影片
马会会员专享的隐藏美食天堂！🏇环境舒适到不行，空间宽敞得让你想跳舞～走出露台，赛马近在眼前，用餐同时还能感受赛马的热闹气氛，太酷了！🤩🍲今日菜单大推荐：1️⃣脆皮烧腩仔 - 外皮酥脆、肉质嫩滑，每一口都是满足感爆棚！2️⃣蜜汁叉烧 - 甜而不腻，酱香四溢，绝对是肉食控的心头好！3️⃣干炒牛河 - 镬气十足，每一条河粉都吸满了调味精华，不得不点的招牌菜！4️⃣煎虾球 - 金黄诱人的外皮，内里是鲜嫩多汁的虾肉，一咬下去幸福感爆表！5️⃣白鳝煲仔饭 - 香喷喷的煲仔饭配上细致柔滑的白鳝，完美组合，让人一碗接一碗！
继续阅读
1255 浏览
早几回提到跑马地马场内有几间餐厅于赛马日同非赛马日所提供嘅餐饮有所不同，疫后就二战位于马场看台三座嘅「观星图」，周三初试夜马后意犹未尽，周末再战午市饮茶。马场出名大、入口多，根据指示从D入口乘搭升降机，即可直达会所餐厅，不过大家要留意，用餐区域分七楼及八楼两层，其中私人厢房只设于八楼，唔想揾错地方又上又落的话，最好同订座嘅会员预先确认楼层。中菜厅以「观星」起名，室内嘅摆设当然系唔少得精致嘅观星仪啦！华丽阔落嘅用餐大堂光线充裕，四周可见倍率电视，地上舖上星空色调嘅厚地垫吸音，散座以屏风隔开，私人空间足，高雅舒适得很。步出窗边嘅露台观赏赛马实况，可为自己嘅心水马仔呐喊，冲线一刻一齐欢呼，劲有气氛！餐桌上摆有齐备嘅自用及公用餐具。马会公价茶芥每位$22，开瓶费则为$200/樽。因深觉酒酒标价唔过份，结果红酒、白酒、香槟各开咗一樽，只系奇怪在会所内懂得开酒嘅职员不多，有点儿欠缺专业。赛马日嘅五页餐牌中英对照，简单易明。糟卤黑白鸡（$188）：黑白分明嘅鸡件虽已预先去哂骨骨，不过外观明显不及之前喺金钟名酒店餐厅食过嘅版本咁精巧，幸好带有酒香嘅鸡肉尚算润滑，长辈都好满意。黑鱼子茶熏鸭蛋（$98）：意外地，鸭蛋嘅蛋白部份胶弹得黎毫不嚡口，散发出嘅熏味亦唔会太浓，流心嘅蛋黄鲜浓软滑，一人半件都几饱肚架。葱油蛏子皇（$288）：油润有光泽嘅蛏子十分爽脆，鲜甜中带著微微嘅劲辣，只系份量好似少咗啲。芥末凤梨西班牙黑豚肉（$268）：𩠌名作到咁长其实即系咕噜肉！以西班牙黑豚肉做出嘅高级版咕噜肉皮脆肉松爽，师傅选配两款脆薄嘅菠萝干及酸甜多汁嘅菠萝肉直令菜式增添口感同层次！樱花虾鱼香脆茄子段（$148）：矮瓜条修长金黄嘅外表被冇份叫𩠌又挂住跑马嘅老人家误以为系炸豆腐，咁又真系几似嘅！矮瓜条条层炸皮巧薄且够干身，个矮瓜心软腍得黎一啲渣都冇，连同脆卜卜嘅樱花虾同鱼香肉碎一齐食已够惹味香口，崭新演绎嘅鱼香茄子完全减去传统版本嘅油腻，轻易取胜，赢得出色！陈皮烧乳鸽伴柑普茶（$168/半只）：连茶壶茶杯上嘅乳鸽卖相好有气势，红润亮丽嘅烧乳鸽皮层香脆，鸽肉软嫩，脂肪不多，$168半只，估计贵在陈皮及柑普茶之年份，不过讲真唔系好食得出乳鸽有陈皮香。