…土匪雞翼就譚仔好味D...至於燒茄子…點解我隻咁鬼細既…同IG post見到差幾個碼喎(XS同XL既分別😑😑)…不過味道個人覺得唔錯同幾惹味😋😋…茄子燒得夠時間…爛哂(出面好多都未燒夠時間就俾你…👎)…不過…如果蒜蓉唔好磨到咁細就仲好🙂……唯一咁細兜要$19就貴dd...

譚仔就食得多，但係食到我要寫食評都真係未試過，因為呢間譚仔係我一食就覺得好似特別好食首先講佢嘅蒜泥白肉，蒜味充分融入腩肉之中，有豬肉味並且唔鞋口然後講下我好耐冇食嘅清湯米線，今次叫雞肉，佢啲雞肉有別其他分店食到嘅，冇咁碎同埋大塊啲，並且彈牙啲，最想講嘅就係佢嘅腐皮，呢間鋪頭嘅腐皮做得特別好食，煮得又軟又滑，咬幾下就溶晒，真係好值得一讚，以後出旺角諗唔到食乜都食佢

今日上司同我黎到旺角開會，因為我哋都趕時間，所以就搵左三哥去食午餐！我依然都係叫返我嘅例牌，腩肉，雞肉墨丸米線糊辣小辣！在要多個大土匪，皮蛋。佢覺得好好食，叫我下次再嚟三哥嘅時候一定要預埋佢！

呢個就係譚仔三哥的過橋米缐，份量都算幾大碗。足夠我同老公兩份食。佢都話好飽肚好滿足。個蕃茄湯底我地叫左5小辣剛剛好，我覺得酸酸辣辣今都幾好食。加上米線又滑餸既份量都比單叫既一碗碗既份量多好多。所以兩個人食真係剛剛好的。土匪雞翼:佢真係焗過唒先至拎出來，所以都內熱外暖既效果。D阿姐都幾惡，呢一區既區長真係要留意下喇!

每次唔知食咩好既時候，都會去譚仔三哥。雖然午餐時間繁忙，但只要肯等一等一定有位。好味既米線等一等又有乜所謂。過橋米線可以一次過滿足曬欣女所有食慾。好似自己打邊爐咁，咩野食都有。鍾意食三哥既麻辣湯底。相比譚仔，三哥既麻辣唔係純粹辣，而係有陣香味。所以有口既刺激，亦有嗅覺既享受。米線都係，三哥口感爽口啲。炸醬每次留到最後先食，好香唔會油，味道獨特。一碗過橋米線麻辣湯底，食完有少少汗流出黎，個感覺好好。希望開多啲三哥，去到邊都可以食。

態度差到，唔想做生意咁，好似好想我走。叫5人位，帶我地去張坐了2個人的細圓枱。點坐？阿姐竟然話，人地都就走啦，最多企喺度等下。不知所謂。衛生又差，味道又唔好。咁唔想做就唔好做啦。真係做衰三哥個名，真心覺得應該整頓下風氣。其他分店好好多。

自譚仔開業以黎一路有食開三哥和譚仔，兩間譚仔各有特色。座落恒隆大廈的譚仔三哥，是原亞皆老街店搬過來，是離家最近的譚仔三哥米線，裡面的員工都是亞皆老街店的呀姐，新店見到熟悉既面孔真係分外親切。一直以來都鐘情於三哥的腩肉 和 腐皮，今次叫了腐皮腩肉三哥酸辣10小辣加凍奶茶。值得一提的是三哥的腐皮保持到腐皮原有堅韌的質感以及豆腐香，不像譚仔的腐皮般煮到爛嗮。酸辣10小對不想吃太辣而又想有辣味和拉香的人是十分適合既選擇，酸辣湯中既酸味十分開胃，10小酸辣配合凍奶茶的甜滑，真係一絕。整體黎講對於食了8年三哥的我十分滿意，唯一可以挑剔的是男洗手間沒有設置洗手液，希望未來會添置。