蠔之神

营业中

休息中

鍾意食生蠔嘅朋友唔好錯過因為我真係覺得好鬼正平時食開啲大牌生蠔今次一於試吓啲平靚正$9蠔都幾抵食嘅海水味OK 其他就⋯⋯不過呢個都係去到舖頭叫足幾十隻先過癮平時食呢啲都兩三隻過吓癮就算唯獨$9真係叫做放肆咁點但係都係食返啲大路嘢好啲店裏面其他啲品種就唔係好啱我胃口大隻都算大隻大總覺得啲口味唔係好鍾意可能我都係啱食返啲大眾口味加上而家唔係冬天啲生蠔又的而且確唔算係肥嘅季節原諒佢啦平平哋行過路過都可以去試吓嘅特登就唔需要啦

呢一間蠔之神好耐之前已經聽啲group有推介過上次喺附近，去點知冇開門今次終於可以試一試-首先梗係講佢嘅$9蠔啦聽講今日嗰批係法國蠔嚟嘅唔算特別細，但係都唔話得係好肥算係咁啦，呢個價位都有少少爽嘅-另外就試咗幾隻其他品種Gilles masse同Tarbouriech都算係幾啱口味有少少Creamy又比較海水味重啲但係其他嘅我就覺得一般般啦-我見佢嗰度仲有一個海鮮set 有蠔有赤貝有牡丹蝦，仲有啲螺之類好似先係398 蚊下次一定要試吓，好似好鬼抵食

我哋一行兩人食咗一碟蜆味意粉、一碟龍蝦意粉，再加咗四隻當天嘅特價生蠔 當日嘅特價生蠔係來自紐西蘭嘅兩碟意粉都煮得好好味而且生蠔亦都不過不失 $9 隻嘅生蠔嚟講性價比算中高所以絕對會推介大家試一試呢一間新餐廳而我相信亦有機會再返嚟食呢間餐廳餐廳有一個位做得比較好嘅 雖然餐廳內部位置比較少 眼見只有三枱位可以坐食客 但店主無因為想做多啲生意而要求我哋同外面等緊嘅食客搭枱 所以唔會有茶餐廳嘅感覺 令食客覺得餐牌上嘅價錢物有所值

生蠔做緊$9.1隻，新鮮有海水味，係抵食嘅。午餐時段叫咗個惹菌鵝肝飯，有做折，送餐湯同嘢飲，值得一讚係個白蘑菇湯，飲得出唔係罐頭湯嚟嘅，用咗好多蘑菇磨碎煮嘅湯，質地唔太黏係我鍾意嘅口感。野菌鵝肝飯有兩件大大嚿鵝肝，野菌好香。飯就係普通嘅飯，唔係煙靭嗰種意大利飯，好好彩唔係我好憎嗰種好漏嘅汁。食完之後仲好舒服。初初驚午餐嚟食西餐要搞好耐，但最後趕返工嘅我都趕得切，出餐速度唔錯。如果冇折就小貴，晚餐時段可以做返就好好多啦