譚仔三哥米線 (西洋菜南街)

营业中

休息中

小弟住太子, 屋企無飯開, 日日出街食, 久唔久都會去譚仔, 近半年譚仔食物質素一次比一次令人失望, 以前馳名的土匪雞翼, 而家好似營養不良咁, 又無咩味, 附近有幾間米線鋪d 雞翼比譚仔大隻, 好味同平, 至於米線, 最初譚仔開始出名係因為佢嘅米線大碗, 價錢又經濟, 近年加價都算啦, 份量縮水, 味道一般, 小弟覺得譚仔已經不再特出, 同是但一間米線鋪分別唔大, 唔洗特登去

叫了米線同土匪雞翼, 但真係好失望...米線份量比深水步少, 價錢比深水步貴...得幾條韮菜, 芽菜都無條...味道亦很一般...唔知點解咁多好評...土匪雞翼...細隻, 味道亦不及深水步店甚多, 仲要等到食晒碗米線先黎...一個字...差...好耐無去深水步店, 唔知會唔會都變到好似呢度咁...

公司在荔枝角，成日聽 d 同事去譚仔 lunch (長沙灣果間)，佢地話好食，當左果度係飯堂，講到咁好，我又去，去開旺角咪試下囉。今晚我叫了土匪雞翼、牛肉貢丸米線加麻辣的5分辣 (原來5分係最小的辣喎 )，無論麻辣或酸辣都是要加 $1，再叫多杯凍檸茶 米線的底底奶白色，因我第一次食呢間，以為這是清湯，點睇都不像麻辣，試試湯底 ... 唔~ 又的確辣辣地，幾好味~ 當吃到米線，卻有點美中不足，米線還很生硬！ 跟住土匪雞翼熱辣辣地送上，味道好好，吃後感 ... 好似食緊燒腩仔咁脆的皮，味道也有些少似添，相信下次會再叫雞翼~

平時光顧，大多數是吃lunch或tea，比較少入夜的時段的今次刻意來譚仔吃晚餐，算是比較少有了一抵達店舖，就看到一條長長的人龍... 想不到譚仔都要取票等位！等了約15分鐘就有位了，店內實在坐得滿滿的叫了一碗牛肉貢丸清湯米線，湯底依舊的鮮味可口，在這個清湯底配搭下，米線便變得清爽可口，而其他配菜也是不俗的可是，今次的貢太，卻真的麻麻了沒有貢丸的獨有的美味，肉質不夠新鮮，也不夠彈牙但除此之外，這尚算一碗尚佳的米線！今次試了香草雞翼，香草濃烈的氣味，實在令人垂涎三呎，較土匪雞翼還要誘人但味道卻不夠野味，沒有土匪雞翼那種獨有的誘惑 值得一題，上次我在這裏評價譚仔這間分店的服務，是有待改進的今次再來，發覺真的改善了！雖然仍然是那班新移民侍應，做事仍有點笨手笨腳，但服務態度尚算有禮

這幾天，家姐都心掛掛想食譚仔，於是問我有冇興趣雖然譚仔分店眾多，也很受歡迎，但我一次都未食過。家姐說她和教會的朋友已經食上癮，攪到我都心思思，非去不可。一到達，大排長龍，非常多人，幸好家姐早來找位，我們被安排坐二樓，幾乎每張檯都要搭檯，擠迫得很。二人點了$40的過橋米線套餐，材料豐富，勝在咩都有，樣樣試勻再來一份招牌土匪雞翼!!!過橋米線套餐：大大碗的過橋米線，足夠二人分享。有十八種材料，再另上一小碟酸菜和炸醬，好豐富啊～我已急不及待了!! 米線吸收了酸辣湯的味道，軟軟滑滑的很易入口，沒有過腍，但份量較少，幸好添加了不少芽菜，補充米線的量。十八種材料都有食，最好是那個微辣的炸醬，好惹味~~蔬菜部份最愛酸菜和芽菜，新鮮爽口。肉類一般而已，其中雞肉最嫩；腩肉肥瘦部份都OK，幾爽，唔太肥；豬肉、牛肉和豬肝則好一般，前兩者肉質比較鞋，後者不粉之餘兼有點硬。其他如魚蛋、牛丸和墨魚丸雖普通但也不錯。當然不得不提酸辣湯，表面看不出是酸辣湯底，事關找不到辣椒的蹤跡，但味道卻很刺激，酸辣比例幾均稱，我覺得不算辣，反而很醒胃，喝了不少。土匪雞翼(細)：有四隻。這個用炸的方法弄，跟在「巴依」吃到的很不同。這

昨晚去晚餐被嚇親!上二樓用餐, 去過嘅人都知道原本個地方就唔大.. 每張台的距離僅僅夠一個人經過.話說有個阿姐(A)想上野飲, 當時通道上有另一個阿姐(B)喺度上緊米線, 個阿姐(A)不斷叫阿姐(B)讓開讓開, 但阿姐(B)聽唔到, 阿姐(A)又唔理照逼, 正當阿姐(A)搏命想逼過去時, 阿姐(B)突然轉身, 手一揮, 竟然把阿姐(A)手上嘅野飲推冧, 當場兜頭淋向旁邊嘅一個男顧客!!!佢地如何善後就略過唔提啦.. 但各位試想像下, 如果倒瀉嘅唔係野飲, 而係熱辣辣嘅米線, 咁後果就不堪設想啦!

