詠藜園四川擔擔麵

营业中

休息中

已是下午三時，店內仍然人山人海，心想此店之食物必定出眾，所以便一試。<br>我叫了一碗酸辣湯麵，朋友叫了一碗擔擔麵及其它小食。但係我朋友碗麵是「暖」而不熱，佢重開玩笑話︰「可能個侍應等埋所有食物至一齊起嘛！」

今日同朋友去食，我地1:00到，門口果位小姐（KAT)問介唔介意搭臺，由於有朋友未到，我地選擇等獨立位。排18號。等緊果陣，有幾批3人既入左去，我地以為係搭臺，因此無出聲。等到1:30，KAT帶我地入去，到一張已有6人既臺，佢叫我地坐住先，後來朋友o黎到，我地詢問KAT幾時可轉臺，KAT竟然話，"你地唔係搭臺咩?"本來搭臺就無物所謂，不過佢自己疏忽，掉反轉頭扮唔知，係佢唔o岩，我地因此堅持要獨立臺，KAT就收返張18號，隔一陣，張紙俾我地話，"你地自己拿返張紙先。"我地以為佢番先前張18號，但細心一睇，已經變成24號，再詢問時，KAT面黑黑話，"係啊，要重新排過"。咩態度啊??錯在先，道歉無聲，又玩偷龍轉鳳，仲要面黑黑，依家應該邊個心情唔好啊?今時今日仲係咁o既服務態度，執苙在望!

我食過鑽石山o個間又食過蔡欄美食坊o個間﹐但可以話價錢o吾係絕對平﹐佢話價錢不變﹐只係擔擔面$17蚊係平﹐其他就貴lor.有次四﹐五個人去食﹐食左成五百幾蚊﹐又o吾係嗌左好多野﹐更食一人一碗擔擔麵﹐嗌左D小菜﹐好二﹐三樣啦!不果原來改良版既擔擔麵貴成10蚊碗ga.只係多左D花生碎﹐窄菜碎。小菜都要成6,70蚊碟﹐一D都o吾平lor﹐又要等位﹐o個次等左成個鐘先等到﹐又貴o吾抵lor.

I also have bad impression on Wing Lai Yuen.I tried teh infamous Darm Darm noodle, really Darm Darm:"1 darm, 2 Darm" and the noodle is finished. So damn small portion.They also charged HK$1 for the cup of tea.I happened to saw that listed on the menu, so no complaint on the charge, but request the waitress to take the tea away as I haven't "ordered" it at all. The waitress was so rue said she will treat me so that she won't take it back. Hey, give me a break, I am not beg for it, as I didn't ta

上週四與北京來未來外母去食晚飯,未開門(5:45pm) 就排長龍,要等,要搭,都算啦!跟著重有更精彩.由於伯母是回教徒,所以不食豬肉.當晚我亦只點了幾味"走豬"小菜(芥辣鳳根,媽咪蛋炒飯,紅燒牛根,椒麻雞及高力豆沙).在落單時我巳向企姐姐問明以上所有菜式都不含豬肉及清楚表明我們不吃豬肉.但不出15分鐘,傳菜哥哥將一碟滿佈火腿粒炒飯放正向伯母面前(放豬肉在回教徒面前是極大的侮辱)!伯母當堂面色一變,我拿拿聲將該碟飯拎開及向幫我落單那位姐姐詢問.果條八婆竟然擺出一個"唔關我事"衰樣,重問我點渦!(比著唔係伯母度,我一早就發火)後來擾攘了數分鐘先改單做青菜蛋炒飯.到高力豆沙果單啦,同女友三次,都未食過,午市去,又話晚市先有,晚市八幾去又話賣晒,今次一早六去啦,落埋單囉,食梗啦!點知拉尾收晒碗之後,果條八婆拎著張巳經單Cancel 高力豆沙單話:「我唸廚房整唔切,洗唔洗叫過第二?」我一話唔洗就即刻叫我比錢!我當時塊面真係黑過鑊撈,又細碟,味道亦不特出,除加一之外我斗零都冇懶底.唔該佢地逢係整唔切,午市冇晚市又冇唔好放上MENU 度,同Train STAFF 啦!<br>唔知係咪

好耐之前已經話去試,由鑽石山個間未關門大吉,到依家有埋分店,尋晚終於男朋友仔去左.可能我無expect 好好,所以我覺D麵唔錯,另外亦叫左三絲伴涼麵,男朋友仔話涼麵好味D,唔..........我就覺得各有各好,麵D麵滑D,味道就涼麵清D.我地仲叫左炸春卷同酸辣粉皮(伙記話一星期先出一次喎),兩樣都唔好味,尤其炸春卷,簡直係難食,很菜同一片仔冬茹做料,皮又厚,幾層,差!D酸辣粉皮無特別,唔知點解一個星期先出一次,係D粉皮同出面唔同,滑D厚D,雖然十幾蚊,但下次一定唔會食.服務都唔錯,最估唔到係睇落成六十歲既亞伯都一口流利既英語,四十幾歲個仲識講日文,勁!

