西貢咖啡餅店

营业中

休息中

每逢假日都鍾意去西貢出走一下~ 係附近食完野，幾飽都要歎返個西貢最出名既菠蘿包！無論係咩時候去都會大排長龍，眼見店員係咁拎一盤盤出爐既菠蘿包出黎，夠哂新鮮熱辣辣！♢ 🍍鮮牛油菠蘿包 $18菠蘿包有牛油同走牛油揀，一場黎到緊係要試佢最出名既冰火交融菠蘿油啦，夠哂邪惡！菠蘿包外形飽滿，脹卜卜又夠金黃色，非常之靚！菠蘿皮好脆口，包身夠鬆軟。中間夾左塊厚切冰凍既牛油，因為個包太熱既關係，牛油慢慢溶落個包度，充滿牛油香味，又香又正！♢ 🇵🇹葡撻 $15外表好吸引，仲散發住好香既烤焗味！面層烤得金黃，食落去係嫩滑又香濃既蛋漿！個酥皮底層次分明，酥脆鬆化，每一口都好滋味！好食既菠蘿油買少見少，鍾意食既話真係唔好錯過呀！溫馨提示，店舗只接受現金架~

西貢咖啡餅店喺西貢屹立咗好多年，雖然只係一間小店，但每次去都好多人排隊。而我每次經過都會買佢哋新鮮出爐嘅菠蘿包同葡撻😍🥧葡撻 $15葡撻新鮮出爐熱辣辣，好香滑，有淡淡嘅奶味但唔會太甜，酥皮好酥脆，層次多但不會油膩，係最正嘅下午茶😋

作為葡撻愛好者，在葡萄牙旅行時最高紀錄一天吃掉三個，但不懂吃的我，在葡萄牙之旅的最後一天，定下結論：還是香港某連鎖快餐店的出品更好吃。❝葡撻❞ | $15葡撻的份量巨型，下午茶或者掃街時吃一個已經很飽肚，價格雖然經過被人詬病，但其實以這份量來說已算是很划算。酥皮走千層酥鬆化路線，是那種咬一口會碎一地的質感，牛油香不算是很突出，但表面頗多油份，吃完滿手都是油，蛋漿滑溜，份量多，有淡淡的蛋香，甜度偏低，在新鮮出爐時熱辣辣吃一口，好滿足，不過坦白說，完食後的感覺與葡萄牙之旅的葡撻結論一樣啊。𓂃𓈒 𓂂𓏸 西貢咖啡餅店 𓏸𓂂 𓈒𓂃西貢海傍廣場2號金寶閣6-7號舖地下西貢小巴總站／3mins每日07:00 - 21:30#17西貢#17甜品尋找更多高質感食事提案⋯@17feelgood at your service ♡

諗住出海前食個靚早餐 就黎左呢間多人推薦嘅西貢人氣餅店食菠蘿油葡撻星期六早上八點都有幾檯人 但係包點都已經不是新鮮出爐 沒有熱騰騰的感覺 味道一般 非常失望😞.🐈.𝙎𝙪𝙢𝙢𝙖𝙧𝙮招牌菠蘿油同葡撻都味道普通 一般餅店水準傳說中嘅酥脆外皮亦都食唔出😣未到全香港最好食嘅程度.🐈.🌟菠蘿油 - $18🌟葡撻 - $15菠蘿油唔係熱騰騰的 導致成舊牛油一塊咁完全溶唔到價錢唔平 唔會再幫襯 冇咩特別🥺KFC葡撻都好食過佢🙊

西貢小巴碼頭附近嘅一間餅店，不時都會見到有人大排長龍，原來就係為咗佢🤣葡撻份量尚算巨型，$15一個可接受😎酥皮酥鬆化路線，咬一口碎一地嘅感覺🤣表面多油份但勝在蛋漿滑溜份量多，有淡淡蛋香，甜度唔算好甜🤣加上在新鮮出爐熱辣辣食特別滿足另外岩岩出爐嘅菠蘿包都好大好好食🤤🚩西貢咖啡餅店西貢海傍廣場2號金寳閻 6-7號舖地下#addifoodie #addifoodie西貢#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫#葡撻 #菠蘿包

