譚仔三哥米線 (已搬遷) 新店位置

星期日去開佐敦本來諗住去食澳洲牛奶公司,但晏晝一點幾見出面有二三十人排隊,所以放棄,去食以前好鍾意食嘅譚仔米線,都多人,要等一陣先有位,叫咗以前叫開嘅竹笙清湯米線,但有些失望,因為清湯底無咩味,以前清湯底都好濃郁,但而家好淡,啲土匪雞翼都唔入味,出門口先發現譚仔亦是米芝蓮推介食店之一,又一證明,攞完米芝蓮可能客人多咗,質素相對下降~很難保持水準~

譚仔米線我就唔覺得有咩咁特別!但好多人都好鐘意叫雞肉...我都係佢既雞肉好滑 , 好好味!但我最鐘意食既都係香草雞翼!!除左用食到我津津有味 , 齒頰留香等形容詞黎形容佢之外!我都仲未諗到點講好...真係超讚!

尋晚同朋友去食，四個人，入到去見冇位就出走，點知有人行埋嚟同我地講有位，行入去時，見有對情侶走，我地幾個講，都唔知係咪趕人走，行到入去，見仲有對情侶坐喺度，嗰張根本係四人枱，硬叫我地坐入去，四人枱慘變六人枱…個位又逼，隔離個人又肥，成個痴埋嚟，後面個又逼過嚟，食得好唔舒服又辛苦，落單嗰個又黑口黑面，叫極都唔理我地，叫佢覆單又唔想覆，叫佢落單慘過叫佢去死咁，鞋口鞋面…服務態度特差…

食過2次~上次都無咩野既..其實上次去既態度都唔係話真係好好個D但係今次真係差到爆囉~人地嗌野食.叫佢覆單好正常唧佢點知好串咁答:「下？仲要覆」我FRD就好有禮貌咁答:「聽唔清楚想覆多次」咁佢就好串咁覆多次～之後佢覆單講小樣野．我未話佢仲有咩咩咩．．佢就勁死死氣．．「仲有．．．．得未呀？」之後另外個FRD就嬲..問佢要唔要咁既態度，佢仲可以串返我ＦＲＤ～～都唔知咩店長黎架．無禮貌

無法...基因問題，隔幾個禮拜就要食下三哥。我真係太鍾意依度嘅麻辣，addicted!!!! 有新口味都唔會試.....hehehe麻辣湯底小辣(haha~ 以前食4小嘅，而家有進步la~~) + 豬肝 + 腐皮 = 十個滿足 麻辣湯底刺激食慾，辣同咸但無野吊味，一家要有豬肝同腐皮。廚師會用麻辣湯底"生滾"豬肝同腐皮，豬肝的肉味"吊"起曬個湯底，腐皮的奶白豆乳使湯底更濃郁。不過，依加嘅份量越來越少，$4腐皮竟然得一匙羹份量。好在我同阿姐講完後，佢即刻比返兩片腐我。希望佢地可以用返正常份量同KEEP住水準，唔好只做新菜、做宣傳。

以前有幫襯過譚仔其他分店，呢間第一次o黎.....今日中午游完水同細妹二人o黎到呢度食野都係搭枱，當時全枱連我地兩姊妹共5人...當坐o係隔離o個阿姐走左之後，我就拉佢張凳埋o黎擺我地d袋，因為游水真係比較多野拎....而旁邊仲有一張凳一直都冇人坐o既...然後就聽到有樓面阿姐竊竊私語咁話，呢d 枱每張要坐6個人架，有時要8個人坐...我以為自己多心，都冇野繼續食啦.....點知過左一陣，樓面阿姐叫我拎開o個袋，話有人要坐....ok! 我咪拎開lor，自己再擔另一張凳o黎擺野lor，我將張凳放o係我同細妹中間後少少....廢時阻住其他食客，樓面阿姐又話呢度係出菜位，話阻住佢出菜wor......又要我地將張凳放o係接近枱底下面...ok!然後，我個背脊就不斷比出菜d 阿姐係咁撞! 我真係冇諗到家下比錢食野，仲要比人暗串同整古lor!!! 第二d 食肆，見d 食客多野拎，甚至會拎張凳比食客擺野! 我唔係講梗d 乜高級食肆，我o係第二間食米線o既鋪頭，人地仲比凳我放野!家下我兩姐妹都只o係用一張凳擺野o者，其實我自己d 野都冇擺到，我都仲係彎住個身，摺埋個肚食野!最可恨係d 樓面阿姐，唔

去完圓方睇戲,都見有少少肚餓.但眼見又唔係想食太多嘢.行行吓,居然行番上佐敦道.上次行過裝修，今次就係三哥啦。坐低睇MENU見到有個..就叫左貢丸米線配酸辣湯底.唔夠五分鐘,碗米線到啦!4分.酸同辣都恰到好處.D米線又正.D湯都飲咗兩啖!仲叫多客土匪雞翼3.5分:幾香口.D香料入晒落D雞翼度.唔錯!正,下一次再嚟.

