西樹泡芙 (朗豪坊)

营业中

休息中

今天是Honey的正日生日，但是，他的工作排得密密麻麻，連放工後也有別的工作等著他。雖然，稍後才補吃生日飯，但是，生日呀！ 總得要吃一點甜甜的。經過旺角地鐵站，看到北海道泡芙，我們不約而同地說：不如先吃一個甜品吧！我們買外賣，打算在駕車時在車上吃。他選了北海道牛奶原味泡芙，我就選擇半熟芝士撻。雖然行了一段路，待行到庭停車場才可以吃泡芙。但是，泡芙仍然很鬆脆 ！北海道牛奶忌廉，沒有因為時間久了，忌廉塌下。 還很挺身！很creamy ！而且，牛奶味非常香濃！ 非常香滑！好好味！而我選的半熟芝士， 雖然芝士它很細。 但是， 一咬下去 ，酥皮香脆， 芝士極香濃！ 而且，因為半熟的關係，芝士醬流出來，同樣很好味！雖然沒有正式切一個蛋糕，但是，這兩款甜品已經很心滿意足。補充：由於是外賣， 這店用紙袋 。但吃起來，就不太方便。 我建議：如果像pie and tart 店般，用的是短而挺身的紙袋，就方便客人進食了！

北海道牛奶布丁泡芙 💲 21 @ Choux Creme每逢行過旺角地鐵站，都會聞到牛油香味，定力差少少就好容易乖乖奉上銀包買返幾個黎食。今次買既係牛奶布丁泡芙，泡芙內加入忌廉同牛奶布丁。忌廉同牛奶布丁既奶味好突出，而且兩者質地都好細滑。可惜泡芙不夠脆身，相較下，k都係比較鐘意黃色叔叔既泡芙。

今日行過泡芙店，同男友買左兩個泡芙食，買左吉士泡芙同芒果乳酪泡芙。吉士泡芙糖粉分佈ok，微甜，不過外皮較硬，令口感感覺差左d。吉士餡多，滑溜甜。芒果乳酪泡芙乳酪本身帶微甜同微酸，刺激味蕾，芒果甜度一般，不過幾大粒，相對難突出個甜味同口感。

係朗豪坊經過比佢既香味吸引左埋去，一望見到櫃入面有乳酪泡芙加上又口痕，即刻買番個試試先。芒果控就緊係揀芒果乳酪泡芙啦。芒果乳酪泡芙 用左乳酪代替左cream食落無咁heavy，而且乳酪有少少酸同芒果好夾仲有少少糖粉舖係泡芙外層，食落更加好味，又唔太甜，d芒果肉同乳酪有少少凍，mix埋一齊真係似食雪糕咁。可能唔係灶芒果唔係好甜，而且果肉幾少。但整體黎講真係好食。

同朋友行過聞到陣香味，就俾佢吸引左埋去，平時食開意大利芝士泡芙，但一望見到櫃入面有乳酪泡芙就忍唔住買左士多啤梨乳酪泡芙芒果乳酪泡芙用乳酪取代cream令到成件puff食落無咁heavy，而且乳酪既微酸同生果好match偷食左朋友個puff一粒士多啤梨，遺憾既係士多啤梨過左當造季節所以較酸，而自己既芒果乳酪泡芙真係好好食，芒果都好甜，整體黎講真係好好食!!!

甜品類一向在我心目中是一種美食,佔了一個重要的地位,今日早收工,在旺角轉van,看到呢間麵包店,本來走過左,但自己又走返轉頭買了數個特色泡芙做下午茶,包裝盒美觀,細心貼明食用日期,滿10個印送一個原味佢地泡芙有個特色,多是跟布丁,忌廉,外脆內嫩,又香又甜,其中北海道牛奶布丁泡芙更是非吃不可,有濃郁牛奶味又有布丁的滑滑口感,是不錯得選擇,而另外一款法式焦糖蛋泡芙也是唔錯,蛋味香甜,款款都大大個,又美觀又好吃 朱古力忌廉北海岸牛乳士多啤梨忌廉法式焦糖蛋中間大多有布丁

