西貢金雞海南雞

营业中

休息中

16/6 叫左個大雞飯，因為飯到時我見啲雞有啲少，所以問佢係咪大雞飯個阿姐態度勁衰應話:大雞飯咪姐係中雞飯唔係你想點吖？我應:但個餐牌明明有中雞飯我話:我叫大雞飯喎個阿姐應: 我點知吖，我打工，又唔係我改名(態度好衰)我話:你態度唔好喎阿姐:我態度有咩唔好，你想我點應你以後不會再食😡

今日一試,叫了一個孖寶同加一碗雞油飯，食落同九龍城分店水準都差唔多，雞都好滑，唯獨是個元蹄比九龍城分店細咗一個碼有多，價錢適中，海南雞去骨也很清,不像之前試有些食店去骨都很求其,雞油飯都很濃雞味，只昰飯顔色沒有九龍城分店咁金黃，元蹄的味道也保持到水準,荃灣分店員工和九龍城也差不多,去買食物時員工都沒有額外介紹店裏其他食物,都係一問一答,我買的是外賣，包裝也得也很穩陣,醬料也齊,冇咩甩漏，不太高要求可以一試。

今天來到朋友介紹的街坊小店{西貢金雞海南雞}吃海南雞飯！先在門外看了看餐牌，這裏的菜式選項其實不多，我想來這裏堂食的客人大多都是選擇它最著名的海南雞飯或是豬頸肉飯吧，所以我也不例外，只是在選擇大雞飯和中雞飯之間猶豫了一會，最後還是選擇了中雞飯，以免浪費食物。這裏的「招牌去骨海南雞飯(中)」，套餐價盛惠$44，奉送住家老火湯或咖啡/奶茶。先喝一口自家製南瓜湯，味道咸甜適中，伴隨著兩三塊小南瓜肉和一些南瓜絲，質素尚可，不妨一試。再吃一口油飯，飯粒軟硬適中略帶油黃，拌著一些些配料所以有微香，整體味道正常也不過份油膩。不過對於吃海南雞喜歡配薑黃飯的我，這裏沒有薑黃飯這個選項，實在有點失望。不過我也看見不少客人會選擇純白飯呢！至於重點的海南雞，有雞香味，肉質也算嫩滑，沒有骨頭，雞皮和少許雞脂肪也夠幼滑而且油份適中，再分別配搭薑蔥茸、酸辣醬和甜醬油三種不同的醬料一起吃，各有各風味，整體味道也更香更惹味。份量方面，雖說只是中雞飯，而且整個套餐對女生來說份量足夠，但海南雞只有六小件，也不是每件都有雞皮，如果雞的份量能再多一些的話，CP值定必更高更吸引。總括來說，{西貢金雞

11月11日order 午餐外賣，轉頭攞。去攞餐時，遞單比一侍應位阿姐攞餐。佢嘅反應無端非常晦氣：「喺哂張枱，自己對單自己攞」😳（張枱仲有其他外賣單，任由客戶"自助式"對單，亂摷啲餐，一來唔衛生，二來有心人可以搏亂攞人哋啲"大"餐喎？！到時嘅損失誰來負責？！就算店家肯再不收費重提供，又要嘥時間重頭等過。。。）。同場加影，有女食客向同一位阿姐落單，話要B 餐，阿姐話唔好同佢講英文，講要啲乜嘢就得啦👍，冇得頂，下次甲乙丙海南雞係好食，但要搞到咁受氣，何苦呢，香港人仲受唔夠？！

呢間海南雞飯店，位於荃灣的一個小小地鋪，你說他顯眼嗎？又不算是。今次是朋友帶我過來的，但就連他來過，也眼大睇過龍搵唔到間鋪頭呢🙄聽說出名的是滷水元蹄！但由於我一心來食海南雞飯，因此今次沒有滷水元蹄，下次先試啦😄😁😆呢間鋪人流源源不絕，看得出來大多都是老舊熟客，伙計都係兩手多用，落單出菜堆單收錢，萬能。好有一種街坊的味道😍也是幸福的味道！🥰《金雞二人餐$166》🌟抵食之選👍—-＊-＊-＊-＊-＊-＊-＊-＊招牌去骨海南雞手打鹹魚蓉肉餅滷水汁時菜白飯/油飯x2 住家老火湯x2奉送咖啡或奶茶☕️x2—-＊-＊-＊-＊-＊-＊-＊-＊來了來了！海南雞飯！一大碟滿滿的海南雞，正，夠食！😙😙😙海南雞鮮嫩多汁，肉質嫩滑，雞油多、仲夾住一層白色膠原蛋白！正呀！😛😛😛係煮得好既雞先會保留到既白色膠原蛋白層！果然係街坊老店，出色😄配堆油飯食，爽😊食完要下場既話去堆路德圍掃街都仲得😚😚不過我今次就好飽啦，下次再戰😉#Janejen_荃灣#Janejen_掃街#海南雞飯

