蠔灘 (已結業)

點了兩打生蠔。好新鮮好好味。但個鵝肝牛排非常失望。鵝肝是生的。還有血流出來紅紅的。牛無牛味。有進步空間。但一定會回來食返D生蠔。好滿足。服務員非常好禮貌和體貼。 加分！

本身住係香港仔附近既，平時行街經過見到OYSTIME都已經想試，趁著假日就試下set lunch同蠔啦🤣👍🏻男朋友都覺得生蠔好抵食即刻叫多兩隻南非生蠔😍😍

喺香港仔有間新西餐廳。專門食生蠔，仲要係又平又高質。每日都會有一款生蠔，只係$10一隻，可以任點，蠔身肥美飽滿，十分鮮甜。泰式青木瓜蟹棒沙律，酸酸地非常開胃。炸啤酒味薯條，香脆嘅薯條滲出淡淡嘅啤酒味，十分特別。墨魚仔墨汁薄餅，餅皮香脆，大量芝士，配料同芝士嘅味道十分配合。

今晚慶祝阿媽生日，佢喜歡食蠔，所以近近地來香港仔呢間試食，總共食左4打蠔，有$10隻的，念住甘既價錢會一般般但竟然有驚喜都新鮮同真係好抵食，亦試了$38隻的，海水味重同肥美，$58隻的更加新鮮同肥美，$78隻比$38同$58就更美味，真係一分錢一分貨。其他食物如pizza 同意粉都唔錯，因店主知道我們慶祝媽媽生日更送上甜品燉蛋同Tiramisu，而壽星女有特製心太軟。總體而言，在香港仔這區是間不錯的食蠔及晚餐的地方

終於恨到香港仔有間西餐， 梗係即刻去試下啦佢成間個環境都算企理， 但略嫌燈光過弱。啲食物水準以喺香港仔黎講已算唔錯， 特別係佢個risotto同spaghetti都較得幾岩味， 特別係個蝦spaghetti!重有果啲排類做得好juicy, 你真係見到有啲bar mark係塊豬度， 真係超好食但我有幾樣嘅不明。作為做西餐嘅restaurant, 佢個pizza點解會用外購嘅餅皮？我唔係食得出， 而係佢個餅皮有啲有規律嘅窿窿， 同埋佢塊餅皮真係淋到一個點, 雖則佢個意粉較得好味， 但我希望佢地做多啲， 就係用手工意粉.雖然食物上有不足， 但係佢嘅服務一流， 最抵讚嘅就係佢見到我着大縷就即刻比個籃我裝著滯係凳低， 真係好warm

時間快好多，嘢食係好好食嫁，啲職員服務刀好好10蚊蠔抵食氣氛十分滿意，入黎小朋友仲有禮物收，照顧得好好值得大家再去食 價錢就中上，不過食物係可以cover到 下次會再來

今日過來香港仔行下，一行入香港仔中心一帶就立刻被Oystime的大大大螢幕吸引左！發現原來係一間新開的生蠔吧！就試下啦！要先經過一條充滿時代感的樓梯！ig打卡好地點！一坐低就有侍應幫手倒水💧啦！餐廳都好大喔！有室內同半户外空間，咁就個個人都可以選自己喜歡的！🌬之後看下menu，第一頁就係生蠔啦！價錢唔算平喎💸！香港仔無選擇無計啦💁🏻‍♀️西餐少不了🐓肉🐖肉🐄肉同🐏肉！不過鐘意食魚魚🐟的我就無試到啦！今日的$10生蠔來自法國！我們都叫左半打試下！除了$10蠔，蠔吧當然仲有好多款❤️！我們選左3款，每款要兩隻試下！‼️到啦👏🏻👏🏻👏🏻！中間的6隻的就係法國的$10蠔！由左邊到右邊的係美國🇺🇸American Pearl，愛爾蘭🇮🇪Carlingford同法國🇫🇷的Gillardeau！一看size就見到價錢💰的確有分別！小食我們叫左香煎鵝肝！厚度，味道都幾好！🍎蘋果蓉好貼心！海膽三文魚籽配🦑墨魚汁意大利飯！跟想像中差不多👅！只是飯🍚可以更軟更綿更入味！北京填鴨pizza🍕!幾innovative! 不過只是吃到個汁同葱。。。北京田鴨🦆就無咩感覺啦！以野食🍽來講，生蠔比較出色，熟食🍝還不錯！期待將