韮香鲜花椒崩沙腩（$528）：原煲上嘅崩沙腩热力十足，肥瘦均匀嘅靓腩厚身得黎爽润软滑，香辣嘅汤底入面仲有半腍半爽嘅萝卜，菜式简单可口。葱油脆皮鸡（$408/只）：浸喺葱油湖上嘅鸡鸡当真如𩠌名般脆皮，皮下嘅鸡肉柔嫩白滑，芳香鲜美，如果碎葱可以加倍份量相信效果应更佳。荷香仁稔蒸鳝（$288）：XO仔一向少食鳝，不过都影咗幅相同大家分享。孜然烤羊腿（$498）：席上嘅亲友对羊腿嘅意见不一，正当小肥嫌羊羊膻时，晕Uncle就大赞佢羊味浓郁。。。甜品套餐（$80/位）：周三赛马当晚嘅服务生大多为临记，生手到连单都唔系好识落，餐桌上不洁嘅碗碟仲扮唔识处理，上甜品前细佬真系唔抵得，自己拎走哂去附近张柜台！三式甜品摆盘似乎有啲求其，质素亦颇为麻麻，当中蜂巢黑糖糕又硬又实；香芒糯米糍虽然烟烟韧韧，但就唔系好食得出有芒果味；细细杯圆肉红枣炖桃胶好似冇落糖咁淡而无味。家人都觉得「观星图」赛马日嘅小菜唔错，所以就索性试埋周末饮茶，可惜期望过高，结果失望而回！周六非赛马日人流冇咁多，午市饮茶只有一张点心纸，驻场经理及传𩠌员都明显熟手同爽手得多。笋尖鲜虾饺（$50/四件）：虾饺皮层厚薄适中，扣分在个馅干争争。蟹籽烧卖皇（$50/四件）：比虾饺更为丰满嘅烧卖则十分爽嫩。百花酿鱼肚（$65/两件）：睇相都应该睇得出，垫底嘅鱼肚毫无水份，蒸得未够透，食落冇汁又唔够腍，顶面放旧虾丸就叫做「百花酿鱼肚」，厨房交货交得好敷衍啰！五香豆干素珍腐皮卷（$46/三件）：腐皮卷虽然湿淋淋，但系咬落腐皮仲好韧，同个斋馅一样唔够腍，不吃也吧！蜜汁叉烧包（$46/三件）：只属和暖嘅叉烧包唔够热，所以完全唔松，加上入面嘅叉烧又干又嚡，唔掂！砂锅豉油皇银芽炒肠粉（$42）：用煲仔上嘅炒肠粉软滑可口，系咁多款点心中最够镬气嘅！柱候牛杂（$52）：牛杂不单劲咸，而且仲好粉同好油，学姨丈话斋，「一个字：劣」！萝卜丝酥饼（$46/三件）：酥饼外层干到黐哂喉，入面已经冻哂嘅萝卜丝味道仲好苦涩。最奇怪就系用咗苦苦咸咸嘅朱古力泥垫底，苦上加苦，干上加嚡，配搭怪诞，感觉格格不入。果皮泥鯭粥（$115/窝）：泥鯭粥鱼肉就多，而且件件都好多骨，不过最大问题又系唔够热！不得了豆腐（$108）：饮茶最有惊喜反而系炸皮香脆巧薄、个心幼嫩滑溜嘅炸豆腐，鲜油炸出所以特别灯亮鲜美，热辣辣确真零舍不同！马场餐厅「观星图」环境优雅有格调，每周只供应三餐嘅会所中菜厅似乎属外判形式经营，服务生人数多，然而效率低兼唔够专业，食物质素亦反覆不稳定。周三赛马日嘅小菜看似有板有眼时，周末非赛马日热量不足嘅点心却明显欠缺火候，如果有意一试，小弟会建议拣选赛马日，有气氛之际菜式更称心。
继续阅读