讚1 葡撻的確係好味，外脆內焦香，菠蘿包都好鬆軟，基本功夫做得幾好彈1 排隊買嘢坐低既步驟都幾混亂下，唔講清楚真係跟唔足2 奶茶係英式風格，茶還茶奶還奶咁比客自己沖，坦白講都幾唔慣3 堅係貴 一個葡撻都成十五銀

今個星期又辛勞左五日，最期待就係去到weekend可以四圍去搵好野食，今日就黎到西貢，試一試哩度的人氣咖啡餅店☕️。一去到就見到十多人的人龍排隊買外賣，而小編就揀左堂食。🚨提提大家，最少需要買一杯飲品🧋先可以堂食。山長水遠過到黎，當然要點哩度的名物：冰火菠蘿油 & 葡撻🥧，仲叫左杯iced mocha 🥤慢慢嘆。冰火菠蘿油 ($18) (⭐️⭐️⭐️⭐️⭐️)眼見店員每隔幾分鐘就會出一盤新鮮岀爐熱辣辣嘅菠蘿包，每盤只焗6個，賣完再焗，脹卜卜的菠蘿包再加埋一塊厚切冰凍嘅鮮牛油，好邪惡😈，但見到牛油慢慢的溶喺菠蘿包內又好治癒呢🧈！菠蘿皮脆口又充滿奶油香味，包身夠鬆軟又唔會得空氣，怪不得吸引到咁多人幫襯啦！十分之推介！葡撻 ($15) (⭐️⭐️👌)暖暖的葡撻配上層層分明的酥皮，仲有焦燶的蛋漿，外脆內嫩滑，賣相亦相當吸引。酥皮食落真係好鬆脆，又唔會一食就散到周圍到係，但略嫌蛋香味唔夠突出，雖然比起某連鎖店的葡撻好食好多，但價錢就有點貴了。💸Iced Mocha ($35) (⭐️⭐️⭐️)哩杯朱古力咖啡就沒有特別，朱古力的比例稍高過咖啡，小編就唔特別推介畀大家啦。😂

入開西貢，就要一試人氣餅店 Sai Hung ❣️門口坐立左一個大大嘅麵包裝飾 而位置亦都係食街嗰邊 相當易搵👍當時去到大概有五個人排緊隊 等咗差唔多1~2分鐘鬆啲就已經買到不過發現舖頭加價，加得好犀利😟 見到有啲食評三月嘅時候先出嗰陣時都係收緊$14 一個葡撻 , 九月去到已經變咗$15價錢方面，我個人認為就性價比唔高🥸可以選擇堂食都好OK 但係記得一定要有買佢既飲品先可以葡撻$15鮮奶撻$15如果要二揀一嘅話，我會選擇食葡撻不過由於兩個撻唔係新鮮出爐食落去已經冇咗酥皮既脆 依兩個撻嘅餡亦冇帶比我覺得同出面既餅店有分別我未必會再有下一次食🧐

同家人覆診完，感恩結果還好，時間又尚早，梗係揸車入西貢人氣店食個tea，順便睇下西貢碼頭個邊艇仔有乜海鮮買，今晚加餸 !🥧葡撻 好多人大讚嘅葡撻，酥皮香脆，蛋漿香濃夠滑，不會過甜。🍞鮮牛油菠蘿包新鮮熱辣辣出爐大大個菠蘿包，與一大片牛油溶為一體，入口滋味無窮。☕️英式奶茶用茶壼上的英式錫蘭紅茶，自斟自飲，made it perfect ~或者今日係星期一，未見週末排隊買麵包個條長人龍～不過真心講，已經加左價都幾多~

星期日滑完水, 鬼咁肚餓但又怕食太多影響晚餐, 最好就係去食西貢名物-菠羅包啦!  4點落船未係西貢繁忙時間, 條隊唔係太長, 大約等左10分鐘左右就買到.  到排到隊時都係受唔住內心魔鬼嘅誘惑, 買左菠蘿油!  正如好多人所講, 店家真係長期好生意, 所以佢啲包真係買親都係新鮮出爐熱辣辣.  菠蘿包都係一貫咁好味, 麵包鬆軟, 菠蘿皮厚身夠脆口, 仲鋪滿晒成個包面.  但有得就有失, 因為個包真係好熱辣辣嘅關係, 所以夾喺中間嘅牛油已經係咁溶, 所以我影完相之後(其實張相都見牛油已經溶緊) 就快吞轟咁食晒成個包.  雖然我仲比朋友笑問我係咪好肚餓, 但食完都係滴左好多牛油喺膠袋底, 變相個包嘅牛油香味會淡左.  所以下次我諗我都係會食返菠蘿包就好了.