好耐冇食過譚仔啦...今日同男朋友諗唔到食咩,於是就去左佐敦果間譚仔食,我諗有兩年未食過啦,以前都好鍾意食,經常同d同事一齊食,咁耐冇吃過唔知有冇咩唔同?於是我地兩個人叫左二人份量的大碗米線,因貪個咩材料都有d,hahaha...我最鍾意試嘢吃,呢d就最啱我啦^^,但可惜竟然比漏左我最愛吃既腐皮之後當然唔放過佢地啦,叫佢地加返比我,之後仲叫左皮蛋同埋土匪雞翼,皮蛋ok,幾好味,我鍾意,但雞翼就唔夠熱,比以前遜色,但味道都ok可以接受.不過最令我失望o既是米線,吃唔返以前d味道,同以前相比真是差左d.最初吃果陣d湯底更鮮甜同更濃.有點失望

來到佐敦記得附近亦有間『譚仔記』，上次係深水埗冇食過『土匪雞』，今次一定試食啦！ 係佐敦道大街大巷好易就見到！入去都差唔多3點半，地方都算濶落！都剛剛滿客，亞姐見我冇位就向一檯已食完坐聊天收碗，意是要佢哋合作讓位新客．坐下再有另兩個加入，都係座無虛席！ 即叫清湯牛肉、雞絲、腐皮米線+土匪雞翼.... 亞姐問要幾多隻？我問最少係幾多？佢話3隻我就要最少啦！ 等咗幾分鍾碗麵先到....牛肉都好嫩，雞肉清淡，唯一湯底深水埗店較清甜一點，但差別不太大.. ... ....冇耐碟土匪雞都送到，一粒粒黑芝麻係面，好香味~~~~~忍唔住放低碗麵挾舊咬食，好香好脆口，有點胡椒棘味，但雞肉較『鞋』，骨肉全熟透！有如『家鄉雞』，在中國是過火，但對外國人來說才接受！我哋經常說雞骨髓要紅、肉要嫩滑才好食，但外地人覺得未熟透，不衛生呢！ 食完找數 $42..都係碗麵抵食d... 總結是此店都保持水準，但較深水埗略遜色，有食評說葵芳更好！有機會都去試吓！

近日得知譚仔三哥得到「米芝蓮」2010「米芝蓮車胎人美食」！所以走來試下是否那麼好先來一碗麻辣湯底米線，材料十足，米線非常有口感，D肉醬非常入味。再來一個土匪雞翼，認真又香又好味，之後是皮旦，好味到食完又再食！！！果然是「米芝蓮」食店！物有所值！

尖椒皮蛋($13)不臭的皮蛋，配上尖椒和辣椒油，很軟滑。如果一個人食皮蛋，只可以吃半碟。三哥如果有一人份量的小食就好了。糊辣米線味道是鮮、甜、美味的湯底。就算叫了5小辣都不會太辣。這碗米線附送一匙肉碎。如果星期日想去譚仔三哥食午飯，可到佐敦吃。實有空位慢慢品嘗。

男友又一次充當外賣仔, 愛心速遞 我揀左火腿, 腐竹同墨丸, 要小麻辣湯底男友揀左腩肉同墨丸, 要清湯底再加埋土匪雞翼湯底同星林居好大分別星林居湯底偏濃且微辣譚仔湯底好清但鮮甜星林居D腩肉好腍而且非常入味譚仔D腩肉無乜味而且幾硬土匪雞翼有D似香草黑椒雞翼幾好味

是晚放學後到嘉賓大廈覆診，排隊看醫生餓扁了，立即到附近醫肚。譚仔本身就是小男友的「飛佛」又只在對面街，於是看醫生前便決定今餐在這裡解決。一人一碗米線再加小土匪雞翼，來一杯凍檸蜜兩份飲。試過幾間不同地區的譚仔就會知道他的辣下得很隨意，有時很辣，有時淡如水。我不太吃得辣，以為叫了十小辣最穩陣。小男友就叫三小辣。先來的是土匪雞翼和檸蜜。雞翼不夠熱減低了食味，面頭滿滿的芝麻和孜然粉令雞翼吃下還算香口，可是中間的雞肉就有點不夠味，幸好有肉汁流出搭救，整體普普通通。檸蜜也是一般貨色，能解渴就是了。兩碗米線到了。只見我的米線來的時候牛肉還帶點紅，腐皮則完完整整的一片還一片，沒有出現散爛的情況。呷一口湯，怎麼十小辣吃起來和三小辣的差不多！吃了幾口還是請阿姐幫我溝了些清湯進去。可是再吃時就像味精水米線，很咸，腐皮牛肉都可能因為浸湯太久而有點老的感覺，食之無味。下次還是要清湯吧，免得要阿姐幫我溝色溝水

我好耐都無去呢間譚仔度食對上一次去都成兩三年前既事尋日我好快咁行去 行緊去個陣仲諗定食咩好啦點知行到去到門口先發現落哂大閘燈都無開, 唔係呀麻, 咁好生意都摺左?

平時食米線...一係食譚仔一係食景霖自己住佐敦....貪方便ma~~~xdd"一落街就有得食*叫左炸醬米線...都係咁好味"有個朋友話過食炸醬最唔抵食.....如果想抵食d就分碗上~感覺多dwo-.-其實我無所謂~因為e 碗野真係幾大碗~~未必食得晒湯底依舊濃+奶白色~~cool"米線煙韌~~好味道配埋d 小配菜就good 啦~~無加"hot"~因為費時叫野飲^^"~要加錢~好似唔夠抵咁~無service 而言....多人就會好逼...不過平靚正ma~~當然吸引好多人來啦~