譚仔三哥米線 (西洋菜南街)

营业中

休息中

原來都有差不多三年沒有食譚仔三哥了，純粹因為要在外面用餐時未必有三哥，也不會特別想找一間三哥分店來食。適逢三哥推出一款新品我又在附近要食午餐，就來到登打士街的分店。上了一條筆直的樓梯，原來平日的午市時份都幾多人。酸辣撈薯粉($39)，裡面有不同配料，看樣子無論食配料還是薯粉的份量不算多，不過女仔食會夠飽的。撈起來發現底部都有幾多醬汁，足夠撈整碗薯粉有餘。醬汁濃郁偏鹹，酸度也幾強，食一口會先令你的口腔充滿了酸味，繼續食就會感覺到辣味會慢慢出來，但酸味仍然搶了風頭。雖說這款新品是酸辣的醬汁，我食其他地方的米線湯底通常都會選擇酸辣，但是這款酸辣汁的調味實在過於重手，除了很強的酸味以及鹹味，都不怎麼食到其他味道了。薯粉還好，正常偏淋少許，吸收了酸辣醬汁很濃味。配料方面，豬耳的size較細和幼，食到少少軟骨的脆，味道則比較淡；薄脆撈好之後沾了不少醬汁，所以變淋了不脆身；青瓜、木耳爽脆。很久沒有食過譚仔的雞翼，就點了五隻土匪雞翼($30)，卻想不到竟然會失望。首先五隻雞翼大細不一，沒有特別大但會有特別細。然後就是沒有甚麼雞味，雪藏的可以想像到，但雞味真的比較淡。最後感覺調味沒有從前食的那麼濃烈，稱

譚仔三哥米線 (旺角)旺角西洋菜南街101號1至2樓酸辣撈薯粉$39見佢貼出嚟既圖片好似好多料咁，有青瓜絲，豬耳絲，木耳，芫茜，腐竹皮，蔥花佢既薯粉同平時既傷心酸辣粉既質感吾同呢個冇咁煙韌，但係佢既波浪紋吸收哂佢既酸辣汁開頭以為佢係凍既點知重有小小暖😅有點古怪評分：7/10

譚仔又係一間減肥必食嘅餐廳 貪佢夠平如果一個人冇乜特別想食佢的確係一個好好嘅選擇減肥可以揀嘅食物好有限 先講下佢個湯底 清湯太寡喇減肥都唔使咁慘嘅通常我都係揀酸辣或者糊辣 最多唔飲佢啲湯就得啦而蛋白質方面豬肉牛肉雞肉豬膶都係一個好嘅選擇 個人認為雞肉最好食份量又多貢丸腩肉炸醬如果減肥建議就唔好揀啦最後配返啲菜啦竹笙冬菇金菇都可以嘅最緊要叫返佢少米線同走腐皮啦 因為佢嘅米線份量太多而腐皮就係一啖啖的油食落肚 咁就搞掂一餐 平靚正啦！😀

今次試咗三哥新岀酸辣撈薯粉($39)成日見到呢個新推岀嘅撈薯粉賣廣告 身邊嘅人都好評 所以特登去咗三哥試本身自己食辣程度係10小辣而酸辣撈薯粉基本係5小辣 食得辣嘅可以再加辣一食落口係酸多過辣 同時都比我想像中辣如果鐘意好酸嘅人先啱份量都多 飲埋杯飲品夠晒飽好彩有嗌杯乳酸飲品(+$10)先食到⚡️整體感覺⚡️覺得太酸 唔會再encore 價錢唔算好便宜 真係想食撈薯粉都係去返其他舖頭啦

很喜歡三哥，會在不同時間推出不同的食物，這次是花膠雞湯，雖然比平時的米線貴，大概要$60，只包一個送，但雞肉很好味，大約都有五、六件！不過花膠不算多，湯底比較清淡。

譚仔三哥平時食開5-10小辣，但家下天氣咁熱又冇乜胃口，呢個時勢食辣又驚喉嚨痛 好易病，坐低苦惱一陣 要咩湯底好，呀姐好熱情咁推介食蕃茄湯底，話巧足料，巧巧食，試下～咁我就信佢啦，飲第一啖湯，嘩！正呀！冇乜湯精味，唔係加茄膏，係足蕃茄，湯底真係有蕃茄！唔咸，唔過份甜，蕃茄湯配竹笙、豆卜，啲汁浸哂入去，正到爆，去譚仔點可以唔叫土匪雞翼 呢個組合絕配！譚仔呀姐矛介紹錯！ 蕃茄湯底，巧巧食!我愛譚仔呀姐！我愛蕃茄湯底！

譚仔三哥一向都係港人最愛米線店，知道譚仔三哥出左新菜式又點可以錯過近日天氣開始轉熱，三哥推出夏日限定產品酸辣撈薯粉($39)我首日(26號)就馬上去三哥試試，基本上今日來既客人大部分都叫左「酸辣撈薯粉」酸辣撈薯粉 ($39)四重爽脆配料抱括有: 雲耳、豬耳、青瓜絲同薄脆酸辣汁係三哥特調，三哥酸醬汁已經預設辣度為5小辣 ，當然食得辣既朋友仔都可以增加辣度將四款配料撈埋一起食，額外清新爽脆獨家酸辣汁味道令人開胃，酸辣適中 夠晒又香又麻 愈食愈惹味 薯粉口感煙靭爽口，而且都幾掛汁 撈埋獨家酸辣汁 可以享受到「香、麻、辛、辣」鹹檸梳打($10)譚仔三哥仲可以加$10有「鹹檸梳打」或「蜜桃乳酸」這兩款冰涼特飲選擇我選擇了鹹檸梳打因為食完重口味既野食，叫杯鹹檸梳打就岩晒啦 可以解辣味，而且清新鹹檸，再加原粒脆梅可以消暑解渴總結:譚仔三哥有個貼心位 叫「酸辣撈薯粉」會備有一次性圍身給客人，客人就唔怕醬汁四濺食物:「酸辣撈薯粉」有驚喜夠晒惹味，天氣開始轉熱，唔想食熱辣辣湯米線，這個「酸辣撈薯粉」就岩晒你