父母都是愛吃之人，所以小時候的我已常常跟他們去鑽石山木屋區詠藜園吃擔擔麵，現在想起也回味無窮。清拆後第一時間去了黃埔總店，卻失望非常。首先，等位時間太長，晚飯時段幾近個多小時，下次不妨拿籌後去UA黃埔看場戲後再等。坐位也太迫，要撘檯，食得不太舒服。最過份是擔擔麵每人限叫一碗，而且只可以落一次單，這樣巴閉，即時覺得很反感。而且萬眾祈待的擔擔麵質素也只一般，實在是名過其實了！自從去過黃大仙詠藜園之後，已沒有再踏足黃埔店了。黃大仙店無論等位時間和食物質素都比黃埔店好；詳細請看詠藜園黃大仙店的食評。

記得以前細細個都成日去鑽石山果間食，真係唔錯，而家high cast左之後，無左果種風味不特止，d食物質素仲差左，等位又要等成粒鐘，一入到去就擺碟花生同翹頭，又係$$$，仲要只准order一次，其實有無需要set埋d咁既例呀，你估家下派米咩，每人限派二兩米呀??

我以前住彩虹村(I know 個村字寫錯),都不知幾多時去鑽石山間老店鋪"開飯",最鍾意整番碗排骨麵,十元八塊又一餐。依家巴閉囉,扮高檔囉,連排骨麵都無得叫,又話一人限食一碗,D份量又到喉唔到肺。叫碗麊炸醬"湯"麵試下,講心個句,真係不知所謂。D麵都還可以，但D炸醬就真係我整都好食過佢，直頭係垃圾，心想點解咁戇居花粒幾鐘仲要俾幾十蚊食D咁既野。在下在此奉勸各位，請相信自己的鼻和舌頭，不要單憑眼睛和耳朵。我唔理D　mud野食家呀明星呀達官貴人呀點吹點讚好，D架仔信埋D吹水雜誌搵到又好，個位老師傅做麵有幾好．．．．我只不過想食番碗排骨麵佢都做唔到，唉，得個名有鬼用咩！？唔通我D taste 特別D?

<br>普通囉!!!

香港人最鐘意一窩蜂試新o野，自己都唔例外。呢度真係好好好多人～好彩我地六點來到，所以好快有得入去坐。我覺得碗擔擔麵唔多o岩我胃口，可能我食唔慣啦，覺得甜甜地又有花生醬味，有小小怪。其他小菜又唔覺有乜特別好味。可能因為希望越大，失望越大啦～！

今日去o左黃埔詠藜園，因為有朋友未試過，而又好肯捱義氣，四點七去到排隊等派籌，係呀，果度五點半至派籌，不過四點幾已經有人去等o架啦。我o地都唔係一號，係七號。好啦，佢等到五點半，終於等到我o地珍貴o既「七號」籌啦，( 唔知可唔可以炒籌o既呢? ) 然後我o地一行三人已經來到，大家嚴陣以待。等住六點可以衝入去食，當時已經派到140 號啦。響五點十個字左右，出面有位阿哥出o黎，拎起個咪同大家講，叫大家讓條路出o黎比d 食客入去，然後又話比大家知，四十幾號籌之後o既要等第二輪至可以入去食，認真巴閉。好啦，六點鐘，開始叫號碼，魚貫入場。不過注意呀，你要人齊至可以入去o架。重有，原來係可以訂位o既，不過至少要一星期前，同埋可以訂o既位好少。言歸正傳，好o勒，入去坐低，要想清楚至好叫呀，因為你只可以落一次單，甜品都要叫埋o架。不過如果你地真係唔好彩唔夠食，都可以叫冷盤，因為佢地會時不時響你身邊掠過，然後問你地要唔要。食品呢，都唔算差，不過真係以前好食d。其他o野都唔差o既，上菜快o左，侍應態度好o左，快手o左。不過真係好多人。值唔值，你自己考慮下啦，不過我自己就未必再去o勒。

呢間野現在搬去黃埔日日係甘出現人龍, 入到去食過個麵米又係一般甘, 又唔係抵兼等鬼甘耐, 仲係搭晒台, 滾水淥腳就係為左食碗麵, 香港人就係甘架啦, 唉唉唉!!!

D 麵真係有D料到,好特別,軟滑得來又唔係淋0番,食落唔太飽,食多碗都得.可惜0既係舊店最好食0既鹵水豆腐新店冇得食