Choux Creme周圍都有分店，而今次食呢間位於朗豪坊入面，雖然鋪頭細細，但都有好多味道選選擇。我擦咗最傳統嘅Custard Puff。食落口外層口感鬆脆，有一層糖粉鋪面，少少甜。入面有超級多嘅吉士，吉士香濃軟滑，仲加入了雲呢拿香草。如果買返屋企，可以試下叮熱食。不過我都係鐘意凍食多啲！

細個果陣係麵包鋪食得最多既應該係泡芙啦，見到佢外形細細粒，中間有白雪雪既忌廉，兩啖就可以ko一粒，果陣時已經覺得食到泡芙係件好幸福既事啦。不過人大左先知咩叫天外有天記得第一次經過間鋪既時候，真係比一粒粒既泡芙嚇親我，點解個體積仲大過我平時食開既蘋果既？！終於抵受唔住誘惑要買粒黎試下啦，首先講個泡芙皮，一般去麵包店或者自己係屋企整，都冇可能整到咁大粒先，其次，口感鬆脆，有一陣陣蛋香同埋牛油味。而且明顯睇到控制爐溫方面做得好好，完全冇焗焦味。泡芙既靈魂出場啦，就係配搭既餡料，普通既固然係甜忌廉啦，而呢間鋪用既係'卡士達醬'，製造既過程遠遠比甜忌廉複雜，係呢一刻真係要真心講一句'一分錢；一分貨' 呢個醬既口感富有層次，而且帶出雲呢拿既香味，令人回味無窮，加上水果既配合，可以當裝飾之外，更加可以減少顧客感到'漏'既感覺。希望你地經過都不妨試下啦

魔鬼甜品早前男友人LKH約女友人DC,男友同我上佢屋企食晚飯,最後約o左尋(4-4-2014 Fri)晚,我知道有10個人後,就買啲甜品上o黎啦,買邊間o既好?美心東海堂o個啲?唔好喇.唔…cup cake,舊年啲同事走係咁請食cup cake,我記得銀城廣場有間,於是行去睇,$18.00一個正常size o既,而賣剩o既花唔多亦普通,且cup cake作為飯後甜品可能會太heavy,都係泡芙吧,泡芙雖然大舊但冇咁滯.好,行去朗豪坊地庫搵,o黎到,剩返o既款亦唔多,價錢由$16.00-$19.00不等,我揀o左只剩一件o既士多啤梨,兩件芒果,兩件北海道牛乳,兩件朱古力曲奇,兩件黑朱古力同一件朱古力脆皮,合共$184.00.我o地食完飯後就拎出o黎食喇,大家一窩蜂攞o黎食(所以冇影相),最後我攞o左朱古力曲奇食,佢o既cream好滑唔太甜,泡芙口感亦鬆脆.而因為LKH細女呢晚仍要上堂,咁就剩返一件士多啤梨,點算呢?個個都話唔食,雪住佢?會唔好食o架,攞刀切開佢啦,LKH太太切開四份,佢自己食一份,我同男友又各自食一份,原來…士多啤梨泡芙係一般,冇咁好食.而最後o個份迫o左DC食. 服務:

早前以$22購Choux Crème 戀人一雙一對芭芙禮券, 白之辛辣戀人芭芙及杏仁榛子忌廉芭芙。先試白之辛辣戀人芭芙, 店員早就做好一埋放係到, 所以一ORDER就即刻有得拎喇芭芙餡料好多, 唔可以一口咬哂, 要分開幾啖, 變左唔可以試到佢個層次感, 因為我要分層咬上層係香滑既忌廉, 雖然未食已經覺得有罪惡感, 但又真係忍唔到口下層係有紅色一點點既餡料, 一咬落去就已經覺得好辣, 係堅辣...食甜品有辣味我都係第一次試, 感覺係幾有新鮮感但係談唔上好味喇芭芙質量保持到, 唔會好似上次我去另一分店買個個咁又硬又乾至於呢個白之辛辣戀人芭芙呢, 鍾意新鮮感既朋友不防一試既

