西城水產海鮮火鍋放題

营业中

休息中

先生好鍾意食海鮮，所以去咗試。當日食中午套餐，海鮮大概有10款，有鮑魚、3款游水鮮蝦、蟹2款、東風螺，仲有青口翡翠螺。牛肉都係任食，有4款選擇，當中澳洲A5和牛有驚喜。菜類丸類都多選擇。當中竟然有鵝腸同鴨血。飲品方面都好多選擇，啤酒有四款，估唔到仲有黑啤。甜品有Häagen-Dazs，切餅蛋糕 ，乳酪&生果。侍應生服務好好喎～經常幫我哋換骨碟，又勤力加湯。可能新開，地方都好乾淨。唯一熱食選擇較少，有待改善。會再去～

堅尼地城近排啲食肆，不停開開關關，真係有啲慘不忍睹!最近開咗間海鮮火鍋放題，近近地過嚟試吓。午市火鍋放題可以食3小時。最平每位$168，有8款湯底，今日一行3人，點了壽喜燒鍋、菌菇鍋及花膠雞喎，老實講湯底嘅質素好普通、冇乜味。出邊有一個海鮮區，全部都係生猛海鮮，可以自己攞，包括蝦蟹蜆及鮑魚👍🏻另外仲有一啲自助區、有部份嘅熟食。另外亦有多款飲品。但係菜，本人有一啲意見，啲菜可唔可以做返好啲？好多都說到黃晒🤨同埋有啲雪到變咗透明。至於肉類真係好一般，希望改善下🙏🏻

食物環境服務OK啦，最好啲海鮮多幾轉啦，因為晏啲嚟就已經係冇晒啲蟹，同埋款式海鮮方面最好多款式，同埋入咗時間唔好咁希望有彈性囉變咗唔好規定嗰個時間入座就，時間咁我想食兩個鐘頭45分鐘，限死嗰兩段時間入座，希望有改進

餐廳剛開業，試試看，食物十分新鮮，海鮮可以自己撈，還有專人替你清潔。座位十分舒適完全沒有壓迫感最大驚喜是吃了一隻新鮮的蟹，打開時發現有很多蟹膏。十分美味。價錢不高，性價比高。