中午放飯Lunch Time ,平平地搵咗間好出名嘅金雞海南雞飯餐廳，Very Very Delicious!!! 完全完全出乎意料的好味😋😋😋$49 叫左碗大嘅無骨海南雞飯雞肉嫰滑，雞味濃，雞皮非常之滑油飯勁夾，唔會太濃味，唔會太油十分之好👍🏻平靚正高質又好味嘅午餐加咗杯熱菜蜜，好濃味，好味！講埋個配料醬先，薑蔥味濃，配合埋喺一流個酸辣醬酸酸地辣辣地，好好味三個醬有三種唔同嘅口感，值得一試！ 平時都勁多人去排隊，大家去試下！

作為荃灣人，應該會有見過位於路德圍嘅呢間西貢金雞海南雞。雖然店內裝潢比較簡陋，但人流亦都唔少，比較多嘅係附近街坊。招牌去骨海南雞飯嚟到主打海南雞嘅食店，當然要一試！海南雞嚟講份量都算唔錯，而且雞肉都幾嫩滑，不過油飯略嫌可以再濃味一啲，如果重少少油香應該會更好。馳名香煎手打魚蓉餅飯另一個喺餐牌比較吸引眼球嘅有手打魚蓉餅，喺坊間都比較少見。魚蓉餅煎出嚟比想像中薄身，不過特別在完全唔油膩，甚至望落有少少太乾身。味道中規中矩，唔太食到有魚味，反而似好薄身嘅鹹魚煎肉餅。如果作為一個餸會有啲單調，建議可以當小食嗌，彌補不足。整體食店感覺都比較一般，而飲料方面唔知係水吧太輕手定點，實在有點過淡嘅感覺。其實附近路德圍亦有好多馳名美食，只能講試一次就可以了。味道 ⭐️⭐️⭐️服務 ⭐️⭐️⭐️環境 ⭐️⭐️性價比 ⭐️⭐️⭐️

係路德圍食lunch 都有好多選擇，不過多數就麵食多，今日有啲想食海南雞飯，就揀左呢間金雞。呢間係西貢都有分店，佢既海南雞飯最出名，開左咁多年，都算keep到水準，有陣時都會就咁外賣隻海南雞番屋企加餸。.佢個海南雞飯配油飯，你都可以揀配番白飯。個飯好香，望落個色都好靚。佢啲雞都好滑，而且無骨，啖啖肉咁都食得幾過癮。個飯會配湯/熱飲，佢碗湯都好足料，唔會hea。呢間外賣個包裝都做得唔錯，唔會倒到周圍都係。如果見舖太多人，都可以揀外賣。

在荃灣工作至晚上，偶爾也想來個飯，滿足饑餓的靈魂。今天想吃燒味飯，但九點多，多半已關門，剩下的也變肉乾。拖著蒼白的靈魂來到路徳圍，見到金雞，折衷一下，異國的燒味飯，也可以的。一張餐牌兩頁，午餐牌和晚餐牌是有部分一樣的。點了個大雞飯少飯。湯是金瓜煲豬骨。煲至金瓜茸爛，家常味道，其實不錯，錯在不熱。三式醬。黑色的是雞飯甜醬油，現在的都是叫貨。蔥茸，少許薑點綴。辣椒醬，用新鮮辣椒打成，少許辣，更多甜和酸，送飯開胃也佳。雞飯。飯略帶金黃，香料如南薑班蘭香茅味都有，稍嫌調味不足，煮飯湯唔夠味，雞油也欠，始終現代人都要健康多於口味。雞分到胸背，其實我也無所謂。浸得幾好，滑溜，就是調味不足又沒有自帶雞味。整體而言，不過不失，香港食到的海南雞，都已是香港的味道，更像去骨白切雞一般。但又回想，食切雞飯少也四五十元，有人代去骨，也可以的。