冰也沒法解釋為何近期會愛上吃cream puff，只是有一天獨個兒路過Choux Creme的分店，忽然想買一個芭芙，吃畢，很是喜歡，便不定期的買來吃。冰現時最愛吃的朱古力脆皮芭芙。購買時，店員會問顧客是即時食用芭芙，或是外帶享用。若顧客即買即食的話，店員會用紙包包著cream puff，附以一張紙巾，給顧客立即享用食品。一口咬下，那層厚薄和甜度恰如其份的比利時朱古力脆皮，還真吸引。咬開芭芙，看看內裡有些甚麼。其實入面只得奶油。再多咬幾口，就會見到內裡的奶油是超多的啊。奶油的香氣和甜味蠻淡，多吃也不覺膩，但應會致肥。而且，芭芙多吃也不會有飽肚感，飯後享用也不怕撐破肚皮。芭芙雖然由凍櫃取出，但整個挺脆口，溫度也不會過低。部份味道可加熱食用，應該是冬日之選哩。若然好像冰一樣，希望稍後進食，可告知店員，他們會先用紙包包著cream puff，再放到紙袋內。紙袋以貼紙封口，並註明食用期限 (其實是即日喇)。

Saw Choux Creme again in MK and decided to grap one and see if it was better than the one I had yesterday!!I bought a puff as well as the hazelnut waffle!!The puff was much better than the one I had yesterday!! Despite the fact that the waitress just took it out from the display fridge, the texture of it was quite soft, not as hard as I thought and FINALLY... there were a lot of yellow sweet cream which fill up the whole puff. To me, that was the right proportion between the puff itself and th

是日有同事派散水餅，一早講好話要食PUFF，同事勁細心拎住一張餐牌似的紙問我地要咩味，呆左，勁多味可以揀。小妹選了最愛的草莓味，另一女同事揀了芒果乳酪。此PUFF外層鬆脆、內裡CREME既奶油味又濃又香又夠thick，口感實在豐富，加上新鮮草莓酸酸甜甜的去卻了那種像是很 '溜' 的感覺，真可以一次過吃兩三個啊！雖然小妹沒有親身到choux，但從其紅白簡約的包裝就可知道，它要走的路線了，相信時下少男少女都會十分喜歡這類食品啊！雖然一個puff既卡路里並唔野少，但當是下午茶偶爾放縱一下對自己好d，值得既

見到之前得食評好吸引專情由１０樓落到Ｂ２食泡芺，都有人排隊，但係都係等一陣去到之後冇晒好想試的焦糖燉蛋泡芺同牛奶布甸泡芺，好失望！！！考慮緊買唔買的時候，員工攞左一批新鮮的泡芺出來，好開心呀！又有得食ＬＡ！北海道牛奶布甸泡芺真係有牛奶布甸係裏面架！單買北海道牛奶布甸都要＄２０，呢個泡芺好掋食！北海道牛奶布甸又有好香濃的牛奶味！唔知係唔係用３。６北海道牛乳來整呢？個泡芺脆脆的，一脆一滑，配搭得好好值得推介！

雖然之前o既經驗唔係咁好 , 但每次經過呢間泡芙店 ,都會被陣陣o既香味吸引住 , 就好似今日經朗豪坊行落地鐵站經過呢間我未幫襯過o既分店 , 見到新推出o既斑蘭口味 , 仲有雪櫃裏面真係有焦糖布丁o既泡芙 , 都總係忍唔住買1. 斑蘭味~ 青綠色o既忌廉 , 真係好似平時食到o個 d 斑蘭蛋糕咁青 xd好有三眼仔 feel , 味道好香 , 有少少椰子味 , 說不出o既獨特軟滑o既斑蘭忌廉夾o係鬆化美味o既泡芙裏面 , 實在很不錯2. 焦糖布丁味~ 第一次o係沙田分店新開張o既時候食過完全唔覺有布丁 今次因為o係雪櫃見到有 " 真材實料 " o既製成品 , 當然不放過焦糖醬雖然唔多 , 但雞蛋布丁己經夠美味喇 , 好滑好香蛋味 , 先食左上層泡芙 , 小心翼翼咁拎好泡芙底 , 輕輕咬下布丁及底層可以見到布丁震騰騰咁 , 味道同泡芙果真相襯 , 食完立即改觀喇 xp## 泡芙小小一個 , 夾住像風一樣輕軟忌廉 , 食完唔會飽 , 盛惠 $ 17