西貢街頭越南牛肉粉

营业中

休息中

第一次食呢間越南野，見到個菜單好似都幾多同出邊唔同嘅嘢可以點，咁就試咗小小啦。拼盤都幾抵食，樣樣都有啲，而且春卷過來函都幾好幾足。生牛肉湯可就好多肉，個粉都好滑。嘢飲都幾多特色咖本來想試下生雞蛋咖啡，但係真係有少少爬，自己接受唔到。絕招叫咗個珍多冰真係好，冰島椰汁泡足啲果凍都可以冰冰咁嘅味道好好食啊！

行過克街見到呢間越南餐廳 係門口望見個大餐牌 啲野食睇落好似好好食咁 就入咗去試下 入到去感覺都乾淨整齊 咁我就嗌咗一個河內蕃茄蟹河粉 點知呢個出到黎湯唔夠熱 蟹亦唔新鮮 真係極之失望

中午午餐人不算太多，廚房應該唔會太忙，但不知為何叫了碗綜合湯金邊粉，當送到桌上，粉是碎的，湯不夠熱，生牛肉怎燙熟？這還不止，同事叫了碗生牛肉牛腩河，竟然只有生牛肉！跟餐飲品等十幾分鐘都没來，怎樣回事，真係冇下次！反而值得欣賞的是樓面態度，積極跟進。

西貢街頭放工想同朋友黎個輕食就返歸抖抖，路經灣仔克街呢間越南嘢，睇落坐得幾舒服咁。兩個女仔夜晚唔想食澱粉質，叫咗個小食拼盤同燒牛柳拼柚子沙律。🥗小食拼盤有春卷、扎肉、豬肉串、越南米卷。最出色係豬肉串，豬肉肥瘦均勻，味道惹味。炸春卷外皮薄脆，餡料多，有肉碎、粉絲、木耳同紅蘿蔔絲。米卷裏面加咗九層塔，比平時嘅米卷冇咁單調。🥩估唔到燒牛柳有啲驚喜，牛肉味濃，裏面仲係粉嫩顏色，淋上洋蔥汁都好夾。柚子沙律加咗好多炸蒜片、青瓜同洋蔥，仲有特製烹調嘅醬汁，幾特別。

今日中午放飯 行過見到有間越南餐廳 便決定入去試下 坐低之後打開個餐牌 望見食物種類都唔少 有撈檬同湯粉 仲有飯類 我今次就叫咗一個牛丸河 牛丸食落都爽口彈牙 而鳳爪酸酸辣辣幾好食 更係無骨 食落好方便 而服務方面 由入到去直至到埋單走人 店員方面感覺都幾好 會令人再想幫襯☺️

呢度嘅裝修都好光猛，亦都好多卡位選擇，地方都算乾淨企理，服務員嘅態度都好好。今次叫咗一碗生牛肉河，十分之大碗，有成五六片生牛肉，每塊都成個碗咁大塊，最鍾意就係個湯底，飲完成碗都唔會口渴，加埋有好多香草同洋蔥，增加層次感。

Despite it being just T3, it was very windy and cold and it made me crave a warm bowl of pho. I usually struggle between ordering banh mi and pho when I'm at a vietnamese restaurant. Since I was rather hungry, why not both?Street raw beef pho $68They were very generous with their beef, I counted at least 6 slices. Loved how the raw onions added another layer of freshness and the crunchy texture matched perfectly with the deep broth. The broth had a sweetness to it and I managed to finish most of

由於公司喺附近，呢間越南餐廳食物質素不錯，係我跟同事午餐嘅好去處，但以後不會再想幫襯！！主要原因係侍應態度太差。那位紮辮子的，又穿着穿窿牛仔褲的，看起來像太子女多過像侍應的樓面，我想她應該是老闆的親戚？因為態度實在太傲慢，只管站在門口，叫她拎杯水，卻一副不耐煩的樣子，然後當聽不到，態度極差！希望餐廳或老闆可以管理下，否則客人只會越來越少。

途經克街,見到間很顯眼的越南餐廳,便順便份外買,點了份生熟牛肉河及春卷小食,味道不錯,跟我四年前在越南胡志明市品嚐的地道pho很相似,春卷也做得非常不錯，值得一試。唯一不足是侍應生態度，那位年輕女性侍應在門外太大聲地大叫外賣號碼，有啲似潑婦罵街,令人反感。

