許留山 (已結業)

勞動節真係多人放假, 平時假期的第一城已經多日, 呢日仲多人都爆, 想搵個地方吹吹水食個下午茶都難, 即然大家都唔係為咗食飽個肚, 於是去咗許留山食, 貪佢冇乜人, 可以坐耐D~我地入地去都差不多十分鐘, 完全冇人嚟問我地食乜, 雖然我地唔係志在食, 但都要叫杯嘢飲下, 於是走出門口叫亞姐入嚟寫嘢~寫完嘢都好快嚟, 因為冇乜人, 得我地呢枱客, 外賣又唔多人, 真係好~  芒椰蘆薈爽好冰鎮, 好芒又好椰, 不過唔係好覺蘆薈囉~  咖哩小食有魷魚鬚、魚蛋、蘿蔔、豬皮, 味道當然唔會有期望, 至少唔難食就得, 同埋佢唔係好辣, 過得去咁啦~  烤薄餅雖然都知係急凍嘢, 焗返熱, 但熱辣辣再點埋D咖哩汁, 都唔錯下次約人吹水真係值得再嚟呢度, 又冇乜客人, 伙計又唔會嚟打搞你, 但要食飽就唔得~

沒想到吃許留山也忍不住打食評今天跟老婆仔去了唱K + buffet不過時間不多又顧著唱又顧著吃所以都沒什麼時間吃加上食物質素不高老婆仔也說要再吃甜品我們來到了許留山點了30元的多芒椰汁黑糯米沒想到味道這麼好甜度適中黑糯米份量也很多而芒果也沒有太酸沒想到許留山也有如此的水準所以故意打一篇食評推介一下不過其實來吃甜品的主要原因還是因為我們都不捨得回家所以都不知道這份甜是否真的來自食物

同媽子 & 老豆喺第一城食完晚飯, 覺得唔係好夠喉… 就梗係食個甜品補補數 ^^ 老豆話好耐冇食過許留山, 咁就嚟回味一吓啦~ 曾幾何時, 呢個品牌都喺甜品界叱吒一時, 唔知今時今日有冇唔同呢!? 好快就揭曉喇~媽子話佢好飽, 放棄食甜品, 咁佢就乖乖哋坐埋一邊望住我同老豆食 ≧w≦ 老豆點咗個多芒西米撈, 芒果粒好酸, 芒果沙冰底亦好稀… 西米正常, 但整體味道都係酸 >n<我就點咗個多芒椰汁黑糯米, 同老豆嗰碗一樣, 啲芒果粒好酸, 椰汁沙冰底好稀… 最離譜係啲黑糯米好似未煮熟咁, 咬落去入面實呱呱… 得個芒果雪糕球似當年嘅味道, 但體積就細咗啲… 我食咗幾啖已經唔想再食… (>_<)今日嘅許留山, 不論知名度 & 質素都已經今非昔比… -- 希望佢哋明白呢個道理啦!!!

啱啱响附近食完小食, 行過嚟買杯嘢飲下, 由於款式太多, 而且好耐未試過佢D飲品, 所以飲乜都冇所謂, 咁啱見到有幾款做特價, 於是响入面選咗兩款........... 椰汁燕窩蜂蜜爽超勁椰汁味, 雖然眼見椰汁同蜂蜜比例都係一半一半, 但飲唔出有蜂蜜味, 可能D椰汁味太濃蓋過咗, 你話係咪有燕窩就真係唔知, 可能有D碎濕濕, 因為一路飲一路有D"爽"食, 其實都唔知係乜? 有少少似啫喱糖, 整體上係椰味太重, 飲完好"濟" 芒椰龜苓爽佢1/3係椰汁, 1/3係芒果茸汁, 1/3係龜苓爽, 呢個就冇咁勁椰味, 變咗係芒果味重D, 唔知係咪D芒果唔係太靚或者未係好熟, 味偏酸, 所以冇咁"濟", 呢杯好飲D

公司同事比左幾張優惠券我，一直都唔記得用，同事比左張許留山coupon我，一直都唔記得用，某日摷銀包見到，好在未過期，見行到有啲熱，於是去最近嘅分店，用左張「芒果狂熱特飲」$6現金券去到比張coupon收銀員，佢問我要咩生果，我望一望poster，揀左蘋果，然後收銀員收晒錢，我仔細一睇，poster話係全新芒果口味配搭3步曲，何解佢只要係問左我們一步於是我杯野飲，唔知係呂宋芒定金水仙芒，底部嘅係佢幫我決定嘅水晶條，鮮果就係我選嘅蘋果幸好我並不是十分口渴，呢杯野偏甜，好杰身，啲所謂水晶條係一大舊啫喱狀，毫無味道，剛好平衡返芒汁嘅甜味，蘋果爽口香甜，整體味道其實唔差，但未見突出## 許留山飲品講緊十年前對香港係幾有特式，我都有段時間好鐘意飲，但近年有太多太多外賣飲品店盛行，選擇多左，自然會移情別戀吧