香港仔少見有中檔餐廳，而且主打西式生蠔更從未見過，所以見新開一間食蠔的餐廳，立即去試一下。地點不在中心地帶，而且而上樓梯，不太方便老人家及BB車。但奇怪的是，當天我卻見到超過一位行動不方便的食客，還有超過一架BB車😂當天星期天有brunch 食，可惜選擇不多，但最開心是有全日早餐！雖然價格頗貴，全部都幾乎超過一百元，但整個香港仔中心除了McDonald,只有這兒有早晨全餐🙈朋友叫了medium rare的牛扒，但比想像中生，不過肉質尚算可以。全日早餐沒有特別，但我欣賞每枱都有水可以自己添飲。我們還叫了半打生蠔，法國的最好味，可惜餐廳未有酒牌，我們又沒有帶白酒。總的體驗尚算不錯，會再來試晚餐。

上個月19號，臨近聖誕節，約左3個舊同學去左OSYTIME食晚飯，香港仔終於有一間有生蠔食既西餐廳啦！好開心！！係facebook睇到佢地既生蠔只係 $10，忍唔住即刻要去試！不過由於新開張，好多人排隊，好彩有book位　環境唔錯，幾舒服，唯一美中不足係天花板樓頂有點低，不過都係無辦法既事～酒係我地自己係隔離百佳買入去既 haha聽講好似未有酒牌因為食生蠔點可以無白酒！海膽﹑三文魚籽 配墨汁意大利飯身為墨汁愛好者既我，一定必試啦！海膽配埋墨汁飯個口感好 Creamy份量我覺得係剛剛好，始終有海膽又Risotto，如果飯量太多會覺得有啲膩北京填鴨pizza幾特別既菜式～　朋友都覺得依到既pizza係OK既！上面鋪滿青瓜絲同蔥絲生蠔除左生蠔之外，仲有好多種焗蠔不過我地今次主要都係為左食生蠔而黎！我地4個人食，總共叫左兩打，好好笑，其中一位平時唔食蠔既朋友居然仲想再叫多一打，但比我地阻止左，因為實在太飽啦！！大家都認為依個價錢係超值，蠔都幾新鮮！香脆德國豬手睇相望落好似好少咁，但其實依碟野真係好大碟！！牛扒因為本人唔食牛既，所以唔記得依一碟係肉眼扒定係咩扒，根據朋友口中既食評，佢本身好似叫左

生蠔新鮮10蚊超抵食！係facebook見到專登搭車黎食生蠔, 本身睇完其他食評, 又啱啱食完另一間生蠔中伏之後都有d擔心, 結果出乎意料, 生蠔新鮮, 叫左一打之後再追加一打😆Lunch set 抵食, 味道都唔錯🤤$58意粉加湯同埋飲品, 係呢個裝修同環境之下真係算幾平。服務態度冇其他評論講到咁差, 我反而覺得幾好。從來冇寫食評既我忍唔住要寫黎支持一下。總括而言 非常滿意!!!!!!!!!!!!!!!!!!!!