6月留左言話唔甘心食唔到個土匪雞翼終於食左唔好食囉土匪雞翼叫到咁特色但味道一D都唔特別雞翼肉質本身又唔好加上米線(湯)味道又係唔得唔會再食~

食左都好多次了. 窮學生係要食下平野先生存倒 .又係女朋友介紹 , 去親都係夜晚次次都要等位 . 不過唔洗等好耐.都幾迫. 今次叫左墨丸雞肉五小辣 , 女朋友叫左炸醬酸菜清湯.上次叫左少辣 .. 但唔知小辣都重分五級 .. 攪到我流哂汗 ...... -0-炸醬酸菜必食 ! 炸醬分上更好味 , 有少少甜味. 哩度墨丸幾彈牙同有味 , 雞肉重神奇 , 唔知點解有kfc既味道.次次黎都係叫哩幾樣野.重有佢碗碗都送既腐皮都好好食咖

今日放學過呢度KO左個lunch，我都係叫番牛肉、雞肉特辣全走。飲品當然係凍奶茶啦，一入到去有位坐，雖則係路口位，但午餐時間就無所謂既。米線一望到個湯底，即刻流哂口水。湯底依然咁好飲，雖然真係辣到噴火，但真係好值得食架。D料又無小到，雞肉同牛肉既份量都好多，食完之後真係幾飽架。凍奶茶都係咁好飲，不過我唔記得叫小冰，下次一定要叫番唔好咁多冰呀。雖然今餐好好食，但我都係喜歡南京街果間，因為坐得舒服一點。

本身想上去catfe的~但未開呢...........之後行左去譚仔了一入去....滿座wo點知阿姐話~上樓啦~~~~咁開返門出去~喺旁邊~有樓梯上去~去到2樓~推開門~又一層譚仔....喺2樓....仲有樓梯上3樓的............不過可能唔算話真係太多人...第三層冇開的當今有食肆~可以開三層的~真係唔多了~~~咁坐底~唔洗諗~左個過橋套餐~姐係乜都有加一蚊~叫左酸辣湯底同埋叫左個大的湖南土匪雞翼睇返佢門口的poster~各大報章的介紹~~依家個餐牌~~樣樣嘢都加晒價...加左3至5蚊呢~~~誇張~$40 的過橋米線.....好好好好大碗上次同朋友一齊喺深水埗食...2個女仔~真係食唔晒今次同男朋友一齊食....好易食得晒呢...佢炸醬同埋酸菜係另上的第一次食酸辣............麻了我的脷....一點都不酸.........................係唔係俾錯左我呀??????????加5蚊有咖啡嗰d~~汽水要7蚊.....唉....................不過佢個湯的溫度同埋米線的軟硬~真係恰到好處不過食晒之後.........個雞翼先到今次比較燶左

今次第一次食，次次都好多人，今次有兩個位唔使等。叫咗炸醬清湯米線($20) + 熱奶茶($6)- 炸醬無分開上不過都問題唔大。好大碗，男仔食都夠不過，我覺得南記好味好多，濃味些及多好多芽菜，腐皮和酸菜。但南記貴些($25)-熱奶茶超唔掂，重差過喺屋企冲墨魚圓酸辣湯米線($21)+熱檸茶($6)-夠酸但多些酸菜會更好，墨魚圓都ok-熱檸茶ok叫凍飲會抵些，一樣加6蚊。

昨日下午又同左小惡魔一齊去食譚仔米線其實譚仔有咁多份店，旺角呢間雖然貴過佐敦同深水涉，但我覺得旺角呢間譚仔三哥真係整得唔錯自從開多左一層，等位又快左每次去都會必食~竹笙，魚旦同雞肉（小辣）再加土匪雞翼

這間譚仔旺角分店，我覺得水準跟其他分店差別不大米線的湯底依然清香可口，米線仍是爽滑 但跟我去得最多的尖沙咀店分別最大的是，伙記的服務水平嚴格來說，她們並不算差，但好明顯經驗不足不是落單落了很久，還沒有送上食物，就是搞錯賬單，又或未及招呼剛進店的食客這家店最特別之處，就是除了地下的舖面外，還租了閣樓、二樓二樓好似從來沒有開放過，鎖著的...難道譚仔的生意，真的好到要連租三層？

上次同朋友食譚仔都係去佐敦果間 , 果間真係好食今次朋友提議食旺角,係門口等都嚇親,好多人呀!不過我唔明點解佢地的辣都差幾多下我都明食譚仔要帶住紙巾食到面又紅又熱先係樂趣不過大家都係叫小辣,佐敦食就岩岩好旺角食就辣左我真係食唔到叫個阿姐俾多個碗仔同杯熱水我開稀佢食咋,俾fd笑死--雖然係咁但係都仲係好辣,最後同朋友一齊食左半碗度就走了....(佢同另一朋友一齊食大鍋果隻)我都明分店係唔可能間間都同味但都希望唔好差太多啦,唔知係我唔好彩定佢地分店唔同呢..

食過佐敦果間譚仔，覺我旺角尼間大碗d、好味d~一定要配炸醬，仲要係分開上，一次過放晒落個碗度無咁好味的~酸辣底，唔怕好辣，又好有味道，酸酸地勁開胃2個餸，先$25/碗，好抵食！