影片
约咗几个朋友食饭，火锅撚无位，见到呢间有啲小炒谂住试下，坐低冇耐，就有个女职员主动行过嚟落单。个女职员态度好好，又介绍菜又推荐啤酒优惠😍我哋都叫咗4-5样+几支啤酒。点知有个怀疑系老板嘅男人，态度劲差，无啦啦抢住落单+话个女职员使咩介绍咁多野，落单又唔耐烦😐𠮶阵6点几，得1,2枱客，上菜都算慢，食物质素就可接受，正常偏咸少少，不过送酒都ok，啤酒买一送一确实好抵。如果老板肯以身作则会更加好🫢
继续阅读
近期石塘咀好多茶餐厅都执笠，冇乜得选择就入咗呢间开咗唔系好长时间嘅茶餐厅，有点战战兢兢因为知道石塘咀好食嘅餐厅真系唔多。价钱又相对贵， CP值极低。咁坐低睇个早餐餐牌，有几款野拣，最后点左图中那份。以前屈地街潮苑未执笠嘅时候都会去食早餐，价钱平啲，质素都OK。咁就讲返个早餐，蕃茄排骨意粉。个汤好水，都唔算系咩蕃茄汤，排骨有几粒，冇乜太特别。两旧劲大嘅薯仔最后我都冇食。餐包系冻嘅连放落微波炉都冇丁丁，炒蛋OK。问我会唔会再去食，我谂我唔会。只可以讲蜀中无大将 廖化作先锋！
继续阅读
呢间餐厅日间主力提供早餐、常餐、午餐、特餐同下午茶🍳而晚间就做小菜，食客仲可以自己买海鲜交俾佢地加工，非常方便🤩💗避风塘鸡翼($78)鸡翼炸至金黄香脆，食落嫩滑有肉汁🐥加入椒盐、炸蒜同辣椒爆炒，味道辛辣惹味🧄💗豉汁煮白鳝($138)白鳝肉质结实爽弹，鱼骨分明，食落冇鱼腥味🦈加入豆豉、蒜蓉同葱花一齐蒸，酱汁香浓入味🥢💗头抽豉油皇虾($138)大虾爽弹牙鲜甜，充满浓郁嘅酱油香，虾头仲有少量甘香嘅虾膏🦐💗水煮牛肉($118)汤底以青椒、花椒、干辣椒、豆瓣酱等材料炒香后煮成，味道麻辣鲜香，红油铺面🌶牛肉片份量十足，食落软腍入味🐂配料嘅豆卜吸汁力强💗咕噜肉($78)半肥瘦猪肉块炸至外层香脆，内里肉质弹牙松化🐖 酱汁酸甜开胃，茄汁味突出🍅另外加入菠萝🍍、彩椒🫑同洋葱🧅
继续阅读
去冰室食嘢通常都系茶餐多🙆♀️朋友介绍话呢度可以买海鲜🦞加工又近佢，就试试佢座位唔太多但都坐得舒服同企理😎一坐低有例汤饮，唔味精，够味，掂💪🏻先上咗个上汤龙虾🦞先，（自己买嚟加工）个汁味道好夹好恰当，唔太重味又好夹到个龙虾肉质、鲜甜😋配煎米粉都系第一次试，相对配伊面底感觉较轻盈冇咁滞，龙虾功夫多又考功夫，感觉拍得住中高档酒家水准💪🏻再蒸埋个扇贝（自己买嚟加工）😜除咗本身材料要新鲜都要蒸嘅时间拿捏得准确好鲜甜唔韧，尖椒好夹个扇贝😋有海鲜又点少得试吓啲鸡呢，鸡一啲都唔胶，口感实在同似返只鸡，夹埋葱油同剁椒一齐食好好味😋豉油好香，好耐有食过好食嘅鸡🥺再嚟煎藕饼，好香脆唔算油腻，莲藕同莲藕之间有层肉夹实，卖相好吸引，口感好丰富好惹味，份量刚好！咕噜肉😜呢样都好考功夫，都相当够水准外脆内里都够腍够入味，肥瘦适中，甜酸适中好开胃😋到简单清淡嘅嘢，炒个西兰花🥦，要炒得好其实都唔简单🙈都好爽口又够蒜香炒得好，水准睇嚟都好稳定豉油皇炒面做完结，够晒满足😍镬气够，唔会好多油🤪好多芽菜好味！今晚呢餐好满足，冰室嚟讲水准算相当高，份量同价钱都好合理，员工有礼貌、服务ok😚有机会会再嚟😋唔太记得每人呢餐夹几钱，但各样𩠌菜同海鲜加工收费都非常合理，开心嘅晚上☺️
继续阅读