本身煩緊徐夕去邊度食飯😣大時大節好多餐廳都會貴2-3倍，咁岩有朋友仔話香港仔有間蠔吧味道唔錯價錢又好抵，所以決定山長水遠由尖沙咀入去，好彩有地鐵交通都算方便，係金鐘轉港島綫去度黃竹坑站坐小巴 4M直到行幾分鐘。好遠已經見到大招牌，唔使擔心搵唔到😏舒舒服服坐低睇餐牌，坐位唔會太迫夾餐廳主打$10生蠔，叫1打仲可以升級一隻大生蠔，差唔多枱枱都叫呢個set我地兩個女仔食唔多無叫，叫左$38up 生蠔半打，由淡到濃一隻一隻咁食，雖然有少少凍，但食落好鮮甜唔錯，唔會有種腥感覺，因為之前係其他餐廳試過好驚😫牛扒正常Size味道唔錯，不過黃介辣太嗆，應該係品牌問題，係其他餐廳食過無咁嗆，至於配菜比較弱好有媽媽感覺😂可以考慮用貴少少配菜，始終份牛扒都要$3xx。飲飽食醉出返尖沙咀睇戲倒數，完美的一個晚上🎉

睇到網上介紹呢個餐廳$10隻生蠔好吸引, 仲要有優惠券每人送一隻生蠔, 所以就特登入香港仔一試。一開頭先叫一打生蠔試下先, 每叫一打生蠔會自動升級一隻做大生蠔。經理表示生蠔產地每日都唔同, 我地當日食既係來自法國。生蠔味道都幾鮮美, 唔算大隻但$10隻都好合理, 食唔到蠔殼碎。想食靚D既生蠔其實佢都有其他選擇, 但我地都係過下口癮所以$10呢款已經OK。食完之後我地再即時encore左一打。另外再叫左墨魚汁海膽魚子飯同4式芝士pizza。個飯淡味左d, 調味可以重手少少, pizza就唔錯, 芝士味夠重。當然唔少得呢個龍蝦配牛扒, 侍應會係你面前將芝士倒係龍蝦上面, 記得要趁熱食, 牛扒叫左medium rare, 真係3成剛剛好, 值得一讚。可能新開張關係, 經理服務態度非常熱情, 耐心介紹餐牌上既菜式, 希望可以繼續保持落去。

本身睇完其他人既post之後 對呢間餐廳評價有所保留 不過今日一試 卻比想像中好 今日係除夕（我30號先打去訂枱）還好6點仲有位可以訂 因為有bb及bb車關係 被細心安排坐邊位 可能時間尚早關係 早段食飯上菜速度都幾快 不過後加單就要等耐d 由於新餐廳關係 未有酒牌 所以可以自己帶去飲 整體來說 食物不過不失 生蠔新鮮 pizza就有d燶 蒜蓉包好好味個扁意粉好辣（因為叫果陣無留意係辣的）肉眼扒7成有點過熟 希望遲d會多d蠔揀 就更加好了

依間餐廳係 出po sell $10 生蠔，我都係睇到依個po所以山長水遠黎到依間餐廳試一試！（之前我從來未去過香港仔😂）依間餐廳唔難搵，有一個大大既招牌一望就望到，但上去餐廳要行一條幾長既樓梯，當日星期六同朋友一行三人訂左6:30，但去到都唔滿坐。一坐低就叫左一打$10 生蠔，剛開業仲免費升級一隻大生蠔蠔都算新鮮，$10 一隻真係有驚喜！跟住就係 推介既熱熔芝士龍蝦配牛柳侍應會喺你面前整啲芝士落去個龍蝦度，都係一個好好嘅影相位芝士味都好濃，好好味而牛柳我哋叫咗三成熟，出到嚟真係三成熟，好林好好食另外仲叫咗海膽三文魚子墨魚飯，個飯有啲辣辣地好惹味總括嚟講成餐飯都好好食，但唯一不足之處就係份量唔多

餐廳打正旗號賣蠔，西餐係配角我明，但亦不至於難食至此。首先是小食水牛雞翼，酸得嚟乾又冇味，仲要勁燶。之後主食叫咗個虎蝦龍蝦汁意粉，未食都知出事，因為碟粉一上檯，啲意粉發到脹哂，成碟粉一啲龍蝦汁味都冇。然後到牛柳拼鵝肝，牛柳我要八成，點知一切就標血水，鵝肝更是水狀要更換。附：一開始時，女店員一見我們拿著餐牌，就問我們吃蠔不，我們就不吃，然後她轉身就走了，速度之快，相當驚人。