與好友行街街 ,近灣仔克街地鐵站,找到一間吃 越南菜的 餐廳 .....西貢街頭...內裏裝修 清雅整潔 ,食物價錢實惠,下午茶 份量大大， 包括飲品 ，而且 可以以優惠價錢 配加一款小吃， 食物味道很好，誠意推薦俾大家。綜合湯河....HK$58材料非常豐富有生牛肉 ，牛骨， 牛丸， 芽菜 ，河粉 爽滑有口感 ，湯底味道清香， 新鮮 牛丸彈牙好味，牛肉 新鲜甘香， 真是想吃多一碗。牛丸湯河.....HK$46迷你牛丸彈牙爽滑，好味道，河粉滑而不 膩，牛骨湯底 清香鮮味， 大大碗足夠飽肚又抵吃。好味炭燒豬頸肉.....HK$38金香 美味爽滑， qq彈牙 ，酸甜醬汁更能帶出豬頸肉嘅新鮮味道， 醒胃 令人吃不停。清遠蒸粉包.....HK$26粉包的粉皮 滑滑的， 加上魚露更能帶出粉包嘅清甜味道，好吃， 內裏餡料有豬肉和木耳， 一點也不油膩很好味。飲品是....椰汁珍多冰，濃香椰汁 ，冰冰凍凍 夏日首選 咸柑橘話梅熱飲.... 酸酸甜甜 醒胃又 好味而且非常解渴， 極推薦。

整體野食還可以，d 河粉比其他野食好d，不過d 侍應個個唔想做多，好似驚死人叫咁，有個靚女侍應得個款靚，郁都唔想郁咁。唔想做就去選香港小姐，認真服務唔得。唔會想再幫襯。

今日中午諗住搵餐廳食飯嘅時候 行過克街 見到呢間餐廳門口有好多人 都拎咗飛係度等 見到有咁多人等 令到我都有啲想試下呢間餐廳 等咗一段時間 入到餐廳之後 首先係店員 店員服務態度親切有禮 之後呢個順化亦好好食 唔會太辣 啱曬我呢啲鍾意食辣嘅人 而肉質亦幾彈口 口感唔錯 總括而言 係一間好唔錯嘅餐廳

公司附近有間越南餐廳，經過望落好似幾光猛，見好耐冇食越南野就入咗去食晚餐啦～店員服務態度好，親切有禮👍🏻燒醋肉伴越南檬粉（奥巴馬粉〕$82湯底酸酸甜甜好開胃，檬粉滑脫脫又幼身而且好掛湯～燒醋肉半肥瘦，好邪惡🙈 份量適中～特色綜合牛肉粉 $82分別有生牛肉、牛腩片、牛肉丸，浸咗湯嘅半生熟牛肉，滑嫩而且牛味濃郁～ 牛腩片亦都好入味，口感軟嫩～ 牛肉丸就冇乜特別～湯底唔算太濃郁，清清甜甜～加埋辣椒同青檸汁更加清新👍🏻

門口收銀的壹個比較年輕的女性對說普通話的顧客態度及其不好，表示希望其用普通話或者英語溝通後完全不理會，而且顯示出極度的不耐煩，壹直各種無語的肢體語言我和我的朋友是不會再來了，當然這位女士估計也不在意希望店家可以管理壹下

一個人的晚餐昨日放工自己起灣仔到行下，唔知食咩好，見到間越南湯河專門店，就入去試下☺️入面裝修都幾有特別，晚算多人，性價比都高。我叫左一個河內蕃茄蟹檬 $78我覺得有驚喜，因為喺個餐牌度睇唔出原來個蟹係咁大，仲有好多唔同嘅配料，例如魚蛋、蕃茄、扎肉、碎肉蛋，真心唔錯。蕃茄湯濃，係用真蕃茄熬製👍🏻另外叫咗一杯話梅飲品酸酸地咁樣，幾開胃，唔錯😀總結：餐廳侍應態度幾好，環境唔錯。如果有機會都想試埋佢其他嘅嘢食，見到好多嘢食都好有特色，好吸引