嚟到西貢 當然要試呢一度被譽為全港最好食嘅葡撻🤩真係好有驚喜🥳新鮮出爐嘅葡撻 外皮真係超級酥脆 牛油味仲好香🧡入面嘅蛋漿非常之軟滑 蛋香味仲好濃🥚仲有淡淡嘅椰子味🥥相當之特別

假日入到西貢 緊係試吓佢最出名嘅菠蘿油同蛋撻 中午去排隊排左差不多半個鐘 天氣又好熱有諗過要放棄 不過最後為咗美食緊係要堅持多陣 熱辣辣新鮮出爐好難唔好食 如果咁啱見到唔多人排隊一定要試吓

一早係酒店🏨食完自助早餐，咁12:00check out後都仲飽飽地，但點都要食埋個葡撻同吞拿魚🐟包先🤭🤭～～～葡撻～～～上次黎賣晒食唔到，今次可以試吓啦😄😄！外表非常吸引，極度吸睛嘅金黃色🤩🤩，咬開係酥皮底唔係太多層，但好酥脆🤭🤭，內裏蛋漿分量超多🥳🥳，佔有成個蛋撻起碼3/4以上😋😋，有好香濃蛋味，真係每次黎西貢都要食🤗🤗～～～吞拿魚🐟包～～～🤴🏻喺網上都話吞拿魚🐟包都係必食之選，內裏除咗有吞拿魚🐟醬之外，仲有大大粒嘅蛋白、粟米🌽，比起普通嘅吞拿魚🐟包冇咁單調😁😁🤴🏻好鍾意❤️，我就一般😅😅

今日去西貢玩結果等巴士要等幾個字咁就諗住買個包做早餐啦然後就醒起早排見到YouTube有人介紹西貢有間好出名好好食既菠蘿油咁我就Google下發現同巴士站超近咁我就出發去買早餐lu睇片介紹如果係星期六日或者繁忙時間就要排晒隊咁我平日朝早梗係唔使排啦去到我就買咗一個菠蘿油（$18)都算少少貴但見佢咁大舊冰凍牛油個包又熱既又咁多人介紹咁就試吓佢啦我就覺得個菠蘿油好好食個包好鬆軟上面啲菠蘿皮好脆又唔會好易甩配埋大大嚿凍嘅牛油真係不得了雖然少少貴但味道其實值得如果大家鍾意菠蘿油嘅真係唔好錯過（要排隊就另計啦）另外我都見到好多人有推薦葡撻佢嘅價錢仲進取$15 1個但我早餐嘅份量已經食唔到佢所以留返下次再試啦我一路買嗰時都見到個師傅一路拎啲熱辣辣嘅新鮮麵包出嚟

前日(8-7-2022 Fri)晏晝,同老公行完萬宜水庫後返市中心,落車行冇耐,就發現同事介紹嘅呢間,老公聽到老闆娘話葡撻啱啱出爐,令我諗起冇耐前喺尖沙咀四喜一模一樣啱啱遇到(食評係2022年6月15日刊登嘅呢篇:https://www.openrice.com/zh/hongkong/review/yeah-%E5%B9%B4%E8%BC%95%E5%90%8C%E5%82%B3%E7%B5%B1%E9%83%BD%E6%9C%89%E5%98%85%E9%A4%85%E5%BA%97-e4423780,而我哋見到有位,於是都買喺喥食,由於我唔餓,所以我都只係黐食,而我聽到老公要葡撻,菠蘿油同乳酸沙冰,盛惠$65.00,嘩!咁貴嘅?我哋就開餐,我睇到乳酸沙冰要$32.00,咁另外兩樣嘢又幾錢?我上嚟睇其他人嘅食評,就發現原來分別係$15.00同$18.00咁誇張.我先食葡撻,熱騰騰,撻皮超脆,同樣蛋滑,唔太甜,唔甜到我唔覺佢係葡撻.味道:4分而菠蘿油呢?我講過我唔餓,但竟然一食覺得好食,面好脆,個包微甜,我竟然追住食.味道:5分乳酸沙冰,味道正常不過,不過呢日真係好熱,我哋飲咗兩啖,