西貢小老婆

营业中

休息中

放假去西貢行下，行過市場街見到有間好local 嘅餅店，個名叫西貢小老婆，本店應該就係行入少少嘅德隆前街。 （*逢星期一休息，仲可以訂貨）我好鐘意食沙翁，一見到佢個冰花蛋球（應該等於沙翁）就快快趣去左排隊比錢買。沙翁⭐️⭐️⭐️⭐️難怪叫蛋球，佢蛋香味好重，個邊有口感，砂糖好均勻，內裡軟林林。蛋糕仔（原味、椰絲味、朱古力味）⭐️⭐️⭐️⭐️見到佢仲有賣$1 一粒嘅蛋糕仔，見前面排隊嘅人個個都買，我都唔執輸買返20粒試吓。原本要原味同椰絲味兩溝，店員話新出仲有朱古力味 要唔要試吓，咁好啦試吓啦。 蛋糕仔新鮮出爐都好難唔好食，椰絲味好重，不過朱古力味就唔夠濃。