呢間海南雞飯係好出名嘅西貢海南雞飯嘅分店，喺荃灣飲食業最激烈嘅路德圍生存左好耐，一直屹立不倒，自然有佢嘅原因呢度嘅餐牌唔剩係得海南雞飯，但冇理由嚟到一間出名食海南雞飯嘅鋪頭唔食海南雞飯，飯嘅size有兩個，分別係中同埋大，價錢爭小小，但係中嘅size就比較適合女仔，唔怕食唔晒會晒，我今日叫咗大同一般海南雞飯唔同，呢度跟飯嘅湯係南瓜湯而唔係常見嘅雞湯，飲落似中式例湯多咗啲南瓜蓉咁講一講啲雞，皮同肉唔會分離，睇得出師傅處理得當，食落口冇啫喱，如果唔鍾意食啫喱嘅朋友仔呢間會岩你食，雞肉有雞味，一d都唔唔會油膩，果然出名係有原因再講一講佢啲飯，有雞油香但唔會確喉，好味埋單$50唔使，午市晚市同價，啱晒啲想食得唔差但係又急住食嘅人

平時去開西貢，見荃灣原來有分店。一入門已被呼喝，叫我地要坐邊。安排坐位係冇所謂的，但點解要呼喝？目測每個客人都會被呼喝。個六十幾歲呀婆（伙計）呼喝客人嗰位，成舊痰kick 住喺喉嚨，又唔處理，咳又唔帶口罩。🙈跟住有一家四口入黎，一見到人地有bb 車即刻呼喝話唔比入，但成間店得3-4張枱，媽媽話bb訓左，想推埋入去，會泊埋一邊，又諗好放門口位，但呀婆一口拒絕！一家四口無奈離開！食物還是ok, 但此分店可一不可再！哩個呀婆實在太難頂！

金雞的老店在西貢，是一家有名的去骨海南雞專門店。幾年前，曾慕名到西貢吃它的海南雞，印象不錯。這天在荃灣路經此處，原來有分店在此。不太肚餓，所以只點了一個中的海南雞飯，沒選飲品，選了住家老火湯。老火湯內有紅蘿蔔和南瓜，湯味香濃，真的很不錯，選對了！海南雞飯接着送上，覺得賣相不太好，有的雞缺去了雞皮，但吃一口便重拾好印象，帶皮的雞肉很滑，沒皮的雞胸肉質口感也佳。這海南雞配上三款醬汁，更滋味無窮。反而飯有可以改進的地方，我的飯有點飯焦，有點影響了口感。這店是小店格局，店內有簡單的桌椅，地方看來清潔乾淨，店員的服務也不錯，可以再回頭。

朋友好中意食海南雞，今日路過呢間金雞海南雞就即刻忍唔住入去試下。海南雞賣相唔錯，仲有幾款調味料，睇見都想食。朋友自稱「海南雞專家」，都話覺得呢到啲雞好滑好好食，似足正宗海南雞，唔似出面求其拎白切雞當海南雞，而我都覺得好好食，配埋個油飯，真係好正！

間唔中都有幫襯，都知個服務員(短頭髮帶眼鏡既阿姐)態度差，支持小店但真係支持唔住，明明大把位都安排你去個你唔想坐既位，我坐左唔係佢安排既位時，仲要同佢同事細細聲好似話我咁，間鋪頭又冇寫明每人最抵消費幾錢，有3個人霸晒一張枱叫1個餐又比阿姐細細聲媽媽差差, 幾好食都唔會再幫襯!! 服務態度超差!! 個阿姐鬧人係加埋粗口!!

我今次真係第一次嬲到要打食評！話說我收工心絲絲想食雞，之前一直想食雞都係會去呢度買外賣返屋企食。所以今晚亦不外如是去幫襯下，買果陣我已經表明話我唔要姜蓉，要多盒仔鼓油同酸辣汁，之前買開都一直係咁 ，咁果2個女職員話好！無問題！到我接手既時候，再望一望，都係有姜蓉，咪拎返出黎同個老d既女職員換返鼓油加酸辣汁，佢就剩系拎左酸辣汁比我，我再話仲要埋豉油，佢一副好唔耐煩既態度加語氣呼喝另一女職員拎粒豉油比佢。再同我講下次咁樣要收錢。甘我明白開得舖頭係想賺錢，本人都從事飲食業，會明白飲食業的辛苦。但尼間野d雞係有雞味，但雞相反質感乾身及鞋口，配埋乾身既飯，無汁根本難以下咽，但因為地點方便所以一直去尼間買雞飯食，而唔去遠少少烔記冰室食（我食過一次，果度價錢相約，飯會願意免費加汁，甚至加豬手汁！味道更好！）。但一直以來我加汁，那些職員從來都沒說要加錢，亦沒在餐單上表明。所以如果加錢先有得加汁，我都會照加，甚至不介意把汁料倒埋係啲飯度。但個問題係職員的態度，比我覺得佢係厭麻煩先至甘同我講。仲有每次我中午買飯，d湯好濃郁及質感厚身，而且至少有一整碗，但夜晚反而得半碗，而且是水汪汪，明眼都知用水稀釋過，淡