譚仔必試蕃茄味湯底，最鍾意就係食關於蕃茄嘅食物。一嚟到已經見到紅紅嘅番茄湯，果然食落蕃茄味都好濃，仲可以食到一嚿嚿嘅蕃茄肉，值得一試。另外仲叫咗蒜味好濃嘅蒜泥白肉，一啖蒜泥白肉一啖米粉，中和返個蒜泥白肉個鹹味。另外麻辣豬扒都非常好食，豬扒唔韌，果皮仲好酥脆，值得一試。

有時拍拖想食平啲，三哥一定係不二之選。兩個人，一人一碗米線加兩款小食同飲品都只係百零蚊，簡直就係「便宜的快樂」🥰 雖然味精重、唔健康，但間唔中食下真係好滿足。😋個人認為三哥啲米線質感就算唔同分店都唔會好似譚仔咁參差，而湯底小編一向都鐘情於麻辣，不過今次主角唔係米線，所以唔多介紹了。.《🥩 爆辣小豬件 －$23 》經細火慢烤，外表帶焦脆，內裡肉質軟腍，不過食得三哥就唔好考究係咪落咗好多鬆肉粉了。🤣🤣 豬扒上面鋪滿乾辣椒碎同孜然粉，好似食緊串燒咁。固定3小辣的辣度🔥，又唔會去到爆辣程度🥵，惹味香口，啱曬無辣不歡嘅朋友仔。😏🌟 推薦度：🌕🌕🌕🌕🌑.《🍹 三哥賓治 －$10》一直好好奇，雜果賓治中加入辣味會係點。以為會好奇怪，點知飲落又唔差喎，就係雜果賓治嘅味道🍹，然後辣味會飲完後慢慢湧現🌶️。雖然固定5小辣，但其實只係微微辣味，唔會搶喉。呢杯飲品加配價只係$10，同普通飲品都係差$1，值得一試。🥳🌟 推薦度：🌕🌕🌕🌕🌘

夜晚去試新野「花膠雞美線」，香濃雞湯底，配以精選滑嫩雞件👍🏻花膠就好少😂不過湯底好香，但有啲咸，不過整體都可以接受。今次試新野都無中伏既，都值得一試👍🏻

譚仔三哥米線（旺角店）📍.好多香港人都鐘意食譚仔 而E.L都係佢地既擁躉🙆🏻‍♀️個人就比較鐘意食三哥多過譚仔特別係佢地既番茄湯底茄味極濃 好好食😋.🍜過橋米線（$56+$3轉番茄湯底）蕃茄味濃而且香甜🍅湯底係食到一舊舊既番茄肉架一大碗可以分配到四至五小碗出黎都幾足料架🥩🥬正常食量既朋友食完都ok夠既👌🏻.加$19仲有口水汁豬脷👅唔會太辣 岩啲食唔到好辣既朋友💁🏻‍♀️.人均消費：$37美味指數：😋😋😋😋😋😋😋（7.5/10）抵食指數：💰💰💰💰💰💰💰 💰（8.5/10）打卡指數：📷📷📷📷📷📷📷（6.5/10）.店名：譚仔三哥米線 (旺角)地址：旺角西洋菜南街101號1至2樓

好耐冇食過依間嘅米線，我最鍾意就係佢嘅酸辣湯底，因為夠開胃，最近食返依間嘅米線，配料就要左雞肉，配料嘅份量我都覺得足夠嘅，不過米線嘅份量可以多番啲啲，不過依度嘅服務態度不嬲都係咁樣所以冇咩可以講，上餐既速度都快嘅，唔駛等好耐就已經有得食！

In order to write a comprehensive review, my review is divided into two major parts: food and services  FoodTaste: The taste is surprisingly good. I ordered the spicy-rice noodle with pork at a minimal "spicy-level". I like that although it is not too spicy but it still retained its favor.  Quantity: The standard meal is not enough for me to feel fed.Attractiveness: Alright Price: Reasonable  ServicesTable service: some table service. The waitress leads the customer to the seats, took the order

宜家呢個時候既lunchtime，就算係旺角既譚仔都係每枱得一兩個人。平時連一位都要等位，大把人等外賣。不過街上面比起兩個星期前反而多番d人，可能大家驚驚下又開始鬆懈。冇得work from home都冇計，搵枱最少人既枱，拿拿林坐低食完就撇。雖然黎食米線，我通常都係想食清淡少少，不過今日想食濃味少少既湯味，所以叫左個胡辣湯。呢個湯比起雞肉，好似配豬肉片會岩味d。加多個東菇吸吸湯，同埋炸醬當小食，就岩岩好好。米線跟炸醬，炸醬份量會隨叫送既種類加多而變少。今次叫左三送，個炸醬睇落好似比平時多，唔知係我錯覺定咩。不過炸醬有冇多到都好，44蚊三送胡辣湯米線，點都係抵食。

平時食開麻辣 今次第一次食蕃茄湯底～ 🍅 蕃茄味好濃 酸酸甜甜咁 中間仲有一大舊蕃茄呢～ 我加咗小辣 個辣味都唔會蓋過蕃茄味 酸酸甜甜加上辣真係幾好食～ 米線亦都好彈牙👍🏻